Chapter 18

[English text for this chapter is available]

śrīprahlāda uvāca |
pūjayedgaṇanāthaṃ taṃ rukmiṇaṃ rukmabhūṣitam |
durvāsasaṃ ca kṛṣṇaṃ ca balabhadraṃ ca bhaktitaḥ || 1 ||
[Analyze grammar]

yajatyeko mahāyajñaiḥ saṃpūrṇavaradakṣiṇaiḥ |
ekaḥ paśyati deveśaṃ kṛṣṇaṃ tulyaphalau hi tau || 2 ||
[Analyze grammar]

vāpīkūpataḍāgāni karotyekaḥ samāhitaḥ |
ekaḥ paśyati deveśaṃ kṛṣṇaṃ tulyaphalau hi tau || 3 ||
[Analyze grammar]

gobhūtilahiraṇyādi dadātyeko dinedine |
ekaḥ paśyati deveśaṃ kṛṣṇaṃ tulyaphalau hi tau || 4 ||
[Analyze grammar]

prāṇāyāmādisaṃyukto japadhyānaparāyaṇaḥ |
ekaḥ paśyati deveśaṃ kṛṣṇaṃ tulyaphalau hi tau || 5 ||
[Analyze grammar]

jāhnavyādiṣu tīrtheṣu susnātvaikaḥ samāhitaḥ |
ekaḥ paśyati deveśaṃ kṛṣṇaṃ tulyaphalau hi tau || 6 ||
[Analyze grammar]

tribhirvikramaṇairyena vikrāṃtaṃ bhuvanatrayam |
trivikramaṃ ca taṃ dṛṣṭvā mucyate pātakatrayāt || 7 ||
[Analyze grammar]

ṛṣaya ūcuḥ |
kathaṃ traivikramī mṛrttirāgateyaṃ dharātale |
kalānyāsācca kṛṣṇatvaṃ kadeyaṃ prāptavatyatha || 8 ||
[Analyze grammar]

daitya saṃśayamasmākaṃ chettumarhasyaśeṣataḥ |
durvāsasaśca kṛṣṇasya saṃbhavaḥ kathyatāmiti || 9 ||
[Analyze grammar]

prahlāda uvāca |
tacchrūyatāṃ dvijaśreṣṭhā yathā mūrttistrivikramī |
durvāsasā samāyuktā saṃbhūtā dharaṇītale || 10 ||
[Analyze grammar]

pūrvaṃ kṛtayugasyāṃte balinā ca puraṃdaraḥ |
nirjitya bhraṃśitaḥ sthānāttadarthaṃ madhusūdanaḥ || 11 ||
[Analyze grammar]

kaśyapādvāmano jajñe tato'bhūcca trivikramaḥ |
tribhiḥ kramairmitāṃllokānākramya madhuhā hariḥ || 12 ||
[Analyze grammar]

baliṃ cakāra bhagavānpātālatalavāsi nam |
bhaktyā tvananyayā kṛṣṇo daityena paritoṣitaḥ || 13 ||
[Analyze grammar]

svayaṃ caivā'vasattatra bhaktyā krīto haristadā |
anugrahāya bhagavāndvārapālo babhūva ha || 14 ||
[Analyze grammar]

durvāsāścāpi bhagavānātreyo munisattamaḥ |
aṭaṃstīrthāni mokṣārthaṃ muktikṣetramaciṃtayat || 15 ||
[Analyze grammar]

evaṃ citayamānaḥ sa jñānadṛṣṭyā mahāmuniḥ |
gomatyā saṃgamo yatra cakratīrthena bho dvijāḥ || 16 ||
[Analyze grammar]

tanmuktikṣetramājñāya gamanāya matiṃ dadhe |
sotītya nagaragrāmānudyānāni vanāni ca || 17 ||
[Analyze grammar]

ānarttaviṣayaṃ prāpya daityabhūmiṃ viveśa ha |
niḥsvādhyāyavaṣaṭkārāṃ vedadhvanivivarjjitām || 18 ||
[Analyze grammar]

kuśena daityarājena sevitāṃ pālitāṃ tathā |
bahumleccha samākīrṇāmadharmopārjakairjanaiḥ || 19 ||
[Analyze grammar]

pratyāsannāmiti jñātvā cakratīrthamagāddvijaḥ |
snātvā ca saṃgame puṇye mokṣye'haṃ ca kṛtāhnikaḥ || 20 ||
[Analyze grammar]

iti kṛtvā sa niyamaṃ yayau śīghraṃ munistadā |
snātvā śīghraṃ prayāsyāmi daityabhūmiṃ vihāya ca || 21 ||
[Analyze grammar]

ityevaṃ ciṃtayanmārge śīghrameva jagāma saḥ |
dṛṣṭvā ca saṃgamaṃ puṇyaṃ gomatyā sāgarasya ca || 22 ||
[Analyze grammar]

nidhāya vāsasī tatra mṛdamālabhya gomayam |
śikhāṃ ca baddhvā karayoḥ kṛtvā ca niyataḥ kuśān || 23 ||
[Analyze grammar]

yāvatsnāti ca vipro'sau dṛṣṭo daityairdurātmabhiḥ |
bruvaṃtaḥ ko'yamityevaṃ hanyatāṃhanyatāmiti || 24 ||
[Analyze grammar]

asmābhiḥ pālite deśe kaḥ snāti manujādhamaḥ |
bruvaṃta iti jaghnuste jānubhirmuṣṭibhistathā || 25 ||
[Analyze grammar]

brāhmaṇo'haṃ na haṃtavyaḥ śrutvā cā'tīva pīḍitaḥ |
taṃ dṛṣṭvā hanyamānaṃ tu brāhmaṇaṃ tairdurātmabhiḥ || 26 ||
[Analyze grammar]

nivārayāmāsa ca tānrururnāma mahāsuraḥ |
jagṛhustasya vastrāṇi kuśāṃste cikṣipurjale || 27 ||
[Analyze grammar]

cakarṣuścaraṇau gṛhya śapaṃto duṣṭacetasaḥ |
pade gṛhītvā tamṛṣiṃ nītvā sīmni vyasarjayan || 28 ||
[Analyze grammar]

taṃ tadā mūrchitaprāyaṃ dṛṣṭvocuḥ kupitāśca te |
atrāgato yadi punarhaniṣyāmo na saṃśayaḥ |
ānarttaviṣayāṃstānvai dṛṣṭvā tatra jalāśayam || 29 ||
[Analyze grammar]

prāṇasaṃśayamāpannastataściṃtāparo'bhavat |
śapyehaṃ yadi daiteyāṃstapasaḥ kiṃ vyayena me || 30 ||
[Analyze grammar]

athavā niyamabhraṣṭastyakṣye cedaṃ kalevaram |
mama pakṣaṃ ca kaḥ kuryyātko me dāsyati jīvitam || 31 ||
[Analyze grammar]

cakratīrthe ca kaḥ snānaṃ kārayiṣyati māmiha |
ko vā daityagaṇānetāñchakto jetuṃ mahāmṛdhe |
taṃ vinā puṇḍarīkākṣaṃ bhaktānāmabhayapradam || 32 ||
[Analyze grammar]

brahmādīnāṃ ca netāraṃ śaraṇāgatavatsalam |
cakrahastaṃ vinā medya konyaḥ śarmmaprado bhavet || 33 ||
[Analyze grammar]

iti dhyātvā ca suciraṃ jñātvā pātālavāsi nam |
ātreyo viṣṇuśaraṇaṃ jagāma dharaṇītalam || 34 ||
[Analyze grammar]

upavāsaiḥ kṛśo dīno bhūtalaṃ praviveśa ha |
sa daittyarājabhavanaṃ gandharvāpsarasāvṛtam || 35 ||
[Analyze grammar]

śobhitaṃ suramukhyena viṣṇunā prabhaviṣṇunā |
durvāsāḥ praviveśātha prahṛṣṭenāṃtarātmanā || 36 ||
[Analyze grammar]

durvāsasamathāyāṃtaṃ dṛṣṭvā daityapatistadā |
pratyutthāyārhayāṃcakre svāsane saṃnyaveśayat || 37 ||
[Analyze grammar]

madhuparkaṃ ca gāṃ caiva dattvārghyaṃ pārśvataḥ sthitaḥ |
provāca praṇato brahmankathamatrāgato bhavān || 38 ||
[Analyze grammar]

sukhopaviṣṭaḥ sa ṛṣistatrāpaśyattrivikramam |
daityendradvāradeśe tu tiṣṭhantamakutobhayam || 39 ||
[Analyze grammar]

taṃ dṛṣṭvā devadeveśaṃ śrīvatsāṃkaṃ caturbhujam |
ruroda sa ṛṣiśreṣṭhastrāhitrāhītyuvāca ca || 40 ||
[Analyze grammar]

saṃsārabhayabhītānāṃ duḥkhitānāṃ janārdana |
śatrubhiḥ paribhūtānāṃ śaraṇaṃ bhava keśava || 41 ||
[Analyze grammar]

mama duḥkhābhitaptasya śatrubhiḥ karṣitasya ca |
parābhūtasya dīnasya kṣudhayā pīḍitasya ca || 42 ||
[Analyze grammar]

apūrṇaniyamasyā'tha kleśitatya ca dānavaiḥ |
brahmaṇyadeva viprasya śaraṇaṃ bhava keśava || 43 ||
[Analyze grammar]

ityuktvā darśayāmāsa śarīraṃ daityatāḍitam |
tadbrāhmaṇāvamānaṃ ca dṛṣṭvā cukrodha vāmanaḥ || 44 ||
[Analyze grammar]

kenāpamānito brahmanniyamaḥ kena khaṇḍitaḥ |
kathayasva mahābhāga dharmapāle mayi sthite || 45 ||
[Analyze grammar]

durvāsā uvāca |
muktitīrthamahaṃ jñātvā jñānena madhusūdana |
cakratīrthaṃ gataḥ snātuṃ yātrāyāṃ harṣasaṃyutaḥ || 46 ||
[Analyze grammar]

akṛtasnāna evā'haṃ dṛṣṭo daityairdurāsadaiḥ |
gale gṛhītaḥ kṛṣṇāhaṃ muṣṭibhistāḍitastathā || 47 ||
[Analyze grammar]

balādgṛhītvā vāsāṃsi kuśāṃścaivākṣataiḥ saha |
jale kṣiptvā caraṇayorgṛhītvā māṃ samākṛṣan || 48 ||
[Analyze grammar]

sīmāṃte māṃ tu prakṣipya procuste dānavādhamāḥ |
haniṣyāmo yadi punarāgaṃtāsi na saṃśayaḥ || 49 ||
[Analyze grammar]

snāto'haṃ cakratīrthe tu kariṣye bhojanaṃ vibho |
tasmātsnāpaya goviṃda niyamaṃ saphalaṃ kuru || 50 ||
[Analyze grammar]

tava prasādātsnātvā'haṃ bhuktvā ca prītamānasaḥ |
pratijñāṃ saphalāṃ kṛtvā vicariṣye mahīmimām || 51 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe caturthe dvārakāmāhātmye cakratīrthamāhātmye rākṣasakṛtadurvāsaḥparābhavavṛttāntavarṇanaṃ nāmāṣṭādaśo'dhyāyaḥ || 18 ||
[Analyze grammar]