Chapter 20

vaiśaṃpāyana uvāca |
pitā somasya vai rājañjajñe'trirbhagavānṛṣiḥ |
athātaḥ śrūyatāṃ rājanvaṃśaḥ somasya pāvanaḥ |
yasminnailādayo bhūpāḥ kīrtyante puṇyakīrtayaḥ || yatra jāto hariḥ sākṣātkṛṣṇastrailokyapāvanaḥ |
sahasraśirasaḥ puṃso nābhihradasaroruhāt || jātasyāsītsuto dhāturatriḥ pitṛsamo guṇaiḥ |
brahmaṇo mānasātpūrvaṃ prajāsargaṃ vidhitsataḥ |
tatrātriḥ sarvalokānāṃ tasthau svavinayairvṛtaḥ |
karmaṇā manasā vācā śubhānyeva cacāra ha || 1 ||
[Analyze grammar]

ahiṃsraḥ sarvabhūteṣu dharmātmā saṃśitavrataḥ |
kāṣṭhakuḍyaśilābhūta ūrdhvabāhurmahādyutiḥ || 2 ||
[Analyze grammar]

anuttamaṃ nāma tapo yena taptaṃ mahatpurā |
trīṇi varṣasahasrāṇi divyānīti hi naḥ śrutam || 3 ||
[Analyze grammar]

tatordhvaretasastasya sthitasyānimiṣasya hi |
somatvaṃ tanurāpede mahābuddhasya bhārata || 4 ||
[Analyze grammar]

ūrdhvamācakrame tasya somatvaṃ bhāvitātmanaḥ |
netrābhyāṃ vāri susrāva daśadhā dyotayaddiśaḥ || 5 ||
[Analyze grammar]

taṃ garbhaṃ daśadhā dṛṣṭvā daśa devyo dadhustataḥ |
sametya dhārayāmāsurna ca tāḥ tamaśaknuvan || 6 ||
[Analyze grammar]

sa tābhyaḥ sahasaivātha digbhyo garbhaḥ prabhānvitaḥ |
papāta bhāsayaṃl lokāñchītāṃśuḥ sarvabhāvanaḥ || 7 ||
[Analyze grammar]

yadā na dhāraṇe śaktāstasya garbhasya tā diśaḥ |
tatastābhiḥ sahaivāśu nipatāta vasuṃdharām || 8 ||
[Analyze grammar]

patitaṃ somamālokya brahmā lokapitāmahaḥ |
rathamāropayāmāsa lokānāṃ hitakāmyayā || 9 ||
[Analyze grammar]

sa hi vedamayastāta dharmātmā satyasaṃgaraḥ |
yukto vājisahasreṇa siteneti hi naḥ śrutam || 10 ||
[Analyze grammar]

tasminnipatite devāḥ putre'treḥ paramātmani |
tuṣṭuvurbrahmaṇaḥ putrā mānasāḥ sapta ye śrutāḥ || 11 ||
[Analyze grammar]

tathaivāṅgirasastatra bhṛgorevātmajaiḥ saha |
ṛgbhiryajurbhiḥ sāmabhiratharvāṅgirasairapi || 12 ||
[Analyze grammar]

tasya saṃstūyamānasya tejaḥ somasya bhāsvataḥ |
āpyāyamānaṃ lokāṃstrīnbhāvayāmāsa sarvataḥ || 13 ||
[Analyze grammar]

sa tena rathamukhyena sāgarāntāṃ vasuṃdharām |
triḥsaptakṛtvo'tiyaśāścakārābhipradakṣiṇām || 14 ||
[Analyze grammar]

tasya yaccyāvitaṃ tejaḥ pṛthivīmanvapadyata |
oṣadhyastāḥ samudbhūtāstejasā prajvalantyuta || 15 ||
[Analyze grammar]

tābhiṛ dhāryo hyayaṃ lokaḥ prajāścaiva caturvidhāḥ |
poṣṭā hi bhagavān somo jagato jagatīpate || 16 ||
[Analyze grammar]

sa labdhatejā bhagavān saṃstavaiḥ svaiśca karmabhiḥ |
tapastepe mahābhāga padmānāṃ daśatīrdaśa || 17 ||
[Analyze grammar]

hiraṇyavarṇā yā devyo dhārayantyātmanā jagat |
nidhistāsāmabhūddevaḥ prakhyātaḥ svena karmaṇā || 18 ||
[Analyze grammar]

tatastasmai dadau rājyaṃ brahmā brahmavidāṃ varaḥ |
bījauṣadhīnāṃ viprāṇāmapāṃ ca janamejaya || 19 ||
[Analyze grammar]

so'bhiṣikto mahātejā rājarājyena rājarāṭ |
trīṃl lokānbhāvayāmāsa svabhāsā bhāsvatāṃ varaḥ || 20 ||
[Analyze grammar]

saptaviṃśatimindostu dākṣāyaṇyo mahāvratāḥ |
dadau prācetaso dakṣo nakṣatrāṇīti yā viduḥ || 21 ||
[Analyze grammar]

sa tatprāpya mahad rājyaṃ somaḥ somavatāṃ varaḥ |
samājahre rājasūyaṃ sahasraśatadakṣiṇam || 22 ||
[Analyze grammar]

hotāsya bhagavānatriradhvaryurbhagavānbhṛguḥ |
hiraṇyagarbhaścodgātā brahmā brahmātvameyivān || 23 ||
[Analyze grammar]

sadasyastatra bhagavān harirnārāyaṇaḥ prabhuḥ |
sanatkumārapramukhairādyairbrahmarṣibhirvṛtaḥ || 24 ||
[Analyze grammar]

dakṣiṇāmadadātsomastrīṃl lokāniti naḥ śrutam |
tebhyo brahmarṣimukhyebhyaḥ sadasyebhyaśca bhārata || 25 ||
[Analyze grammar]

sinīvālī kuhūścaiva dyutiḥ puṣṭiḥ prabhā vasuḥ |
kīrtirdhṛtiśca lakṣmīśca nava devyaḥ siṣevire || 26 ||
[Analyze grammar]

prāpyāvabhṛthamavyagraḥ sarvadevarṣipūjitaḥ |
taṃ mūrdhnyupāghrāya tadā somo dhātā prajāpatiḥ |
virarājāti rājendro daśadhā bhāvayandiśaḥ || 27 ||
[Analyze grammar]

tasya tatprāpya duṣprāpyamaiśvaryaṃ munisatkṛtam |
vibabhrāma matistāta vinayādanayāhṛtā || 28 ||
[Analyze grammar]

bṛhaspateḥ sa vai bhāryāṃ tārāṃ nāma yaśasvinīm |
jahāra tarasā sarvānavamatyāṅgiraḥsutān || 29 ||
[Analyze grammar]

sa yācyamāno devaiśca tathā devarṣibhiḥ saha |
naiva vyasarjayattārāṃ tasmā aṅgirase tadā || 30 ||
[Analyze grammar]

sa saṃrabdhastadā tasmindevācāryo bṛhaspatiḥ || 30 ||
[Analyze grammar]

uśanā tasya jagrāha pārṣṇimaṅgirasastadā |
sa hi śiṣyo mahātejāḥ pituḥ pūrvaṃ bṛhaspateḥ || 31 ||
[Analyze grammar]

tena snehena bhagavān rudrastasya bṛhaspateḥ |
pārṣṇigrāho'bhavaddevaḥ pragṛhyājagavaṃ dhanuḥ || 32 ||
[Analyze grammar]

tena brahmaśiro nāma paramāstraṃ mahātmanā |
uddiśya devānutsṛṣṭaṃ yenaiṣāṃ nāśitaṃ yaśaḥ || 33 ||
[Analyze grammar]

tatra tad yuddhamabhavatprakhyātaṃ tārakāmayam |
devānāṃ dānavānāṃ ca lokakṣayakaraṃ mahat || 34 ||
[Analyze grammar]

tatra śiṣṭāstu ye devāstuṣitāścaiva ye bhārata |
brahmāṇaṃ śaraṇaṃ jagmurādidevaṃ pitāmaham || 35 ||
[Analyze grammar]

tato nivāryośanasaṃ taṃ vai rudraṃ ca śaṃkaram |
dadāvaṅgirase tārāṃ svayameva pitāmahaḥ || 36 ||
[Analyze grammar]

tāmantaḥprasavāṃ dṛṣṭvā vipraḥ prāha bṛhaspatiḥ |
madīyāyāṃ na te yonau garbho dhāryaḥ kathaṃ cana || 37 ||
[Analyze grammar]

satyaṃ kathaya me subhru kasya garbhastavodare || 37 ||
[Analyze grammar]

tyaja tyajāśu durbuddhe matkṣetrādāhitaṃ paraiḥ || 37 ||
[Analyze grammar]

nāhaṃ tvāṃ bhasmasātkuryāṃ striyaṃ sāṃtānike sati || 37 ||
[Analyze grammar]

śrutvā bṛhaspatervākyaṃ roṣeṇa vyākulābhavat || 37 ||
[Analyze grammar]

ayonāvasṛjattaṃ tu kumāraṃ dasyuhantamam |
iṣīkāstambamāsādya jvalantamiva pāvakam || 38 ||
[Analyze grammar]

jātamātraḥ sa bhagavāndevānāmākṣipadvapuḥ |
tataḥ saṃśayamāpannāstārāmakathayan surāḥ || 39 ||
[Analyze grammar]

satyaṃ brūhi sutaḥ kasya somasyātha bṛhaspateḥ |
pṛcchyamānā yadā devairnāha sā sādhvasādhu vā |
kumāro mātaraṃ prāha kupito'līkalajjayā |
kiṃ na vocasyasadvṛtte ātmāvadyaṃ vadāśu me |
tadā tāṃ śaptumārabdhaḥ kumāro dasyuhantamaḥ || 40 ||
[Analyze grammar]

taṃ nivārya tato brahmā tārāṃ papraccha saṃśayam |
yadatra tathyaṃ tadbrūhi tāre kasya suto hyayam || 41 ||
[Analyze grammar]

sā prāñjaliruvācedaṃ brahmāṇaṃ varadaṃ prabhum |
somasyeti mahātmānaṃ kumāraṃ dasyuhantamam || 42 ||
[Analyze grammar]

taṃ mūrdhnyupāghrāya tadā somo dhātā prajāpatiḥ |
budha ityakaronnāma tasya putrasya dhīmataḥ |
pratikūlaṃ ca gagane samabhyuttiṣṭhate budhaḥ || 43 ||
[Analyze grammar]

utpādayāmāsa tadā putraṃ vai rājaputrikā |
tasyāpatyaṃ mahārājo babhūvailaḥ purūravāḥ |
urvaśyāṃ jajñire yasya putrāḥ sapta mahātmanaḥ || 44 ||
[Analyze grammar]

prasahya dharṣitastatra vivaśo rājayakṣmaṇā |
tato yakṣmābhibhūtastu somaḥ prakṣīṇamaṇḍaḥ |
jagāma śaraṇāyātha pitaraṃ so'trimeva ca || 45 ||
[Analyze grammar]

tasya tatpāpaśamanaṃ cakārātrirmahāyaśāḥ |
sa rājayakṣmaṇā muktaḥ śriyā jajvāla sarvaśaḥ || 46 ||
[Analyze grammar]

etatsomasya te janma kīrtitaṃ kīrtivardhanam |
vaṃśamasya mahārāja kīrtyamānamataḥ śṛṇu || 47 ||
[Analyze grammar]

dhanyamāyuṣyamārogyaṃ puṇyaṃ saṃkalpasādhakam |
somasya janma śrutvaiva sarvapāpaiḥ pramucyate || 48 ||
[Analyze grammar]

naro vigatakalmaṣaḥ śraddadhānaḥ prasannātmā || 48 ||
[Analyze grammar]