Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter CXCIII

< Previous

Next >

śrīrāma uvāca |
anādimadhyaparyantaṃ na devā narṣayo viduḥ |
yatpadaṃ tadidaṃ bhāti kva jagatkva ca dṛśyatā || 1 ||
[Analyze grammar]

dvaitādvaitasamudbhedavākyasaṃdehavibhramaiḥ |
alamasmākamāśāntamādyaṃ rūpamanāmayam || 2 ||
[Analyze grammar]

vyomani vyomabhāvānāṃ praśāntaṃ yādṛgāsitam |
tādṛkcidvyomani sphāratrijagadvyomabhāsanam || 3 ||
[Analyze grammar]

yathā vyomani vyomatvaṃ dṛṣattvaṃ dṛṣadi sthitam |
jalatvaṃ ca jalasyāntarjagattvaṃ ciddhane tathā || 4 ||
[Analyze grammar]

sāhaṃtādijagaddṛśyamāśākāśavisāryapi |
mahācidudaraṃ viddhi khaṃ śāntaṃ śūnyatoditam || 5 ||
[Analyze grammar]

jīvasyāsminvimūḍhasya pare'parimitodaye |
prasphuraṃścāpi saṃsārapiśāca upaśāmyati || 6 ||
[Analyze grammar]

bhedopalabdhirgalati vyavahāravato'pyalam |
jaḍasyevājaḍasyaiva vīceriva jalodare || 7 ||
[Analyze grammar]

kvāpyajñānaravau yāte pratāpādyākare bhṛśam |
saṃsārasattādivaso yātyastaṃ sa niśāgamaḥ || 8 ||
[Analyze grammar]

bhāvābhāveṣu kāryeṣu jarāmaraṇajanmasu |
jña ājavaṃ javībhāve tiṣṭhannapi na tiṣṭhati || 9 ||
[Analyze grammar]

nāvidyāsti ha na bhrāntirna duḥkhaṃ na sukhodayaḥ |
vidyā'vidyā sukhaṃ duḥkhamiti brahmaiva nirmalam || 10 ||
[Analyze grammar]

parijñātaṃ sadetattu yāvadbrahmaiva nirmalam |
aparijñātamasmākamabrahmātma na vidyate || 11 ||
[Analyze grammar]

prabuddho'smi praśāntā me sarvā eva kudṛṣṭayaḥ |
śāntaṃ samaṃ sohamidaṃ khaṃ paśyāmi jagattrayam || 12 ||
[Analyze grammar]

samyagjñātaṃ yāvadidaṃ jagadbrahmaiva kevalam |
ajñātātmābhavadbrahma jñātātmanyadhunā sthitam || 13 ||
[Analyze grammar]

jñātājñātamanirbhāsaṃ brahmaikamajaraṃ tathā |
śūnyatvaikatvanīlatvarūpamekaṃ nabho yathā || 14 ||
[Analyze grammar]

nirvāṇamāse gataśaṅkamāse nirīhamāse susukhe'hamāse |
yathāsthitaṃ nityamanantamāse tadevamāse na kathaṃ samāse || 15 ||
[Analyze grammar]

sarvaṃ sadaivāhamanantamekaṃ na kiṃcidevāpyathavātiśāntaḥ |
sarvaṃ na kiṃcicca sadekamasmi na cāsmi cetīyamaho nu śāntiḥ || 16 ||
[Analyze grammar]

adhigatamadhigamyaṃ prāptamaprāptamanyaigatamidamalamastaṃ vastujātaṃ samastam |
uditamuditabodhaṃ tādṛśaṃ yatra bhūyo'stamayasamudayānāṃ nāma nāmāpi nāsti || 17 ||
[Analyze grammar]