Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter LXII
śrīvasiṣṭha uvāca |
athaivaṃprāyayā tatra viśrambhakathayā ciram |
prāktanasnehagarbhiṇyā sthitvovācāyudhābhidhaḥ || 2 ||
[Analyze grammar]
parigha uvāca |
yadyatsaṃsārajāle'sminkriyate karma bhūmipa |
tatsamāhitacittasya sukhāyānyasya nānagha || 2 ||
[Analyze grammar]
kaccitsaṃkalparahitaṃ paraṃ viśramaṇāspadam |
paramopaśamaṃ śreyaḥ samādhimanutiṣṭhasi || 3 ||
[Analyze grammar]
suraghuruvāca |
etanme brūhi bhagavansarvasaṃkalpavarjitam |
paramopaśamaṃ śreyaḥ samādhirhi kimucyate || 4 ||
[Analyze grammar]
yo jño mahātmansatataṃ tiṣṭhantyavaharaṃśca vā |
asamāhitacitto'sau kadā bhavati kaḥ kila || 5 ||
[Analyze grammar]
nityaṃ prabuddhacittāstu kurvanto'pi jagatkriyāḥ |
ātmaikatattvasaṃniṣṭhāḥ sadaiva susamādhayaḥ || 6 ||
[Analyze grammar]
baddhapadmāsanasyāpi kṛtabrahmāñjalerapi |
aviśrāntasvabhāvasya kaḥ samādhiḥ kathaṃ ca vā || 7 ||
[Analyze grammar]
tattvāvabodho bhagavansarvāśātṛṇapāvakaḥ |
proktaḥ samādhiśabdena natu tūṣṇīmavasthitiḥ || 8 ||
[Analyze grammar]
samāhitā nityatṛptā yathābhūtārthadarśinī |
sādho samādhiśabdena parā prajñocyate budhaiḥ || 9 ||
[Analyze grammar]
akṣubdhā nirahaṃkārā dvandveṣvananupātinī |
proktā samādhiśabdena meroḥ sthiratarākṛtiḥ || 10 ||
[Analyze grammar]
niścintādhigatābhīṣṭā heyopādeyavarjitā |
proktā samādhiśabdena paripūrṇā manogatiḥ || 11 ||
[Analyze grammar]
yataḥprabhṛti bodhena yuktamātyantikaṃ manaḥ |
tadārabhya samādhānamavyucchinnaṃ mahātmanaḥ || 12 ||
[Analyze grammar]
nahi prabuddhamanaso bhūtvā vicchidyate punaḥ |
samādhirdūramākṛṣṭo bisatantuḥ śiśoriva || 13 ||
[Analyze grammar]
samagraṃ dinamālokādviramatyakṣayo yathā |
ājīvitāntaṃ no prajñā tathā tattvāvalokanāt || 14 ||
[Analyze grammar]
ajasramambuvahanādyathā nadyā na ruddhyate |
tathā vijñānadṛgbodhātkṣaṇamātraṃ na ruddhyate || 15 ||
[Analyze grammar]
na vismaratyavirataṃ yathā kālaḥ kalāgatim |
na vismaratyavirataṃ svātmānaṃ prājñadhīstathā || 16 ||
[Analyze grammar]
na vismarati sarvatra yathā satatago gatim |
na vismarati niśceyaṃ cinmātraṃ prājña dhīstathā || 17 ||
[Analyze grammar]
gatiṃ kālakalā yadvaccinvānā samavasthitā |
ciccitiścetyarahitā cinvānā gatayastathā || 18 ||
[Analyze grammar]
yathā sattāvihīnātmā padārtho nopalabhyate |
tathātmajñānahīnātmā kālo jñasya na labhyate || 19 ||
[Analyze grammar]
na saṃbhavati saṃsāre guṇahīno guṇī yathā |
na saṃbhavatyātmasaṃvidvarjito hyātmavāṃstathā || 20 ||
[Analyze grammar]
sarvadaivāsmi saṃbuddhaḥ sarvadaivāsmi nirmalaḥ |
sarvadaivāsmi śāntātmā sarvadāsmi samāhitaḥ || 21 ||
[Analyze grammar]
bhedaḥ kena samādherme janyate kathameva vā |
ātmano'vyatirekeṇa nityameva sadātmatā || 22 ||
[Analyze grammar]
tasmātkadācidapi me nāsamādhimayaṃ manaḥ |
na vā samāhitaṃ nityamātmatattvaikasaṃbhavāt || 23 ||
[Analyze grammar]
sarvagaḥ sarvadaivātmā sarvameva ca sarvathā |
asamādhirhi ko'sau syātsamādhirapi kaḥ smṛtaḥ || 24 ||
[Analyze grammar]
nityaṃ samāhitadhiyaḥ susamā mahāntastiṣṭhanti kāryapariṇāmavibhāgamuktāḥ |
tenāsamāhitasamāhitabhedabhaṅgyā nityoditaḥ kva nu sa uttamavākprapañcaḥ || 25 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter LXII
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!