Chapter 90

vaiśaṃpāyana uvāca |
sa praviśya yathānyāyaṃ pāṇḍavānāṃ niveśanam |
pitāmahīmabhyavadatsāmnā paramavalgunā || 1 ||
[Analyze grammar]

tathā citrāṅgadā devī kauravyasyātmajāpi ca |
pṛthāṃ kṛṣṇāṃ ca sahite vinayenābhijagmatuḥ |
subhadrāṃ ca yathānyāyaṃ yāścānyāḥ kuruyoṣitaḥ || 2 ||
[Analyze grammar]

dadau kuntī tatastābhyāṃ ratnāni vividhāni ca |
draupadī ca subhadrā ca yāścāpyanyā daduḥ striyaḥ || 3 ||
[Analyze grammar]

ūṣatustatra te devyau mahārhaśayanāsane |
supūjite svayaṃ kuntyā pārthasya priyakāmyayā || 4 ||
[Analyze grammar]

sa ca rājā mahāvīryaḥ pūjito babhruvāhanaḥ |
dhṛtarāṣṭraṃ mahīpālamupatasthe yathāvidhi || 5 ||
[Analyze grammar]

yudhiṣṭhiraṃ ca rājānaṃ bhīmādīṃścāpi pāṇḍavān |
upagamya mahātejā vinayenābhyavādayat || 6 ||
[Analyze grammar]

sa taiḥ premṇā pariṣvaktaḥ pūjitaśca yathāvidhi |
dhanaṃ cāsmai dadurbhūri prīyamāṇā mahārathāḥ || 7 ||
[Analyze grammar]

tathaiva sa mahīpālaḥ kṛṣṇaṃ cakragadādharam |
pradyumna iva govindaṃ vinayenopatasthivān || 8 ||
[Analyze grammar]

tasmai kṛṣṇo dadau rājñe mahārhamabhipūjitam |
rathaṃ hemapariṣkāraṃ divyāśvayujamuttamam || 9 ||
[Analyze grammar]

dharmarājaśca bhīmaśca yamajau phalgunastathā |
pṛthakpṛthagatīvainaṃ mānārhaṃ samapūjayan || 10 ||
[Analyze grammar]

tatastṛtīye divase satyavatyāḥ suto muniḥ |
yudhiṣṭhiraṃ samabhyetya vāgmī vacanamabravīt || 11 ||
[Analyze grammar]

adya prabhṛti kaunteya yajasva samayo hi te |
muhūrto yajñiyaḥ prāptaścodayanti ca yājakāḥ || 12 ||
[Analyze grammar]

ahīno nāma rājendra kratuste'yaṃ vikalpavān |
bahutvātkāñcanasyāsya khyāto bahusuvarṇakaḥ || 13 ||
[Analyze grammar]

evameva mahārāja dakṣiṇāṃ triguṇāṃ kuru |
tritvaṃ vrajatu te rājanbrāhmaṇā hyatra kāraṇam || 14 ||
[Analyze grammar]

trīnaśvamedhānatra tvaṃ saṃprāpya bahudakṣiṇān |
jñātivadhyākṛtaṃ pāpaṃ prahāsyasi narādhipa || 15 ||
[Analyze grammar]

pavitraṃ paramaṃ hyetatpāvanānāṃ ca pāvanam |
yadaśvamedhāvabhṛthaṃ prāpsyase kurunandana || 16 ||
[Analyze grammar]

ityuktaḥ sa tu tejasvī vyāsenāmitatejasā |
dīkṣāṃ viveśa dharmātmā vājimedhāptaye tadā |
narādhipaḥ prāyajata vājimedhaṃ mahākratum || 17 ||
[Analyze grammar]

tatra vedavido rājaṃścakruḥ karmāṇi yājakāḥ |
parikramantaḥ śāstrajñā vidhivatsādhuśikṣitāḥ || 18 ||
[Analyze grammar]

na teṣāṃ skhalitaṃ tatra nāsīdapahutaṃ tathā |
kramayuktaṃ ca yuktaṃ ca cakrustatra dvijarṣabhāḥ || 19 ||
[Analyze grammar]

kṛtvā pravargyaṃ dharmajñā yathāvaddvijasattamāḥ |
cakruste vidhivadrājaṃstathaivābhiṣavaṃ dvijāḥ || 20 ||
[Analyze grammar]

abhiṣūya tato rājansomaṃ somapasattamāḥ |
savanānyānupūrvyeṇa cakruḥ śāstrānusāriṇaḥ || 21 ||
[Analyze grammar]

na tatra kṛpaṇaḥ kaścinna daridro babhūva ha |
kṣudhito duḥkhito vāpi prākṛto vāpi mānavaḥ || 22 ||
[Analyze grammar]

bhojanaṃ bhojanārthibhyo dāpayāmāsa nityadā |
bhīmaseno mahātejāḥ satataṃ rājaśāsanāt || 23 ||
[Analyze grammar]

saṃstare kuśalāścāpi sarvakarmāṇi yājakāḥ |
divase divase cakruryathāśāstrārthacakṣuṣaḥ || 24 ||
[Analyze grammar]

nāṣaḍaṅgavidatrāsītsadasyastasya dhīmataḥ |
nāvrato nānupādhyāyo na ca vādākṣamo dvijaḥ || 25 ||
[Analyze grammar]

tato yūpocchraye prāpte ṣaḍbailvānbharatarṣabha |
khādirānbilvasamitāṃstāvataḥ sarvavarṇinaḥ || 26 ||
[Analyze grammar]

devadārumayau dvau tu yūpau kurupateḥ kratau |
śleṣmātakamayaṃ caikaṃ yājakāḥ samakārayan || 27 ||
[Analyze grammar]

śobhārthaṃ cāparānyūpānkāñcanānpuruṣarṣabha |
sa bhīmaḥ kārayāmāsa dharmarājasya śāsanāt || 28 ||
[Analyze grammar]

te vyarājanta rājarṣe vāsobhirupaśobhitāḥ |
narendrābhigatā devānyathā saptarṣayo divi || 29 ||
[Analyze grammar]

iṣṭakāḥ kāñcanīścātra cayanārthaṃ kṛtābhavan |
śuśubhe cayanaṃ tatra dakṣasyeva prajāpateḥ || 30 ||
[Analyze grammar]

catuścityaḥ sa tasyāsīdaṣṭādaśakarātmakaḥ |
sa rukmapakṣo nicitastriguṇo garuḍākṛtiḥ || 31 ||
[Analyze grammar]

tato niyuktāḥ paśavo yathāśāstraṃ manīṣibhiḥ |
taṃ taṃ devaṃ samuddiśya pakṣiṇaḥ paśavaśca ye || 32 ||
[Analyze grammar]

ṛṣabhāḥ śāstrapaṭhitāstathā jalacarāśca ye |
sarvāṃstānabhyayuñjaṃste tatrāgnicayakarmaṇi || 33 ||
[Analyze grammar]

yūpeṣu niyataṃ cāsītpaśūnāṃ triśataṃ tathā |
aśvaratnottaraṃ rājñaḥ kaunteyasya mahātmanaḥ || 34 ||
[Analyze grammar]

sa yajñaḥ śuśubhe tasya sākṣāddevarṣisaṃkulaḥ |
gandharvagaṇasaṃkīrṇaḥ śobhito'psarasāṃ gaṇaiḥ || 35 ||
[Analyze grammar]

sa kiṃpuruṣagītaiśca kiṃnarairupaśobhitaḥ |
siddhavipranivāsaiśca samantādabhisaṃvṛtaḥ || 36 ||
[Analyze grammar]

tasminsadasi nityāstu vyāsaśiṣyā dvijottamāḥ |
sarvaśāstrapraṇetāraḥ kuśalā yajñakarmasu || 37 ||
[Analyze grammar]

nāradaśca babhūvātra tumburuśca mahādyutiḥ |
viśvāvasuścitrasenastathānye gītakovidāḥ || 38 ||
[Analyze grammar]

gandharvā gītakuśalā nṛtteṣu ca viśāradāḥ |
ramayanti sma tānviprānyajñakarmāntareṣvatha || 39 ||
[Analyze grammar]