Chapter 8

saṃjaya uvāca |
tataḥ pravavṛte yuddhaṃ kurūṇāṃ bhayavardhanam |
sṛñjayaiḥ saha rājendra ghoraṃ devāsuropamam || 1 ||
[Analyze grammar]

narā rathā gajaughāśca sādinaśca sahasraśaḥ |
vājinaśca parākrāntāḥ samājagmuḥ parasparam || 2 ||
[Analyze grammar]

nāgānāṃ bhīmarūpāṇāṃ dravatāṃ nisvano mahān |
aśrūyata yathā kāle jaladānāṃ nabhastale || 3 ||
[Analyze grammar]

nāgairabhyāhatāḥ kecitsarathā rathino'patan |
vyadravanta raṇe vīrā drāvyamāṇā madotkaṭaiḥ || 4 ||
[Analyze grammar]

hayaughānpādarakṣāṃśca rathinastatra śikṣitāḥ |
śaraiḥ saṃpreṣayāmāsuḥ paralokāya bhārata || 5 ||
[Analyze grammar]

sādinaḥ śikṣitā rājanparivārya mahārathān |
vicaranto raṇe'bhyaghnanprāsaśaktyṛṣṭibhistathā || 6 ||
[Analyze grammar]

dhanvinaḥ puruṣāḥ kecitsaṃnivārya mahārathān |
ekaṃ bahava āsādya preṣayeyuryamakṣayam || 7 ||
[Analyze grammar]

nāgaṃ rathavarāṃścānye parivārya mahārathāḥ |
sottarāyudhinaṃ jaghnurdravamāṇā mahāravam || 8 ||
[Analyze grammar]

tathā ca rathinaṃ kruddhaṃ vikirantaṃ śarānbahūn |
nāgā jaghnurmahārāja parivārya samantataḥ || 9 ||
[Analyze grammar]

nāgo nāgamabhidrutya rathī ca rathinaṃ raṇe |
śaktitomaranārācairnijaghnustatra tatra ha || 10 ||
[Analyze grammar]

pādātānavamṛdnanto rathavāraṇavājinaḥ |
raṇamadhye vyadṛśyanta kurvanto mahadākulam || 11 ||
[Analyze grammar]

hayāśca paryadhāvanta cāmarairupaśobhitāḥ |
haṃsā himavataḥ prasthe pibanta iva medinīm || 12 ||
[Analyze grammar]

teṣāṃ tu vājināṃ bhūmiḥ khuraiścitrā viśāṃ pate |
aśobhata yathā nārī karajakṣatavikṣatā || 13 ||
[Analyze grammar]

vājināṃ khuraśabdena rathanemisvanena ca |
pattīnāṃ cāpi śabdena nāgānāṃ bṛṃhitena ca || 14 ||
[Analyze grammar]

vāditrāṇāṃ ca ghoṣeṇa śaṅkhānāṃ nisvanena ca |
abhavannāditā bhūmirnirghātairiva bhārata || 15 ||
[Analyze grammar]

dhanuṣāṃ kūjamānānāṃ nistriṃśānāṃ ca dīpyatām |
kavacānāṃ prabhābhiśca na prājñāyata kiṃcana || 16 ||
[Analyze grammar]

bahavo bāhavaśchinnā nāgarājakaropamāḥ |
udveṣṭante viveṣṭante vegaṃ kurvanti dāruṇam || 17 ||
[Analyze grammar]

śirasāṃ ca mahārāja patatāṃ vasudhātale |
cyutānāmiva tālebhyaḥ phalānāṃ śrūyate svanaḥ || 18 ||
[Analyze grammar]

śirobhiḥ patitairbhāti rudhirārdrairvasuṃdharā |
tapanīyanibhaiḥ kāle nalinairiva bhārata || 19 ||
[Analyze grammar]

udvṛttanayanaistaistu gatasattvaiḥ suvikṣataiḥ |
vyabhrājata mahārāja puṇḍarīkairivāvṛtā || 20 ||
[Analyze grammar]

bāhubhiścandanādigdhaiḥ sakeyūrairmahādhanaiḥ |
patitairbhāti rājendra mahī śakradhvajairiva || 21 ||
[Analyze grammar]

ūrubhiśca narendrāṇāṃ vinikṛttairmahāhave |
hastihastopamairanyaiḥ saṃvṛtaṃ tadraṇāṅgaṇam || 22 ||
[Analyze grammar]

kabandhaśatasaṃkīrṇaṃ chatracāmaraśobhitam |
senāvanaṃ tacchuśubhe vanaṃ puṣpācitaṃ yathā || 23 ||
[Analyze grammar]

tatra yodhā mahārāja vicaranto hyabhītavat |
dṛśyante rudhirāktāṅgāḥ puṣpitā iva kiṃśukāḥ || 24 ||
[Analyze grammar]

mātaṅgāścāpyadṛśyanta śaratomarapīḍitāḥ |
patantastatra tatraiva chinnābhrasadṛśā raṇe || 25 ||
[Analyze grammar]

gajānīkaṃ mahārāja vadhyamānaṃ mahātmabhiḥ |
vyadīryata diśaḥ sarvā vātanunnā ghanā iva || 26 ||
[Analyze grammar]

te gajā ghanasaṃkāśāḥ petururvyāṃ samantataḥ |
vajrarugṇā iva babhuḥ parvatā yugasaṃkṣaye || 27 ||
[Analyze grammar]

hayānāṃ sādibhiḥ sārdhaṃ patitānāṃ mahītale |
rāśayaḥ saṃpradṛśyante girimātrāstatastataḥ || 28 ||
[Analyze grammar]

saṃjajñe raṇabhūmau tu paralokavahā nadī |
śoṇitodā rathāvartā dhvajavṛkṣāsthiśarkarā || 29 ||
[Analyze grammar]

bhujanakrā dhanuḥsrotā hastiśailā hayopalā |
medomajjākardaminī chatrahaṃsā gadoḍupā || 30 ||
[Analyze grammar]

kavacoṣṇīṣasaṃchannā patākāruciradrumā |
cakracakrāvalījuṣṭā triveṇūdaṇḍakāvṛtā || 31 ||
[Analyze grammar]

śūrāṇāṃ harṣajananī bhīrūṇāṃ bhayavardhinī |
prāvartata nadī raudrā kurusṛñjayasaṃkulā || 32 ||
[Analyze grammar]

tāṃ nadīṃ pitṛlokāya vahantīmatibhairavām |
terurvāhananaubhiste śūrāḥ parighabāhavaḥ || 33 ||
[Analyze grammar]

vartamāne tathā yuddhe nirmaryāde viśāṃ pate |
caturaṅgakṣaye ghore pūrvaṃ devāsuropame || 34 ||
[Analyze grammar]

akrośanbāndhavānanye tatra tatra paraṃtapa |
krośadbhirbāndhavaiścānye bhayārtā na nivartire || 35 ||
[Analyze grammar]

nirmaryāde tathā yuddhe vartamāne bhayānake |
arjuno bhīmasenaśca mohayāṃ cakratuḥ parān || 36 ||
[Analyze grammar]

sā vadhyamānā mahatī senā tava janādhipa |
amuhyattatra tatraiva yoṣinmadavaśādiva || 37 ||
[Analyze grammar]

mohayitvā ca tāṃ senāṃ bhīmasenadhanaṃjayau |
dadhmaturvārijau tatra siṃhanādaṃ ca nedatuḥ || 38 ||
[Analyze grammar]

śrutvaiva tu mahāśabdaṃ dhṛṣṭadyumnaśikhaṇḍinau |
dharmarājaṃ puraskṛtya madrarājamabhidrutau || 39 ||
[Analyze grammar]

tatrāścaryamapaśyāma ghorarūpaṃ viśāṃ pate |
śalyena saṃgatāḥ śūrā yadayudhyanta bhāgaśaḥ || 40 ||
[Analyze grammar]

mādrīputrau sarabhasau kṛtāstrau yuddhadurmadau |
abhyayātāṃ tvarāyuktau jigīṣantau balaṃ tava || 41 ||
[Analyze grammar]

tato nyavartata balaṃ tāvakaṃ bharatarṣabha |
śaraiḥ praṇunnaṃ bahudhā pāṇḍavairjitakāśibhiḥ || 42 ||
[Analyze grammar]

vadhyamānā camūḥ sā tu putrāṇāṃ prekṣatāṃ tava |
bheje diśo mahārāja praṇunnā dṛḍhadhanvibhiḥ |
hāhākāro mahāñjajñe yodhānāṃ tava bhārata || 43 ||
[Analyze grammar]

tiṣṭha tiṣṭheti vāgāsīddrāvitānāṃ mahātmanām |
kṣatriyāṇāṃ tadānyonyaṃ saṃyuge jayamicchatām |
ādravanneva bhagnāste pāṇḍavaistava sainikāḥ || 44 ||
[Analyze grammar]

tyaktvā yuddhe priyānputrānbhrātṝnatha pitāmahān |
mātulānbhāgineyāṃśca tathā saṃbandhibāndhavān || 45 ||
[Analyze grammar]

hayāndvipāṃstvarayanto yodhā jagmuḥ samantataḥ |
ātmatrāṇakṛtotsāhāstāvakā bharatarṣabha || 46 ||
[Analyze grammar]