Chapter 36

[English text for this chapter is available]

devyuvāca |
yadetadbhavatā proktaṃ prācī sarvatra durllabhā |
viśeṣeṇa kurukṣetre prabhāse puṣkare tathā || 1 ||
[Analyze grammar]

kathaṃ prabhāsamāsādya saṃsthitā pāpanāśinī |
māhātmyamakhilaṃ tasyāḥ prācyāḥ pātakanāśanam |
kathayasva maheśāna yadyahaṃ te priyā vibho || 2 ||
[Analyze grammar]

īśvara uvāca |
sādhu proktaṃ tvayā bhadre prācī sarvatra durlabhā |
kurukṣetre puṣkare ca tasmātprābhāsike'dhikā || 3 ||
[Analyze grammar]

prabhāse tu mahādevī prācīṃ pāpapraṇāśinīm |
nāpuṇyo veda deveśi karmanirmūlanakṣamām || 4 ||
[Analyze grammar]

ye pibaṃti narāḥ puṇyāṃ prācīṃ devīṃ sarasvatīm |
na te manuṣyā vijñeyāḥ satyaṃsatyaṃ varānane || 5 ||
[Analyze grammar]

dhanyāste munayaste ca puṇyāste ca tapasvinaḥ |
ye ca sārasvataṃ toyaṃ pibaṃtyaharahaḥ sadā || 6 ||
[Analyze grammar]

devāste na manuṣyāste nadīstisra pibaṃti ye |
caṃdrabhāgāṃ ca gaṃgāṃ ca tathā devīṃ sassvatīm || 7 ||
[Analyze grammar]

bhuktvā vā yadi vā'bhuktvā divā vā yadi vā niśi |
na kālaniyamastatra yatra prācī sarasvatī || 8 ||
[Analyze grammar]

prācīṃ sarasvatīṃ ye tu pibaṃti satataṃ mṛgāḥ |
te'pi svargaṃ gamiṣyaṃti yajñairdvijavarā yathā || 9 ||
[Analyze grammar]

sarvakāmaprapūrtyarthaṃ nṛṇāṃ tatkṣetramuttamam |
ciṃtāmaṇisamā devī yatra prācī sarasvatī || 10 ||
[Analyze grammar]

yathā kāmadughā gāvaḥ sarvakāmaphalapradāḥ |
tathā svargāpavargābhyāṃ prācī devī sarasvatī || 11 ||
[Analyze grammar]

aṣṭāśītisahasrāṇi munīnāmūrdhvaretasām |
yatra sthitāni saṃnyāsaṃ tasmātkimadhikaṃ smṛtam || 12 ||
[Analyze grammar]

yatra maṃkaṇakaḥ siddhaḥ prācīne niyatātmavān |
brahmahatyāvrataṃ cīrṇaṃ mayā yatra varānane || 13 ||
[Analyze grammar]

vṛṣatīrthe mahāpuṇye prācīkūlasamāśrite |
nivṛtte bhārate yuddhe tasmiṃstīrthe kirīṭinā |
prāyaścittaṃ purā cīrṇaṃ viṣṇunā preritātmanā || 14 ||
[Analyze grammar]

trailokye sarvatīrthānāṃ tattīrthaṃ pravaraṃ smṛtam |
pāpaghnaṃ puṇyajananaṃ prāṇināṃ puṇyakīrttida || 15 ||
[Analyze grammar]

sūta uvāca |
āhaivamukte sā devī śaṃkaraṃ loka śaṃkaram |
prāyaścittaṃ kathaṃ prāptaḥ pārthaḥ parapuraṃjayaḥ |
jñātikṣayodbhavaṃ pāpaṃ kathaṃ nāśamagātprabho || 16 ||
[Analyze grammar]

evamuktaḥ punaḥ prāha viśveśo nīlalohitaḥ |
prāyaścittasya saṃprāptaḥ kāraṇaṃ tadyathā sthitam || 17 ||
[Analyze grammar]

īśvara uvāca |
śṛṇuṣvāvahitā bhadre kathāṃ pātakanāśinīm |
yāṃ śrutvā mānavo bhaktyā pavitrātmā prajāyate || 18 ||
[Analyze grammar]

yo'sau devi samākhyātaḥ kirīṭī śvetavāhanaḥ |
sa jitvā kauravānsarvānsaṃhṛtya hayakuñjarān || 19 ||
[Analyze grammar]

paścātsuyodhanaṃ hatvā bhīmena prayayau gṛhān |
nārāyaṇena sahito naro'sau prasthito raṇāt || 20 ||
[Analyze grammar]

draṣṭuṃ dharmasutaṃ dṛṣṭaḥ praṇataḥ prāṃjaliḥ sthitaḥ |
sa vijñāya tadā'yāntau naranārāyaṇāvubhau || 21 ||
[Analyze grammar]

rājā yudhiṣṭhiraḥ prāha dvārasthāndvārapālakān |
bhavadbhiretāvāyāṃtau niṣedhyau dvārasaṃsthitau || 22 ||
[Analyze grammar]

nara nārāyaṇau krūrau pāpapaṃkānulepinau |
evametaditi proktau tau tadā dvāramāgatau || 23 ||
[Analyze grammar]

bhavantau necchati draṣṭuṃ rājā durnayakāriṇau |
tatrasthaḥ pṛṣṭavānbhūyaḥ pratīhāraṃ naraḥ svayam || 24 ||
[Analyze grammar]

āvāṃ kiṃ kāraṇaṃ rājā nekṣate vaśavartinau |
provāca praṇato rājā tato dvāḥsthaṃ puraḥsthitam || 25 ||
[Analyze grammar]

nārāyaṇena sahitaṃ naraṃ narakanirbhayam |
duryodhanena sahitā bāṃdhavāste yato hatāḥ |
pitṛtulyāśca rājānastena vai pāpabhājanam || 26 ||
[Analyze grammar]

evamukte tu tenātha mukhamālokitaṃ hareḥ |
tena proktamidaṃ tathyaṃ yatte rājñā prabhāṣitam || 27 ||
[Analyze grammar]

evamukte naraḥ prāha punareva janārddanam |
kathayasva kathaṃ pāpātkṛṣṇa śuddhyāmahe vayam || 28 ||
[Analyze grammar]

tīrthasnānena me śuddhiryathā syāttadvada sphuṭam |
tacca gaṃgādikaṃ kṛṣṇa yathā'syāghasya nāśanam || 29 ||
[Analyze grammar]

kṛṣṇa uvāca |
mā gayāṃ gaccha kauṃteya mā gaṃgāṃ mā ca puṣkaram |
tatra gaccha kuruśreṣṭha yatra prācī sarasvatī || 30 ||
[Analyze grammar]

brahmaghnāśca surā pāśca ye cānye pāpakāriṇaḥ |
tatra snātvā vimucyaṃte yatra prācī sarasvatī || 31 ||
[Analyze grammar]

nārāyaṇena prokto'sau narastadvacanāddrutam |
sahitastena saṃprāptaḥ prācīnaṃ tīrthamuttamam || 32 ||
[Analyze grammar]

trirātropoṣitaḥ snātastrikālaṃ niyatātmavān |
tena tasmādvinirmuktaḥ pātakātpūrvasaṃcitāt || 33 ||
[Analyze grammar]

vijñāya śuddhamenaṃ tu rājā dharmasuto drutam |
bhrātṛbhiḥ sahitaḥ prāptastaṃ draṣṭuṃ narapuṃgavam || 34 ||
[Analyze grammar]

tatastaṃ praṇataṃ dṛṣṭvā dharmaputraḥ puraḥsthitam |
āliliṃga prahṛṣṭātmā pṛṣṭavāṃścāpyanāmayam || 35 ||
[Analyze grammar]

bhīmādibhirbhrātṛbhiśca tadā gurugaṇairvṛtaḥ |
āliṃgitaḥ prahṛṣṭaistu naro guṇagaṇairvṛtaḥ || 36 ||
[Analyze grammar]

etaddhi tanmahātīrthaṃ prācīneti ca śabditam |
snānakrameṇa marttyānāmanyeṣāmapi pāvakam || 37 ||
[Analyze grammar]

trirātropoṣitaḥ snātastīrthe'sminbrahmahā'pi yaḥ |
vimuktaḥ pātakāttasmānmodate divi rudravat || 38 ||
[Analyze grammar]

prācīne devyahaṃ nityaṃ vasāmi sahitastvayā |
prabhāse tu mahākṣetre viśeṣāttatra bhāmini || 39 ||
[Analyze grammar]

sarasvatyuttare tīre yastyajedātmanastanum |
prācīne tu varārohe na cehāgacchate punaḥ || 40 ||
[Analyze grammar]

āpluto vājimedhasya phalaṃ prāpsyati puṣkalam |
niyamaiścopavāsaiśca śoṣayeddehamātmanaḥ || 41 ||
[Analyze grammar]

jalāhārā vāyubhakṣāḥ parṇāhārāśca tāpasāḥ |
yathā sthaṃḍilagā nityaṃ ye cānyaniyamāḥ pṛthak || 42 ||
[Analyze grammar]

evaṃ maṃkyāśrame yeṣāṃ vasatāṃ mṛtyurāgataḥ |
na te manuṣyā devāste satyametadbravīmi te || 43 ||
[Analyze grammar]

asmiṃstīrthe tu yo dadyāttruṭimātraṃ tu kāṃcanam |
śraddhayā dvijamukhyāya merutulyaṃ phalaṃ labhet || 44 ||
[Analyze grammar]

asmiṃstīrthe tu ye śrāddhaṃ kariṣyaṃti ca mānavāḥ |
ekaviṃśatkulopetāḥ svargaṃ yāsyaṃti te dhruvam || 45 ||
[Analyze grammar]

pitṝṇāṃ vallabhe tīrthe piṇḍenaikena tarppitāḥ |
brahmalokaṃ gamiṣyaṃti gayāśrāddhakṛto yathā || 46 ||
[Analyze grammar]

kṛṣṇapakṣe caturddaśyāṃ snānaṃ ca vihitaṃ sadā |
piṇyākaiṃgudakenāpi piṃḍaṃ tatra dadāti yaḥ |
pitṝṇāmakṣayā tṛptiḥ pitṛlokaṃ sa gacchati || 47 ||
[Analyze grammar]

bhūyaścānnaṃ prayacchaṃti mokṣamārgaṃ vrajaṃti te || 48 ||
[Analyze grammar]

dadhi dadyādyo'pi tatra brāhmaṇāya manoramam |
so'gnilokaṃ samāsādya bhuṃkte bhogānsuśobhanān || 49 ||
[Analyze grammar]

ūrṇāṃ prāvaraṇaṃ yo'pi bhaktyā dadyāddvijottame |
so'pi yāti parāṃ siddhiṃ martyairanyaiḥ sudurllabhām || 50 ||
[Analyze grammar]

ye cātra malanāśāya viśeyurmānavā jalam |
gopradānasamaṃ teṣāṃ sukhena phalamādiśet || 51 ||
[Analyze grammar]

bhāvena yo narastatra kaścitsnānaṃ samācaret |
sarvapāpavinirmukto brahmaloke mahīyate || 52 ||
[Analyze grammar]

tarpaṇātpiṃḍadānācca narakeṣvapi saṃsthitāḥ |
svargaṃ prayāṃti pitaraḥ suputreṇa hi tāritāḥ || 53 ||
[Analyze grammar]

prācīṃ sarasvatīṃ prāpya yāti tīrthaṃ himālayam |
sa karasthaṃ samutsṛjya kūrpareṇa samālihet || 54 ||
[Analyze grammar]

yaṃyaṃ kāmamabhidhyāya tasminprāṇānparityajet |
taṃtaṃ sakalamāpnoti tīrthamāhātmyayogataḥ || 55 ||
[Analyze grammar]

anyaddevi purā gītaṃ gāṃgeyena yudhiṣṭhire |
satyameva hi gaṃgāyāṃ vayaṃ jātā yudhiṣṭhira || 56 ||
[Analyze grammar]

yāḥ kāścitsarito loke tāsāṃ puṇyā sarasvatī || 97 ||
[Analyze grammar]

sarasvatī sarvanadīṣu puṇyā sarasvatī lokasukhāvahā sadā |
sarasvatīṃ prāpya suduḥkhitā narāḥ sadā na śocanti paratra ceha ca || 58 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye prācīsarasvatīmāhātmyavarṇanaṃnāma ṣaṭtriṃśo'dhyāyaḥ || 36 ||
[Analyze grammar]