Chapter 10

[English text for this chapter is available]

prahlāda uvāca |
tato gaccheddvijaśreṣṭhāstīrthaṃ pāpapraṇāśanam |
kṛkalāsamiti khyātaṃ nṛgatīrthamanuttamam || 1 ||
[Analyze grammar]

nṛgo yatra mahīpālaḥ kṛkalāsavapurdharaḥ |
kṛṣṇena saha saṃgatya saṃprāpa paramāṃ gatim || 2 ||
[Analyze grammar]

ṛṣaya ūcuḥ |
nṛgo nāma nṛpaḥ ko'yaṃ kathaṃ kṛṣṇena saṃgataḥ |
karmaṇā kṛkalāsatvaṃ kena tadvada vistarāt || 3 ||
[Analyze grammar]

prahlāda uvāca |
nṛgo nāma nṛpo viprāḥ sārvabhaumo balānvitaḥ |
buddhimāndhṛtimāndakṣaḥ śrīmānsarvaguṇānvitaḥ || 4 ||
[Analyze grammar]

anekaśatasāhasrā bhūmipā api tadvaśāḥ |
hastyaśvarathasaṃghaiśca pattibhirbahubhirvṛtaḥ || 5 ||
[Analyze grammar]

sainyaṃ ca tasya nṛpateḥ kośaṃ caivākṣayaṃ tathā |
sa nityaṃ gurubhaktaśca devatārādhane rataḥ || 6 ||
[Analyze grammar]

mahā dānāni viprendrā dadātyanudinaṃ nṛpaḥ |
śaśvatsa gosahasraṃ tu dadāti nṛpasattamaḥ || 7 ||
[Analyze grammar]

prakṣālya caraṇau bhaktyā hyupaviśyāsane śubhe |
paridhāpya śubhe kṣaume sugandhenopalipya ca || 8 ||
[Analyze grammar]

saṃpūjya puṣpamālābhi dhūpena ca sugandhinā |
dadau dakṣiṇayā sārddhaṃ prativiprāya gāṃ tadā |
tāṃbūlasahitāṃ bhaktyā viṣṇurme prīyatāmiti || 9 ||
[Analyze grammar]

evaṃ pradadatastasya yajataśca tathā makhaiḥ |
yayau kālo dvijaśreṣṭhā bhogāṃścaivānubhuñjataḥ || 10 ||
[Analyze grammar]

ekadā tu dvijaśreṣṭhaṃ jaiminiṃ saṃśitavratam |
śraddhayā taṃ ca nṛpatiḥ pratigrahaparāṅmukham |
uvāca vākyaṃ nṛpatiḥ kṛtāṃjalipuṭaḥ sthitaḥ || 11 ||
[Analyze grammar]

māmuddhara mahābhāga kṛpāṃ kuru taponidhe |
gṛhāṇa gāṃ mayā dattāṃ dayāṃ kṛtvā mamopari || 12 ||
[Analyze grammar]

tacchrutvā vacanaṃ tasya anicchannapi gauravāt |
nṛpasya cābravīdvipra evamastviti lajjitaḥ || 13 ||
[Analyze grammar]

avanijya tataḥ pādau śirasā dhārayajjalam |
suvarṇaśṛṃgasahitāṃ raupyakhuravibhūṣitām || 14 ||
[Analyze grammar]

ratnapucchāṃ kāṃsyadohāṃ sitavastrāvaguṃṭhitām |
samabhyarcya ca viprendraṃ dadau dakṣiṇayānvitām || 15 ||
[Analyze grammar]

āsīmāntamanuvrajya hṛṣṭo rājā babhūva ha |
taruṇīṃ haṃsavarṇāṃ ca haṃsīnāmeti viśrutām || 16 ||
[Analyze grammar]

gāṃ gṛhya svagṛhaṃ prāpto dāmnā baddhāṃ savatsakām |
sa tasyai yavasaṃ cārdraṃ dadau brāhmaṇasattamaḥ || 17 ||
[Analyze grammar]

sutṛptā yavasenaiva madhyāhne tṛṣitāṃ tadā |
gṛhītvā niryayau vipro dāmabaddhāṃ jalāśayam || 18 ||
[Analyze grammar]

mārge gajāśvasaṃbādhe trastā sā uṣṭradarśanāt |
hastādācchidya sā dhenurbrāhmaṇasya yayau tadā || 19 ||
[Analyze grammar]

vicinvansakalāmurvīṃ nāpaśyattāṃ dvijarṣabhaḥ |
sā yayau vidrutā dhenustanmahadrājagodhanam || 20 ||
[Analyze grammar]

dvitīye'hni punarvipramāhūya nṛpasattamaḥ |
saṃpūjya vidhivadbhaktyā vastrālaṃkārabhūṣaṇaiḥ || 21 ||
[Analyze grammar]

vidhivadgāṃ dadau tāṃ ca sa nṛpaḥ somaśarmaṇe |
gṛhītvā rājabhavanānniryayau gāṃ dvijarṣabhaḥ || 22 ||
[Analyze grammar]

āśaṃsamāno rājānaṃ dharmajñamiti kovidam |
sa ca vipro vicinvānaḥ sarvato gāṃ suduḥkhitaḥ || 23 ||
[Analyze grammar]

dadarśa pathi gacchantīṃ pṛṣṭhataḥ somaśarmaṇaḥ |
dṛṣṭvā tāṃ gāṃ ca sa munirjaiministamabhāṣata || 24 ||
[Analyze grammar]

mama gāṃ cāpi hṛtvā tvaṃ nayase dasyuvatkatham |
sa tasya vacanaṃ śrutvā vismayaṃ dasyukīrttanāt || 25 ||
[Analyze grammar]

rājato hi mayā labdhāṃ gāṃ nayāmi svamandiram |
gohartteti ca māṃ kasmādbravīṣi dvijasattama || 26 ||
[Analyze grammar]

brāhmaṇa uvāca |
mayāpi rājato labdhā mameyaṃ gaurna saṃśayaḥ |
kathaṃ nayasi vipra tvaṃ mayi jīvati mandiram || 27 ||
[Analyze grammar]

so'bravīdadya me labdhā kathaṃ māṃ vadase mṛṣā |
so'bravīddhyo mayā labdhā balānnetuṃ tvamicchasi || 28 ||
[Analyze grammar]

mameyamiti saṃkruddhaḥ somaśarmā'bravīdvacaḥ |
prajvalatkrodharaktākṣo mameyamiti so'paraḥ || 29 ||
[Analyze grammar]

vivadatau tathā viprau rājadvāramupāgatau |
kurvāṇau kalahaṃ ghoraṃ tyaktukāmau svajīvitam || 30 ||
[Analyze grammar]

saṃkruddhau brāhmaṇau dṛṣṭvā śapantau tau parasparam |
rājñe nivedayāmāsa dvāsthaṃ praṇayapūrvakam || 31 ||
[Analyze grammar]

avajñāya tadā viprau vivadantau ruṣānvitau |
kāmavyākulacetasko na bahirniḥsṛto nṛpaḥ || 32 ||
[Analyze grammar]

evaṃ vivadamānau tau trirātraṃ samupasthitau |
avajñātau nṛpeṇātha rājānaṃ prati ca krudhā || 33 ||
[Analyze grammar]

ūcatuḥ kupito vākyaṃ sāmarṣau nṛpatiṃ prati |
avamanyase nau yasmāttvaṃ na nirgacchasi mandirāt || 34 ||
[Analyze grammar]

śāstā bhavānprajānāṃ hi na nyāyena niyokṣyati |
bhaviṣyati bhavāṃstasmātkṛkalāso na saṃśayaḥ || 35 ||
[Analyze grammar]

evaṃ śaptvā tadā viprāvanyasmai gāṃ pradāya tau |
kṣudhitau khedasaṃyuktau svagṛhaṃ gantumudyatau || 36 ||
[Analyze grammar]

prasthitau tau nṛgo dvāra āgatya samupasthitaḥ |
daṃḍavatpraṇipatyā'śu kṛtāṃjalirabhāṣata || 37 ||
[Analyze grammar]

amoghavacanā yūyaṃ tattathā na tadanyathā |
mamopari kṛpāṃ kṛtvā śāpāṃta upadiśyatām || 38 ||
[Analyze grammar]

tasya tadvacanaṃ śrutvā ūcaturvacanaṃ nṛpam |
dvāparasya yugasyāntaṃ bhagavāndevakīsutaḥ || 39 ||
[Analyze grammar]

vasudevagṛhe rājanharirāvirbhaviṣyati |
tasya saṃsparśanādeva śāpamuktirbhaviṣyati || 40 ||
[Analyze grammar]

ityuktvā tau tadā viprau prayātau svaniveśanam |
rājā bahuvidhānbhogānbhuktvā dattvā ca bhūriśaḥ || 41 ||
[Analyze grammar]

iṣṭvā ca vividhairyajñaiḥ kāladharmamupeyivān |
tataḥ sa gatavānviprā dharmarājaniveśanam || 42 ||
[Analyze grammar]

satkṛtyokto yamenātha svāgatena nṛpottamaḥ |
prathamaṃ sukṛtaṃ rājannathavā duṣkṛtaṃ tvayā |
bhoktavyamiti me brūhi tatte saṃpādyate mayā || 43 ||
[Analyze grammar]

nṛga uvāca |
yadyasti duṣkṛtaṃ kiṃcitprathamaṃ pratipādaya |
anujñāto yamenaivaṃ kṛkalāso bhaveti vai |
tato varṣasahasrāṇi kṛkalāsatvamāptavān || 44 ||
[Analyze grammar]

ekasmindivase viprāḥ sarve yadukumārakāḥ |
vanaṃ jagmurmṛgānhantuṃ sarve kṛṣṇasamanvitāḥ || 45 ||
[Analyze grammar]

tṛṣārdditāśca madhyāhne vicinvaṃto jalaṃ hrade |
satvaṃ ca sumahattatra kṛkalāsaṃ ca saṃsthitam || 46 ||
[Analyze grammar]

cakruścoddharaṇe tasya yatnaṃ yadukumārakāḥ |
ākṛṣyamāṇaḥ sa tadā gurutvānna cacāla ha || 47 ||
[Analyze grammar]

yadā na śekuste sarva ācakhyuḥ kṛṣṇarāmayoḥ |
dadarśa taṃ tadā kṛṣṇo nṛgaṃ matvā hasanniva || 48 ||
[Analyze grammar]

cikṣepa vāmahastena līlayaiva jagatpatiḥ |
sa saṃspṛṣṭo bhagavatā vimuktaḥ śāpabaṃdhanāt || 49 ||
[Analyze grammar]

tyaktvā kalevaraṃ rājā divyamālyānulepanaḥ |
kṛtāṃjaliruvācedaṃ bhaktyā paramayā yutaḥ || 50 ||
[Analyze grammar]

namaste jagadādhāra sargasthityaṃtakāriṇe |
sahasraśirase tubhyaṃ brahmaṇe'naṃtaśaktaye || 51 ||
[Analyze grammar]

evaṃ saṃstuvataḥ prāha bhagavāndevakīsutaḥ |
dadāmi te varaṃ tuṣṭo yatte manasi varttate || 52 ||
[Analyze grammar]

yāhi puṇyakṛtāṃllokāndarśanātsparśanācca me |
evamuktaḥ sa devena saṃprahṛṣṭatanūruhaḥ || 53 ||
[Analyze grammar]

uvāca yadi tuṣṭo'si yadi deyo varo mama |
gartteyaṃ mama nāmnā tu khyātiṃ gacchatu keśava || 54 ||
[Analyze grammar]

yaḥ snātvā parayā bhaktyā pitṝnsaṃtarpayiṣyati |
tvatprasādena goviṃda viṣṇulokaṃ sa gacchatu || 55 ||
[Analyze grammar]

evamuktvā sa bhagavānpunardvārāvatīmagāt || 56 ||
[Analyze grammar]

sa ca rājā vimānena divyamālyānulepanaḥ |
jagāma bhavanaṃ viṣṇorvibudhairanusaṃstutaḥ || 57 ||
[Analyze grammar]

prahlāda uvāca |
tadāprabhṛti vipreṃdrāḥ sa kūpo nṛgasaṃjñayā |
varadānācca kṛṣṇasya pāvanaḥ sarvadehinām || 58 ||
[Analyze grammar]

tatra gatvā dvijaśreṣṭhā hyarghyaṃ dadyādyathāvidhi |
phalapuṣpākṣatairyuktaṃ caṃdanena ca bhūsurāḥ || 59 ||
[Analyze grammar]

namaste viśvarūpāya viṣṇave paramātmane |
arghyaṃ gṛhāṇa deveśa kūpe'sminnṛgasaṃjñake || 60 ||
[Analyze grammar]

tataḥ snāyāddvijaśreṣṭhā mṛdamālipya pāṇinā |
saṃtarpayetpitṝndevānmanuṣyāṃśca yathākramāt || 61 ||
[Analyze grammar]

tataḥ śrāddhaṃ prakurvīta pitṝṇāṃ śraddhayānvitaḥ |
viprebhyo bhojanaṃ dadyāddakṣiṇāṃ ca svaśaktitaḥ || 62 ||
[Analyze grammar]

viśeṣataḥ pradātavyā savatsā gauḥ svalaṃkṛtā |
śayyā sopaskarāṃ dadyādviṣṇurme prīyatāmiti || 63 ||
[Analyze grammar]

dīnāṃdhakṛpaṇānāṃ ca sadā tattīravāsinām |
dadyāddānaṃ svaśaktyā ca vitta śāṭhyavivarjitaḥ || 64 ||
[Analyze grammar]

snānamātreṇa viprendrā labhedgodānajaṃ phalam |
pitṛṇāṃ śrāddhadānena viyoniṃ na ca gacchati || 65 ||
[Analyze grammar]

kṛkalāse kṛtaṃ śrāddhaṃ yenaiva tarpaṇaṃ tathā |
sa gacchedviṣṇulokaṃ tu pitṛbhiḥ sahito naraḥ || 66 ||
[Analyze grammar]

tathā manorathāvāptiryātrā ca saphalā bhavet |
sarvatīrthaphalāvāptiṃ labhate nātra saṃśayaḥ || 67 ||
[Analyze grammar]