Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter LXIII
parigha uvāca |
rājannūnaṃ prabuddho'si prāptavānasi tatpadam |
saṃśītalāntaḥkaraṇaḥ pūrṇenduriva rājase || 1 ||
[Analyze grammar]
ānandamadhusaṃpūrṇo lakṣmyā ca parayā śritaḥ |
śītalaḥ snigdhamadhuro rājīvamiva rājase || 2 ||
[Analyze grammar]
nirmalo vitataḥ pūrṇo gambhīraḥ prakaṭāśayaḥ |
velānilavilāsena mukto'bdhiriva rājase || 3 ||
[Analyze grammar]
svaccha ānandasaṃpūrṇo naṣṭāhaṃkāravāridaḥ |
sphuṭo vistīrṇagambhīraḥ śaratkhamiva rājase || 4 ||
[Analyze grammar]
sarvatra lakṣyase svasthaḥ sarvatra parituṣyasi |
sarvatra vītarāgo'si rājansarvatra rājase || 5 ||
[Analyze grammar]
sārāsāraparicchedapāragastvaṃ mahādhiyā |
jānāsi sarvamevedaṃ yathāsthitamakhaṇḍitam || 6 ||
[Analyze grammar]
bhāvābhāvaparicchedatattvajñamuditāśayam |
gamāgamadaśālaulyamuktaṃ tava vapuḥ sthitam || 7 ||
[Analyze grammar]
vastunā'vastunevāntaramṛteneva sāgaraḥ |
apunaḥprakṣayāyeva pare tṛpto'si sundara || 8 ||
[Analyze grammar]
suraghuruvāca |
na tadasti mune vastu yatropādeyatāsti naḥ |
yāvatkiṃcididaṃ dṛśyaṃ tāvadetanna kiṃcana || 9 ||
[Analyze grammar]
upādeyasya cābhāvāddheyamapyasti kiṃ kila |
pratiyogi vyavacchedyaṃ vinā heyaṃ kimucyate || 10 ||
[Analyze grammar]
tucchatvātsarvabhāvānāmatucchatvācca kālataḥ |
ciraṃ mama parikṣīṇe tucchātucche manaḥsthitī || 11 ||
[Analyze grammar]
deśakālavaśādeva tucchasyātucchatāmiha |
atucchasya tu tucchatvaṃ varjye nindāstutī budhaiḥ || 12 ||
[Analyze grammar]
rāgānnindāstutī loke rāgaśca parivāñchitam |
vāñchite ca mahodāraṃ vastu śobhanabuddhinā || 13 ||
[Analyze grammar]
trailokye ca striyaḥ śailāḥ samudravanarājayaḥ |
bhūtāni vastuśūnyāni sāro nāstyatra vastutaḥ || 14 ||
[Analyze grammar]
māṃsāsthidārumṛdratnamaye jagati jarjare |
vāñchanīyavihīne'smiñśūnye kimiva vāñchyate || 15 ||
[Analyze grammar]
vāñchāyāṃ vinivṛttāyāṃ saṃkṣayo dveṣarāgayoḥ |
dinalakṣmyāṃ vyapetāyāmālokātapayoriva || 16 ||
[Analyze grammar]
alamativitatairvacaḥprapañcairiyamuciteha sukhāya dṛṣṭirekā |
upaśamitarasaṃ samaṃ mano'ntaryadi muditaṃ tadanuttamā pratiṣṭhā || 17 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter LXIII
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!