Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter CXVIII
manuruvāca |
saṃkalponmukhatāṃ yātāḥ satyaścinmātrasaṃvidaḥ |
āpastaraṅgatvamiva yānti bhūmipa jīvatām || 1 ||
[Analyze grammar]
te jīvāḥ saṃsarantīha saṃsāre pūrvamutthite |
sukhaduḥkhadaśāmoho manasyevāsti nātmani || 2 ||
[Analyze grammar]
adṛśyo dṛśyate rāhurgṛhītena yathendunā |
tathānubhavamātrātmā dṛśyenātmāvalokyate || 3 ||
[Analyze grammar]
na śāstrairnāpi guruṇā dṛśyate parameśvaraḥ |
dṛśyate svātmanaivātmā svayā sattvasthayā dhiyā || 4 ||
[Analyze grammar]
pathikāḥ pathi dṛśyante rāgadveṣavimuktayā |
yathā dhiyā tathavate draṣṭavyāḥ svendriyādayaḥ || 5 ||
[Analyze grammar]
eteṣu nādaraḥ kāryaḥ satā naivāvadhīraṇam |
padārthamātratāviṣṭāstiṣṭhantvete yathāsukham || 6 ||
[Analyze grammar]
padārthamātraṃ dehādi dhiyā saṃtyajya dūrataḥ |
āśītalāntaḥkaraṇo nityamātmamayo bhava || 7 ||
[Analyze grammar]
deho'hamiti yā buddhiḥ sā saṃsāranibandhanī |
na kadācidiyaṃ buddhirādeyā hi mumukṣubhiḥ || 8 ||
[Analyze grammar]
nakiṃcinmātracinmātrarūpo'smi gaganādaṇuḥ |
iti yā śāśvatī buddhiḥ sā na saṃsārabandhanī || 9 ||
[Analyze grammar]
yathā vimalatoyānāṃ bahirantaśca bhāvanam |
tejastiṣṭhati sarvatra tathātmā sarvavastuṣu || 10 ||
[Analyze grammar]
saṃniveśāṃśavaicitryaṃ yathā hemno'ṅgadāditā |
ātmanastadatadrūpā tathaiva jagadāditā || 11 ||
[Analyze grammar]
vināśavāḍavākrāntaṃ bhīmaṃ kāmamahārṇavam |
jagajjālataraṅgiṇyo yānti bhūtataraṅgikāḥ || 12 ||
[Analyze grammar]
tathāpyadyāpyapūrṇasya yaḥ pātā kālavāridheḥ |
tamātmānaṃ mahāgastyaṃ rājanbhāvaya sarvadā || 13 ||
[Analyze grammar]
anātmanyātmatāmasmindehādau dṛśyajālake |
tyaktvā sattvamupārūḍho gūḍhastiṣṭha yathāsukham || 14 ||
[Analyze grammar]
kucakoṭarasaṃsuptaṃ vismṛtya jananī sutam |
yathā roditi putrārthaṃ tathātmārthamayaṃ janaḥ || 15 ||
[Analyze grammar]
ajarāmaramātmānamabuddhvā pariroditi |
hā hato'hamanātho'haṃ naṣṭo'smīti vapurvyaye || 16 ||
[Analyze grammar]
yathā vāri parispandānnānākāraṃ vilokyate |
tathā saṃkalpavaśataścidbrahma paribṛṃhati || 17 ||
[Analyze grammar]
saṃsthāpya saṃkalpakalaṅkamuktaṃ cittaṃ tvamātmanyupaśāntakalpaḥ |
spande'pyasaṃspandamiveha tiṣṭha svasthaḥ sukhī rājyamidaṃ praśādhi || 18 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter CXVIII
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!