Chapter 14 - Issuing of Bodhisattvas from the Gaps of the Earth

kaccit sukhaṃ viharasi lokanātha prabhaṃkara |
ābādhavipramukto 'si sparśaḥ kāye tavānagha || 1 ||
[Analyze grammar]

svākārāścaiva te sattvāḥ suvineyāḥ suśodhakāḥ |
mā haiva khedaṃ janayanti lokanāthasya bhāṣataḥ || 2 ||
[Analyze grammar]

sādhu sādhu mahāvīra anumodāmahe vayam |
svākārā yena te sattvāḥ suvineyāḥ suśodhakāḥ || 3 ||
[Analyze grammar]

ye cedaṃ jñāna gambhīraṃ śṛṇvanti tava nāyaka |
śrutvā ca adhimucyante uttaranti ca nāyaka || 4 ||
[Analyze grammar]

bahusahasrā nayutāḥ koṭīyo ca anantakāḥ |
apūrvā bodhisattvānāmakhyāhi dvipadottama || 5 ||
[Analyze grammar]

kuto ime kathaṃ vāpi āgacchanti maharddhikāḥ |
mahātmabhāvā rūpeṇa kuta eteṣa āgamaḥ || 6 ||
[Analyze grammar]

dhṛtimantāścime sarve smṛtimanto maharṣayaḥ |
priyadarśanāśca rūpeṇa kuta eteṣa āgamaḥ || 7 ||
[Analyze grammar]

ekaikasya ca lokendra bodhisattvasya vijñinaḥ |
aprameyaḥ parivāro yathā gaṅgāya vālikāḥ || 8 ||
[Analyze grammar]

gaṅgāvālikasamā ṣaṣṭi paripūrṇā yaśasvinaḥ |
parivāro bodhisattvasya sarve bodhāya prasthitāḥ || 9 ||
[Analyze grammar]

evaṃrūpāṇa vīrāṇāṃ parṣavantāna tāyinām |
ṣaṣṭireva pramāṇena gaṅgāvālikayā ime || 10 ||
[Analyze grammar]

ato bahutarāścānye parivārairanantakaiḥ |
pañcāśatīya gaṅgāya catvāriṃśacca triṃśati || 11 ||
[Analyze grammar]

samo viṃśati gaṅgāyā parivāraḥ samantataḥ |
ato bahutarāścānye yeṣāṃ daśa ca pañca ca || 12 ||
[Analyze grammar]

ekaikasya parīvāro buddhaputrasya tāyinaḥ |
kuto 'yamīdṛśī parṣadāgatādya vināyaka || 13 ||
[Analyze grammar]

catvāri trīṇi dve cāpi gaṅgāvālikayā samāḥ |
ekaikasya parīvārā ye 'nuśikṣā sahāyakāḥ || 14 ||
[Analyze grammar]

ato bahutarāścānye gaṇanā yeṣvanantikā |
kalpakoṭīsahasreṣu upametuṃ na śaknuyāt || 15 ||
[Analyze grammar]

ardhagaṅgā tribhāgaśca daśaviṃśatibhāgikaḥ |
parivāro 'tha vīrāṇāṃ bodhisattvāna tāyinām || 16 ||
[Analyze grammar]

ato bahutarāścānye pramāṇaiṣāṃ na vidyate |
ekaikaṃ gaṇayantena kalpakoṭīśatairapi || 17 ||
[Analyze grammar]

ato bahutarāścānye parivārairanantakaiḥ |
koṭī koṭī ca koṭī ca ardhakoṭī tathaiva ca || 18 ||
[Analyze grammar]

gaṇanāvyativṛttāśca anye bhūyo maharṣiṇām |
bodhisattvā mahāprajñāḥ sthitāḥ sarve sagauravāḥ || 19 ||
[Analyze grammar]

parivārasahasraṃ ca śatapañcāśadeva ca |
gaṇanā nāsti eteṣāṃ kalpakoṭīśatairapi || 20 ||
[Analyze grammar]

viṃśatiddaśa pañcātha catvāri trīṇi dve tathā |
parivāro 'tha vīrāṇāṃ gaṇanaiṣāṃ na vidyate || 21 ||
[Analyze grammar]

carantyekātmakā ye ca śāntiṃ vindanti caikakāḥ |
gaṇanā teṣa naivāsti ye ihādya samāgatāḥ || 22 ||
[Analyze grammar]

gaṅgāvālikāsamān kalpān gaṇayeta yadī naraḥ |
śalākāṃ gṛhya hastena paryantaṃ naiva so labhet || 23 ||
[Analyze grammar]

mahātmanāṃ ca sarveṣāṃ vīryantāna tāyinām |
bodhisattvāna vīrāṇāṃ kuta eteṣa saṃbhavaḥ || 24 ||
[Analyze grammar]

kenaiṣāṃ deśito dharmaḥ kena bodhīya sthāpitāḥ |
rocanti śāsanaṃ kasya kasya śāsanadhārakāḥ || 25 ||
[Analyze grammar]

bhittvā hi pṛthivīṃ sarvāṃ samantena caturdiśam |
unmajjanti mahāprajñā ṛddhimantā vicakṣaṇāḥ || 26 ||
[Analyze grammar]

jarjarā lokadhātveyaṃ samantena kṛtā mune |
unmajjamānairetairhi bodhisattvairviśāradaiḥ || 27 ||
[Analyze grammar]

na hyete jātu asmābhirdṛṣṭapūrvāḥ kadācana |
ākhyāhi no tasya nāma lokadhātorvināyaka || 28 ||
[Analyze grammar]

daśādiśā hi asmābhirañcitāyo punaḥ punaḥ |
na ca dṛṣṭā ime 'smābhirbodhisattvāḥ kadācana || 29 ||
[Analyze grammar]

dṛṣṭo na jāturasmābhireko 'pi tanayastava |
ime 'dya sahasā dṛṣṭā ākhyāhi caritaṃ mune || 30 ||
[Analyze grammar]

bodhisattvasahasrāṇi śatāni nayutāni ca |
sarve kautūhalaprāptāḥ paśyanti dvipadottamam || 31 ||
[Analyze grammar]

vyākuruṣva mahāvīra aprameya niropadhe |
kuta enti ime śūrā bodhisattvā viśāradaḥ || 32 ||
[Analyze grammar]

prayatā bhavadhvaṃ kulaputra sarva imāṃ pramuñcāmi girāmananyathām |
mā khū viṣādaṃ kurutheha paṇḍitā acintiyaṃ jñānu tathāgatānām || 33 ||
[Analyze grammar]

dhṛtimanta bhūtvā smṛtimanta sarve samāhitāḥ sarviḥ sthitā bhavadhvam |
apūrvadharmo śruṇitavyu adya āścaryabhūto hi tathāgatānām || 34 ||
[Analyze grammar]

vicikitsa mā jātu kurudhva sarve ahaṃ hi yuṣmān parisaṃsthapemi |
ananyathāvādirahaṃ vināyako jñānaṃ ca me yasya na kāci saṃkhyā || 35 ||
[Analyze grammar]

gambhīra dharmāḥ sugatena buddhā atarkiyā yeṣa premāṇu nāsti |
tānadya haṃ dharma prakāśayiṣye śṛṇotha me yādṛśakā yathā ca te || 36 ||
[Analyze grammar]

ye bodhisattvā ime aprameyā acintiyā yeṣa pramāṇu nāsti |
ṛddhīya prajñāya śrutenupetā bahukalpakoṭīcaritāśca jñāne || 37 ||
[Analyze grammar]

paripācitāḥ sarvi mayaiti bodhaye mamaiva kṣetrasmi vasanti caite |
paripācitāḥ sarvi mayaiva ete mamaiva putrāścimi bodhisattvāḥ || 38 ||
[Analyze grammar]

sarve ti āraṇyadhutābhiyuktāḥ saṃsargabhūmiṃ sada varjayanti |
asaṅgacārī ca mamaiti putrā mamottamāṃ caryanuśikṣamāṇāḥ || 39 ||
[Analyze grammar]

vasanti ākāśaparigrahe 'smin kṣetrasya heṣṭhā paricāri vīrāḥ |
samudānayantā imamagrabodhiṃ udyukta rātriṃdivamapramattāḥ || 40 ||
[Analyze grammar]

ārabdhavīryāḥ smṛtimanta sarve prajñābalasmin sthita aprameye |
viśāradā dharmu kathenti caite prabhāsvarā putra mamaiti sarve || 41 ||
[Analyze grammar]

mayā ca prāpya imamagrabodhiṃ nagare gayāyāṃ drumamūli tatra |
anuttaraṃ vartiya dharmacakraṃ paripācitāḥ sarvi ihāgrabodhau || 42 ||
[Analyze grammar]

anāsravā bhūta iyaṃ mi vācā śruṇitva sarve mama śraddadhadhvam |
evaṃ ciraṃ prāpta mayāgrabodhi paripācitāścaiti mayaiva sarve || 43 ||
[Analyze grammar]

yadāsi jāto kapilāhvayasmin śākyādhivāse abhiniṣkramitvā |
prāpto 'si bodhiṃ nagare gayāhvaye kālo 'yamalpo 'tra tu lokanātha || 44 ||
[Analyze grammar]

ime ca te ārya viśāradā bahū ye kalpakoṭīcaritā mahāgaṇī |
ṛddhībale ca sthita aprakampitāḥ suśikṣitāḥ prajñabale gatiṃgatāḥ || 45 ||
[Analyze grammar]

anūpaliptāḥ padumaṃ va vāriṇā bhittvā mahīṃ ye iha adya āgatāḥ |
kṛtāñjalī sarvi sthitāḥ sagauravāḥ smṛtimanta lokādhipatisya putrāḥ || 46 ||
[Analyze grammar]

kathaṃ imaṃ adbhutamīdṛśaṃ te taṃ śraddadhiṣyantimi bodhisattvāḥ |
vicikitsanirghātanahetu bhāṣa taṃ tvaṃ caiva deśehi yathaiva arthaḥ || 47 ||
[Analyze grammar]

yathā hi puruṣo iha kaścideva daharo bhaveyā śiśu kṛṣṇakeśaḥ |
jātyā ca so viṃśatiruttare vā darśeti putrān śatavarṣajātān || 48 ||
[Analyze grammar]

valīhi palitehi ca te upetā eṣo ca no dehakaro ti brūyuḥ |
duḥśraddadhaṃ tadbhavi lokanātha daharasya putrā imi evarūpāḥ || 49 ||
[Analyze grammar]

emeva bhagavāṃśca navo vayasthaḥ ime ca vijñā bahubodhisattvāḥ |
smṛtimanta prajñāya viśāradāśca suśikṣitāḥ kalpasahasrakoṭiṣu || 50 ||
[Analyze grammar]

dhṛtimanta prajñāya vicakṣaṇāśca prāsādikā darśaniyāśca sarve |
viśāradā dharmaviniścayeṣu parisaṃstutā lokavināyakehi || 51 ||
[Analyze grammar]

asaṅgacārī pavaneva santi ākāśadhātau satataṃ aniśritāḥ |
jānenti vīryaṃ sugatasya putrāḥ paryeṣamāṇā ima buddhabhūmim || 52 ||
[Analyze grammar]

kathaṃ nu śraddheyamidaṃ bhaveyā parinirvṛte lokavināyakasmin |
vicikitsa asmāka na kācidasti śṛṇomathā saṃmukha lokanāthā || 53 ||
[Analyze grammar]

vicikitsa kṛtvāna imasmi sthāne gaccheyu mā durgati bodhisattvāḥ |
tvaṃ vyākuruṣvā bhagavan yathāvat katha bodhisattvāḥ paripācitā ime || 54 ||
[Analyze grammar]