Chapter 226

[English text for this chapter is available]

bhartṛyajña uvāca |
yataḥ sapiṃḍatā proktā pitṛpiṇḍaiḥ samaṃtataḥ |
yāvatsapiṇḍatā naiva tāvatpretaḥ sa tiṣṭhati || 1 ||
[Analyze grammar]

api dharmasamopetastapasā'pi samanvitaḥ |
etasmātkāraṇātproktā munibhistu sapiṃḍatā || 2 ||
[Analyze grammar]

yasyayasya ca yo'nyatra yoniṃ prāpnoti mānavaḥ |
tatrasthastṛptimāpnoti yaddattaṃ tasya vaṃśajaiḥ || 3 ||
[Analyze grammar]

ānarta uvāca |
ye dṛśyaṃte nijāḥ svapne cirātpitṛpitāmahāḥ |
prārthayaṃti nijānkāmāṃstataḥ kiṃ syānmahāmune || 4 ||
[Analyze grammar]

bhartṛyajña uvāca |
yeṣāṃ gatirna saṃjātā pretatve ca vyavasthitāḥ |
darśayaṃti ca te sarve svayamātmānameva hi || 5 ||
[Analyze grammar]

svavaṃśyānāṃ na cānye tu satyametanmayoditam |
yathā loke'tra saṃjātā ye ca kṛtyaiḥ śubhāśubhaiḥ || 6 ||
[Analyze grammar]

ānarta uvāca |
yasya no vidyate putraḥ sapiṇḍīkaraṇaṃ katham |
tasya kāryaṃ bhavedatra tanme tvaṃ vaktumarhasi || 7 ||
[Analyze grammar]

bhartṛyajña uvāca |
yasya no vidyate putra aurasaśca mahīpate |
caturṇāṃ svapitṝṇāṃ tu kathaṃ sa syāccaturthakaḥ || 8 ||
[Analyze grammar]

prakarṣeṇa vrajedyasmāttasmātpretaḥ prakīrtitaḥ |
putreṇa bhrātrā patnyā vā tasya kāryā sapiṃḍatā || 9 ||
[Analyze grammar]

caturtho yadi rājeṃdra jāyate na kathaṃcana |
kṣetrajādīnsutānetānekādaśa yathoditān || 10 ||
[Analyze grammar]

putrapratinidhīnāhuḥ kriyālopānmanīṣiṇaḥ |
kāle yadi na rājeṃdra jāyate'syottarakriyā || 11 ||
[Analyze grammar]

nārāyaṇabaliḥ kāryaḥ pretatvasya vināśakaḥ |
yathānyeṣāṃ manuṣyāṇāmapamṛtyumupeyuṣām |
kāryaścaivātmahaṃtṝṇāṃ brāhmaṇānmṛtyumīyuṣām || 12 ||
[Analyze grammar]

ānarta uvāca |
 kathaṃ mṛtyumavāpnoti puruṣo'tra mahāmate || 13 ||
[Analyze grammar]

svargaṃ vā narakaṃ vāpi karmaṇā kena gacchati |
mokṣaṃ vā'tha mahābhāga sarvaṃ me vista rādvada || 14 ||
[Analyze grammar]

bhartṛyajña uvāca |
dharmī pāpī tathā jñānī tisro'tra gatayaḥ smṛtāḥ |
dharmātsaṃprāpyate svargaḥ pāpānnaraka eva ca || 15 ||
[Analyze grammar]

jñānātsaṃprāpyate mokṣaḥ satyametanmayoditam |
enamarthaṃ bhaviṣyaṃ tu bhīṣmaṃ śāṃtanavaṃ nṛpa || 16 ||
[Analyze grammar]

yudhiṣṭhiro mahārāja dharmaputro nṛpottamaḥ |
kṛṣṇena saha rājeṃdra pitāmahamapṛcchata || 17 ||
[Analyze grammar]

yudhiṣṭhira uvāca |
kiyaṃto narakāḥ khyātā yamaloke pitāmaha |
kena pāpena gacchaṃti teṣu sarveṣu jaṃtavaḥ || 18 ||
[Analyze grammar]

śrībhīṣma uvāca |
ekaviṃśatpramāṇāḥ syurnarakā yamamaṃdire |
prāṇinasteṣu gacchaṃti nijakarmānusārataḥ || 19 ||
[Analyze grammar]

khyātau citravicitrau ca kāyasthau yamamaṃdire || 20 ||
[Analyze grammar]

citro'tha likhate dharmaṃ sarvaṃ prāṇisamudbhavam |
vicitraḥ pātakaṃ sarvaṃ paramaṃ yatnamāsthitaḥ || 21 ||
[Analyze grammar]

yamadūtāḥ sadaivāṣṭau dharmarājasamudbhavāḥ |
ye nayaṃti narānmṛtyulokātsvavaśagānsadā || 22 ||
[Analyze grammar]

karālo vikarālaśca vakranāso mahodaraḥ |
saumyaḥ śāṃtastathā naṃdaḥ suvākyaścāṣṭamaḥ smṛtaḥ || 23 ||
[Analyze grammar]

eteṣāṃ ye purā proktāścatvāro raudrarūpiṇaḥ |
pāpaṃ janaṃ ca te sarve nayanti yamasādanam || 24 ||
[Analyze grammar]

catvāro ye pare proktāḥ saumyarūpavapurddharāḥ |
dharmiṇaṃ te janaṃ sarvaṃ nayaṃti yamasādanam || 25 ||
[Analyze grammar]

vimānena samārūḍhamapsarogaṇasevitam || 26 ||
[Analyze grammar]

likhitasyānurūpeṇa pāpadharmodbhavasya ca |
eteṣāṃ kiṃkarā ye ca teṣāṃ saṃkhyā na jāyate || 27 ||
[Analyze grammar]

aṣṭottaraśataṃ teṣāṃ vyādhīnāṃ parikalpitam |
sahāyārthaṃ yamenātra jvarayakṣmāṃtarasthitam || 28 ||
[Analyze grammar]

te gatvā vyādhayaḥ pūrvaṃ vaśe kurvaṃti mānavam || 29 ||
[Analyze grammar]

yamadūtāstato gatvā nābhimūlavyavasthitam |
vāyurūpaṃ samādāya janaiḥ sarvairalakṣitāḥ || 30 ||
[Analyze grammar]

gacchaṃti yamamārgeṇa dehaṃ saṃsthāpya bhūtale |
ṣaḍaśītisahasrāṇi yamamārgaḥ prakīrtitaḥ || 31 ||
[Analyze grammar]

tatra vaitaraṇīnāma nadī pūrvaṃ pariśrutā |
srotobhyāṃ sā mahābhāga tatra saṃsthā sadaiva hi || 32 ||
[Analyze grammar]

tatra śoṇitamekasminsrotasyasyā vaha tyalam |
śastrāṇi ca sutīkṣṇāni tanmadhye bharatarṣabha || 33 ||
[Analyze grammar]

mṛtyukāle prayacchaṃti ye dhenuṃ brāhmaṇāya vai |
tasyāḥ pucchaṃ samāśritya te taraṃti ca tāṃ nṛpa || 34 ||
[Analyze grammar]

svabāhubhistathaivānye śatayojanavistṛtam |
dvitīyaṃ caiva tatsroto vaitaraṇyā vyavasthitam |
tasyāstatsalilasrāvi gamyaṃ dharmavatāṃ sadā || 35 ||
[Analyze grammar]

ye narā gopradātāro mṛtyukāle vyavasthite |
te gopucchaṃ samāśritya tāṃ taraṃti pṛthūdakām |
anye svabāhubhiḥ kṛtvā gopradānavivarjitāḥ || 36 ||
[Analyze grammar]

gopradānaṃ prakartavyaṃ tasmāccaiva viśeṣataḥ |
mṛtyukāle'tra saṃprāpte ya icchedgatimātmanaḥ || 37 ||
[Analyze grammar]

tasyā anantaraṃ yāṃti pāpamārgeṇa pāpinaḥ |
dharmiṣṭhā dharmamārgeṇa vimānavaramāśritāḥ || 38 ||
[Analyze grammar]

vaitaraṇyāḥ paraṃ pāre paṃcayojanamāyatam |
asipatravanaṃnāma pāpalokasya duḥkhadam || 39 ||
[Analyze grammar]

tatra lohamayānyevāsipatrāṇāṃ śatāni ca |
yāni kṛntaṃti martyānāṃ śarīrāṇi samaṃtataḥ || 40 ||
[Analyze grammar]

yairhṛtaṃ paravittaṃ ca kalatraṃ ca durātmabhiḥ |
nava śrāddhāni teṣāṃ cettasmānmuktiḥ prajāyate || 41 ||
[Analyze grammar]

tasmātparataro jñeyo vikhyātaḥ kūṭaśālmaliḥ |
adhomukhāḥ pralaṃbaṃte tasminkaṃṭakasaṃkule || 42 ||
[Analyze grammar]

adhastādvahninā caiva dahyamānā divāniśam |
viśvāsaghātakā ye ca sarvadaiva sunirdayāḥ |
tasmānmuktiṃ prayāṃti sma śrāddhe hyekādaśe kṛte || 43 ||
[Analyze grammar]

yaṃtrātmakastataḥ prokto narako dāruṇākṛtiḥ |
brahmaghnāstatra pīḍyaṃte ye cā'nye pāpakarmiṇaḥ || 44 ||
[Analyze grammar]

śrāddhena dvādaśotthena tebhyo dattena pārthiva |
tasmānmuktiṃ pragacchanti yantrākhyanarakātsphuṭam || 45 ||
[Analyze grammar]

tato lohasamāḥ staṃbhā jvalamānā vyavasthitāḥ |
āliṃgaṃti ca tānsarvānparadāraratāśca ye || 46 ||
[Analyze grammar]

māsikotthe kṛte śrāddhe tebhyo muktimavāpnuyuḥ || 47 ||
[Analyze grammar]

lohadaṃṣṭrāstato raudrāḥ sārameyā vyavasthitāḥ |
bhakṣayaṃti ca te pāpānpṛṣṭhamāṃsā śino narān |
traipakṣike kṛte śrāddhe tebhyo muktimavāpnuyuḥ || 48 ||
[Analyze grammar]

lohacaṃcumayāḥ kākāḥ saṃsthitāstadanaṃtaram |
sarāgairlocenairyaiśca īkṣitāḥ para yoṣitaḥ || 49 ||
[Analyze grammar]

teṣāṃ netrāṇi te ghnaṃti bhūyo jātāni bhūriśaḥ |
dvimāsikaṃ ca yacchrāddhaṃ tena muktiḥ prajāyate || 50 ||
[Analyze grammar]

tataḥ śālmalikūṭastu tathānye lohakaṇṭakāḥ |
teṣāṃ madhyena nīyaṃte paiśunyaniratā narāḥ |
trimāsikaṃ tu yacchrāddhaṃ tena muktiḥ prajāyate || 51 ||
[Analyze grammar]

rauravo'tha suvikhyāto dāruṇo narako mahān |
brahmaghnānāṃ samādiṣṭaḥ sa mahākleśakārakaḥ || 52 ||
[Analyze grammar]

chidyaṃte vividhaiḥ śastraistatrasthā ye muhurmuhuḥ |
caturmāsikaśrāddhena muktisteṣāṃ prajāyate || 53 ||
[Analyze grammar]

aparastu samākhyātaḥ kṣārodastu sudāruṇaḥ |
kṛtaghnānāṃ samādiṣṭaḥ sadaiva bahuvedanaḥ || 54 ||
[Analyze grammar]

adhomukhā ūrdhva pādāḥ pīḍyaṃte yatra laṃbitāḥ |
pañcamāsikadānena muktisteṣāṃ prajāyate || 55 ||
[Analyze grammar]

kumbhīpākastato jñeyo narako dāruṇākṛtiḥ |
tailena kṣipyamāṇāstu yatra daṇḍābhisaṃdhitāḥ |
dṛśyaṃte janahaṃtāro bālahaṃtāra eva ca || 56 ||
[Analyze grammar]

pataṃti narake raudre narā viśvāsaghātakāḥ |
ṣaṇmāsikapradānena mucyaṃte tatra saṃkaṭāt || 57 ||
[Analyze grammar]

sarpavṛścikasaṃyuktastathā'nyo narakaḥ śrutaḥ |
tatra ye dāṃbhikā loke te gacchanti narādhamāḥ |
saptamāsikadānena teṣāṃ muktiḥ prajāyate || 58 ||
[Analyze grammar]

tathā saṃvartakonāma narako'nyaḥ prakīrtitaḥ |
vedaviplāvakāḥ sādhuniṃdakāśca durātmakāḥ || 59 ||
[Analyze grammar]

utpāṭyate tato jihvā sandaṃśairva hnisambhavaiḥ |
svakārye ye'nṛtaṃ brūyustadgātraṃ khādyate śvabhiḥ || 60 ||
[Analyze grammar]

parārthe'pi ca ye brūyusteṣāṃ gātrāṇi kṛtsnaśaḥ |
aṣṭamāsikadānena teṣāṃ muktiḥ prajāyate || 61 ||
[Analyze grammar]

agnikūṭo mahāplāvo dāruṇo narako mahān |
tatra te yāṃti vai mūḍhāḥ kūṭasākṣyipradā narāḥ || 62 ||
[Analyze grammar]

tatrasthā yātanāṃ raudrāṃ sahaṃ te'tīva duḥkhitāḥ |
navamāsikadānaṃ ca teṣāmāhlādanaṃ param || 63 ||
[Analyze grammar]

tato lohamayaiḥ kīlaiḥ saṃcito'nyaḥ samaṃtataḥ |
tatra cāgnipradātāraḥ strīṇāṃ hantāra eva ca || 64 ||
[Analyze grammar]

tatra dhāvaṃti duḥkhārtāstāḍyamānāśca kiṃkaraiḥ |
daśamāsikajaṃ dānaṃ tatra teṣāṃ pramuktaye || 685 ||
[Analyze grammar]

tatoṃ'gāramayaiḥ puṃjairāvṛtābhūḥ samaṃtataḥ |
svāmidroharatāstatra bhrāmyaṃte sarvato diśaḥ || 66 ||
[Analyze grammar]

ekādaśodbhavaṃ dānaṃ tatra muktyai prajāyate |
saṃtaptasikatāpūrṇo narako dāruṇākṛtiḥ || 67 ||
[Analyze grammar]

svāminaṃ cāgataṃ dṛṣṭvā palāyanaparāyaṇāḥ |
ye bhavanti narāstatra pacyaṃte te'pi duḥkhitāḥ |
teṣāṃ dvādaśamāsīyaṃ śrāddhaṃ caivopatiṣṭhati || 68 ||
[Analyze grammar]

yatkiṃciddīyate toyamannaṃ vā vatsarāṃtare |
prabhuṃjate ca tanmārge pradattaṃ nijabāndhavaiḥ || 69 ||
[Analyze grammar]

tataḥ saṃvatsarādūrdhvaṃ nijakarmasamudbhavam |
śubhāśubhaṃ prapadyaṃte dharmarājasamīpagāḥ || 70 ||
[Analyze grammar]

evaṃ paṃcadaśaitāni saṃsevya narakāṇi te |
prāpnuvaṃti tato janma martyaloke punarnarāḥ || 71 ||
[Analyze grammar]

prāpnuvaṃti videśe ca janma ye hetuvādakāḥ |
nityaṃ tarpaṇadānena teṣāṃ tṛptiḥ prajāyate || 72 ||
[Analyze grammar]

svāmidroharatā ye ca kurājye janma cāpnuyuḥ |
haṃtakārapradānena teṣāṃ tṛptiḥ prajāyate || 73 ||
[Analyze grammar]

adattvā ye naro'śnaṃti pitṛdevadvijātiṣu |
durbhikṣe janma teṣāṃ tu tena pāpena jāyate || 74 ||
[Analyze grammar]

kṣayāhe śrāddhasaṃprāptau tata stṛptiḥ prajāyate || 758 ||
[Analyze grammar]

ye prakurvaṃti dampatyorbhedaṃ vai sānurāgayoḥ |
parasparamasatyāni teṣāṃ bhāryā'satī bhavet || 76 ||
[Analyze grammar]

ekasminvacane prokte daśa brūte krudhānvitā |
virūpā bhramamāṇā ca sarvalokavigarhitā |
kanyādānaphalaisteṣāṃ tatrāsāṃ ca sukhaṃ bhavet || 77 ||
[Analyze grammar]

kanyakādānavighnaṃ hi vikrayaṃ vā karoti yaḥ |
sa kanyāḥ kevalāḥ sūte na putraṃ kevalaṃ kvacit || 78 ||
[Analyze grammar]

jāyaṃte tāśca baṃdhakyo vidhavā durbhagāstathā |
kanyādānaphala prāptyā tāsāṃ saukhyaṃ prajāyate || 79 ||
[Analyze grammar]

yairhṛtāni ca ratnāni tathā śāstrāṃtarāṇi ca |
te daridrāḥ prajāyaṃte mūkāḥ khaṃjā vicakṣuṣaḥ |
teṣāṃ śāstra pradānena iha saukhyaṃ prajāyate || 80 ||
[Analyze grammar]

ete tu narakāḥ proktā martyalokasamudbhavāḥ |
etairvijñāyate sarvaṃ kṛtaṃ karma śubhāśubham || 81 ||
[Analyze grammar]

tīrthayātrāphalaistasya tataḥ śuddhiḥ prajāyate || 82 ||
[Analyze grammar]

bhīṣma uvāca |
etatte sarvamākhyātaṃ yatpṛṣṭosmi narādhipa |
ekaviṃśatpramāṇaṃ ca narakāṇāṃ yathā sthitam || 83 ||
[Analyze grammar]

bhūyaśca pṛccha rājeṃdra saṃdeho yo hṛdi sthitaḥ || 84 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgara khaṇḍe hāṭakeśvarakṣetramāhātmye śrāddhakalpe bhīṣmayudhiṣṭhirasaṃvāde tattadduritaprāpyaikaviṃśatinarakayātanātannivāraṇopāyavarṇanaṃnāma ṣaḍviṃśatyuttaradviśata tamo'dhyāyaḥ || 226 ||
[Analyze grammar]