Chapter 43

saṃjaya uvāca |
etasminnantare kṛṣṇaḥ pārthaṃ vacanamabravīt |
darśayanniva kaunteyaṃ dharmarājaṃ yudhiṣṭhiram || 1 ||
[Analyze grammar]

eṣa pāṇḍava te bhrātā dhārtarāṣṭrairmahābalaiḥ |
jighāṃsubhirmaheṣvāsairdrutaṃ pārthānusaryate || 2 ||
[Analyze grammar]

tathānuyānti saṃrabdhāḥ pāñcālā yuddhadurmadāḥ |
yudhiṣṭhiraṃ mahātmānaṃ parīpsanto mahājavāḥ || 3 ||
[Analyze grammar]

eṣa duryodhanaḥ pārtha rathānīkena daṃśitaḥ |
rājā sarvasya lokasya rājānamanudhāvati || 4 ||
[Analyze grammar]

jighāṃsuḥ puruṣavyāghraṃ bhrātṛbhiḥ sahito balī |
āśīviṣasamasparśaiḥ sarvayuddhaviśāradaiḥ || 5 ||
[Analyze grammar]

ete jighṛkṣavo yānti dvipāśvarathapattayaḥ |
yudhiṣṭhiraṃ dhārtarāṣṭrā ratnottamamivārthinaḥ || 6 ||
[Analyze grammar]

paśya sātvatabhīmābhyāṃ niruddhādhiṣṭhitaḥ prabhuḥ |
jihīrṣavo'mṛtaṃ daityāḥ śakrāgnibhyāmivāvaśāḥ || 7 ||
[Analyze grammar]

ete bahutvāttvaritāḥ punargacchanti pāṇḍavam |
samudramiva vāryoghāḥ prāvṛṭkāle mahārathāḥ || 8 ||
[Analyze grammar]

nadantaḥ siṃhanādāṃśca dhamantaścāpi vārijān |
balavanto maheṣvāsā vidhunvanto dhanūṃṣi ca || 9 ||
[Analyze grammar]

mṛtyormukhagataṃ manye kuntīputraṃ yudhiṣṭhiram |
hutamagnau ca bhadraṃ te duryodhanavaśaṃ gatam || 10 ||
[Analyze grammar]

yathāyuktamanīkaṃ hi dhārtarāṣṭrasya pāṇḍava |
nāsya śakro'pi mucyeta saṃprāpto bāṇagocaram || 11 ||
[Analyze grammar]

duryodhanasya śūrasya drauṇeḥ śāradvatasya ca |
karṇasya ceṣuvego vai parvatānapi dārayet || 12 ||
[Analyze grammar]

duryodhanasya śūrasya śaraughāñśīghramasyataḥ |
saṃkruddhasyāntakasyeva ko vegaṃ saṃsahedraṇe || 13 ||
[Analyze grammar]

karṇena ca kṛto rājā vimukhaḥ śatrutāpanaḥ |
balavāṃllaghuhastaśca kṛtī yuddhaviśāradaḥ || 14 ||
[Analyze grammar]

rādheyaḥ pāṇḍavaśreṣṭhaṃ śaktaḥ pīḍayituṃ raṇe |
sahito dhṛtarāṣṭrasya putraiḥ śūro mahātmabhiḥ || 15 ||
[Analyze grammar]

tasyaivaṃ yudhyamānasya saṃgrāme saṃyatātmanaḥ |
anyairapi ca pārthasya hṛtaṃ varma mahārathaiḥ || 16 ||
[Analyze grammar]

upavāsakṛśo rājā bhṛśaṃ bharatasattama |
brāhme bale sthito hyeṣa na kṣatre'tibale vibho || 17 ||
[Analyze grammar]

na jīvati mahārājo manye pārtha yudhiṣṭhiraḥ |
yadbhīmasenaḥ sahate siṃhanādamamarṣaṇaḥ || 18 ||
[Analyze grammar]

nardatāṃ dhārtarāṣṭrāṇāṃ punaḥ punarariṃdama |
dhamatāṃ ca mahāśaṅkhānsaṃgrāme jitakāśinām || 19 ||
[Analyze grammar]

yudhiṣṭhiraṃ pāṇḍaveyaṃ hateti bharatarṣabha |
saṃcodayatyasau karṇo dhārtarāṣṭrānmahābalān || 20 ||
[Analyze grammar]

sthūṇākarṇendrajālena pārtha pāśupatena ca |
pracchādayanto rājānamanuyānti mahārathāḥ |
āturo me mato rājā saṃniṣevyaśca bhārata || 21 ||
[Analyze grammar]

yathainamanuvartante pāñcālāḥ saha pāṇḍavaiḥ |
tvaramāṇāstvarākāle sarvaśastrabhṛtāṃ varāḥ |
majjantamiva pātāle balino'pyujjihīrṣavaḥ || 22 ||
[Analyze grammar]

na keturdṛśyate rājñaḥ karṇena nihataḥ śaraiḥ |
paśyatoryamayoḥ pārtha sātyakeśca śikhaṇḍinaḥ || 23 ||
[Analyze grammar]

dhṛṣṭadyumnasya bhīmasya śatānīkasya vā vibho |
pāñcālānāṃ ca sarveṣāṃ cedīnāṃ caiva bhārata || 24 ||
[Analyze grammar]

eṣa karṇo raṇe pārtha pāṇḍavānāmanīkinīm |
śarairvidhvaṃsayati vai nalinīmiva kuñjaraḥ || 25 ||
[Analyze grammar]

ete dravanti rathinastvadīyāḥ pāṇḍunandana |
paśya paśya yathā pārtha gacchantyete mahārathāḥ || 26 ||
[Analyze grammar]

ete bhārata mātaṅgāḥ karṇenābhihatā raṇe |
ārtanādānvikurvāṇā vidravanti diśo daśa || 27 ||
[Analyze grammar]

rathānāṃ dravatāṃ vṛndaṃ paśya pārtha samantataḥ |
drāvyamāṇaṃ raṇe caiva karṇenāmitrakarśinā || 28 ||
[Analyze grammar]

hastikakṣyāṃ raṇe paśya carantīṃ tatra tatra ha |
rathasthaṃ sūtaputrasya ketuṃ ketumatāṃ vara || 29 ||
[Analyze grammar]

asau dhāvati rādheyo bhīmasenarathaṃ prati |
kirañśaraśatānīva vinighnaṃstava vāhinīm || 30 ||
[Analyze grammar]

etānpaśya ca pāñcālāndrāvyamāṇānmahātmanā |
śakreṇeva yathā daityānhanyamānānmahāhave || 31 ||
[Analyze grammar]

eṣa karṇo raṇe jitvā pāñcālānpāṇḍusṛñjayān |
diśo viprekṣate sarvāstvadarthamiti me matiḥ || 32 ||
[Analyze grammar]

paśya pārtha dhanuḥ śreṣṭhaṃ vikarṣansādhu śobhate |
śatrūñjitvā yathā śakro devasaṃghaiḥ samāvṛtaḥ || 33 ||
[Analyze grammar]

ete nadanti kauravyā dṛṣṭvā karṇasya vikramam |
trāsayanto raṇe pārthānsṛñjayāṃśca sahasraśaḥ || 34 ||
[Analyze grammar]

eṣa sarvātmanā pāṇḍūṃstrāsayitvā mahāraṇe |
abhibhāṣati rādheyaḥ sarvasainyāni mānadaḥ || 35 ||
[Analyze grammar]

abhidravata gacchadhvaṃ drutaṃ dravata kauravāḥ |
yathā jīvanna vaḥ kaścinmucyate yudhi sṛñjayaḥ || 36 ||
[Analyze grammar]

tathā kuruta saṃyattā vayaṃ yāsyāma pṛṣṭhataḥ |
evamuktvā yayāveṣa pṛṣṭhato vikirañśaraiḥ || 37 ||
[Analyze grammar]

paśya karṇaṃ raṇe pārtha śvetacchavivirājitam |
udayaṃ parvataṃ yadvacchobhayanvai divākaraḥ || 38 ||
[Analyze grammar]

pūrṇacandranikāśena mūrdhni chatreṇa bhārata |
dhriyamāṇena samare tathā śataśalākinā || 39 ||
[Analyze grammar]

eṣa tvāṃ prekṣate karṇaḥ sakaṭākṣo viśāṃ pate |
uttamaṃ yatnamāsthāya dhruvameṣyati saṃyuge || 40 ||
[Analyze grammar]

paśya hyenaṃ mahābāho vidhunvānaṃ mahaddhanuḥ |
śarāṃścāśīviṣākārānvisṛjantaṃ mahābalam || 41 ||
[Analyze grammar]

asau nivṛtto rādheyo dṛśyate vānaradhvaja |
vadhāya cātmano'bhyeti dīpasya śalabho yathā || 42 ||
[Analyze grammar]

karṇamekākinaṃ dṛṣṭvā rathānīkena bhārata |
rirakṣiṣuḥ susaṃyatto dhārtarāṣṭro'bhivartate || 43 ||
[Analyze grammar]

sārvaiḥ sahaibhirduṣṭātmā vadhya eṣa prayatnataḥ |
tvayā yaśaśca rājyaṃ ca sukhaṃ cottamamicchatā || 44 ||
[Analyze grammar]

ātmānaṃ ca kṛtātmānaṃ samīkṣya bharatarṣabha |
kṛtāgasaṃ ca rādheyaṃ dharmātmani yudhiṣṭhire || 45 ||
[Analyze grammar]

pratipadyasva rādheyaṃ prāptakālamanantaram |
āryāṃ yuddhe matiṃ kṛtvā pratyehi rathayūthapam || 46 ||
[Analyze grammar]

pañca hyetāni mukhyānāṃ rathānāṃ rathasattama |
śatānyāyānti vegena balināṃ bhīmatejasām || 47 ||
[Analyze grammar]

pañca nāgasahasrāṇi dviguṇā vājinastathā |
abhisaṃhatya kaunteya padātiprayutāni ca |
anyonyarakṣitaṃ vīra balaṃ tvāmabhivartate || 48 ||
[Analyze grammar]

sūtaputre maheṣvāse darśayātmānamātmanā |
uttamaṃ yatnamāsthāya pratyehi bharatarṣabha || 49 ||
[Analyze grammar]

asau karṇaḥ susaṃrabdhaḥ pāñcālānabhidhāvati |
ketumasya hi paśyāmi dhṛṣṭadyumnarathaṃ prati |
samucchetsyati pāñcālāniti manye paraṃtapa || 50 ||
[Analyze grammar]

ācakṣe te priyaṃ pārtha tadevaṃ bharatarṣabha |
rājā jīvati kauravyo dharmaputro yudhiṣṭhiraḥ || 51 ||
[Analyze grammar]

asau bhīmo mahābāhuḥ saṃnivṛttaścamūmukhe |
vṛtaḥ sṛñjayasainyena sātyakena ca bhārata || 52 ||
[Analyze grammar]

vadhyanta ete samare kauravā niśitaiḥ śaraiḥ |
bhīmasenena kaunteya pāñcālaiśca mahātmabhiḥ || 53 ||
[Analyze grammar]

senā hi dhārtarāṣṭrasya vimukhā cābhavadraṇāt |
vipradhāvati vegena bhīmasya nihatā śaraiḥ || 54 ||
[Analyze grammar]

vipannasasyeva mahī rudhireṇa samukṣitā |
bhāratī bharataśreṣṭha senā kṛpaṇadarśanā || 55 ||
[Analyze grammar]

nivṛttaṃ paśya kaunteya bhīmasenaṃ yudhāṃ patim |
āśīviṣamiva kruddhaṃ tasmāddravati vāhinī || 56 ||
[Analyze grammar]

pītaraktāsitasitāstārācandrārkamaṇḍitāḥ |
patākā viprakīryante chatrāṇyetāni cārjuna || 57 ||
[Analyze grammar]

sauvarṇā rājatāścaiva taijasāśca pṛthagvidhāḥ |
ketavo vinipātyante hastyaśvaṃ viprakīryate || 58 ||
[Analyze grammar]

rathebhyaḥ prapatantyete rathino vigatāsavaḥ |
nānāvarṇairhatā bāṇaiḥ pāñcālairapalāyibhiḥ || 59 ||
[Analyze grammar]

nirmanuṣyāngajānaśvānrathāṃścaiva dhanaṃjaya |
samādravanti pāñcālā dhārtarāṣṭrāṃstarasvinaḥ || 60 ||
[Analyze grammar]

mṛdnanti ca naravyāghrā bhīmasenavyapāśrayāt |
balaṃ pareṣāṃ durdharṣaṃ tyaktvā prāṇānariṃdama || 61 ||
[Analyze grammar]

ete nadanti pāñcālā dhamantyapi ca vārijān |
abhidravanti ca raṇe nighnantaḥ sāyakaiḥ parān || 62 ||
[Analyze grammar]

paśya svargasya māhātmyaṃ pāñcālā hi paraṃtapa |
dhārtarāṣṭrānvinighnanti kruddhāḥ siṃhā iva dvipān || 63 ||
[Analyze grammar]

sarvataścābhipannaiṣā dhārtarāṣṭrī mahācamūḥ |
pāñcālairmānasādetya haṃsairgaṅgeva vegitaiḥ || 64 ||
[Analyze grammar]

subhṛśaṃ ca parākrāntāḥ pāñcālānāṃ nivāraṇe |
kṛpakarṇādayo vīrā ṛṣabhāṇāmivarṣabhāḥ || 65 ||
[Analyze grammar]

sunimagnāṃśca bhīmāstrairdhārtarāṣṭrānmahārathān |
dhṛṣṭadyumnamukhā vīrā ghnanti śatrūnsahasraśaḥ |
viṣaṇṇabhūyiṣṭharathā dhārtarāṣṭrī mahācamūḥ || 66 ||
[Analyze grammar]

paśya bhīmena nārācaiśchinnā nāgāḥ patantyamī |
vajrivajrāhatānīva śikharāṇi mahībhṛtām || 67 ||
[Analyze grammar]

bhīmasenasya nirviddhā bāṇaiḥ saṃnataparvabhiḥ |
svānyanīkāni mṛdnanto dravantyete mahāgajāḥ || 68 ||
[Analyze grammar]

nābhijānāsi bhīmasya siṃhanādaṃ durutsaham |
nadato'rjuna saṃgrāme vīrasya jitakāśinaḥ || 69 ||
[Analyze grammar]

eṣa naiṣādirabhyeti dvipamukhyena pāṇḍavam |
jighāṃsustomaraiḥ kruddho daṇḍapāṇirivāntakaḥ || 70 ||
[Analyze grammar]

satomarāvasya bhujau chinnau bhīmena garjataḥ |
tīkṣṇairagniśikhāprakhyairnārācairdaśabhirhataḥ || 71 ||
[Analyze grammar]

hatvainaṃ punarāyāti nāgānanyānprahāriṇaḥ |
paśya nīlāmbudanibhānmahāmātrairadhiṣṭhitān |
śaktitomarasaṃkāśairvinighnantaṃ vṛkodaram || 72 ||
[Analyze grammar]

sapta sapta ca nāgāṃstānvaijayantīśca sadhvajāḥ |
nihatya niśitairbāṇaiśchinnāḥ pārthāgrajena te |
daśabhirdaśabhiścaiko nārācairnihato gajaḥ || 73 ||
[Analyze grammar]

na cāsau dhārtarāṣṭrāṇāṃ śrūyate ninadastathā |
puraṃdarasame kruddhe nivṛtte bharatarṣabhe || 74 ||
[Analyze grammar]

akṣauhiṇyastathā tisro dhārtarāṣṭrasya saṃhatāḥ |
kruddhena narasiṃhena bhīmasenena vāritāḥ || 75 ||
[Analyze grammar]

saṃjaya uvāca |
bhīmasenena tatkarma kṛtaṃ dṛṣṭvā suduṣkaram |
arjuno vyadhamacchiṣṭānahitānniśitaiḥ śaraiḥ || 76 ||
[Analyze grammar]

te vadhyamānāḥ samare saṃśaptakagaṇāḥ prabho |
śakrasyātithitāṃ gatvā viśokā hyabhavanmudā || 77 ||
[Analyze grammar]

pārthaśca puruṣavyāghraḥ śaraiḥ saṃnataparvabhiḥ |
jaghāna dhārtarāṣṭrasya caturvidhabalāṃ camūm || 78 ||
[Analyze grammar]