Chapter 6

yudhiṣṭhira uvāca |
pitāmaha mahāprājña sarvaśāstraviśārada |
daive puruṣakāre ca kiṃ svicchreṣṭhataraṃ bhavet || 1 ||
[Analyze grammar]

bhīṣma uvāca |
atrāpyudāharantīmamitihāsaṃ purātanam |
vasiṣṭhasya ca saṃvādaṃ brahmaṇaśca yudhiṣṭhira || 2 ||
[Analyze grammar]

daivamānuṣayoḥ kiṃ svitkarmaṇoḥ śreṣṭhamityuta |
purā vasiṣṭho bhagavānpitāmahamapṛcchata || 3 ||
[Analyze grammar]

tataḥ padmodbhavo rājandevadevaḥ pitāmahaḥ |
uvāca madhuraṃ vākyamarthavaddhetubhūṣitam || 4 ||
[Analyze grammar]

nābījaṃ jāyate kiṃcinna bījena vinā phalam |
bījādbījaṃ prabhavati bījādeva phalaṃ smṛtam || 5 ||
[Analyze grammar]

yādṛśaṃ vapate bījaṃ kṣetramāsādya karṣakaḥ |
sukṛte duṣkṛte vāpi tādṛśaṃ labhate phalam || 6 ||
[Analyze grammar]

yathā bījaṃ vinā kṣetramuptaṃ bhavati niṣphalam |
tathā puruṣakāreṇa vinā daivaṃ na sidhyati || 7 ||
[Analyze grammar]

kṣetraṃ puruṣakārastu daivaṃ bījamudāhṛtam |
kṣetrabījasamāyogāttataḥ sasyaṃ samṛdhyate || 8 ||
[Analyze grammar]

karmaṇaḥ phalanirvṛttiṃ svayamaśnāti kārakaḥ |
pratyakṣaṃ dṛśyate loke kṛtasyāpyakṛtasya ca || 9 ||
[Analyze grammar]

śubhena karmaṇā saukhyaṃ duḥkhaṃ pāpena karmaṇā |
kṛtaṃ sarvatra labhate nākṛtaṃ bhujyate kvacit || 10 ||
[Analyze grammar]

kṛtī sarvatra labhate pratiṣṭhāṃ bhāgyavikṣataḥ |
akṛtī labhate bhraṣṭaḥ kṣate kṣārāvasecanam || 11 ||
[Analyze grammar]

tapasā rūpasaubhāgyaṃ ratnāni vividhāni ca |
prāpyate karmaṇā sarvaṃ na daivādakṛtātmanā || 12 ||
[Analyze grammar]

tathā svargaśca bhogaśca niṣṭhā yā ca manīṣitā |
sarvaṃ puruṣakāreṇa kṛtenehopapadyate || 13 ||
[Analyze grammar]

jyotīṃṣi tridaśā nāgā yakṣāścandrārkamārutāḥ |
sarve puruṣakāreṇa mānuṣyāddevatāṃ gatāḥ || 14 ||
[Analyze grammar]

artho vā mitravargo vā aiśvaryaṃ vā kulānvitam |
śrīścāpi durlabhā bhoktuṃ tathaivākṛtakarmabhiḥ || 15 ||
[Analyze grammar]

śaucena labhate vipraḥ kṣatriyo vikrameṇa ca |
vaiśyaḥ puruṣakāreṇa śūdraḥ śuśrūṣayā śriyam || 16 ||
[Analyze grammar]

nādātāraṃ bhajantyarthā na klībaṃ nāpi niṣkriyam |
nākarmaśīlaṃ nāśūraṃ tathā naivātapasvinam || 17 ||
[Analyze grammar]

yena lokāstrayaḥ sṛṣṭā daityāḥ sarvāśca devatāḥ |
sa eṣa bhagavānviṣṇuḥ samudre tapyate tapaḥ || 18 ||
[Analyze grammar]

svaṃ cetkarmaphalaṃ na syātsarvamevāphalaṃ bhavet |
loko daivaṃ samālambya udāsīno bhavenna tu || 19 ||
[Analyze grammar]

akṛtvā mānuṣaṃ karma yo daivamanuvartate |
vṛthā śrāmyati saṃprāpya patiṃ klībamivāṅganā || 20 ||
[Analyze grammar]

na tathā mānuṣe loke bhayamasti śubhāśubhe |
yathā tridaśaloke hi bhayamalpena jāyate || 21 ||
[Analyze grammar]

kṛtaḥ puruṣakārastu daivamevānuvartate |
na daivamakṛte kiṃcitkasyaciddātumarhati || 22 ||
[Analyze grammar]

yadā sthānānyanityāni dṛśyante daivateṣvapi |
kathaṃ karma vinā daivaṃ sthāsyate sthāpayiṣyati || 23 ||
[Analyze grammar]

na daivatāni loke'sminvyāpāraṃ yānti kasyacit |
vyāsaṅgaṃ janayantyugramātmābhibhavaśaṅkayā || 24 ||
[Analyze grammar]

ṛṣīṇāṃ devatānāṃ ca sadā bhavati vigrahaḥ |
kasya vācā hyadaivaṃ syādyato daivaṃ pravartate || 25 ||
[Analyze grammar]

kathaṃ cāsya samutpattiryathā daivaṃ pravartate |
evaṃ tridaśaloke'pi prāpyante bahavaśchalāḥ || 26 ||
[Analyze grammar]

ātmaiva hyātmano bandhurātmaiva ripurātmanaḥ |
ātmaiva cātmanaḥ sākṣī kṛtasyāpyakṛtasya ca || 27 ||
[Analyze grammar]

kṛtaṃ ca vikṛtaṃ kiṃcitkṛte karmaṇi sidhyati |
sukṛte duṣkṛtaṃ karma na yathārthaṃ prapadyate || 28 ||
[Analyze grammar]

devānāṃ śaraṇaṃ puṇyaṃ sarvaṃ puṇyairavāpyate |
puṇyaśīlaṃ naraṃ prāpya kiṃ daivaṃ prakariṣyati || 29 ||
[Analyze grammar]

purā yayātirvibhraṣṭaścyāvitaḥ patitaḥ kṣitau |
punarāropitaḥ svargaṃ dauhitraiḥ puṇyakarmabhiḥ || 30 ||
[Analyze grammar]

purūravāśca rājarṣirdvijairabhihitaḥ purā |
aila ityabhivikhyātaḥ svargaṃ prāpto mahīpatiḥ || 31 ||
[Analyze grammar]

aśvamedhādibhiryajñaiḥ satkṛtaḥ kosalādhipaḥ |
maharṣiśāpātsaudāsaḥ puruṣādatvamāgataḥ || 32 ||
[Analyze grammar]

aśvatthāmā ca rāmaśca muniputrau dhanurdharau |
na gacchataḥ svargalokaṃ sukṛteneha karmaṇā || 33 ||
[Analyze grammar]

vasuryajñaśatairiṣṭvā dvitīya iva vāsavaḥ |
mithyābhidhānenaikena rasātalatalaṃ gataḥ || 34 ||
[Analyze grammar]

balirvairocanirbaddho dharmapāśena daivataiḥ |
viṣṇoḥ puruṣakāreṇa pātālaśayanaḥ kṛtaḥ || 35 ||
[Analyze grammar]

śakrasyodasya caraṇaṃ prasthito janamejayaḥ |
dvijastrīṇāṃ vadhaṃ kṛtvā kiṃ daivena na vāritaḥ || 36 ||
[Analyze grammar]

ajñānādbrāhmaṇaṃ hatvā spṛṣṭo bālavadhena ca |
vaiśaṃpāyanaviprarṣiḥ kiṃ daivena nivāritaḥ || 37 ||
[Analyze grammar]

gopradānena mithyā ca brāhmaṇebhyo mahāmakhe |
purā nṛgaśca rājarṣiḥ kṛkalāsatvamāgataḥ || 38 ||
[Analyze grammar]

dhundhumāraśca rājarṣiḥ satreṣveva jarāṃ gataḥ |
prītidāyaṃ parityajya suṣvāpa sa girivraje || 39 ||
[Analyze grammar]

pāṇḍavānāṃ hṛtaṃ rājyaṃ dhārtarāṣṭrairmahābalaiḥ |
punaḥ pratyāhṛtaṃ caiva na daivādbhujasaṃśrayāt || 40 ||
[Analyze grammar]

taponiyamasaṃyuktā munayaḥ saṃśitavratāḥ |
kiṃ te daivabalācchāpamutsṛjante na karmaṇā || 41 ||
[Analyze grammar]

pāpamutsṛjate loke sarvaṃ prāpya sudurlabham |
lobhamohasamāpannaṃ na daivaṃ trāyate naram || 42 ||
[Analyze grammar]

yathāgniḥ pavanoddhūtaḥ sūkṣmo'pi bhavate mahān |
tathā karmasamāyuktaṃ daivaṃ sādhu vivardhate || 43 ||
[Analyze grammar]

yathā tailakṣayāddīpaḥ pramlānimupagacchati |
tathā karmakṣayāddaivaṃ pramlānimupagacchati || 44 ||
[Analyze grammar]

vipulamapi dhanaughaṃ prāpya bhogānstriyo vā puruṣa iha na śaktaḥ karmahīno'pi bhoktum |
sunihitamapi cārthaṃ daivatai rakṣyamāṇaṃ vyayaguṇamapi sādhuṃ karmaṇā saṃśrayante || 45 ||
[Analyze grammar]

bhavati manujalokāddevaloko viśiṣṭo bahutarasusamṛddhyā mānuṣāṇāṃ gṛhāṇi |
pitṛvanabhavanābhaṃ dṛśyate cāmarāṇāṃ na ca phalati vikarmā jīvalokena daivam || 46 ||
[Analyze grammar]

vyapanayati vimārgaṃ nāsti daive prabhutvaṃ gurumiva kṛtamagryaṃ karma saṃyāti daivam |
anupahatamadīnaṃ kāmakāreṇa daivaṃ nayati puruṣakāraḥ saṃcitastatra tatra || 47 ||
[Analyze grammar]

etatte sarvamākhyātaṃ mayā vai munisattama |
phalaṃ puruṣakārasya sadā saṃdṛśya tattvataḥ || 48 ||
[Analyze grammar]

abhyutthānena daivasya samārabdhena karmaṇā |
vidhinā karmaṇā caiva svargamārgamavāpnuyāt || 49 ||
[Analyze grammar]