Chapter 87

vaiśaṃpāyana uvāca |
etasminneva kāle tu jarāsaṃdhaḥ pratāpavān |
nṛpānudyojayāmāsa cedirājapriyepsayā || 1 ||
[Analyze grammar]

yathārhaṃ ca yathāyogaṃ praśrayaṃ pradadau nṛpaḥ || 1 ||
[Analyze grammar]

vivāhaṃ ghoṣayāmāsa śiśupālasya māgadhaḥ || 1 ||
[Analyze grammar]

sarvamantaḥpuraṃ caiva vivāhe utsukaṃ kila || 1 ||
[Analyze grammar]

śvobhūte tu vivāhasya caidyasyeti ca bhūmipāḥ || 1 ||
[Analyze grammar]

saṃnaddhāḥ samapadyantāṃ vibhavaiḥ svairyathākramam || 1 ||
[Analyze grammar]

śiśupālo'pi rājā tu varaveṣeṇa saṃyutaḥ || 1 ||
[Analyze grammar]

kumārairātmatulyaiśca niyamastho'bhavattadā || 1 ||
[Analyze grammar]

Colophon |
bhīṣmakasya sutāyāṃ vai rukmiṇyāṃ rukmabhūṣaṇaḥ |
śiśupālasya nṛpatervivāho bhavitā kila || 2 ||
[Analyze grammar]

dantavaktrasya tanayaṃ suvaktramamitaujasam |
sahasrākṣasamaṃ yuddhe māyāsu ca viśāradam || 3 ||
[Analyze grammar]

pauṇḍrasya vāsudevasya tathā putraṃ mahābalam |
sudevaṃ vīryasaṃpannaṃ pṛthagakṣauhiṇīpatim || 4 ||
[Analyze grammar]

ekalavyasya putraṃ ca vīryavantaṃ balānvitam |
putraṃ ca pāṇḍyarājasya kaliṅgādhipatiṃ tathā || 5 ||
[Analyze grammar]

kṛtāpriyaṃ ca kṛṣṇena veṇudāriṃ narādhipam |
aṃśumantaṃ tathā krāthaṃ śrutarvāṇaṃ ca bhārata || 6 ||
[Analyze grammar]

nikṛttaśatruṃ kāliṅgaṃ gāndhārādhipatiṃ tathā |
paṭuśaṃ ca mahābāhuṃ kāśyādhipatimeva ca || 7 ||
[Analyze grammar]

sabhārhān sakalān sarvāndhārtarāṣṭrānmahābalān || 7 ||
[Analyze grammar]

vindānuvindāvāvantyau bāhlikān saha bāhlikaiḥ || 7 ||
[Analyze grammar]

saṃśaptakāstu te sarve āsyandā yavanāstathā || 7 ||
[Analyze grammar]

yavanasya sutaścāpi ārṣāyaṇastathā śakāḥ || 7 ||
[Analyze grammar]

svabhāvaścandrahāsaśca pārasīkāstathāpare || 7 ||
[Analyze grammar]

virāṭo drupadaścaiva jayadrathavidūrathau || 7 ||
[Analyze grammar]

bhagadatto mahāsenaḥ śalaḥ śālvo mahābalaḥ || 7 ||
[Analyze grammar]

bhūriśravā mahāsenaḥ kuntibhojaśca vīryavān || 7 ||
[Analyze grammar]

akṣauhiṇīnāṃ ṣaṣṭiṃ ca saptādhikadaśānugāḥ || 7 ||
[Analyze grammar]

svayaṃvarārthaṃ saṃprāptā bhojarājaniveśane || 7 ||
[Analyze grammar]

janamejaya uvāca |
kasmindeśe nṛpo jajñe rukmī vedavidāṃ vara |
kasyāṇvavāye dyutimān saṃbhūto dvijasattama || 8 ||
[Analyze grammar]

vaiśaṃpāyana uvāca |
rājarṣeryādavasyāsīdvidarbho nāma vai sutaḥ |
vindhyasya dakṣiṇe pārśve vidarbhānyo nyaveśayat || 9 ||
[Analyze grammar]

krathakaiśikamukhyāstu putrāstasya mahābalāḥ |
babhūvurvīryasaṃpannāḥ pṛthagvaṃśakarā nṛpāḥ || 10 ||
[Analyze grammar]

tasyānvavāye bhīmasya vṛṣṇayo jajñire nṛpa |
krathasya tvaṃśumāṇ vaṃśe kaiśikasya tu bhīṣmakaḥ || 11 ||
[Analyze grammar]

hiraṇyalometyāhuryaṃ dākṣiṇātyeśvaraṃ janāḥ |
agastyaguptāmāśāṃ yaḥ kuṇḍinastho'nvaśānnṛpaḥ |
rukmī tasyābhavatputro rukmiṇī ca viśāṃ pate || 12 ||
[Analyze grammar]

rukmī cāstrāṇi divyāni drumātprāpa mahābalaḥ |
jāmadagnyāttatha rāmādbrāhmamastramavāptavān |
prāspardhatsaha kṛṣṇena nityamadbhutakarmaṇā || 13 ||
[Analyze grammar]

rukmiṇī tvabhavad rājan rūpeṇāsadṛśī bhuvi |
cakame vāsudevastāṃ śravādeva mahādyutiḥ || 14 ||
[Analyze grammar]

sa cābhilaṣitastasyāḥ śravādeva janārdanaḥ |
tejovīryabalopetaḥ sa me bhartā bhavediti || 15 ||
[Analyze grammar]

tāṃ dadau na tu kṛṣṇāya rukmī dveṣānmahābalaḥ |
kaṃsasya vadhasaṃtāpātkṛṣṇāyāmitatejase |
yācamānāya kaṃsasya preṣyo'sāviti cintayan || 16 ||
[Analyze grammar]

caidyasyārthe sunīthasya jarāsaṃdhastu bhūmipaḥ |
varayāmāsa tāṃ rājā bhīṣmakaṃ bhīmavikramam || 17 ||
[Analyze grammar]

cedirājasya hi vasorāsītputro bṛhadrathaḥ |
magadheṣu purā yena nirmitaṃ tadgirivrajam || 18 ||
[Analyze grammar]

tasyānvavāye jajñe'tha jarāsaṃdho mahābalaḥ |
vasoreva tadā vaṃśe damaghoṣo'pi cedirāṭ || 19 ||
[Analyze grammar]

damaghoṣasya putrāstu pañca bhīmaparākramāḥ |
bhaginyāṃ vasudevasya śrutaśravasi jajñire || 20 ||
[Analyze grammar]

śiśupālo daśagrīvo raibhyo'thopadiśo balī |
sarvāstrakuśalā vīrā vīryavanto mahābalāḥ || 21 ||
[Analyze grammar]

jñāteḥ samānavaṃśasya sunīthaṃ pradadau sutam |
tasyānvavāye saṃbhūtā bahavo rājavaṃśajāḥ |
jarāsaṃdhasya rājendra damaghoṣo mahābalaḥ |
jarāsaṃdhaḥ svasutavaddadarśainaṃ jugopa ca || 22 ||
[Analyze grammar]

jarāsaṃdhaṃ puraskṛtya vṛṣṇiśatruṃ mahābalam |
kṛtānyāgāṃsi caidyena vṛṣṇīnāṃ tatpriyaiṣiṇā || 23 ||
[Analyze grammar]

jāmātā tvabhavattasya kaṃsastasmin hate yudhi |
kṛṣṇārthaṃ vairamabhavajjarāsaṃdhasya vṛṣṇibhiḥ || 24 ||
[Analyze grammar]

bhīṣmakaṃ varayāmāsa sunīthārthe'tha rukmiṇīm |
tāṃ dadau bhīṣmakaścāpi śiśupālāya vīryavān || 25 ||
[Analyze grammar]

tataścaidyamupādāya jarāsaṃdho narādhipaḥ |
yayau vidarbhān sahito dantavaktreṇa yāyinā || 26 ||
[Analyze grammar]

anuyātaśca pauṇḍreṇa vāsudevena dhīmatā |
aṅgavaṅgakaliṅgānāmīśvaraḥ sa mahābalaḥ || 27 ||
[Analyze grammar]

mānayiṣyaṃśca tān rukmī pratyudgamya narādhipān |
parayā pūjayopetānānināya purīṃ prati || 28 ||
[Analyze grammar]

pitṛṣvasuḥ priyārthaṃ ca rāmakṛṣṇāv ubhāvapi |
prayayurvṛṣṇayaścānye rathaistatra balānvitāḥ || 29 ||
[Analyze grammar]

dṛṣṭvā tānāgatān sarvānvāsudevapurogamān || 29 ||
[Analyze grammar]

krathakaiśikabhartā tānpratigṛhya yathāvidhi |
pūjayāmāsa pūjārhānnyavasanta bahiśca te || 30 ||
[Analyze grammar]

nyaveśayacca tān sarvānbhīṣmako nagarādbahiḥ || 30 ||
[Analyze grammar]

sthite tasmiñjarāsaṃdhe ripau teṣāṃ mahātmani || 30 ||
[Analyze grammar]

saṃbhārāścaiva sarvatra vivāhāya samāhṛtāḥ || 30 ||
[Analyze grammar]

śaṅkhāśca paṭahāścaiva sasvanāḥ sarvatastadā || 30 ||
[Analyze grammar]

brāhmaṇāśca samāyātā nānādigbhyastathaiva ca || 30 ||
[Analyze grammar]

utthitāścaiva sarvatra dhvajāśca samalaṃkṛtāḥ || 30 ||
[Analyze grammar]

śvobhāvini vivāhe tu rukmiṇī niryayau bahiḥ |
caturyujā rathenaindraṃ devatāyatanaṃ śubhā || 31 ||
[Analyze grammar]

dāsīśatasahasraughairveṣṭitā tu jagāma ha || 31 ||
[Analyze grammar]

ambikāpūjanārthāya pādacārī yathāsthiti || 31 ||
[Analyze grammar]

indrāṇīmarcayiṣyantī kṛtakautukamaṅgalā |
dīpyamānena vapuṣā balena mahatā vṛtā || 32 ||
[Analyze grammar]

keśavo me bhavedbhartā nānyaḥ kaścidbhavediti || 32 ||
[Analyze grammar]

evaṃ manasi saṃsthāpya puṣpāñjalipuṭābhavat || 32 ||
[Analyze grammar]

tāṃ dadarśa tataḥ kṛṣṇo lakṣmīṃ sākṣādiva sthitām |
rūpeṇāgryeṇa saṃpannāṃ devatāyatanāntike || 33 ||
[Analyze grammar]

vahneriva śikhāṃ dīptāṃ māyāṃ bhūmigatāmiva |
pṛthivīmiva gambhīrāmutthitāṃ pṛthivītalāt || 34 ||
[Analyze grammar]

marīcimiva somasya saumyāṃ strīvigrahāṃ bhuvi |
śriyamagryāmivāpadmāṃ bhaviśyāṃ śrīsahāyinīm |
kṛṣṇena manasā dṛṣṭāṃ durnirīkśyāṃ surairapi || 35 ||
[Analyze grammar]

śyāmāvadātā sā hyāsītpṛthucārvāyatekṣaṇā |
tāmrauṣṭhanayanāpāṅgī pīnorujaghanastanī || 36 ||
[Analyze grammar]

bṛhatī cārusarvāṅgī tanvī śaśinibhānanā |
tāmratuṅganakhī subhrūrnīlakuñcitamūrdhajā |
atyarthaṃ rūpataḥ kāntā pīnaśroṇipayodharā |
tīkṣṇaśuklaiḥ samairdantaiḥ prabhāsadbhiralaṃkṛtā || 37 ||
[Analyze grammar]

ananyā pramadā loke rūpeṇa yaśasā śriyā |
rukmiṇī rūpiṇī devī pāṇḍurakṣaumavāsinī || 38 ||
[Analyze grammar]

tāṃ dṛṣṭvā vavṛdhe kāmaḥ kṛṣṇasya śubhadarśanām |
haviṣevānalasyārcirmanastasyāṃ samādadhat || 39 ||
[Analyze grammar]

rukmiṇī ca tadā devī dadṛśe kṛṣṇamīśvaram || 39 ||
[Analyze grammar]

acintayacca sā devī dṛṣṭvā kṛṣṇamavasthitam || 39 ||
[Analyze grammar]

so'yam viṣṇurjagannāthaḥ sākṣād rāmānujaḥ kṛtī || 39 ||
[Analyze grammar]

asya cakraṃ sadā śaṅkhaṃ bhujayorubhayorapi || 39 ||
[Analyze grammar]

śobhayetāṃ sadā tau tu daityadānavadāriṇau || 39 ||
[Analyze grammar]

asya haste sthitaṃ śārṅgaṃ daityadānavabhīṣaṇam || 39 ||
[Analyze grammar]

sadā bhāti mahaccāpaṃ loke khyātataraṃ hareḥ || 39 ||
[Analyze grammar]

yamāśritya gadā devī sadā kaumodakīti sā || 39 ||
[Analyze grammar]

daityadānavahantrī ca tadbhujopari dāruṇā || 39 ||
[Analyze grammar]

yadanujñāṃ samāśritya khaḍgo nandakasaṃjñakaḥ || 39 ||
[Analyze grammar]

ripūn hanti mahāvīryānasahyāndaivatairapi || 39 ||
[Analyze grammar]

asya syādvāhanaṃ viṣṇorgarutmānpakṣipuṃgavaḥ || 39 ||
[Analyze grammar]

śakrādīṃśca surāñjitvā jahārāmṛtamuttamam || 39 ||
[Analyze grammar]

so'yam viṣṇurguruḥ sākṣādgopaveṣeṇa bhūṣitaḥ || 39 ||
[Analyze grammar]

gopastrīstanabhāreṣu vijahāra yathāsukham || 39 ||
[Analyze grammar]

yo nanarta hrade tasyā yamunāyāstadā hariḥ || 39 ||
[Analyze grammar]

amathnātkāliyaṃ tasminviṣāgnijvālamālinam || 39 ||
[Analyze grammar]

ayaṃ govardhanaṃ śailaṃ dadhāvekena bāhunā || 39 ||
[Analyze grammar]

līlayā sa jagannātho kolakaṃ bālako yathā || 39 ||
[Analyze grammar]

ayaṃ sa puṇḍarīkākṣo yo hayaṃ prajaghāna ha || 39 ||
[Analyze grammar]

yaścāṇūraṃ mṛdhe hatvā kaṃsaṃ caiva mahābalam || 39 ||
[Analyze grammar]

nanarta raṅge govindo gopaiḥ sārdhaṃ sayādavaiḥ || 39 ||
[Analyze grammar]

ayaṃ sa yādavaśreṣṭhaḥ padmakañjalkalocanaḥ || 39 ||
[Analyze grammar]

śyāmāvadātaḥ saśrīkaḥ sākṣādindrānujaḥ kṛtī || 39 ||
[Analyze grammar]

yuvā kṛtī purāṇātmā padmākṣaḥ padmasaprabhaḥ || 39 ||
[Analyze grammar]

so'yamadya jagannāthaḥ prāpto māmiha yādavaḥ || 39 ||
[Analyze grammar]

amuṣya pādayoḥ padmamudvahāmi na saṃśayaḥ || 39 ||
[Analyze grammar]

śuśrūṣāṃ pratiyokṣyāmi pādayoḥ padmasaṃjñayoḥ || 39 ||
[Analyze grammar]

evaṃ vicintayitvā sā vavande tāṃ śacīṃ tadā || 39 ||
[Analyze grammar]

rāmeṇa saha niścitya keśavaḥ sumahābalaḥ |
tatpramāthe'karodbuddhiṃ vṛṣṇibhyaḥ praṇidhāya ca || 40 ||
[Analyze grammar]

kṛte tu devatākārye niṣkrāmantīṃ surālayāt |
unmathya sahasā kṛṣṇaḥ svaṃ nināya rathottamam || 41 ||
[Analyze grammar]

vṛkṣamutpāṭya rāmo'pi jaghānāpatataḥ parān |
samanahyanta dāśārhāstadājñāya tu sarvaśaḥ || 42 ||
[Analyze grammar]

te rathairvividhākāraiḥ samucchritamahādhvajaiḥ |
vājibhirvāraṇaiścāpi parivavrurhalāyudham || 43 ||
[Analyze grammar]

ādāya rukmiṇīṃ kṛṣṇo jagāmāśu purīṃ prati |
rāme cāsajya taṃ bhāraṃ yuyudhāne ca vīryavān || 44 ||
[Analyze grammar]

akrūre vipṛthau cāpi gade ca kṛtavarmaṇi |
cakradeve sunakṣatre sāraṇe ca mahābale || 45 ||
[Analyze grammar]

nivṛttaśatrau vikrānte bhaṅgakāre vidūrathe |
ugrasenātmaje kaṅke śatadyumne ca keśavaḥ || 46 ||
[Analyze grammar]

rājādhideve mṛdare prasene citrake tathā |
atidānte bṛhaddurge śvaphalke citrake pṛthau || 47 ||
[Analyze grammar]

vṛṣṇyandhakeṣu cānyeṣu mukhyeṣu madhusūdanaḥ |
gurumāsajya taṃ bhāraṃ yayau dvāravatīṃ prati || 48 ||
[Analyze grammar]

tataśca yādavāḥ sarve yuddhāya samupasthitāḥ || 48 ||
[Analyze grammar]

Colophon |
dantavaktro jarāsaṃdhaḥ śiśupālaśca vīryavān |
saṃnaddhā niryayuḥ kruddhā jighāṃsanto janārdanam || 49 ||
[Analyze grammar]

aṅgavaṅgakaliṅgaiśca sārdhaṃ pauṇḍraiśca vīryavān |
niryayau cedirājaḥ sa bhrātṛbhiḥ sumahārathaiḥ || 50 ||
[Analyze grammar]

kva vāsudevaḥ kva ca gopakāste || 50 ||
[Analyze grammar]

kuto nu rājā yaduvaṃśajanmanāṃ || 50 ||
[Analyze grammar]

kuto nu rāmo madamattagarhitaḥ || 50 ||
[Analyze grammar]

kuto nu vīro yudhi sātyakiḥ kila || 50 ||
[Analyze grammar]

iti bruvanto nṛpasattamāstadā || 50 ||
[Analyze grammar]

raṇāya yuktāḥ sabalāḥ samāgadhāḥ || 50 ||
[Analyze grammar]

śaraiśca khaḍgairyudhi pātayanto || 50 ||
[Analyze grammar]

mahārathā niryayurugravīryāḥ || 50 ||
[Analyze grammar]

vaiśaṃpāyanaḥ |
atha sainye mahārāja māgadhasya mahātmanaḥ || 50 ||
[Analyze grammar]

śaṅkhaduṃdubhayaścaiva sasvanuryuddhaśaṃsavaḥ || 50 ||
[Analyze grammar]

yādavāśca mahārāja śaṅkhāndadhmuḥ pṛthakpṛthak || 50 ||
[Analyze grammar]

bherīṇāṃ ca mṛdaṅgānāṃ jharjharīṇāṃ ca sarvaśaḥ || 50 ||
[Analyze grammar]

nādāḥ samabhavantaśca yadūnāṃ sainyasaṃcaye || 50 ||
[Analyze grammar]

tato yuddhaṃ samabhavatsenayorubhayorapi || 50 ||
[Analyze grammar]

jarāsaṃdhapramukhato vṛṣṇayaḥ prathitāstadā || 50 ||
[Analyze grammar]

tānpratyagṛhṇan saṃrabdhā vṛṣṇivīrā mahārathāḥ |
saṃkarṣaṇaṃ puraskṛtya vāsavaṃ maruto yathā || 51 ||
[Analyze grammar]

āpatantaṃ hi vegena jarāsaṃdhaṃ mahābalam |
ṣaḍbhirvivyādha nārācairyuyudhāno mahāmṛdhe || 52 ||
[Analyze grammar]

akrūro dantavaktraṃ tu vivyādha navabhiḥ śaraiḥ |
taṃ pratyavidhyatkārūṣo bāṇairdaśabhirāśugaiḥ || 53 ||
[Analyze grammar]

vipṛthuḥ śiśupālaṃ tu śarairvivyādha saptabhiḥ |
aṣṭabhiḥ pratyavidhyattaṃ śiśupālaḥ pratāpavāṇ || 54 ||
[Analyze grammar]

gaveśaṇo'pi caidyaṃ tu ṣaḍbhirvivyādha mārgaṇaiḥ |
anirdāntastathāṣṭābhirbṛhaddurgaśca pañcabhiḥ || 55 ||
[Analyze grammar]

prativivyādha tāṃścaidyaḥ pañcabhiḥ pañcabhiḥ śaraiḥ |
jaghāna cāśvāṃścaturaścaturbhirvipṛthoḥ śaraiḥ || 56 ||
[Analyze grammar]

bṛhaddurgasya bhallena śiraściccheda cārihā |
gaveṣaṇasya sūtaṃ ca prāhiṇodyamasādanam || 57 ||
[Analyze grammar]

hatāśvaṃ sa rathaṃ tyakvā vipṛthustu mahābalaḥ |
āruroha rathaṃ kṣipraṃ bṛhaddurgasya vīryavān || 58 ||
[Analyze grammar]

vipṛthoḥ sārathiścāpi gaveṣaṇarathaṃ drutam |
āruhya javanānaśvānniyantumupacakrame || 59 ||
[Analyze grammar]

te kruddhāḥ śaravarṣeṇa sunīthaṃ samavākiran |
nṛtyantaṃ rathamārgeṣu cāpahastāḥ kalāpinaḥ || 60 ||
[Analyze grammar]

cakradevo dantavaktraṃ bibhedorasi karṇinā |
paṭuśaṃ pañcaviṃśatyā vivyādha yudhi mārgaṇaiḥ || 61 ||
[Analyze grammar]

tābhyāṃ sa viddho daśabhirbāṇairmarmātigaiḥ śitaiḥ |
tato balī cakradevaṃ bibheda daśabhiḥ śaraiḥ || 62 ||
[Analyze grammar]

pañcabhiścāpi vivyādha so'vidūrādvidūratham |
vidūratho'pi taṃ ṣaḍbhirvivyādhājau śitaiḥ śaraiḥ || 63 ||
[Analyze grammar]

dantavaktro'pi vivyādha bhānumantaṃ vidūratham || 63 ||
[Analyze grammar]

triṃśatā pratyavidhyattaṃ balī bāṇairmahābalam |
kṛtavarmā bibhedājau rājaputraṃ tribhiḥ śaraiḥ || 64 ||
[Analyze grammar]

nyahanatsārathiṃ cāsya dhvajaṃ ciccheda cocchritam |
prativivyādha taṃ kruddhaḥ pauṇḍraḥ ṣaḍbhiḥ śilīmukhaiḥ || 65 ||
[Analyze grammar]

dhanuściccheda cāpyasya bhallenāyataparvaṇā |
nivṛttaśatruḥ kāliṅgaṃ bibheda niśitaiḥ śaraiḥ |
tomareṇāṃsadeśe taṃ nirbibheda kaliṅgarāṭ || 66 ||
[Analyze grammar]

gajenāsādya kaṅkastu gajamaṅgasya vīryavān |
tomareṇa bibhedāṅgaṃ bibhedāṅgaśca taṃ śaraiḥ || 67 ||
[Analyze grammar]

citrakaśca śvaphalkaśca satyakaśca mahārathaḥ |
kaliṅgasya tathānīkaṃ nārācairbibhiduḥ śitaiḥ || 68 ||
[Analyze grammar]

visṛṣṭena drumeṇājau vaṅgarājasya kuñjaram |
jaghāna rāmaḥ samkruddho vaṅgarājaṃ ca saṃyuge || 69 ||
[Analyze grammar]

taṃ hatvā rathamāruhya dhanurādāya vīryavān |
saṃkarṣaṇo jaghānograirnārācaiḥ kaiśikānbahūn || 70 ||
[Analyze grammar]

ṣaḍbhirnihatya kārūṣānmaheṣvāsān sa vīryavān |
śataṃ jaghāna saṃkruddho māgadhānāṃ mahārathaḥ |
nihatya tānmahābāhurjarāsaṃdhaṃ tato'bhyayāt || 71 ||
[Analyze grammar]

tamāpatantaṃ vivyādha nārācairmāgadhastribhiḥ |
taṃ bibhedāṣṭabhiḥ kruddho nārācairmusalāyudhaḥ |
ciccheda cāsya bhallena dhvajaṃ ratnavibhūṣitam || 72 ||
[Analyze grammar]

cāpaṃ ca mahadāyattaṃ śaraireva halāyudhaḥ || 72 ||
[Analyze grammar]

rathaṃ cāsya mahārāja tilaśaśca samāhanat || 72 ||
[Analyze grammar]

sa cchinnadhanvā viratho gadāmādāya māgadhaḥ || 72 ||
[Analyze grammar]

bibheda balabhadraṃ tu jaghāna ca punaḥ punaḥ || 72 ||
[Analyze grammar]

rathaṃ ca cūrṇayāmāsa gadayāsya sa māgadhaḥ || 72 ||
[Analyze grammar]

pātyamānād rathāttasmādavaplutya halāyudhaḥ || 72 ||
[Analyze grammar]

sātyakestu rathaṃ prāyātsarvakṣatrasya paśyataḥ || 72 ||
[Analyze grammar]

sātyakistu mahārāja śarairvivyādha māgadham || 72 ||
[Analyze grammar]

baladevo mahārāja gadāṃ saṃgṛhya satvaram || 72 ||
[Analyze grammar]

jaghāna māgadhaṃ saṃkhye vajreṇeva giriṃ hariḥ || 72 ||
[Analyze grammar]

tad yuddhamabhavadghoraṃ teṣāṃ devāsuropamam |
anivāryaṃ śaraireva praharṣogho mahodadheḥ |
sṛjatāṃ śaravarṣāṇi nighnatāmitaretaram || 73 ||
[Analyze grammar]

gajairgajā hi saṃkruddhāḥ saṃnipetuḥ sahasraśaḥ |
rathai rathāśca saṃrabdhāḥ sādibhiścāpi sādinaḥ || 74 ||
[Analyze grammar]

padātayaḥ padātīṃśca śakticarmāsipāṇayaḥ |
chindantaścottamāṅgāni viceruryudhi te pṛthak || 75 ||
[Analyze grammar]

asīnāṃ pātyamānānāṃ kavaceṣu mahāsvanaḥ |
śarāṇāṃ patatāṃ śabdaḥ pakṣiṇāmiva śuśruve || 76 ||
[Analyze grammar]

bherīśaṅkhamṛdaṅgānāṃ veṇūnāṃ ca mṛdhe dhvanim |
jugūha ghoṣaḥ śastrāṇāṃ jyāghoṣaśca mahātmanāṃ || 77 ||
[Analyze grammar]

taṃ prāvidhyata saptatyā bāṇairgāḍhaṃ janārdanaḥ || 77 ||
[Analyze grammar]

yatamānaśca ciccheda dhvajaṃ cāsya mahābalaḥ || 77 ||
[Analyze grammar]

jahāra ca śiraḥ kāyātsārathestasya vīryavān || 77 ||
[Analyze grammar]

taṃ kṛchragatamājñāya parivavrurjanārdanam || 77 ||
[Analyze grammar]

dākṣiṇātyā jighāṃsanto rājānaḥ sarva eva te || 77 ||
[Analyze grammar]

tamaṃśumānmahābāhurvivyādha daśabhiḥ śaraiḥ || 77 ||
[Analyze grammar]

śrutarvā pañcabhiḥ kruddho veṇudāriśca saptabhiḥ || 77 ||
[Analyze grammar]

tato'ṃśumantaṃ govindo bibhedorasi vīryavān || 77 ||
[Analyze grammar]

niṣasāda rathopasthe vyathitaḥ sa narādhipaḥ || 77 ||
[Analyze grammar]

śrutarvaṇo jaghānāśvāṃścaturbhiścaturaḥ śaraiḥ || 77 ||
[Analyze grammar]

veṇudārirdhvajaṃ chittvā bhujaṃ vivyādha dakṣiṇam || 77 ||
[Analyze grammar]

tathaiva ca śrutarvāṇaṃ śarairvivyādha saptabhiḥ || 77 ||
[Analyze grammar]

śiśriye ca dhvajaṃ śrānto nyaṣīdacca vyathānvitaḥ || 77 ||
[Analyze grammar]

muñcantaḥ śaravarṣāṇi vāsudevaṃ tato'bhyayuḥ || 77 ||
[Analyze grammar]

krathakaiśikamukhyāste rathavaṃśena sarvaśaḥ || 77 ||
[Analyze grammar]

bāṇānbāṇaiśca ciccheda teṣāṃ yudhi janārdanaḥ || 77 ||
[Analyze grammar]

jaghāna caiṣāṃ saṃrabdho yatamānānyatānbahūn || 77 ||
[Analyze grammar]

punaranyāṃścatuḥṣaṣṭyā nijaghāna śitaiḥ śaraiḥ || 77 ||
[Analyze grammar]

kruddhānāpatato vīro prādravattadbalaṃ tataḥ || 77 ||
[Analyze grammar]

etasminnantare vīro balabhadro mahāyaśāḥ || 77 ||
[Analyze grammar]

jaghāna gadayā vīraṃ jarāsaṃdhaṃ mahāmṛdhe || 77 ||
[Analyze grammar]

mūrchāṃ jagāma rājā tu nipapāta ca bhūtale || 77 ||
[Analyze grammar]

sātyakirvaṅgarājaṃ tu jaghāna niśitaiḥ śaraiḥ || 77 ||
[Analyze grammar]

tatsainyaṃ vimukhaṃ cāsījjarāsaṃdhe patatyapi || 77 ||
[Analyze grammar]

sātyakirbalabhadraśca jitvā yodhān sahasraśaḥ || 77 ||
[Analyze grammar]

śaṅkhaṃ dadhmatū rājānau sarveṣāmagrataḥ sthitau || 77 ||
[Analyze grammar]

tataśca vidrute sainye jarāsaṃdhe parājite || 77 ||
[Analyze grammar]

tayoḥ śaṅkhadhvaniṃ śrutvā gacchanneva janārdanaḥ || 77 ||
[Analyze grammar]

jitaṃ magadharājasya sainyaṃ bahunṛpāśrayam || 77 ||
[Analyze grammar]

ityevaṃ cintayitvā tu vāsudevaḥ pratāpavān || 77 ||
[Analyze grammar]

pāñcajanyaṃ mahāśaṅkhaṃ dadhmau yadukulodvahaḥ || 77 ||
[Analyze grammar]