Chapter 80

kasya cittvatha kālasya rājā rājagṛheśvaraḥ |
śuśrāva nihataṃ kaṃsaṃ jarāsaṃdhaḥ pratāpavān || 1 ||
[Analyze grammar]

duhitṛbhyāṃ mahīpatiḥ || 1 ||
[Analyze grammar]

tato nāticirātkālāj || 1 ||
[Analyze grammar]

astiḥ prāptiśca kaṃsasya mahiṣyau bharatarṣabha || 1 ||
[Analyze grammar]

hate bhartari duḥkhārte īyatuḥ svapiturgṛhān || 1 ||
[Analyze grammar]

sa sādhanena mahatā pākaśāsanavikramaḥ || 1 ||
[Analyze grammar]

ājagāma ṣaḍaṅgena balena mahatā vṛtaḥ |
kṛṣṇasya vadhamanvicchanmadhurāmanvavartata |
jighāṃsurhi yadūn kruddhaḥ kaṃsasyāpacitiṃ caran || 2 ||
[Analyze grammar]

ayaśo hyātmano rakṣaṃl lokanirvādaśaṅkayā || 2 ||
[Analyze grammar]

duhitṛprītikāmārthaṃ madhurāmavarodhakaḥ || 2 ||
[Analyze grammar]

akṣauhinyaikaviṃśatyā senayā ca tadā saha || 2 ||
[Analyze grammar]

astiḥ prāptiśca nāmnāstāṃ māgadhasya sute nṛpa |
te dve ca kaṃsarājāya dadau hṛṣṭaḥ sa māgadhaḥ || tena te vidhave syātāmubhe kṛṣṇena māgadhe |
jīvatyeva tathā rājanvīre rājñāṃ purogame |
jarāsaṃdhasya kalyānyau pīnaśroṇipayodhare |
ubhe kaṃsasya te bhārye prādādbārhadratho nṛpaḥ || 3 ||
[Analyze grammar]

sa tābhyāṃ mumude rājā badhvā pitaramāhukam |
samāśritya jarāsaṃdhamanādṛtya ca yādavān |
śūraseneśvaro rājā yathā te bahuśo śrutaḥ || 4 ||
[Analyze grammar]

jñātikāryārthasiddhyarthamugrasenahite sthitaḥ |
vasudevo'bhavannityaṃ kaṃso na mamṛṣe ca tam || 5 ||
[Analyze grammar]

rāmakṛṣṇau vyapāśritya hate kaṃse durātmani |
ugraseno'bhavad rājā bhojavṛṣṇyandhakairvṛtaḥ || 6 ||
[Analyze grammar]

madhurāṃ pālayāmāsa keśavānumate sthitaḥ || 6 ||
[Analyze grammar]

duhitṛbhyāṃ jarāsaṃdhaḥ priyābhyāṃ balavānnṛpaḥ |
priyārthaṃ vīrapatnībhyāmupāyānmathurāṃ tataḥ |
sa tadapriyamākarṇya śokāmarṣayuto nṛpaḥ |
ayādavīṃ mahīṃ kartuṃ cakre paramamudyamam || akṣauhiṇībhirviṃśatyā tisṛbhiścāpi saṃyutaḥ |
yadurājadhānīṃ mathurāṃ roddhumabhyāgato nṛpaḥ |
kṛtvā sarvasamudyogaṃ krodhādabhiyayau yadūn || 7 ||
[Analyze grammar]

pratāpāvanatā ye hi jarāsaṃdhasya pārthivāḥ |
mitrāṇi jñātayaścaiva saṃyuktāḥ suhṛdastathā || 8 ||
[Analyze grammar]

ta enamanvayuḥ sarve sainyaiḥ samuditairvṛtāḥ |
ye nṛpāḥ parvatāttasmādgomantādvrīḷitā gatāḥ |
te ca sarve yadūn hantuṃ jarāsaṃdhaṃ samanvayuḥ |
maheṣvāsā mahāvīryā jarāsaṃdhapriyaiṣiṇaḥ || 9 ||
[Analyze grammar]

kārūṣo dantavaktraśca cedirājaśca vīryavān |
kaliṅgādhipatiścaiva pauṇḍraśca balināṃ varaḥ |
āhvṛtiḥ kauśikaścaiva bhīṣmakaśca narādhipaḥ || 10 ||
[Analyze grammar]

putraśca bhīṣmakasyāpi rukmī mukhyo dhanurbhṛtām |
vāsudevārjunābhyāṃ yaḥ spardhate sma sadā bale || 11 ||
[Analyze grammar]

veṇudāriḥ śrutarvā ca krāthaścaivāṃśumānapi |
aṅgarājaśca balavānvaṅgānāmadhipastathā || 12 ||
[Analyze grammar]

kausalyaḥ kāśirājaśca daśārṇādhipatistathā |
suhmeśvaraśca vikrānto videhādhipatistathā || 13 ||
[Analyze grammar]

madrarājaśca balavāṃstrigartānāmatheśvaraḥ |
sālvarājaśca vikrānto daradaśca mahābalaḥ || 14 ||
[Analyze grammar]

yavanādhipatiścaiva bhagadattaśca vīryavān |
sauvīrarājaḥ śaibyaśca pāṇḍyaśca balināṃ varaḥ |
gāndhārarājaḥ subalo nagnajicca mahābalaḥ || 15 ||
[Analyze grammar]

kāśmīrarājo gonardo daradādhipatirnṛpaḥ || 15 ||
[Analyze grammar]

duryodhanādayaścaiva dhārtarāṣṭrā mahābalāḥ || 15 ||
[Analyze grammar]

ete cānye ca rājāno balavanto mahārathāḥ |
tamanvayurjarāsaṃdhaṃ vidviṣanto janārdanam || 16 ||
[Analyze grammar]

te śūrasenānāviśya prabhūtayavasendhanān |
ūṣuḥ saṃrudhya mathurāṃ parikṣipya balaistadā || 17 ||
[Analyze grammar]