Chapter 9

[English text for this chapter is available]

prahlāda uvāca |
tato gaccheddvijaśreṣṭhāḥ saptakuṇḍānsuviśrutān |
sarvapāpapraśamanānṛddhibuddhivivarddhanān || 1 ||
[Analyze grammar]

ārādhitaḥ sa ca yadā harirāvirbabhūva ha |
saṃstūyamāno munibhirlakṣmyā saha jagatpatiḥ || 2 ||
[Analyze grammar]

arhaṇaṃ ca tadā cakrurharaye suragaṅgayā |
vāmapārśve sthitāṃ padmāmabhiṣektuṃ samudyatām || 3 ||
[Analyze grammar]

sanakādyā brahmasutāḥ saptaite manasā dvijāḥ |
pṛthakpṛthagghradānkṛtvā siṣicuḥ sāgarodbhavām || 4 ||
[Analyze grammar]

tato lakṣmīhradāḥ proktā devyā nātraiva saṃjñitāḥ |
prāpte tu dvāparasyāṃte rukmiṇīsaṃśrayeṇa tu || 5 ||
[Analyze grammar]

rukmiṇīhradamityevaṃ kalau khyātiṃ gatāḥ punaḥ |
bhṛguṇā sevitaṃ yasmādbhṛgutīrthamiti smṛtam || 6 ||
[Analyze grammar]

tasmingatvā mahābhāgāḥ prakṣālya caraṇau mṛdā |
ācamya ca kuśāngṛhya prāṅmukho niyataḥ śuciḥ || 7 ||
[Analyze grammar]

saṃpūrṇaṃ cārghyamādāya phalapuṣpākṣatādibhiḥ |
rajataṃ ca śire kṛtvā mantrametamudīrayet || 8 ||
[Analyze grammar]

bhaktyā cārghyaṃ pradāsyāmi hrade rukmiṇisaṃjñite |
sarvapāpavināśāya rukmiṇyāḥ prīṇanāya ca || 9 ||
[Analyze grammar]

snānaṃ kuryyāttato viprāḥ kṛtvā śirasi tārakam |
devānmanupyānsantarpya pitṝnatha viśeṣataḥ || 10 ||
[Analyze grammar]

śrāddhaṃ tataḥ prakurvīta viprānāhūya bhaktitaḥ |
dakṣiṇāṃ ca tato dadyādrajataṃ rukmameva ca || 11 ||
[Analyze grammar]

viśeṣataḥ pradeyāni phalāni rasavanti ca |
dampatyorbhojanaṃ dadyānmiṣṭānnena dvijottamāḥ || 12 ||
[Analyze grammar]

viprapatnyastu saṃpūjyāḥ striyaścānyāḥ svaśaktitaḥ |
kañcukai raktavastraiśca rukmiṇī prīyatāmiti || 13 ||
[Analyze grammar]

evaṃ kṛte dvijaśreṣṭhāḥ kṛtakṛtyo bhavennaraḥ |
sarvānkāmānavāpnoti viṣṇulokaṃ sa gacchati || 14 ||
[Analyze grammar]

vasate ca sadā gehe lakṣmīstasya na saṃśayaḥ |
ārogyaṃ manasastuṣṭirna codvegaḥ kadācana || 15 ||
[Analyze grammar]

pitṝṇāmakṣayā tṛptiḥ prajā bhavati niścalā |
hīnasattvo naiva bhaveddīrghāyuśca bhavennaraḥ || 16 ||
[Analyze grammar]

āḍhyo bhavati sarvatra yaḥ snāto rukmiṇī hrade |
na lakṣmyā mucyate viprā nālakṣmyā vriyate naraḥ || 17 ||
[Analyze grammar]

na vairaṃ kalahastasya yaḥ snāto rukmiṇīhrade |
gamanāgamanaṃ na syātsaṃsārabhramaṇaṃ tathā || 18 ||
[Analyze grammar]

duḥkhaśokau kutastasya yaḥ snāto rukmiṇīhrade |
sarvapāpavinirmukto mahābhayavivarjitaḥ || 19 ||
[Analyze grammar]

sarvānkāmāniha prāpya yāti viṣṇupadaṃ naraḥ || 20 ||
[Analyze grammar]