Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter CXIX

< Previous

Next >

manuruvāca |
sargātmabhirvibhuḥ spandaiḥ krīḍate bālavatsvayam |
saṃhārātmakaśaktyātha saṃhṛtyātmani tiṣṭhati || 1 ||
[Analyze grammar]

svayamasya tathā śaktirudetyābadhyate yayā |
svayamasya tathā śaktirudetyunmucyate yayā || 2 ||
[Analyze grammar]

candrārkavahnitaptāyoratnādīnāṃ yathārciṣaḥ |
yathā patrādi vṛkṣāṇāṃ nirjharāṇāṃ yathā kaṇāḥ || 3 ||
[Analyze grammar]

tathedaṃ brahmaṇi sphāre jagadbuddhyādi kalpitam |
duḥkhapradamatajjñānāṃ tadevātadiva sthitam || 4 ||
[Analyze grammar]

aho nu citrā māyeyaṃ tāta viśvavimohinī |
sarvāṅgaprotamapyātmā yadātmānaṃ na paśyati || 5 ||
[Analyze grammar]

cidādarśamayaṃ sarvaṃ jagadityeva bhāvayan |
yastiṣṭhatyupaśāntecchaṃ sa brahmakavacaḥ sukhī || 6 ||
[Analyze grammar]

ahamarthavimuktena bhāvenābhāvarūpiṇā |
sarvaṃ śūnyaṃ nirālambaṃ cidrūpamiti bhāvayet || 7 ||
[Analyze grammar]

idaṃ ramyamidaṃ neti bījaṃ te duḥkhasaṃtateḥ |
tasminsāmyāgninā dagdhe duḥkhasyāvasaraḥ kutaḥ || 8 ||
[Analyze grammar]

rājannabhāvanāstreṇa ramyāramyavibhāgitā |
pauruṣātiśayenāśu svenaivāntarvilūyatām || 9 ||
[Analyze grammar]

abhāvanena bhāvanaṃ vilūya karmakānanam |
paraṃ sametya tānavaṃ viśoka eva tiṣṭha bhoḥ || 10 ||
[Analyze grammar]

bharitabhuvanābhogo bhūtvā vibhāgabahiṣkṛto galitakalanābhāsollāso vivekavilāsavān |
adhigataparānandaspandaścirāya nirāmayaḥ |
śamasamasitasvacchābhogo bhavābhayacidvapuḥ || 11 ||
[Analyze grammar]