Chapter 19

mārkaṇḍeya uvāca |
brahmadattasya tanayaḥ sa vaibhrājastvajāyata |
yogātmā tapasā yukto viṣvaksena iti śrutaḥ || 1 ||
[Analyze grammar]

kadācidbrahmadattastu bhāryayā sahito vane |
vijahāra prahṛṣṭātmā yathā śacyā śatakratuḥ || 2 ||
[Analyze grammar]

tataḥ pipīlikarutaṃ sa śuśrāva narādhipaḥ |
kāminīṃ kāminastasya yācataḥ krośato bhṛśam || 3 ||
[Analyze grammar]

śrutvā tu yācyamānāṃ tāṃ kruddhāṃ sūkṣmāṃ pipīlikām |
brahmadatto mahāhāsamakasmādeva cāhasat || 4 ||
[Analyze grammar]

tataḥ sā saṃnatirdīnā vrīḍitā dīnacetanā |
nirāhārā bahutithaṃ babhūvāmitrakarśana || 5 ||
[Analyze grammar]

prasādyamānā bhartrā sā tamuvāca śucismitā |
tvayāvahasitā rājannāhaṃ jīvitumutsahe || 6 ||
[Analyze grammar]

sa tatkāraṇamācakhyau na ca sā śraddadhāti tat |
uvāca cainaṃ kupitā naiṣa bhāvo'sti pārthiva || 7 ||
[Analyze grammar]

ko vai pipīlikarutaṃ mānuṣo vettumarhati |
ṛte devaprasādādvai pūrvajātikṛtena vā |
tapaḥphalena vā rājanvidyayā vā narādhipa || 8 ||
[Analyze grammar]

yadyeṣa vai prabhāvaste sarvasattvarutajñatā || 8 ||
[Analyze grammar]

sāhaṃ yathaiva jānīyāṃ tathā pratyāyayasva mām |
prāṇānvāpi parityakṣye rājan satyena te śape || 9 ||
[Analyze grammar]

tattasyā vacanaṃ śrutvā mahiṣyāḥ paruṣaṃ vibho |
sa rājā paramāpanno devaśreṣṭhamagāttadā |
śaraṇyaṃ sarvabhūteśaṃ bhaktyā nārāyaṇaṃ prabhum || 10 ||
[Analyze grammar]

samāhito nirāhāraḥ ṣaḍrātreṇa mahāyaśāḥ |
dadarśa darśane rājā devaṃ nārāyaṇaṃ harim || 11 ||
[Analyze grammar]

uvāca cainaṃ bhagavān sarvabhūtānukampakaḥ |
brahmadatta prabhāte tvaṃ kalyāṇaṃ samavāpsyasi |
ityuktvā bhagavāndevastatraivāntaradhīyata || 12 ||
[Analyze grammar]

brahmadatto'pi rājarṣiḥ sarvasattvarutajñatām || 12 ||
[Analyze grammar]

upadiṣya ca bhāryāyai vanātpratyāgataḥ puram || 12 ||
[Analyze grammar]

caturṇāṃ tu pitā yo'sau brāhmaṇānāṃ mahātmanām |
ślokaṃ so'dhītya putrebhyaḥ kṛtakṛtya ivābhavat || 13 ||
[Analyze grammar]

sa rājānamathānvicchatsahamantriṇamacyutam |
na dadarśāntaraṃ cāpi ślokaṃ śrāvayituṃ tadā || 14 ||
[Analyze grammar]

atha rājā śiraḥsnāto labdhvā nārāyaṇādvaram |
praviveśa purīṃ prīto rathamāruhya kāñcanam || 15 ||
[Analyze grammar]

tasya raśmīnagṛhṇācca kaṇḍarīko dvijarṣabhaḥ |
camaravyajanaṃ cāpi bābhravyaḥ samavākṣipat || 16 ||
[Analyze grammar]

idamantaramityeva tataḥ sa brāhmaṇastadā |
śrāvayāmāsa rājānaṃ ślokaṃ taṃ sacivau ca tau || 17 ||
[Analyze grammar]

sapta vyādhā daśārṇeṣu mṛgāḥ kālaṃjare girau |
haṃsāḥ sarasi mānase |
te sma jātāḥ kurukṣetre brāhmaṇā vedapāragāḥ |
prasthitā dūramadhvānaṃ |
cakravākāḥ sariddvīpe yūyaṃ tebhyo'vasīdatha || 18 ||
[Analyze grammar]

tacchrutvā mohamagamadbrahmadattastadānagha |
sacivau cāsya pāñcālaḥ kaṇḍarīkaśca bhārata || 19 ||
[Analyze grammar]

srastaraśmipratodau tau patitavyajanāv ubhau |
dṛṣṭvā babhūvurasvasthāḥ paurāścāgantavaśca ha || 20 ||
[Analyze grammar]

muhūrtādiva rājā sa saha tābhyāṃ rathe sthitaḥ |
pratilabhya tataḥ saṃjñāṃ pratyāgacchadariṃdama || 21 ||
[Analyze grammar]

tataste tatsaraḥ smṛtvā yogaṃ tamupalabhya ca |
brāḥmaṇaṃ vipulairarthairbhogaiśca samayojayan || 22 ||
[Analyze grammar]

abhiṣicya svarājye tu viṣvaksenamariṃdamam |
jagāma brahmadatto'tha sadāro vanameva ha || 23 ||
[Analyze grammar]

athainaṃ saṃnatirdhīrā devalasya sutā tadā |
uvāca paramaprītā yogādvanagataṃ nṛpam || 24 ||
[Analyze grammar]

jānantyā tvaṃ mahārāja pipīlikarutajñatām |
coditaḥ krodhamuddiśya saktaḥ kāmeṣu vai mayā || 25 ||
[Analyze grammar]

ito vayaṃ gamiṣyāmo gatimiṣṭāmanuttamām |
tava cāntarhito yogastataḥ saṃsmārito mayā || 26 ||
[Analyze grammar]

sa rājā paramaprītaḥ patnyāḥ śrutvā vacastadā |
prāpya yogaṃ vanādeva gatiṃ prāpa sudurlabhām || 27 ||
[Analyze grammar]

kaṇḍarīko'pi yogātmā sāṃkhyayogamanuttamam |
prāpya yogagatiṃ siddho viśuddhaḥ svena karmaṇā || 28 ||
[Analyze grammar]

kramaṃ praṇīya pāñcālaḥ śikṣāmutpādya kevalām |
yogācāryagatiṃ prāpa yaśaścāgryaṃ mahātapāḥ || 29 ||
[Analyze grammar]

evametatpurā vṛttaṃ mama pratyakṣamacyuta |
taddhārayasva gāṅgeya śreyasā yokṣyase tataḥ || 30 ||
[Analyze grammar]

ye cānye dhārayiṣyanti teṣāṃ caritamuttamam |
tiryagyoniṣu te jātu na bhaviṣyanti karhicit || 31 ||
[Analyze grammar]

śrutvā cedamupākhyānaṃ mahārthaṃ mahatāṃ gatim |
yogadharmo hṛdi sadā parivarteta bhārata || 32 ||
[Analyze grammar]

sa tenaivānubandhena kadācil labhate śamam |
ya imaṃ śrāvayecchrāddhe pitṝnprīṇāti puṇyakṛt |
akṣayaṃ ca pitṝṇāṃ vai prītirbhavati śāśvatī || ye paṭhanti ca śṛṇvanti śrāvayanti ca ye dvijān |
tato manogatiṃ yāti siddhānāṃ bhuvi durlabhām || 33 ||
[Analyze grammar]

vaiśaṃpāyana uvāca |
evametatpurā gītaṃ mārkaṇḍeyena dhīmatā |
śrāddhasya phalamuddiśya somasyāpyāyanāya vai || 34 ||
[Analyze grammar]

somo hi bhagavāndevo lokasyāpyāyanaṃ param |
vṛṣṇivaṃśaprasaṅgena tasya vaṃśaṃ nibodha me || 35 ||
[Analyze grammar]