Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter LIII
śrīrāma uvāca |
yathā cetye cetanatā yathā kāle ca kālatā |
yathā ca vyomatā vyomni yathā ca jaḍatā jaḍe || 1 ||
[Analyze grammar]
yathā vāyau ca vāyutvamabhūtādāvabhūtatā |
yathā spandātmani spando yathā mūrte ca mūrtatā || 2 ||
[Analyze grammar]
yathā bhinne ca bhinnatvaṃ yathā'nante hyanantatā |
yathā dṛśye ca dṛśyatvaṃ yathā sargeṣu sargatā || 3 ||
[Analyze grammar]
etatkrameṇa he brahman vada me vadatāṃ vara |
āditaḥ pratipādyaiva bodhyante hyalpabodhinaḥ || 4 ||
[Analyze grammar]
śrīvasiṣṭha uvāca |
tadanantaṃ mahākāśaṃ mahācidghanamucyate |
avedyacidrūpamayaṃ śāntamekaṃ samasthiti || 5 ||
[Analyze grammar]
brahmaviṣṇvīśvarādyante mahāpralayanāmani |
śabdārthe rūḍhimāpanne yacchuddhamavaśiṣyate || 6 ||
[Analyze grammar]
sargasya kāraṇaṃ tatra na kiṃcidupapadyate |
malamākārabījādi māyāmohabhramādikam || 7 ||
[Analyze grammar]
kevalaṃ śāntamatyacchamādyantaparivarjitam |
tadvidyate yatra kila khamapi sthūlamaśmavat || 8 ||
[Analyze grammar]
na ca nāstīti tadvaktuṃ yujyate cidvapuryadā |
na caivāstīti tadvaktuṃ yuktaṃ śāntamalaṃ tadā || 9 ||
[Analyze grammar]
nimeṣe yojanaśate prāptāyāmātmasaṃvidi |
madhye tasyāstu yadrūpaṃ rūpaṃ tasya padasya tat || 10 ||
[Analyze grammar]
sabāhyābhyantare śānte vāsanāviṣayabhrame |
sarvacintāvihīnasya prabuddhasyārdharātrataḥ || 11 ||
[Analyze grammar]
śāntaṃ niḥsukhaduḥkhasya puruṣasyaiva tiṣṭhataḥ |
yadaspandi manorūpaṃ rūpaṃ tasya padasya tat || 12 ||
[Analyze grammar]
tṛṇagulmāṅkurādīnāṃ sattāsāmānyamātatam |
yadudbhavodbhavaṃ rūpaṃ rūpaṃ tasya padasya tat || 13 ||
[Analyze grammar]
tasminpade jagadrūpaṃ yadidaṃ dṛśyate sphuṭam |
sakāraṇamivākārakarālamiva bhedavat || 14 ||
[Analyze grammar]
tatsarvaṃ kāraṇābhāvānna jātaṃ na ca vidyate |
nākārayuktaṃ na jaganna ca dvaitaikyasaṃyutam || 15 ||
[Analyze grammar]
yadakāraṇakaṃ tasya sattā nehopapadyate |
svayaṃ nityānubhūte'rthe ko'trāpahnavaśaktimān || 16 ||
[Analyze grammar]
na ca śūnyamanādyantaṃ jagataḥ kāraṇaṃ bhavet |
brahmāmūrtaṃ samūrtasya dṛśyasyābrahmarūpiṇaḥ || 17 ||
[Analyze grammar]
tasmāttatra jagadrūpaṃ yadā bhātaṃ tadeva tat |
svayameva tadā bhāti cidākāśamiti sthitam || 18 ||
[Analyze grammar]
jagaccidbrahmabhāvācca tathā bhāvo bhramādiva |
sarvamekamajaṃ śāntamadvaitaikyamanāmayam || 19 ||
[Analyze grammar]
pūrṇātpūrṇaṃ visarati pūrṇe pūrṇaṃ virājate |
pūrṇamevoditaṃ pūrṇe pūrṇameva vyavasthitam || 20 ||
[Analyze grammar]
śāntaṃ samaṃ samudayāstamayairvihīnamākāramuktamajamambaramacchamekam |
sarvaṃ sadā sadasadekatayoditātma nirvāṇamādyamidamuttamabodharūpam || 21 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter LIII
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!