Chapter 18

te yogadharmaniratāḥ sapta mānasacāriṇaḥ |
padmagarbho'ravindākṣaḥ kṣīragarbhaḥ sulocanaḥ |
ūrubinduḥ subinduśca haimagarbhastu saptamaḥ |
haṃsā jātā mahātmāno mānaseṣu saraḥsu ca || sumanāḥ suvāksuśuddhaśca tattvadarṣī ca tattvavit |
sunetraśca suhotraśca dvijā nāmabhireva ca || te brahmacāriṇaḥ sarve vihagāḥ kāmacāriṇaḥ |
vāyvambubhakṣāḥ satataṃ śarīrāṇyupaśoṣayan || 1 ||
[Analyze grammar]

rājā vibhrājamānastu vapuṣā tadvanaṃ tadā |
cacārāntaḥpuravṛto nandanaṃ maghavāniva || 2 ||
[Analyze grammar]

sa tānabudhyatkhacarānyogadharmātmakānbudhaḥ |
nirvedācca tamevārthamanudhyātvā puraṃ yayau || 3 ||
[Analyze grammar]

aṇuho nāma tasyāsītputraḥ paramadhārmikaḥ |
aṇudharmaratirnityamaṇuho'dhyagamatpadam || 4 ||
[Analyze grammar]

prādātkanyāṃ śukastasmai kṛtvīṃ pūjitalakṣaṇām |
sattvaśīlaguṇopetāṃ yogadharmaratāṃ sadā || 5 ||
[Analyze grammar]

sā hyuddiṣṭā purā bhīṣma pitṛkanyā maṇīṣiṇā |
sanatkumāreṇa tadā saṃnidhau mama śobhanā || 6 ||
[Analyze grammar]

satyadharmabhṛtāṃ śreṣṭhā durvijñeyākṛtātmabhiḥ |
yogā ca yogapatnī ca yogamātā tathaiva ca |
yathā te kathitaṃ pūrvaṃ pitṛsargeṣu vai mayā || 7 ||
[Analyze grammar]

vibhrājastvaṇuhaṃ rājye sthāpayitvā nareśvaraḥ |
āmantrya paurānprītātmā brāhmaṇān svasti vācya ca |
prāyātsarastapaścartuṃ yatra te sahacāriṇaḥ || 8 ||
[Analyze grammar]

sa vai tatra nirāhāro vāyubhakṣo mahātapāḥ |
tyaktvā kāmāṃstapastepe sarasastasya pārṣvataḥ || 9 ||
[Analyze grammar]

tasya saṃkalpa āsīcca teṣāmanyatarasya vai |
putratvaṃ prāpya yogena yujyeyamiti bhārata || 10 ||
[Analyze grammar]

kṛtvābhisaṃdhiṃ tapasā mahatā sa samanvitaḥ |
mahātapāḥ sa vibhrājo virarājāṃśumāniva || 11 ||
[Analyze grammar]

tato vibhrājitaṃ tena vaibhrājamiti tadvanam |
sarastacca kuruśreṣṭha vaibhrājamiti śabditam || 12 ||
[Analyze grammar]

yatra te śakunā rājaṃścatvāro yogadharmiṇaḥ |
yogabhraṣṭāstrayaścaiva dehanyāsakṛto'bhavan || 13 ||
[Analyze grammar]

kāmpilye nagare te tu brahmadattapurogamāḥ |
jātāḥ sapta mahātmānaḥ sarve vigatakalmaṣāḥ |
smṛtimanto'tra catvārastrayastu parimohitāḥ || 14 ||
[Analyze grammar]

svatantrastvaṇuhājjajñe brahmadatto mahāyaśāḥ |
yathāsyāsītpakṣibhāve saṃkalpaḥ pūrvacintitaḥ || 15 ||
[Analyze grammar]

jñānadhyānatapaḥpūtā vedavedāṅgapāragāḥ || 15 ||
[Analyze grammar]

chidradarśī sunetraśca tathā bābhravyavatsayoḥ |
jātau śrotriyadāyādau vedavedāṅgapāragau || 16 ||
[Analyze grammar]

sakhāyau brahmadattasya pūrvajātisahoṣitau |
pāñcālaḥ pañcamastatra kaṇḍarīkastathāparaḥ || 17 ||
[Analyze grammar]

pāñcālo bahvṛcastvāsīdācāryatvaṃ cakāra ha |
dvivedaḥ kaṇḍarīkastu chandogo'dhvaryureva ca || 18 ||
[Analyze grammar]

sarvasattvarutajñaśca rājāsīdaṇuhātmajaḥ |
pāñcālakaṇḍarīkābhyāṃ tasya saṃvidabhūttadā || 19 ||
[Analyze grammar]

te grāmyadharmaniratāḥ kāmasya vaśavartinaḥ |
pūrvajātikṛtenāsandharmakāmārthakovidāḥ || 20 ||
[Analyze grammar]

aṇuhastu nṛpaśreṣṭho brahmadattamakalmaṣam |
abhiṣicya tadā rājye parāṃ gatimavāptavān || 21 ||
[Analyze grammar]

brahmadattasya bhāryā tu devalasyātmajābhavat |
asitasya yogadurdharṣā saṃnatirnāma bhārata || 22 ||
[Analyze grammar]

tāmekabhāvasaṃyuktāṃ lebhe kanyāmanuttamām |
saṃnatiṃ saṃnatimatīṃ devalād yogadharmiṇīm || 23 ||
[Analyze grammar]

upayeme vidhānena brahmadatto narādhipaḥ || 23 ||
[Analyze grammar]

śeṣāstu cakravākā vai kāmpilye sahacāriṇaḥ |
te jātāḥ śrotriyakule sudaridre sahodarāḥ || 24 ||
[Analyze grammar]

dhṛtirmahāmanā vidvāṃstattvadarśī ca nāmataḥ |
vedādhyayanasaṃpannāścatvāro'cchinnadarśinaḥ || 25 ||
[Analyze grammar]

teṣāṃ saṃvidathotpannā pūrvajātikṛtā tadā |
te yoganiratāḥ siddhāḥ prasthitāḥ sarva eva hi || 26 ||
[Analyze grammar]

āmantrya pitaraṃ tāta pitā tānabravīttadā |
adharma eṣa yuṣmākaṃ yanmāṃ tyaktvā gamiṣyatha || 27 ||
[Analyze grammar]

dāridryamanapākṛtya putrārthāṃścaiva puṣkalān |
kāmānabhīpsitān sarvānmama kṛtvādya putrakāḥ |
śuśrūṣāmaprayuktvā ca kathaṃ vai gantumarhatha || 28 ||
[Analyze grammar]

te tamūcurdvijāḥ sarve pitaraṃ punareva hi |
kariṣyāmo vidhānaṃ te yena tvaṃ vartayiṣyasi || 29 ||
[Analyze grammar]

imaṃ ślokaṃ mahārthaṃ tvaṃ rājānaṃ sahamantriṇam |
śrāvayethāḥ samāgamya brahmadattamakalmaṣam || 30 ||
[Analyze grammar]

prītātmā dāsyati sa te grāmānbhogāṃśca puṣkalān |
yathepsitāṃśca sarvārthān gaccha tāta yathāsukham || 31 ||
[Analyze grammar]

etāvaduktvā te sarve pūjayitvā ca taṃ guruṃ |
yogadharmamanuprāpya paramāṃ nirvṛtiṃ yayuḥ || 32 ||
[Analyze grammar]

yoginaḥ paramātmānaḥ saṃyatenāntarātmanā || 32 ||
[Analyze grammar]