Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 11.53
nāhaṃ vedairna tapasā na dānena na cejyayā |
śakya evaṃvidho draṣṭuṃ dṛṣṭavānasi māṃ yathā ||53||
The Subodhinī commentary by Śrīdhara
atra hetumāha nāhamiti | spaṣṭo'rthaḥ ||53||
The Gūḍhārthadīpikā commentary by Madhusūdana
kasmāddevā etadrūpaṃ na dṛṣṭavanto na vā drakṣyanti madbhaktiśūnyatvādityāha nāhamiti | na vedayajñādhyayanairityādinā gatārthaḥ ślokaḥ paramadurlabhatvakhyāpanāyābhyastaḥ ||53||
The Sārārthavarṣiṇī commentary by Viśvanātha
kiṃ ca yuṣmadaspṛhaṇīyamapyetatsvarūpamanye puruṣārthasāratvena ye spṛhayanti, tairvedādhyayanādibhirapi sādhanairetajjñātuṃ draṣṭuṃ cāśakyameveti pratīhītyāha nāhamiti ||53||
The Gītābhūṣaṇa commentary by Baladeva
sudurlabhatāmāha nāhamiti | evaṃvidho devakīsūnuścaturbhujastvatsakho'haṃ vedādibhirapi sādhanaiḥ kenāpi puṃsā bhaktiśūnyena draṣṭuṃ na śakyo yathā tvaṃ māṃ dṛṣṭavānasi ||53||
__________________________________________________________