Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 11.16
anekabāhūdaravaktranetraṃ
paśyāmi tvā sarvato'nantarūpam |
nāntaṃ na madhyaṃ na punastavādiṃ
paśyāmi viśveśvara viśvarūpa ||16||
The Subodhinī commentary by Śrīdhara
kiṃ ca aneketi | anekāni bāhvādīni yasya tādṛśaṃ tvāṃ paśyāmi | anantāni rūpāṇi yasya taṃ tvāṃ sarvataḥ paśyāmi | tava tvaṃ taṃ madhyamādiṃ ca na paśyāmi ||16||
The Gūḍhārthadīpikā commentary by Madhusūdana
yatra bhagavaddehe sarvamidaṃ dṛṣṭavān, tameva viśinaṣṭi aneketi | bāhava udarāṇi vaktrāṇi netrāṇi cānekāni yasya tamanekabāhūdaravaktranetraṃ paśyāmi | tvā tvāṃ sarvataḥ sarvatrānantāni rūpāṇi yasyeti tam | tava tu punarnāntamavasānaṃ na madhyaṃ nāpyādiṃ paśyāmi sarvagatatvāt | he viśveśvara ! he viśvarūpa ! sambodhanadvayamatisambhramāt ||16||
The Sārārthavarṣiṇī commentary by Viśvanātha
he viśveśvara ādipuruṣa ||16||
The Gītābhūṣaṇa commentary by Baladeva
yatra dehe devādīn dṛṣṭavāṃstaṃ viśinaṣṭi aneketi | he viśvarūpa prathamapuruṣa ! ||16||
__________________________________________________________