Chapter 11 - Apparition of a Stupa

ayamāgato nirvṛtako maharṣī ratanāmayaṃ stūpa praviśya nāyakaḥ |
śravaṇārtha dharmasya imasya bhikṣavaḥ ko dharmahetorna janeta vīryam || 1 ||
[Analyze grammar]

bahukalpakoṭīparinirvṛto 'pi so nāma adyāpi śṛṇoti dharmam |
tahiṃ tahiṃ gacchati dharmahetoḥ sudurlabho dharma yamevarūpaḥ || 2 ||
[Analyze grammar]

praṇidhānametasya vināyakasya niṣevitaṃ pūrvabhave yadāsīt |
parinirvṛto 'pī imu sarvalokaṃ paryeṣatī sarvadaśaddiśāsu || 3 ||
[Analyze grammar]

ime ca sarve mama ātmabhāvāḥ sahasrakoṭyo yatha gaṅgavālikāḥ |
te dharmakṛtyasya kṛtena āgatāḥ parinirvṛtaṃ ca imu draṣṭu nātham || 4 ||
[Analyze grammar]

choritva kṣetrāṇi svakasvakāni tatha śrāvakāntara marutaśca sarvān |
saddharmasaṃrakṣaṇahetu sarve kathaṃ ciraṃ tiṣṭhiya dharmanetrī || 5 ||
[Analyze grammar]

eteṣu buddhāna niṣīdanārthaṃ bahulokadhātūna sahasrakoṭyaḥ |
saṃkrāmitā me tatha sarvasattvā ṛddhībalena pariśodhitāśca || 6 ||
[Analyze grammar]

etādṛśī utsukatā iyaṃ me kathaṃ prakāśediya dharmanetrī |
ime ca buddhā sthita aprameyā drumāṇa mūle yatha padmarāśiḥ || 7 ||
[Analyze grammar]

drumamūlakoṭīya analpakāyo siṃhāsanasthehi vināyakehi |
śobhanti tiṣṭhanti ca nityakālaṃ hutāśaneneva yathāndhakāram || 8 ||
[Analyze grammar]

gandho manojño daśasū diśāsu pravāyate lokavināyakānām |
yenā ime mūrcchita sarvasattvā vāte pravāte iha nityakālam || 9 ||
[Analyze grammar]

mayi nirvṛte yo etaṃ dharmaparyāyu dhārayet |
kṣipraṃ vyāharatāṃ vācaṃ lokanāthāna saṃmukham || 10 ||
[Analyze grammar]

parinirvṛto hi saṃbuddhaḥ prabhūtaratano muniḥ |
siṃhanādaṃ śruṇe tasya vyavasāyaṃ karoti yaḥ || 11 ||
[Analyze grammar]

ahaṃ dvitīyo bahavo ime ca ye koṭiyo āgata nāyakānām |
vyavasāya śroṣyāmi jinasya putrāt yo utsaheddharmamimaṃ prakāśitum || 12 ||
[Analyze grammar]

ahaṃ ca tena bhavi pūjitaḥ sadā prabhūtaratnaśca jinaḥ svayaṃbhūḥ |
yo gacchate diśavidiśāsu nityaṃ śravaṇāya dharmaṃ imamevarūpam || 13 ||
[Analyze grammar]

ime ca ye āgata lokanāthā vicitritā yairiya śobhitā bhūḥ |
teṣāṃ pi pūjā vipula analpakā kṛtā bhavetsūtraprakāśanena || 14 ||
[Analyze grammar]

ahaṃ ca dṛṣṭo iha āsanasmin bhagavāṃśca yo 'yaṃ sthitu stūpamadhye |
ime ca anye bahulokanāthā ye āgatāḥ kṣetraśatairanekaiḥ || 15 ||
[Analyze grammar]

cintetha kulaputrāho sarvasatvānukampayā |
suduṣkaramidaṃ sthānamutsahanti vināyakāḥ || 16 ||
[Analyze grammar]

bahusūtrasahasrāṇi yathā gaṅgāya vālikāḥ |
tāni kaścitprakāśeta na tadbhavati duṣkaram || 17 ||
[Analyze grammar]

sumeruṃ yaśca hastena adhyālambitva muṣṭinā |
kṣipeta kṣetrakoṭīyo na tadbhavati duṣkaram || 18 ||
[Analyze grammar]

yaśca imāṃ trisāhasrīṃ pādāṅguṣṭhena kampayet |
kṣipeta kṣetrakoṭīyo na tadbhavati duṣkaram || 19 ||
[Analyze grammar]

bhavāgre yaśca tiṣṭhitvā dharmaṃ bhāṣennaro iha |
anyasūtrasahasrāṇi na tadbhavati duṣkaram || 20 ||
[Analyze grammar]

nirvṛtasmiṃstu lokendre paścātkāle sudāruṇe |
ya idaṃ dhārayet sūtraṃ bhāṣedvā tatsuduṣkaram || 21 ||
[Analyze grammar]

ākāśadhātuṃ yaḥ sarvāmekamuṣṭiṃ tu nikṣipet |
prakṣipitvā ca gaccheta na tadbhavati duṣkaram || 22 ||
[Analyze grammar]

yastu īdṛśakaṃ sūtraṃ nirvṛtasmiṃstadā mayi |
paścātkāle likheccāpi idaṃ bhavati duṣkaram || 23 ||
[Analyze grammar]

pṛthivīdhātuṃ ca yaḥ sarvaṃ nakhāgre saṃpraveśayet |
prakṣipitvā ca gaccheta brahmalokaṃ pi āruhet || 24 ||
[Analyze grammar]

na duṣkaraṃ hi so kuryānna ca vīryasya tattakam |
taṃ duṣkaraṃ karitvāna sarvalokasyihāgrataḥ || 25 ||
[Analyze grammar]

ato 'pi duṣkarataraṃ nirvṛtasya tadā mama |
paścātkāle idaṃ sūtraṃ vadeyā yo muhūrtakam || 26 ||
[Analyze grammar]

na duṣkaramidaṃ loke kalpadāhasmi yo naraḥ |
madhye gacchedadahyantastṛṇabhāraṃ vaheta ca || 27 ||
[Analyze grammar]

ato 'pi duṣkarataraṃ nirvṛtasya tadā mama |
dhārayitvā idaṃ sūtramekasattvaṃ pi śrāvayet || 28 ||
[Analyze grammar]

dharmaskandhasahasrāṇi caturaśīti dhārayet |
sopadeśān yathāproktān deśayet prāṇikoṭinām || 29 ||
[Analyze grammar]

na hyetaṃ duṣkaraṃ bhoti tasmin kālasmi bhikṣuṇām |
vinayecchrāvakān mahyaṃ pañcābhijñāsu sthāpayet || 30 ||
[Analyze grammar]

tasyedaṃ duṣkarataraṃ idaṃ sūtraṃ ca dhārayet |
śraddadhedadhimucyedvā bhāṣedvāpi punaḥ punaḥ || 31 ||
[Analyze grammar]

koṭīsahasrān bahavaḥ arhattve yo 'pi sthāpayet |
ṣaḍabhijñān mahābhāgān yathā gaṅgāya vālikāḥ || 32 ||
[Analyze grammar]

ato bahutaraṃ karma karoti sa narottamaḥ |
nirvṛtasya hi yo mahyaṃ sūtraṃ dhārayate varam || 33 ||
[Analyze grammar]

lokadhātusahasreṣu bahu me dharma bhāṣitāḥ |
adyāpi cāhaṃ bhāṣāmi buddhajñānasya kāraṇāt || 34 ||
[Analyze grammar]

idaṃ tu sarvasūtreṣu sūtramagraṃ pravucyate |
dhāreti yo idaṃ sūtraṃ sa dhāre jinavigraham || 35 ||
[Analyze grammar]

bhāṣadhvaṃ kulaputrāho saṃmukhaṃ vastathāgataḥ |
ya utsahati vaḥ kaścit paścātkālasmi dhāraṇam || 36 ||
[Analyze grammar]

mahatpriyaṃ kṛtaṃ bhoti lokanāthāna sarvaśaḥ |
durādhāramidaṃ sutraṃ dhārayedyo muhūrtakam || 37 ||
[Analyze grammar]

saṃvarṇitaśca so bhoti lokanāthehi sarvadā |
śūraḥ śauṭīryavāṃścāpi kṣiprābhijñaśca bodhaye || 38 ||
[Analyze grammar]

dhurāvāhaśca so bhoti lokanāthāna aurasaḥ |
dāntabhūmimanuprāptaḥ sūtraṃ dhāreti yo idam || 39 ||
[Analyze grammar]

cakṣubhūtaśca so bhoti loke sāmaramānuṣe |
idaṃ sutraṃ prakāśitvā nirvṛte naranāyake || 40 ||
[Analyze grammar]

vandanīyaśca so bhoti sarvasattvāna paṇḍitaḥ |
paścime kāli yo bhāṣet sūtramekaṃ muhūrtakam || 41 ||
[Analyze grammar]

kalpānatītān samanusmarāmi yadāhamāsaṃ dhārmiko dharmarājā |
rājyaṃ came dharmahetoḥ kṛtaṃ tanna ca kāmahetorjyeṣṭhadharmahetoḥ || 42 ||
[Analyze grammar]

caturdiśaṃ me kṛta ghoṣaṇo 'yaṃ dharmaṃ vadedyastasya dāsyaṃ vrajeyam |
āsīdṛṣistena kālena dhīmān sūtrasya saddharmanāmnaḥ pravaktāḥ || 43 ||
[Analyze grammar]

sa māmavocadyadi te dharmakāṅkṣā upehi dāsyaṃ dharmamataḥ pravakṣye |
tuṣṭaścāhaṃ vacanaṃ taṃ niśāmya karmākaroddāsayogyaṃ tadā yam || 44 ||
[Analyze grammar]

na kāyacittaklamatho spṛśenmāṃ saddharmahetordāsamāgatasya |
praṇidhistadā me bhavi sattvahetornātmānamuddiśya na kāmahetoḥ || 45 ||
[Analyze grammar]

sa rāja āsīttadā abdhavīryo ananyakarmāṇi daśaddiśāsu |
paripūrṇa kalpāna sahasrakhinno yāvatsūtraṃ labdhavān dharmanāmam || 46 ||
[Analyze grammar]

mahābhadra prajñayā sūranāman asaṃkhyeyā ye vinītāstvayādya |
sattvā amī kasya cāyaṃ prabhāvastadbūhi pṛṣṭo naradeva tvametat || 47 ||
[Analyze grammar]

kaṃ vā dharmaṃ deśitavānasi tvaṃ kiṃ vā sūtraṃ bodhimārgopadeśam |
yacchrutvāmī bodhaye jātacittāḥ sarvajñatve niścitaṃ labdhagādhāḥ || 48 ||
[Analyze grammar]

puṇyaṃ puṇyaṃ gabhīraṃ ca diśaḥ sphurati sarvaśaḥ |
sūkṣmaṃ śarīraṃ dvātriṃśallakṣaṇaiḥ samalaṃkṛtam || 49 ||
[Analyze grammar]

anuvyajanayuktaṃ ca sarvasattvanamaskṛtam |
sarvasattvābhigamyaṃ ca antarāpaṇavadyathā || 50 ||
[Analyze grammar]

yathecchayā me saṃbodhiḥ sākṣī me 'tra tathāgataḥ |
vistīrṇaṃ deśayiṣyāmi dharmaṃ duḥkhapramocanam || 51 ||
[Analyze grammar]