Ashtanga-hridaya-samhita [sanskrit]
273,418 words | ISBN-10: 8121800226 | ISBN-13: 9788121800226
The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).
Section 3
virecanaṃ śiraḥśūlajāḍyasyandagalāmaye||2||
śophagaṇḍakṛmigranthikuṣṭhāpasmārapīnase||3||
Commentary: Aruṇadatta’s Sarvāṅgasundarā
śiraḥśūlādiṣu virecanaṃ nasyamiṣyate| apasmāro yadyapyūrdhvajatrusthito na bhavati, tathā'pi virecananasyena śāmyatīti tadupādānam| upalakṣaṇaṃ cedam| kaphajeṣu prasekāsyavairasyagandhājñānādiṣvapi virecanameva hitam| §4745 5
Commentary: Hemādri’s Āyurvedarasāyana
tatra virecanasya viṣayamāha-virecanamiti| jāḍyaṃ-śirasaḥ| syando-netrakopaḥ| saṅgrahe tu (sū. a. 29) -"upadehakaṇḍūstambhasrāvaprasekavairasyārocakasvarabhedagandhājñānārbudadadrukoṭhādiṣu śleṣmajeṣu" iti|
Commentary: Hemādri’s Āyurvedarasāyana
bṛṃhaṇanasyasya viṣayamāha-bṛṃhaṇamiti| saṅgrahe tu (sū. a. 29)| "ardhāvabhedakakṛmiśirorogākṣisaṅkocaspandanatimiradantakarṇaśūlanādamanyārogāpatānakanidrānāśādiṣbanilottheśu"iti|