Chapter 252

[English text for this chapter is available]

śūdra uvāca |
mahadāścaryametaddhi yatsurā vṛkṣarūpiṇaḥ |
cāturmāsye samāyāte sarvavṛkṣanivāsinaḥ || 1 ||
[Analyze grammar]

bhagavanke surāste tu keṣukeṣu nivāsinaḥ |
etadvistarato brūhi mamānugrahakāmyayā || 2 ||
[Analyze grammar]

gālava uvāca |
amṛtaṃ jalamityāhuścāturmāsye tadicchayā |
līlayā vidhṛtaṃ devaiḥ pibaṃti drumadevatāḥ || 3 ||
[Analyze grammar]

tasya pānānmahātṛptirjāyate nā'tra saṃśayaḥ |
balaṃ tejaśca kāṃtiśca sauṣṭhavaṃ laghuvikramaḥ || 4 ||
[Analyze grammar]

guṇā ete prajāyante pānātkṛṣṇāṃśasaṃbhavāt |
nityāmṛtasyapānena balaṃ svalpaṃ prajāyate || 5 ||
[Analyze grammar]

bhojanaṃ tatpraśaṃsaṃti nityametanna saṃśayaḥ |
tasmāccaturṣu māseṣu pibanti jalameva hi || 6 ||
[Analyze grammar]

vṛkṣasthāḥ pitaro devāḥ prāṇināṃ hita kāmyayā |
vṛkṣāṇāṃ sevanaṃ śreṣṭhaṃ sarvamāseṣu sarvadā || 7 ||
[Analyze grammar]

cāturmāsye viśeṣeṇa sevitāḥ saukhyakārakāḥ |
tilodakena vṛkṣāṇāṃ secanaṃ sarvakāma dam || 8 ||
[Analyze grammar]

kṣīravṛkṣāḥ kṣīrayuktaistoyaiḥ siktāḥ śubhapradāḥ |
catuṣṭayaṃ ca vṛkṣāṇāṃ yaccoktaṃ pūrvato mayā || 9 ||
[Analyze grammar]

cāturmāsye viśeṣeṇa sarvakāma phalapradam |
brahmā tu vaṭamāśritya prāṇināṃ sa varapradaḥ || 10 ||
[Analyze grammar]

sāvitrīṃ tilamāsthāya pavitraṃ śvetabhūṣaṇam |
supte deve viśeṣeṇa tilasevā mahāphalā || 11 ||
[Analyze grammar]

tilāḥ pavitramatulaṃ tilā dharmārthasādhakāḥ |
tilā mokṣapradāścaiva tilāḥ pāpāpahāriṇaḥ || 12 ||
[Analyze grammar]

tilā viśeṣaphaladāstilāḥ śatruvināśanāḥ |
tilāḥ sarveṣu puṇyeṣu prathamaṃ samudāhṛtāḥ || 13 ||
[Analyze grammar]

na tilā dhānyamityāhurdevadhānyamiti smṛtam |
tasmātsarveṣu dāneṣu tila dānaṃ mahottamam || 14 ||
[Analyze grammar]

kanakena yutā yena tilādattāstu śūdraja |
brahmahatyādipāpānāṃ vināśastena vai kṛtaḥ || 15 ||
[Analyze grammar]

sāvitrī ca tilāḥ proktā sarvakāryārthasādhakāḥ |
tilaistu tarpaṇaṃ kuryāccāturmāsye viśeṣataḥ || 16 ||
[Analyze grammar]

tilānāṃ darśanaṃ puṇyaṃ sparśanaṃ sevanaṃ tathā |
havanaṃ bhakṣaṇaṃ caiva śarīrodvarttanaṃ tathā || 17 ||
[Analyze grammar]

sarvathā tilavṛkṣo'yaṃ darśanādeva pāpahā |
cāturmāsye viśeṣeṇa sevitaḥ sarvasaukhyadaḥ || 18 ||
[Analyze grammar]

mahendro yavamā sthāya sthito bhūtahite rataḥ |
yavasya sevanaṃ puṇyaṃ darśanaṃ sparśanaṃ tathā || 19 ||
[Analyze grammar]

yavaistu tarpaṇaṃ kuryāddevānāṃ dattamakṣayam |
prajānāṃ patayaḥ sarve cūtavṛkṣamupāśritāḥ || 20 ||
[Analyze grammar]

gandharvā malayaṃ vṛkṣamaguruṃ gaṇanāyakaḥ |
samudrā vetasaṃ vṛkṣaṃ yakṣā punnāgameva ca || 21 ||
[Analyze grammar]

nāgavṛkṣaṃ tathā nāgāḥ siddhāḥ kaṃkolakaṃ drumam |
guhyakāḥ panasaṃ caiva kinnarā maricaṃ śritāḥ || 22 ||
[Analyze grammar]

yaṣṭīmadhu samāśritya kandarpo'bhūdvyavasthitaḥ |
raktāṃjanaṃ mahāvṛkṣaṃ vahnirāśritya tiṣṭhati || 23 ||
[Analyze grammar]

yamo vibhītakaṃ caiva bakulaṃ nairṛtādhipaḥ |
varuṇaḥ kharjurīvṛkṣaṃ pūgavṛkṣaṃ ca mārutaḥ || 24 ||
[Analyze grammar]

dhanado'kṣoṭakaṃ vṛkṣaṃ rudrāśca badarīdrumam |
saptarṣīṇāṃ mahātālā bahulaścāmarairvṛtaḥ || 25 ||
[Analyze grammar]

jaṃbūrmeghaiḥ parivṛtaḥ kṛṣṇavarṇo'ghanāśanaḥ |
kṛṣṇasya sadṛśo varṇastena jaṃbū nagottamaḥ || 26 ||
[Analyze grammar]

tatphalairvāsudevastu prīto bhavati dānataḥ |
jaṃbūvṛkṣaṃ samāśritya kurvaṃti dvijabhojanam || 27 ||
[Analyze grammar]

teṣāṃ prīto harirdadyātpu ruṣārthacatuṣṭayam |
cāturmāsye samāyāte supte deve janārdane || 28 ||
[Analyze grammar]

brāhmaṇānbhojayedyastu sapatnīkāñchuciḥ sthitaḥ |
tena nārāyaṇastuṣṭo bhave llakṣmīsahāyavān || 29 ||
[Analyze grammar]

lakṣmīnārāyaṇaprītyai vastrālaṃkaraṇaiḥ śubhaiḥ |
paridhāya sapatnīkaḥ kṛtakṛtyo bhavennaraḥ || 30 ||
[Analyze grammar]

yadrātritritayenaiva vaṭā śokabhavena ca |
phalaṃ saṃjāyate tacca jaṃbunā dvijabhojanāt || 31 ||
[Analyze grammar]

tasmindine ekabhuktaṃ kārayetkṛtyakṛttadā |
bahunā ca kimuktena jaṃbūvṛkṣa prapūjanāt || 32 ||
[Analyze grammar]

putrapautradhanairyukto jāyate nātra saṃśayaḥ |
jaṃbūrmeghaiḥ parivṛtā vidyutā'śoka eva ca || 33 ||
[Analyze grammar]

vasubhiḥ svīkṛto nityaṃ priyā laśca mahānagaḥ |
ādityaistu japāvṛkṣo hyaśvibhyāṃ madanastathā || 34 ||
[Analyze grammar]

viśvebhiśca madhūkaśca guggulaḥ piśitāśanaiḥ |
sūryeṇārkaḥ pavitreṇa some nātha tripatrakaḥ || 35 ||
[Analyze grammar]

khadiro bhūmiputreṇa apāmārgo budhena ca |
aśvattho guruṇā caiva śukreṇodumbarastathā || 36 ||
[Analyze grammar]

śamī śanaiścareṇātha svīkṛtā śūdrajātibhiḥ |
rāhuṇā svīkṛtā dūrvā pitṝṇāṃ tarpaṇocitā || 37 ||
[Analyze grammar]

viṣṇośca dayitā nityaṃ cāturmāsye viśeṣataḥ |
ketunā svīkṛto darbho yājñikeyo mahāphalaḥ || 38 ||
[Analyze grammar]

vinā yena śubhaṃ karma saṃpūrṇaṃ naiva jāyate |
pavitrāṇāṃ pavitraṃ yo maṅgalānāṃ ca maṅgalam || 39 ||
[Analyze grammar]

mumūrṣūṇāṃ mokṣarūpo dharāsaṃstho mahādrumaḥ |
asminvasaṃti satataṃ brahmaviṣṇuśivāḥ sadā || 40 ||
[Analyze grammar]

mūle madhye tathā'gre ca yasya nāmāpi tṛpti dam |
anye'pi devā vṛkṣāṃstānadhiśritya mahādrumāḥ || 41 ||
[Analyze grammar]

pravarttaṃte hi māseṣu caturṣu ca na saṃśayaḥ |
cāturmāsye devapatnyaḥ sarvā vallīsamāśri tāḥ || 42 ||
[Analyze grammar]

prayacchaṃti nṛṇāṃ kāmānvāṃchitānsevitā api |
tasmātsarvātmabhāvena pippalo yena sevitaḥ || 43 ||
[Analyze grammar]

sevitāḥ sakalā vṛkṣā ścāturmāsye viśeṣataḥ |
tulasī sevitā yena sarvavalyaśca sevitāḥ || 44 ||
[Analyze grammar]

āpyāyitaṃ jagatsarvamābrahmastaṃbasevitam |
cāturmāsye gṛha sthena vānaprasthena vā punaḥ || 45 ||
[Analyze grammar]

brahmacāriyatibhyāṃ ca sevitā mokṣadāyinī |
eteṣāṃ sarvavṛkṣāṇāṃ chedanaṃ naiva kārayet || 46 ||
[Analyze grammar]

cāturmāsye viśeṣeṇa vinā yajñādikāraṇam |
etaduktamaśeṣeṇa yatpṛṣṭo'hamiha tvayā || 47 ||
[Analyze grammar]

yathā vṛkṣatvamāpannā devāḥ sarve'pi śūdraja || 48 ||
[Analyze grammar]

aśvatthamekaṃ picumandamekaṃ nyagrodhamekaṃ daśa tittiḍīśca |
kapitthabilvāmalakītrayaṃ ca etāṃśca dṛṣṭvā narakaṃ na paśyet || 49 ||
[Analyze grammar]

sarve devā viśvavṛkṣeśayāśca kṛṣṇā dhārā kṛṣṇamadhyāgrakāśca |
yasmindeve sevite viśvapūjye sarvaṃ tṛptaṃ jāyate viśvametat || 50 ||
[Analyze grammar]