Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 6

< Previous

Next >

[English text for this chapter is available]

pulastya uvāca |
tato gacchennṛpaśreṣṭha vasiṣṭhaṃ tapasāṃ nidhim |
yaṃ dṛṣṭvā mānavaḥ samyakkṛtārthatvamavāpnuyāt || 1 ||
[Analyze grammar]

tatrāsti jalasampūrṇaṃ kuṇḍaṃ pāpaharaṃ nṛṇām |
tasminkuṇḍe nṛpaśreṣṭha vasiṣṭhena mahātmanā || 2 ||
[Analyze grammar]

gomatī ca samānītā tapasā nṛpasattama |
tatra snāto naraḥ samyakpātakai rvipramucyate || 3 ||
[Analyze grammar]

ṛṣidhānyena yastatra śrāddhaṃ nṛpa samācaret |
sa pitṛṃstārayetsarvānpakṣayorubhayorapi || 4 ||
[Analyze grammar]

atra gāthā purā gītā nāradena mahātma nā |
snātvā puṇyodake tatra dṛṣṭvā taṃ munisattamam || 5 ||
[Analyze grammar]

kiṃ gayāśrāddhadānena kimanyairmakhavistaraiḥ |
vasiṣṭhasyāśramaṃ prāpya yaḥ śrāddhaṃ kurute naraḥ |
sa pitṝṃstārayetsarvānātmanā nṛpasattama || 6 ||
[Analyze grammar]

tatraivāruṃdhatī sādhvī vasiṣṭhasya samīpataḥ |
pūjanīyā viśeṣeṇa sarvakāmapradā nṛṇām || 7 ||
[Analyze grammar]

bālye vayasi yatpāpaṃ vārddhake yauvane'pi vā |
vasiṣṭhadarśanātsadyo narāṇāṃ yāti saṃkṣayam || 8 ||
[Analyze grammar]

dīpaṃ prayacchate yastu vasiṣṭhāgre samāhitaḥ |
sukhasaubhāgyasaṃyuktastejasvī jāyate naraḥ || 9 ||
[Analyze grammar]

upavāsaparo yastu tatraikā rajanīṃ nayet |
sa yāti paramaṃ sthānaṃ yatra saptarṣayo'malāḥ || 10 ||
[Analyze grammar]

trirātriṃ kurute yastu vasiṣṭhāgre samāhitaḥ |
sa yāti ca maharlokaṃ jarāmaraṇavarjitaḥ || 11 ||
[Analyze grammar]

yastu māsopavāsaṃ ca vasiṣṭhāgre karoti ca |
so'pi muktimavāpnoti na yāti sa bhavārṇavam || 12 ||
[Analyze grammar]

śrāvaṇasya site pakṣe paurṇamāsyāṃ samāhitaḥ |
ṛṣiṃ tarpayate yastu brahmalokaṃ sa gacchati || 13 ||
[Analyze grammar]

vasiṣṭhasyāgrato yastu gāyatryaṣṭaśataṃ japet |
ājanmamaraṇātpāpātsadyo mucyeta mānavaḥ || 14 ||
[Analyze grammar]

vāmadevaṃ yajettatra yadi śraddhāsamanvitaḥ |
agniṣṭomaphalaṃ rājansadyaḥ prāpnoti mānavaḥ || 15 ||
[Analyze grammar]

tasmātsarvaprayatnena draṣṭavyo'sau mahāmuniḥ |
śucibhiḥ śraddhayā yuktāste yāsyaṃti paraṃ padam || 16 ||
[Analyze grammar]

tasmātsarvātmanā rājanvāmadevaṃ ca pūjayet || 17 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ saptame prabhāsakhaṇḍe tṛtīye'rbudakhaṃḍe vasiṣṭhāśramamāhātmyavarṇanaṃnāma ṣaṣṭho'dhyāyaḥ || 6 ||
[Analyze grammar]