Chapter 35

[English text for this chapter is available]

devyuvāca |
bhagavanbhārgave vaṃśe yastvaurvaḥ kathitastvayā |
vaivasvateṃ'tare cāsmiṃstasyotpattiṃ vada prabho || 1 ||
[Analyze grammar]

īśvara uvāca |
brāhmaṇā nihatā ye tu kṣatriyairvittakāraṇāt |
kṣayaṃ nītāstu te sarve saputrāśca sagarbhataḥ || 2 ||
[Analyze grammar]

mriyamāṇeṣu sarveṣu ekā strī samatiṣṭhata |
tayā tu rakṣito garbha ūrvordeśe nidhāya ca || 3 ||
[Analyze grammar]

anyāsāṃ caiva nārīṇāṃ sarvāsāmapi bhāmini |
garbhāni pātitāstaistu dravyārthaṃ kṣatriyādhamaiḥ || 4 ||
[Analyze grammar]

kālāṃtare tato bhittvā kurudeśaṃ mahāprabhaḥ |
nirgatottaṃbhitaśirā jvaladāsyotibhīṣaṇaḥ || 5 ||
[Analyze grammar]

tadvairaṃ hṛdi cādhāya dadāha vasudhātalam |
utpādya vahniṃ tapasā raudramaurvaṃ jalāśanam || 6 ||
[Analyze grammar]

tamindraḥ plāvayāmāsa vṛṣṭyaughairvaravarṇini |
na śaśāka yadā netuṃ tadā sa yatavāksthitaḥ || 7 ||
[Analyze grammar]

tato devāḥ sagaṃdharvā brahmāṇaṃ śaraṇaṃ gatāḥ |
abhavanbhayasaṃtrastāḥ sarve prāṃjalayaḥ sthitāḥ || 8 ||
[Analyze grammar]

devā ūcuḥ |
bhagavanbhārgave vaṃśe jātaḥ ko'pi mahādyutiḥ |
agnirūpeṇa sarvaṃ sa dadāha vasudhātalam |
kṛto yatnaḥ purā'smābhistadvināśāya sattama |
jalena vṛddhimāyāti tato no bhayamāgatam || 10 ||
[Analyze grammar]

vinaṣṭe bhūtale deva agniṣṭomādikāḥ kriyāḥ |
ucchidyate tato'smākaṃ nāśo nūnaṃ bhaviṣyati || 11 ||
[Analyze grammar]

tasmādyatnaṃ kuru vibho trailokyahitakāmyayā || 12 ||
[Analyze grammar]

tato brahmā suraiḥ sārddhaṃ bhārgavaiśca maha rṣibhiḥ |
āgatya cābravīdaurvaṃ kimarthaṃ dahasi kṣitim || 13 ||
[Analyze grammar]

virāmaḥ kriyatāṃ sadyo mamārthaṃ ca dvijottama || 14 ||
[Analyze grammar]

aurva uvāca |
eṣa eva nivṛtto'haṃ tava vākyena sattama |
eṣa vahnirmayotsṛṣṭaḥ sa vibho tava śāsanāt || 15 ||
[Analyze grammar]

yathā gacchetsamudrāṃtaṃ tathā nītirvidhīya tām || 16 ||
[Analyze grammar]

samāhūya tato devīṃ svāṃ sutāṃ padmasaṃbhavaḥ |
uvāca putri gaccha tvaṃ gṛhītvāgniṃ mahodadhim |
madvākyaṃ nānyathā kāryaṃ gaccha śīghraṃ mahāprabhe || 17 ||
[Analyze grammar]

sarasvatyuvāca |
eṣāsmi prasthitā deva tava vākyādasaṃśayam |
ityukte sādhu sādhvīti brahmaṇā samudāhṛtā || 18 ||
[Analyze grammar]

tatobhimaṃtritaṃ vahniṃ kṣiptvā kuṃbhe hiraṇmaye |
prāyacchata sarasvatyai svayaṃ brahmā pitāmahaḥ |
āśiṣo vividhā dattvā provācedaṃ punaḥ punaḥ || 19 ||
[Analyze grammar]

gaccha putri na saṃtāpastvayā kāryaḥ kathaṃcana |
ariṣṭaṃ vraja paṃthānaṃ mā saṃtu paripanthinaḥ || 20 ||
[Analyze grammar]

īśvara uvāca |
evamuktā tadā tena brahmaṇā ca sarasvatī |
himavaṃtaṃ giriṃ prāpya pippalādāśramāttadā || 21 ||
[Analyze grammar]

udbhūtā sā tadā devī adhastādvṛkṣamūlataḥ |
tatkoṭara kuṭīkoṭipraviṣṭānāṃ dvijanmanām || 22 ||
[Analyze grammar]

śrūyante vedanirghoṣā sarasāraktacetasām |
viṣṇurāste tatra devo devānāṃ pravaro guruḥ || 23 ||
[Analyze grammar]

tasmātsthānāttato devī pratīcyabhimukhaṃ yayau |
antarddhānena sā prāptā kedāraṃ himamadhyagam || 24 ||
[Analyze grammar]

tatsaṃplāvya gireḥ śṛṃgaṃ kedārasya puraḥ sthitā |
tenāgninā karasthena dahyamānā sarasvatī || 25 ||
[Analyze grammar]

bhūmiṃ vidārya tasyādhaḥ praviṣṭā gajagāminī |
tadaṃtarddhānamārgeṇa pravṛttā paścimāmukhī || 26 ||
[Analyze grammar]

pāpabhūmimatikramya bhūmiṃ bhittvā vini gatā |
tatra kūpaḥ samabhavannāmnā gandharvasaṃjñitaḥ || 27 ||
[Analyze grammar]

tasmātkūpātpunardṛśyā sā babhūva mahānadī |
matiḥ smṛtistathā prajñā medhā buddhirgirādharā || 28 ||
[Analyze grammar]

upāsikāḥ sarasvatyāḥ ṣaḍetāḥ prasthitāstadā |
punaḥ pravṛttā sā tasmādudbhedātpaścimāmukhī || 29 ||
[Analyze grammar]

bhūtīśvaraṃ samāyātā siddho yatra mahāmuniḥ |
bhūtīśvare samīpasthaṃ tatra prāptā manoramam || 30 ||
[Analyze grammar]

tasya dakṣiṇadiksaṃsthaṃ rudrakoṭyupalakṣitam |
śrīkaṃṭha deśaṃ vikhyātaṃ gatā sarvauṣadhīyutam || 31 ||
[Analyze grammar]

tasmātpuṇyatamāddeśācchrīkaṇṭhātsā manasvinī |
saṃprāptā vahninā sārddhaṃ kurukṣetraṃ sarasvatī || 32 ||
[Analyze grammar]

punastasmātkurukṣetrādvirāṭanagarasya sā |
samudbhūtā samīpasthā antarddhānānmanoramā |
gopāyano giriryatra tatra sā punarudgatā || 33 ||
[Analyze grammar]

gopāyitā keśavena yatra te pāṇḍunandanāḥ |
kurvaṃtaḥ svāni karmāṇi na kaiścidupalakṣitā || 34 ||
[Analyze grammar]

tatra kuṃḍe sthitā devī mahāpātakanāśinī |
puna rgopāyanāddevī kṣetraṃ prāptātiśobhanam || 35 ||
[Analyze grammar]

kharjurīvanamāpannā nandānāmnīti tatra sā |
sarasvatī punastasmādvanātkharjūrasaṃjñitāt || 36 ||
[Analyze grammar]

merupādaṃ samāsādya mārkaṃḍāśramamāgatā |
yatra mārkaṃḍakaṃ tīrthaṃ merupāde samāśritam || 37 ||
[Analyze grammar]

sarasvatī punastasmādarbudāraṇyamāśritā |
gatā vaṭavanaṃ ramyaṃ mārkaṃḍeyāśramācchubhāt || 38 ||
[Analyze grammar]

tapastaptaṃ purā yatra vasiṣṭhena samāśritāt |
tasmādvaṭavanātpuṇyādudumbaravanaṃ gatā |
merupāde ca tatraiva taṇḍiryatrā tapattapaḥ || 39 ||
[Analyze grammar]

ūduṃbaravanāttasmātpunardevī sarasvatī |
antarddhānena śikharamanyatprāptā mahānadī || 40 ||
[Analyze grammar]

merupādaṃ tu sumahatsurasiddhaniṣevitam |
bhinnāṃjanacayākāraṃ golāṃgūlamiti smṛtam || 41 ||
[Analyze grammar]

sthānaṃ manoramaṃ tasmādudgatā sā sumadhyamā |
vaṃśastaṃbātsuvipulā pravṛttā dakṣiṇāmukhī || 42 ||
[Analyze grammar]

tatrodgamavaṭastasyāstatsamākhyo vyavasthitaḥ |
tataḥ prabhṛti sā devī suprabhaṃ prakaṭā sthitā || 43 ||
[Analyze grammar]

aṃtarddhānaṃ parityajya prāṇināmanukampayā |
tasyāstaṭeṣu ramyeṣu saṃti tīrthāni koṭiśaḥ || 44 ||
[Analyze grammar]

teṣu tīrtheṣu sarveṣu dharmahetuḥ sarasvatī |
rudrāvatāra mārge'sminpravaraṃ prathamaṃ smṛtam || 45 ||
[Analyze grammar]

tarattaraṃganāmāḍhyaṃ kākatīrthaṃ mahāprabham |
tatra tīrthaṃ punastvanyattīrthaṃ dhāreśvaraṃ smṛtam || 46 ||
[Analyze grammar]

dhāreśvarātpunaścānyadgaṃgodbhedamiti smṛtam |
sārasvataṃ tathā gāṃgaṃ yatraikaṃ saṃsthitaṃ jalam |
tasmādanyatparaṃ tīrthaṃ puṃḍarīkaṃ tataḥ param || 47 ||
[Analyze grammar]

mātṛtīrthaṃ mahāpuṇyaṃ sarvātaṃkaharaṃ param |
mātṛtīrthātpunastasmānnātidūre vyavasthitam || 48 ||
[Analyze grammar]

tīrthaṃ tvanarakaṃnāma narakārti bhayāpaham |
tatastasmādanarakāttīrthamanyatpunaḥ sthitam || 49 ||
[Analyze grammar]

saṃgameśvaranāmāḍhyaṃ prasiddhaṃ tanmahītale |
tatastasmātpunaścānyattīrthaṃ koṭīśvarāhvayam || 50 ||
[Analyze grammar]

tatastasmānmahādevi śaṃbhukuṇḍeśvaraṃ smṛtam |
tīrthe sarasvatītīre tasminsiddheśvaraṃ smṛtam || 51 ||
[Analyze grammar]

siddheśvarātpunastasmātpravṛttā paścimāmukhī |
paścimaṃ sāgaraṃ gaṃtuṃ sakhīṃ smṛtvā ruroda sā || 52 ||
[Analyze grammar]

sthitvā pūrvamukhā devī hā gaṃgeti vinā tvayā |
ekākinī maṃdabhāgyā kva gamiṣyāmyabāṃdhavā || 53 ||
[Analyze grammar]

tāṃ vijñāya tato gaṃgā rudatīṃ śokakarśitām |
śīghraṃ svargātsamāyātā tīrthānāṃ koṭibhiḥ saha || 54 ||
[Analyze grammar]

tato duḥkhaṃ parityajya tatra prācī sarasvatī |
sarvadevaguṇaiyuktā evaṃ tatra sthitā'bhavat || 55 ||
[Analyze grammar]

tatra siddhavaṭaṃnāma tīrthaṃ paitāmahaṃ smṛtam |
vaṭeśvarasya purataḥ sarvapāpakṣayaṃkaram || 56 ||
[Analyze grammar]

trikālaṃ yatra rudrastu samāgatya vyavasthitaḥ |
tanmahālayamityuktaṃ sthānaṃ tasya mahātmanaḥ || 57 ||
[Analyze grammar]

piṃḍatārakamityetatprācīnaṃ tīrthamuttamam |
kumbhakukṣigiristhaṃ tatpitrye karmaṇi siddhidam || 58 ||
[Analyze grammar]

prācīneśvaradevasya purobhūtaṃ prati ṣṭhitam |
prācī sarasvatī yatra tatra kiṃ mṛgyate param || 59 ||
[Analyze grammar]

nivṛtte bhārate yuddhe tatra tīrthe kirīṭinā |
prāyaścittaṃ purā cīrṇaṃ viṣṇunā preritā tmanā || 60 ||
[Analyze grammar]

tena tasmādvinirmuktaḥ pātakātpūrvasaṃcitāt |
naratīrthaṃ tataḥ khyātaṃ tatra pāpabhayāpaham || 61 ||
[Analyze grammar]

naratīrthādanyatīrthaṃ puṃḍarīkamiti smṛtam |
arjunena sahāgatya yatra snāto hariḥ priye || 62 ||
[Analyze grammar]

prācīneśātparaṃ tīrthaṃ vālakhilyeśvaraṃ mahat |
tatra tasmānmahātīrthāttīrthamanyanmaho dayam || 63 ||
[Analyze grammar]

gaṃgāsamāgamaṃnāma tīrthamanyanmahodayam |
tatrālokya punardevīṃ dīnāsyāṃ dīnamānasām || 64 ||
[Analyze grammar]

brahmāsṛjatsakhīṃ tasyāḥ kapilāṃ vipulekṣaṇām |
hariṇīṃ harirapyāśu vajriṇīmapi devarāṭ |
nyaṃkuṃ vinodanārthaṃ ca sarasvatyā dadau haraḥ || 65 ||
[Analyze grammar]

tataḥ prahṛṣṭā sā devī devādeśātsarasvatī |
tasmādgantuṃ samārabdhā prācīnā pāpanāśinī || 66 ||
[Analyze grammar]

īśvara uvāca |
dakṣiṇāṃ diśamāsthāya punaḥ paścānmukhī tadā |
sarasvatī mahādevī vaḍavānaladhāriṇī |
taduttare taṭe tīrthamekadvāramiti smṛtam || 67 ||
[Analyze grammar]

ekadvāreṇa yatsenā svargaṃ prāptā tato varāt |
tasmāttīrthātpunaścānyattīrthaṃ yatra guheśvaraḥ || 68 ||
[Analyze grammar]

guhena sthāpitaḥ pūrvaṃ yatra devo maheśvaraḥ |
guheśvarānnātidūre vaṭeśvaramiti smṛtam || 69 ||
[Analyze grammar]

divyaṃ sarasvatītīre vyāsenārādhitaṃ purā |
āmarddakī nadī yatra sarasvatyā sahaikatām || 70 ||
[Analyze grammar]

saṃprāptā tanmahātīrthaṃ phaladaṃ sarvadehinām |
āmardakī saṃgamaṃ taṃ nāpuṇyo veda kaścana |
saṃgameśvaranāmeti tatra liṃgaṃ pratiṣṭhitam || 71 ||
[Analyze grammar]

muṇḍīśvareti ca tathā prasiddhimagamatkṣitau |
muṃḍīśvarasamīpasthaṃ sarasvatyāṃ mahodayam || 72 ||
[Analyze grammar]

nāmnā yatprāṅmukhaṃ tīrthaṃ sarasvatyāstaṭe sthitam |
māṃḍavyeśvaranāmnā vai yatreśaḥ saṃpratiṣṭhitaḥ || 73 ||
[Analyze grammar]

pīlukarṇikasaṃjñaṃ tu tīrthamanyatpunastataḥ |
sarasvatītīragatamṛṣiṇā sevitaṃ mahat || 74 ||
[Analyze grammar]

tasmādanyatsarasvatyāṃ tīrthaṃ dvāravatī smṛtam |
tīrthānāṃ pravaraṃ devi yatra saṃnihito hariḥ || 75 ||
[Analyze grammar]

tatastasya samīpasthaṃ tīrthaṃ govatsasaṃjñitam |
yatrāvatīrya govatsasvarūpeṇāṃbikāpatiḥ || 76 ||
[Analyze grammar]

svayaṃ bhūliṃgarūpeṇa saṃsthitastejasāṃ nidhiḥ |
govatsānnairṛte bhāge dṛśyate lohayaṣṭikā || 77 ||
[Analyze grammar]

svayaṃbhūliṃgarūpeṇa rudrastatra svayaṃ sthitaḥ |
ekaviṃśati vārasya bhaktyā piṃḍasya yatphalam || 78 ||
[Analyze grammar]

gaṃgāyāṃ prāpyate puṃsāṃ śrāddhenaikena tatra tat |
tatastasmānmahātīrthādbālakrīḍanakī yathā || 79 ||
[Analyze grammar]

sakhībhiḥ sahitā tatra krīḍatā'sau yathecchayā |
ānulomyavilomyena dakṣiṇenottareṇa ca || 80 ||
[Analyze grammar]

rullaṃ prāpya punardevī samudbhūtā manoramā |
rullaṃ nāma puraṃ yatra sṛṣṭaṃ devena śaṃbhunā || 81 ||
[Analyze grammar]

saha devaistu pārvatyā dhārāyaṃtraprayogakaiḥ |
ekaṃ varṣasahasraṃ tu śaṃbhunā tatra rullitam || 82 ||
[Analyze grammar]

rullaṃ tatra hradaṃ nāma sarasvatyāṃ mahodayam |
sākṣāttatra mahādeva ānaṃdeśvarasaṃjñitaḥ || 83 ||
[Analyze grammar]

paścimena sthitaṃ tatra śambhorāyatanasya tu |
sa merordakṣiṇe pāde nakhastu parikīrtitaḥ || 84 ||
[Analyze grammar]

paśyaṃti ye narāḥ samyakte'pi pāpavivarjitāḥ |
aśvamedhasahasrasya prāpnuvaṃti phalaṃ dhruvam || 85 ||
[Analyze grammar]

paratastasya kūṣmāṃḍamunestatrāśramaṃ mahat |
kūṣmāṃḍeśvarasaṃjñaṃ tu tīrthaṃ trailokyaviśrutam || 86 ||
[Analyze grammar]

kollādevī sthitā tatra sarvapāpabhayāpahā |
antarddhānena tāṃ kollāṃ saṃprāptā sā mahānadī || 87 ||
[Analyze grammar]

tato'pyaṃtarhitā bhūtvā saṃprāptā tu manoramam |
sānuṃ madanasaṃjñaṃ tu kṣetraṃ siddhaniṣevitam || 88 ||
[Analyze grammar]

tato'pyaṃtarhitā bhūtvā punaḥ prāptā himācalam |
khādirāmodanāmānaṃ sarvartukusumojjvalam || 89 ||
[Analyze grammar]

tatrāruhya vilokyātha dadarśa sumanoramama |
kṣārodaṃ paścimāśāsthaṃ ghanavṛṃdamivonnatam || 90 ||
[Analyze grammar]

evaṃvidhaṃ ca taṃ tatra sā vilokya mahāprabhā |
harṣātpaṃcānanā bhūtvā devakāryārthamudyatā || 91 ||
[Analyze grammar]

hariṇī vajriṇī nyaṃkuḥ kapilā ca sarasvatī |
paṃcasrotāḥ sthitā tatra muninoktā sarasvatī || 92 ||
[Analyze grammar]

śramāpanodaṃ kurvāṇā munīnāṃ yatra saṃsthitā |
tattatpādakamityuktaṃ tīrthaṃ tīrthārthināṃ nṛṇām |
sarveṣāṃ pātakānāṃ ca śodhanaṃ tadvarānane || 93 ||
[Analyze grammar]

khādirāmodamāsādya tatrasthā vīkṣya sāgaram |
gantuṃ pravṛttā taṃ vahnimādāya surasundari || 94 ||
[Analyze grammar]

dagdhvā kṛtasmaraṃ devī punarādāya vāḍavam |
samudrasya samīpasthā sthitā hṛṣṭata nūruhā || 95 ||
[Analyze grammar]

tataḥ praviṣṭā sā devī agādhe lavaṇāṃbhasi |
vāḍavaṃ vahnimādāya jalamadhye vyasarjayat || 96 ||
[Analyze grammar]

tatastasyāḥ punaḥ prītaḥ svaya meva hutāśanaḥ |
taddṛṣṭvā duṣkaraṃ karma vacanaṃ cedamabravīt || 97 ||
[Analyze grammar]

parituṣṭo'smi te bhadre varaṃ varaya suvrate |
tatte dāsyāmyahaṃ prīto yadyapi syātsu durlabham || 98 ||
[Analyze grammar]

īśvara uvāca |
pragṛhya valayaṃ hastādidaṃ vacanamabravīt |
idaṃ me valayaṃ vahne vaktre dhāryaṃ sadā tvayā || 99 ||
[Analyze grammar]

anena śakyate yāvattāvattoyaṃ samāhara |
na tvayā śoṣaṇīyo'yaṃ samudaḥ saritāṃpatiḥ || 100 ||
[Analyze grammar]

bāḍhamityeva coktvā sa praviṣṭo nidhimaṃbhasām |
evameṣā mahādevi prabhāse tu sarasvatī |
gṛhītvā vāḍavaṃ prāptā tuṣṭyarthaṃ ca manīṣiṇām || 101 ||
[Analyze grammar]

sā viśrāṃtā kurukṣetre bhadrāvarte ca bhāmini |
puṣkare śrīkalā devī prabhāse ca mahānadī || 102 ||
[Analyze grammar]

devamāteti sā tatra saṃsthitā lavaṇodadhau |
asminmanvaṃtare devi ādau tretāyuge purā || 103 ||
[Analyze grammar]

iti vṛttaṃ sarasvatyā vāḍavāgnestathābhavat |
manvantare vyatīte'sminbhavitā'nyastu vāḍavaḥ || 104 ||
[Analyze grammar]

jvālāmukheti nāmnā vai rudrakrodhādbhaviṣyati |
sarasvatyāstathā nāma khyātiṃ brāhmīti yāsyati || 105 ||
[Analyze grammar]

sarasvatīti vai loke vartate nāma sāṃpratam |
atītaṃ nāma yattasyāḥ kamaṃḍalubhaveti ca |
ratnākareti sāmudraṃ satyaṃ nāmāṃtaraṃ purā || 106 ||
[Analyze grammar]

asminmanvaṃtare devi sāgareti prakīrtitam |
kṣāṃrodeti bhaviṣyaṃ tu nāma devi prakīrti tam || 107 ||
[Analyze grammar]

evaṃ jānāti yaḥ kaścitsa tīrthaphalamaśnute |
svarganiḥśreṇisaṃbhūtā prabhāse tu sarasvatī || 108 ||
[Analyze grammar]

nāpuṇyavadbhiḥ saṃprāptuṃ puṃbhiḥ śakyā mahānadī |
prācī sarasvatī devi sarvatra ca sudurlabhā |
viśeṣeṇa kurukṣetre prabhāse puṣkare tathā || 109 ||
[Analyze grammar]

evaṃprabhāvā sā devī vaḍavānala dhāriṇī |
agnitīrthasamīpasthā sthitā devī sarasvatī || 110 ||
[Analyze grammar]

tāmādau pūjayedyastu sa tīrthaphalamaśnute |
sāgaraṃ yacca tattīrthaṃ pāpaghnaṃ puṇya varddhanam || 111 ||
[Analyze grammar]

darśanādeva tasyaiva mahākratuphalaṃ labhet |
agnicitkapilā satrī rājā bhikṣurmahodadhiḥ || 112 ||
[Analyze grammar]

dṛṣṭamātrāḥ punaṃtyete tasmā tpaśyeddhi bhāvitaḥ |
agnitīrthe naraḥ snātvā pāvake prakṣipettataḥ |
guggulaṃ bhārasahitaṃ sogniloke mahīyate || 113 ||
[Analyze grammar]

evaṃ saṃkṣepataḥ prokto hyagni tīrthamahodayaḥ |
sarasvatyāśca māhātmyaṃ sarvapātakanāśanam || 114 ||
[Analyze grammar]

snātvāgnitīrthe vidhivatkaṃkaṇaṃ prakṣipetataḥ |
suvarṇasya mahādevi yathāvittānu sārataḥ || 115 ||
[Analyze grammar]

tataḥ sarasvatīṃ pūjya kapardinamathārcayet || 116 ||
[Analyze grammar]

tataḥ kedāranāmānaṃ bhīmeśvaramataḥparam |
bhairaveśvaranāmānaṃ caṇḍīśvaramataḥ param || 117 ||
[Analyze grammar]

tataḥ someśvaraṃ devaṃ pūjayedvidhivannaraḥ |
navagraheśvarāniṣṭvā rudraikādaśakaṃ tathā || 118 ||
[Analyze grammar]

tataḥ saṃpūjayeddevaṃ brahmāṇaṃ bālarūpiṇam |
evaṃ raudrī samākhyātā yātrā pātakanāśinī || 119 ||
[Analyze grammar]

māhātmyamakhilaṃ tasyā yo jānāti narottamaḥ |
nivasankṣetramadhye tu sa tīrthaphalamaśnute || 12 ||
[Analyze grammar]

evaṃ kṛtvā tato gacchenmahādevīṃ sarasvatīm || 121 ||
[Analyze grammar]

sarasvatīvasasamā kuto guṇāḥ sarasvatīvāsasamā kuto ratiḥ |
sarasvatīṃ prāpya divaṃ gatā narāḥ punaḥ smariṣyaṃti nadīṃ sarasvatīm || 122 ||
[Analyze grammar]

iti śrīskāṃde mahāpurāṇa ekāśītisāhasryāṃ sahitāyāṃ saptame prabhāsakhaṇḍe prathame prabhāsa kṣetra māhātmye sarasvatyabdhisamāgamāgnitīrthamāhātmyavarṇanaṃnāma pañcatriṃśo'dhyāyaḥ || 35 ||
[Analyze grammar]