Chapter 2

atha dvitīyaḥ paṭalaḥ ||
atha vakṣyāmi saṃkṣepāt tantravyākhyānamāditaḥ |
yena samyakkṛteneha siddhirbhavati śāśvatī || 1 ||
[Analyze grammar]

dīkṣābhiṣekavān bhakto brāhmaṇaḥ samayasthitaḥ |
parānugrahavān vāggmī siddhaḥ siddhāntapāragaḥ || 2 ||
[Analyze grammar]

vādajalpavitaṇḍābhiḥ paratantravighātakṛt |
sarvalakṣaṇasampannaḥ satyavādī dṛḍhavrataḥ || 3 ||
[Analyze grammar]

nirdoṣo yogavid dāntaḥ karmajñaḥ kālavittamaḥ |
vyācakṣītopasannebhyaḥ svaśiṣyebhyo viśeṣataḥ || 4 ||
[Analyze grammar]

dīkṣitebhyo vinītebhyo bhaktebhyaścāpi yatnataḥ |
dvijebhyo'dhītavedebhyaḥ śraddadhānebhya eva ca || 5 ||
[Analyze grammar]

abhivādya guruṃ śiṣyaḥ sukhāsīnaḥ prayatnavān |
paṭhet praṇavapūrvaṃ tu śṛṇuyācca pūnarguroḥ || 6 ||
[Analyze grammar]

abhyasecca dvijaireva tādṛśairdīkṣitaiḥ saha |
jñātvevamabhiṣiktastu parebhyaḥ pratipādayet || 7 ||
[Analyze grammar]

dīkṣayecca tataḥ śiṣyān kuryāc sthāpanādikam |
dīkṣito'pi na śūdrastu paṭhecca śṛṇuyāt tathā || 8 ||
[Analyze grammar]

gurudattaṃ japenmantramarcayet sthaṇḍile ca saḥ |
vyākhyāsthāpitadevārcāhomeṣvasya na kartṛtā || 9 ||
[Analyze grammar]

dīkṣitasyāpi kintveṣa kāmaṃ vipraistu kārayet |
sarve'rthā yena tanyante trāyante ca bhayājjanāḥ || 10 ||
[Analyze grammar]

iti tantrasya tantratvaṃ tantrajñāḥ paricakṣate |
vedamūlatayā tantramāptamūlatayā'thavā || 11 ||
[Analyze grammar]

purāṇavat pramāṇaṃ syāt tathā manvādivākyavat |
dṛṣṭānumopamāśābdairarthāpattyā ca pañcadhā || 12 ||
[Analyze grammar]

sarve'pyarthāḥ pratīyante yadi nābhāsatā bhavet |
dṛṣṭamakṣodbhavaṃ jñānaṃ śabdādiviṣayā matiḥ || 13 ||
[Analyze grammar]

pramāṇaṃ viṣayākṣādidoṣairābhāsatā smṛtā |
tataḥ sāmānyato dṛṣṭaṃ pūrvavaccheṣavat tridhā || 14 ||
[Analyze grammar]

anumānaṃ bhaved bhāvibhūtārthajñānasādhanam |
upamā yatra sādṛśyādupameyārthadarśanam || 15 ||
[Analyze grammar]

yā'rthādāpadyate seyamarthāpattiriheṣyate |
vedatantrādibhedena śābdaṃ tu bahudhā smṛtam || 16 ||
[Analyze grammar]

svayaṃprakāśa ekeṣāmātmā'nyairanumīyate |
prakṛtiśca vikṛtyobhāvāgamairvidhairapi || 17 ||
[Analyze grammar]

niṣkalaḥ sakalairbhāvaiḥ sṛṣṭaiḥ sraṣṭā'numīyate |
jñātvaivaṃ sṛjyate sarvamiti sarvajña eva saḥ || 18 ||
[Analyze grammar]

āptaproktatayā tantraṃ pramāṇamiti ye viduḥ |
vedaprāmāṇyamapyāhurāptamūlatayaiva te || 19 ||
[Analyze grammar]

tacchaivavaiṣṇavabrāhmasaurakaumārabhedataḥ |
pañcadhā bhidyate tantraṃ vaktṝṇāṃ ca viśeṣataḥ || 20 ||
[Analyze grammar]

viṣṇordharmapravaktṛtvāt tatproktaṃ manuvākyavat |
brahmaviṣṇū hi dharmāṇāṃ pravaktārau budhaiḥ smutau || 21 ||
[Analyze grammar]

yathā tu vedavṛkṣasya śākhābhedā hmanekaśaḥ |
tathā bhedāḥ samākhyātāḥ pañcarātrasya sūribhiḥ || 22 ||
[Analyze grammar]

kriyāpāṭhaviśeṣaistu bhidyante te pṛthak pṛthak |
tanmūlāni ca tantrāṇi munibhirdevamānuṣaiḥ || 23 ||
[Analyze grammar]

bahudhā sampraṇītāni tenedaṃ bahudhā smṛtam |
tathā bahuvidhe'pyasmin pañcarātre'tivistare || 24 ||
[Analyze grammar]

abhedena sthitaṃ tattvamekameva tu nānyathā |
gocaraṃ kulamityuktamanuṣṭhānaviśeṣataḥ || 25 ||
[Analyze grammar]

tadeva jñāpakaṃ teṣāṃ deśikatve na saṃśayaḥ |
vaikhānasāḥ sāttvatāśca vikhyekāntikamūlakāḥ || 26 ||
[Analyze grammar]

gocarāstu samākhyātā vāsudevādyajāśrayāḥ |
bhidyante pañcadhaite tu gocarāḥ pāramārthikāḥ || 27 ||
[Analyze grammar]

arcanaṃ sarvakālaṃ tu devadevasya nityaśaḥ |
ayācitopapannena kuṭumbasya ca poṣaṇam || 28 ||
[Analyze grammar]

vṛttibhedaḥ kriyā ceti yatra vaikhānasaṃ kulam |
ekakālaṃ dvikālaṃ vā viṣṇorārādhanaṃ sphuṭam || 29 ||
[Analyze grammar]

kṣatravṛttyopapannena kuṭumbasya ca poṣaṇam |
nāvartanaṃ ca saṅgrāme sarvaśāstreṣu kauśalam || 30 ||
[Analyze grammar]

etaistu lakṣaṇairyuktāḥ sāttvatāste prakīrtitāḥ |
kṛṣivāṇijyagorakṣā dvikālaṃ viṣṇupūjanam || 31 ||
[Analyze grammar]

etacca dṛśyate yatra śikhinaste prakīrtitāḥ |
śuśrūṣaṇaṃ dvijātīnāṃ bhaikṣavṛttyā ca vartanam || 32 ||
[Analyze grammar]

sakṛccārādhanaṃ yeṣāṃ te tataikāntikāḥ smṛtāḥ |
ekakālaṃ dvikālaṃ vā trikālamathavā punaḥ || 33 ||
[Analyze grammar]

arcanaṃ devadevasya manovākkāyakarmabhiḥ |
ayācitopapannena vartanaṃ yeṣu dṛśyate || 34 ||
[Analyze grammar]

svaśiṣyād vartanaṃ vā'pi te jñeyā mūlasaṃjñakāḥ |
pratyekaṃ pañcabhirbhedaistānyāsan pañcaviṃśatiḥ || 35 ||
[Analyze grammar]

tantrāṇi punareteṣāmaparyantaḥ pravistaraḥ |
bhaktāśca bhagavadbhaktā dāsāḥ pāriṣadāstathā || 36 ||
[Analyze grammar]

iti bhāgavatānto'nyo vibhāgaśceha kīrtitaḥ |
bhaktā varṇaratāḥ śāntā vaiṣṇavā ye tvadīkṣitāḥ || 37 ||
[Analyze grammar]

dīkṣitā bhagavadbhaktā dāsā vai neṣṭhikāḥ smṛtāḥ |
pārṣadāstatkriyaikasthāstanniveditavṛttayaḥ || 38 ||
[Analyze grammar]

nityamātodyavādyaistu pūjakā brahmacāriṇaḥ |
viprā bhāgavatā jñeyāḥ sarvotkṛṣṭatamāstu te || 39 ||
[Analyze grammar]

samayī putrakaścaiva sādhako deśiko guruḥ |
iti dīkṣitabhedo'nyo vihitaśceha viṣṇunā || 40 ||
[Analyze grammar]

maṇḍalaṃ vidhinā'likhya sāṅgamūrtiṃ yathāvidhi |
darśayet yamihācāryaḥ samayī nāma sa smṛtaḥ || 41 ||
[Analyze grammar]

maṇḍale devamārādhya sāṅgamūrtiṃ yathāvidhi |
darśayet svayamācāryaḥ putrako nāma sa smṛtaḥ || 42 ||
[Analyze grammar]

pradarśya maṇḍalaṃ hutvā mantrānagnau yathāvidhi |
dīkṣayed yaṃ guruḥ śiṣyaṃ sādhakaḥ sa tu mantrabhāk || 43 ||
[Analyze grammar]

maṇḍalārāghanāhomavidhānairakhilaiḥ kramāt |
dīkṣayed yaṃ guruḥ śiṣyaṃ sa tantrajñastu deśikaḥ || 44 ||
[Analyze grammar]

dīkṣitaḥ samāyācāraśīlavān sarvatantravit |
abhiṣiktastu vijñeyo gururdhyānārcanādikṛt || 45 ||
[Analyze grammar]

varṇeṣu viprā vipreṣu vaiṣṇavāsteṣu dīkṣitāḥ |
teṣu mantravidasteṣu tantrajñāsteṣu pūjakāḥ || 46 ||
[Analyze grammar]

teṣu ca granthavanto'tra pāṭhakāsteṣu tadvidaḥ |
teṣu siddhāśca teṣvevamakṣiṣikto viśiṣyate || 47 ||
[Analyze grammar]

tato'nugrahakartā'smād vyākhyātā'smāt svayaṃ hariḥ |
saṅgrahādevamākhyātā mayā te tantragocarāḥ || 48 ||
[Analyze grammar]

sevyāstat prepsubhirnityaṃ viṣṇoryat paramaṃ padam |
rātrayo gocarāḥ pañca śabdādiviṣayātmikāḥ || 49 ||
[Analyze grammar]

mahābhūtātmakā vā'tra pañcarātramidaṃ tataḥ |
avāpya tu paraṃ tejo yatraitāḥ pañca rātrayaḥ || 50 ||
[Analyze grammar]

naśyanti pañcarātraṃ tat sarvājñānavināśanam |
adhyetavyamataḥ śravyamanuṣṭheyārthamādarāt || 51 ||
[Analyze grammar]

pramāṇapravaraṃ tantraṃ pañcarātrākhyamīdṛśam |
etābhyaḥ pañcarātribhyo vyatiriktaṃ nirañjanam || 52 ||
[Analyze grammar]

yadā paśyet paraṃ tatvaṃ tadā muktaḥ sa nānyathā |
sa eva deśiko jñeyaḥ saṃsārarṇavatārakaḥ || 53 ||
[Analyze grammar]