Chapter 103

yudhiṣṭhira uvāca |
jaitryā vā kāni rūpāṇi bhavanti puruṣarṣabha |
pṛtanāyāḥ praśastāni tānīhecchāmi veditum || 1 ||
[Analyze grammar]

bhīṣma uvāca |
jaitryā vā yāni rūpāṇi bhavanti puruṣarṣabha |
pṛtanāyāḥ praśastāni tāni vakṣyāmi sarvaśaḥ || 2 ||
[Analyze grammar]

daivaṃ pūrvaṃ vikurute mānuṣe kālacodite |
tadvidvāṃso'nupaśyanti jñānadīrgheṇa cakṣuṣā || 3 ||
[Analyze grammar]

prāyaścittavidhiṃ cātra japahomāṃśca tadvidaḥ |
maṅgalāni ca kurvantaḥ śamayantyahitānyapi || 4 ||
[Analyze grammar]

udīrṇamanaso yodhā vāhanāni ca bhārata |
yasyāṃ bhavanti senāyāṃ dhruvaṃ tasyāṃ jayaṃ vadet || 5 ||
[Analyze grammar]

anvenāṃ vāyavo vānti tathaivendradhanūṃṣi ca |
anuplavante meghāśca tathādityasya raśmayaḥ || 6 ||
[Analyze grammar]

gomāyavaścānulomā vaḍā gṛdhrāśca sarvaśaḥ |
ācareyuryadā senāṃ tadā siddhiranuttamā || 7 ||
[Analyze grammar]

prasannabhāḥ pāvaka ūrdhvaraśmiḥ pradakṣiṇāvartaśikho vidhūmaḥ |
puṇyā gandhāścāhutīnāṃ pravānti jayasyaitadbhāvino rūpamāhuḥ || 8 ||
[Analyze grammar]

gambhīraśabdāśca mahāsvanāśca śaṅkhāśca bheryaśca nadanti yatra |
yuyutsavaścāpratīpā bhavanti jayasyaitadbhāvino rūpamāhuḥ || 9 ||
[Analyze grammar]

iṣṭā mṛgāḥ pṛṣṭhato vāmataśca saṃprasthitānāṃ ca gamiṣyatāṃ ca |
jighāṃsatāṃ dakṣiṇāḥ siddhimāhurye tvagrataste pratiṣedhayanti || 10 ||
[Analyze grammar]

maṅgalyaśabdāḥ śakunā vadanti haṃsāḥ krauñcāḥ śatapatrāśca cāṣāḥ |
hṛṣṭā yodhāḥ sattvavanto bhavanti jayasyaitadbhāvino rūpamāhuḥ || 11 ||
[Analyze grammar]

śastraiḥ patraiḥ kavacaiḥ ketubhiśca subhānubhirmukhavarṇaiśca yūnām |
bhrājiṣmatī duṣpratiprekṣaṇīyā yeṣāṃ camūste'bhibhavanti śatrūn || 12 ||
[Analyze grammar]

śuśrūṣavaścānabhimāninaśca parasparaṃ sauhṛdamāsthitāśca |
yeṣāṃ yodhāḥ śaucamanuṣṭhitāśca jayasyaitadbhāvino rūpamāhuḥ || 13 ||
[Analyze grammar]

śabdāḥ sparśāstathā gandhā vicaranti manaḥpriyāḥ |
dhairyaṃ cāviśate yodhānvijayasya mukhaṃ tu tat || 14 ||
[Analyze grammar]

iṣṭo vāmaḥ praviṣṭasya dakṣiṇaḥ pravivikṣataḥ |
paścātsaṃsādhayatyarthaṃ purastātpratiṣedhati || 15 ||
[Analyze grammar]

saṃbhṛtya mahatīṃ senāṃ caturaṅgāṃ yudhiṣṭhira |
sāmnaivāvartane pūrvaṃ prayatethāstato yudhi || 16 ||
[Analyze grammar]

jaghanya eṣa vijayo yadyuddhaṃ nāma bhārata |
yādṛcchiko yudhi jayo daivo veti vicāraṇam || 17 ||
[Analyze grammar]

apāmiva mahāvegastrastā mṛgagaṇā iva |
durnivāryatamā caiva prabhagnā mahatī camūḥ || 18 ||
[Analyze grammar]

bhagnā ityeva bhajyante vidvāṃso'pi nakāraṇam |
udārasārā mahatī rurusaṃghopamā camūḥ || 19 ||
[Analyze grammar]

parasparajñāḥ saṃhṛṣṭāstyaktaprāṇāḥ suniścitāḥ |
api pañcāśatiḥ śūrā mṛdnanti paravāhinīm || 20 ||
[Analyze grammar]

atha vā pañca ṣaṭsapta sahitāḥ kṛtaniścayāḥ |
kulīnāḥ pūjitāḥ samyagvijayantīha śātravān || 21 ||
[Analyze grammar]

saṃnipāto na gantavyaḥ śakye sati kathaṃcana |
sāntvabhedapradānānāṃ yuddhamuttaramucyate || 22 ||
[Analyze grammar]

saṃsarpaṇāddhi senāyā bhayaṃ bhīrūnprabādhate |
vajrādiva prajvalitādiyaṃ kva nu patiṣyati || 23 ||
[Analyze grammar]

abhiprayātāṃ samitiṃ jñātvā ye pratiyāntyatha |
teṣāṃ spandanti gātrāṇi yodhānāṃ viṣayasya ca || 24 ||
[Analyze grammar]

viṣayo vyathate rājansarvaḥ sasthāṇujaṅgamaḥ |
śastrapratāpataptānāṃ majjā sīdati dehinām || 25 ||
[Analyze grammar]

teṣāṃ sāntvaṃ krūramiśraṃ praṇetavyaṃ punaḥ punaḥ |
saṃpīḍyamānā hi pare yogamāyānti sarvaśaḥ || 26 ||
[Analyze grammar]

antarāṇāṃ ca bhedārthaṃ cārānabhyavacārayet |
yaśca tasmātparo rājā tena saṃdhiḥ praśasyate || 27 ||
[Analyze grammar]

na hi tasyānyathā pīḍā śakyā kartuṃ tathāvidhā |
yathā sārdhamamitreṇa sarvataḥ pratibādhanam || 28 ||
[Analyze grammar]

kṣamā vai sādhumāyā hi na hi sādhvakṣamā sadā |
kṣamāyāścākṣamāyāśca viddhi pārtha prayojanam || 29 ||
[Analyze grammar]

vijitya kṣamamāṇasya yaśo rājño'bhivardhate |
mahāparādhā hyapyasminviśvasanti hi śatravaḥ || 30 ||
[Analyze grammar]

manyate karśayitvā tu kṣamā sādhviti śambaraḥ |
asaṃtaptaṃ tu yaddāru pratyeti prakṛtiṃ punaḥ || 31 ||
[Analyze grammar]

naitatpraśaṃsantyācāryā na ca sādhu nidarśanam |
akleśenāvināśena niyantavyāḥ svaputravat || 32 ||
[Analyze grammar]

dveṣyo bhavati bhūtānāmugro rājā yudhiṣṭhira |
mṛdumapyavamanyante tasmādubhayabhāgbhavet || 33 ||
[Analyze grammar]

prahariṣyanpriyaṃ brūyātpraharannapi bhārata |
prahṛtya ca kṛpāyeta śocanniva rudanniva || 34 ||
[Analyze grammar]

na me priyaṃ yatsa hataḥ saṃprāhaivaṃ puro vacaḥ |
na cakartha ca me vākyamucyamānaḥ punaḥ punaḥ || 35 ||
[Analyze grammar]

aho jīvitamākāṅkṣe nedṛśo vadhamarhati |
sudurlabhāḥ supuruṣāḥ saṃgrāmeṣvapalāyinaḥ || 36 ||
[Analyze grammar]

kṛtaṃ mamāpriyaṃ tena yenāyaṃ nihato mṛdhe |
iti vācā vadanhantṝnpūjayeta rahogataḥ || 37 ||
[Analyze grammar]

hantṝṇāṃ cāhatānāṃ ca yatkuryuraparādhinaḥ |
krośedbāhuṃ pragṛhyāpi cikīrṣañjanasaṃgraham || 38 ||
[Analyze grammar]

evaṃ sarvāsvavasthāsu sāntvapūrvaṃ samācaran |
priyo bhavati bhūtānāṃ dharmajño vītabhīrnṛpaḥ || 39 ||
[Analyze grammar]

viśvāsaṃ cātra gacchanti sarvabhūtāni bhārata |
viśvastaḥ śakyate bhoktuṃ yathākāmamupasthitaḥ || 40 ||
[Analyze grammar]

tasmādviśvāsayedrājā sarvabhūtānyamāyayā |
sarvataḥ parirakṣecca yo mahīṃ bhoktumicchati || 41 ||
[Analyze grammar]