Chapter 42

saṃjaya uvāca |
tataḥ punaḥ samājagmurabhītāḥ kurusṛñjayāḥ |
yudhiṣṭhiramukhāḥ pārthā vaikartanamukhā vayam || 1 ||
[Analyze grammar]

tataḥ pravavṛte bhīmaḥ saṃgrāmo lomaharṣaṇaḥ |
karṇasya pāṇḍavānāṃ ca yamarāṣṭravivardhanaḥ || 2 ||
[Analyze grammar]

tasminpravṛtte saṃgrāme tumule śoṇitodake |
saṃśaptakeṣu śūreṣu kiṃcicchiṣṭeṣu bhārata || 3 ||
[Analyze grammar]

dhṛṣṭadyumno mahārāja sahitaḥ sarvarājabhiḥ |
karṇamevābhidudrāva pāṇḍavāśca mahārathāḥ || 4 ||
[Analyze grammar]

āgacchamānāṃstānsaṃkhye prahṛṣṭānvijayaiṣiṇaḥ |
dadhāraiko raṇe karṇo jalaughāniva parvataḥ || 5 ||
[Analyze grammar]

tamāsādya tu te karṇaṃ vyaśīryanta mahārathāḥ |
yathācalaṃ samāsādya jalaughāḥ sarvatodiśam |
tayorāsīnmahārāja saṃgrāmo lomaharṣaṇaḥ || 6 ||
[Analyze grammar]

dhṛṣṭadyumnastu rādheyaṃ śareṇa nataparvaṇā |
tāḍayāmāsa saṃkruddhastiṣṭha tiṣṭheti cābravīt || 7 ||
[Analyze grammar]

vijayaṃ tu dhanuḥśreṣṭhaṃ vidhunvāno mahārathaḥ |
pārṣatasya dhanuśchittvā śarānāśīviṣopamān |
tāḍayāmāsa saṃkruddhaḥ pārṣataṃ navabhiḥ śaraiḥ || 8 ||
[Analyze grammar]

te varma hemavikṛtaṃ bhittvā tasya mahātmanaḥ |
śoṇitāktā vyarājanta śakragopā ivānagha || 9 ||
[Analyze grammar]

tadapāsya dhanuśchinnaṃ dhṛṣṭadyumno mahārathaḥ |
anyaddhanurupādāya śarāṃścāśīviṣopamān |
karṇaṃ vivyādha saptatyā śaraiḥ saṃnataparvabhiḥ || 10 ||
[Analyze grammar]

tathaiva rājankarṇo'pi pārṣataṃ śatrutāpanam |
droṇaśatruṃ maheṣvāso vivyādha niśitaiḥ śaraiḥ || 11 ||
[Analyze grammar]

tasya karṇo mahārāja śaraṃ kanakabhūṣaṇam |
preṣayāmāsa saṃkruddho mṛtyudaṇḍamivāparam || 12 ||
[Analyze grammar]

tamāpatantaṃ sahasā ghorarūpaṃ viśāṃ pate |
ciccheda saptadhā rājañśaineyaḥ kṛtahastavat || 13 ||
[Analyze grammar]

dṛṣṭvā vinihitaṃ bāṇaṃ śaraiḥ karṇo viśāṃ pate |
sātyakiṃ śaravarṣeṇa samantātparyavārayat || 14 ||
[Analyze grammar]

vivyādha cainaṃ samare nārācaistatra saptabhiḥ |
taṃ pratyavidhyacchaineyaḥ śarairhemavibhūṣitaiḥ || 15 ||
[Analyze grammar]

tato yuddhamatīvāsīccakṣuḥśrotrabhayāvaham |
rājanghoraṃ ca citraṃ ca prekṣaṇīyaṃ samantataḥ || 16 ||
[Analyze grammar]

sarveṣāṃ tatra bhūtānāṃ lomaharṣo vyajāyata |
taddṛṣṭvā samare karma karṇaśaineyayornṛpa || 17 ||
[Analyze grammar]

etasminnantare drauṇirabhyayātsumahābalam |
pārṣataṃ śatrudamanaṃ śatruvīryāsunāśanam || 18 ||
[Analyze grammar]

abhyabhāṣata saṃkruddho drauṇirdūre dhanaṃjaye |
tiṣṭha tiṣṭhādya brahmaghna na me jīvanvimokṣyase || 19 ||
[Analyze grammar]

ityuktvā subhṛśaṃ vīraḥ śīghrakṛnniśitaiḥ śaraiḥ |
pārṣataṃ chādayāmāsa ghorarūpaiḥ sutejanaiḥ |
yatamānaṃ paraṃ śaktyā yatamāno mahārathaḥ || 20 ||
[Analyze grammar]

yathā hi samare drauṇiḥ pārṣataṃ vīkṣya māriṣa |
tathā drauṇiṃ raṇe dṛṣṭvā pārṣataḥ paravīrahā |
nātihṛṣṭamanā bhūtvā manyate mṛtyumātmanaḥ || 21 ||
[Analyze grammar]

drauṇistu dṛṣṭvā rājendra dhṛṣṭadyumnaṃ raṇe sthitam |
krodhena niḥśvasanvīraḥ pārṣataṃ samupādravat |
tāvanyonyaṃ tu dṛṣṭvaiva saṃrambhaṃ jagmatuḥ param || 22 ||
[Analyze grammar]

athābravīnmahārāja droṇaputraḥ pratāpavān |
dhṛṣṭadyumnaṃ samīpasthaṃ tvaramāṇo viśāṃ pate |
pāñcālāpasadādya tvāṃ preṣayiṣyāmi mṛtyave || 23 ||
[Analyze grammar]

pāpaṃ hi yattvayā karma ghnatā droṇaṃ purā kṛtam |
adya tvā patsyate tadvai yathā hyakuśalaṃ tathā || 24 ||
[Analyze grammar]

arakṣyamāṇaḥ pārthena yadi tiṣṭhasi saṃyuge |
nāpakramasi vā mūḍha satyametadbravīmi te || 25 ||
[Analyze grammar]

evamuktaḥ pratyuvāca dhṛṣṭadyumnaḥ pratāpavān |
prativākyaṃ sa evāsirmāmako dāsyate tava |
yenaiva te piturdattaṃ yatamānasya saṃyuge || 26 ||
[Analyze grammar]

yadi tāvanmayā droṇo nihato brāhmaṇabruvaḥ |
tvāmidānīṃ kathaṃ yuddhe na haniṣyāmi vikramāt || 27 ||
[Analyze grammar]

evamuktvā mahārāja senāpatiramarṣaṇaḥ |
niśitenātha bāṇena drauṇiṃ vivyādha pārṣataḥ || 28 ||
[Analyze grammar]

tato drauṇiḥ susaṃkruddhaḥ śaraiḥ saṃnataparvabhiḥ |
prācchādayaddiśo rājandhṛṣṭadyumnasya saṃyuge || 29 ||
[Analyze grammar]

naivāntarikṣaṃ na diśo naiva yodhāḥ samantataḥ |
dṛśyante vai mahārāja śaraiśchannāḥ sahasraśaḥ || 30 ||
[Analyze grammar]

tathaiva pārṣato rājandrauṇimāhavaśobhinam |
śaraiḥ saṃchādayāmāsa sūtaputrasya paśyataḥ || 31 ||
[Analyze grammar]

rādheyo'pi mahārāja pāñcālānsaha pāṇḍavaiḥ |
draupadeyānyudhāmanyuṃ sātyakiṃ ca mahāratham |
ekaḥ sa vārayāmāsa prekṣaṇīyaḥ samantataḥ || 32 ||
[Analyze grammar]

dhṛṣṭadyumno'pi samare drauṇeściccheda kārmukam |
tadapāsya dhanuśchinnamanyadādatta kārmukam |
vegavatsamare ghoraṃ śarāṃścāśīviṣopamān || 33 ||
[Analyze grammar]

sa pārṣatasya rājendra dhanuḥ śaktiṃ gadāṃ dhvajam |
hayānsūtaṃ rathaṃ caiva nimeṣādvyadhamaccharaiḥ || 34 ||
[Analyze grammar]

sa chinnadhanvā viratho hatāśvo hatasārathiḥ |
khaḍgamādatta vipulaṃ śatacandraṃ ca bhānumat || 35 ||
[Analyze grammar]

drauṇistadapi rājendra bhallaiḥ kṣipraṃ mahārathaḥ |
ciccheda samare vīraḥ kṣiprahasto dṛḍhāyudhaḥ |
rathādanavarūḍhasya tadadbhutamivābhavat || 36 ||
[Analyze grammar]

dhṛṣṭadyumnaṃ tu virathaṃ hatāśvaṃ chinnakārmukam |
śaraiśca bahudhā viddhamastraiśca śakalīkṛtam |
nātaradbharataśreṣṭha yatamāno mahārathaḥ || 37 ||
[Analyze grammar]

tasyāntamiṣubhī rājanyadā drauṇirna jagmivān |
atha tyaktvā dhanurvīraḥ pārṣataṃ tvarito'nvagāt || 38 ||
[Analyze grammar]

āsīdādravato rājanvegastasya mahātmanaḥ |
garuḍasyeva patato jighṛkṣoḥ pannagottamam || 39 ||
[Analyze grammar]

etasminneva kāle tu mādhavo'rjunamabravīt |
paśya pārtha yathā drauṇiḥ pārṣatasya vadhaṃ prati |
yatnaṃ karoti vipulaṃ hanyāccainamasaṃśayam || 40 ||
[Analyze grammar]

taṃ mocaya mahābāho pārṣataṃ śatrutāpanam |
drauṇerāsyamanuprāptaṃ mṛtyorāsyagataṃ yathā || 41 ||
[Analyze grammar]

evamuktvā mahārāja vāsudevaḥ pratāpavān |
praiṣayattatra turagānyatra drauṇirvyavasthitaḥ || 42 ||
[Analyze grammar]

te hayāścandrasaṃkāśāḥ keśavena pracoditāḥ |
pibanta iva tadvyoma jagmurdrauṇirathaṃ prati || 43 ||
[Analyze grammar]

dṛṣṭvāyāntau mahāvīryāvubhau kṛṣṇadhanaṃjayau |
dhṛṣṭadyumnavadhe rājaṃścakre yatnaṃ mahābalaḥ || 44 ||
[Analyze grammar]

vikṛṣyamāṇaṃ dṛṣṭvaiva dhṛṣṭadyumnaṃ janeśvara |
śarāṃścikṣepa vai pārtho drauṇiṃ prati mahābalaḥ || 45 ||
[Analyze grammar]

te śarā hemavikṛtā gāṇḍīvapreṣitā bhṛśam |
drauṇimāsādya viviśurvalmīkamiva pannagāḥ || 46 ||
[Analyze grammar]

sa vidhvastaiḥ śarairghorairdroṇaputraḥ pratāpavān |
rathamāruruhe vīro dhanaṃjayaśarārditaḥ |
pragṛhya ca dhanuḥ śreṣṭhaṃ pārthaṃ vivyādha sāyakaiḥ || 47 ||
[Analyze grammar]

etasminnantare vīraḥ sahadevo janādhipa |
apovāha rathenājau pārṣataṃ śatrutāpanam || 48 ||
[Analyze grammar]

arjuno'pi mahārāja drauṇiṃ vivyādha patribhiḥ |
taṃ droṇaputraḥ saṃkruddho bāhvorurasi cārdayat || 49 ||
[Analyze grammar]

krodhitastu raṇe pārtho nārācaṃ kālasaṃmitam |
droṇaputrāya cikṣepa kāladaṇḍamivāparam |
sa brāhmaṇasyāṃsadeśe nipapāta mahādyutiḥ || 50 ||
[Analyze grammar]

sa vihvalo mahārāja śaravegena saṃyuge |
niṣasāda rathopasthe vaiklavyaṃ ca paraṃ yayau || 51 ||
[Analyze grammar]

tataḥ karṇo mahārāja vyākṣipadvijayaṃ dhanuḥ |
arjunaṃ samare kruddhaḥ prekṣamāṇo muhurmuhuḥ |
dvairathaṃ cāpi pārthena kāmayāno mahāraṇe || 52 ||
[Analyze grammar]

taṃ tu hitvā hataṃ vīraṃ sārathiḥ śatrukarśanam |
apovāha rathenājau tvaramāṇo raṇājirāt || 53 ||
[Analyze grammar]

athotkruṣṭaṃ mahārāja pāñcālairjitakāśibhiḥ |
mokṣitaṃ pārṣataṃ dṛṣṭvā droṇaputraṃ ca pīḍitam || 54 ||
[Analyze grammar]

vāditrāṇi ca divyāni prāvādyanta sahasraśaḥ |
siṃhanādaśca saṃjajñe dṛṣṭvā ghoraṃ mahādbhutam || 55 ||
[Analyze grammar]

evaṃ kṛtvābravītpārtho vāsudevaṃ dhanaṃjayaḥ |
yāhi saṃśaptakānkṛṣṇa kāryametatparaṃ mama || 56 ||
[Analyze grammar]

tataḥ prayāto dāśārhaḥ śrutvā pāṇḍavabhāṣitam |
rathenātipatākena manomārutaraṃhasā || 57 ||
[Analyze grammar]