Chapter 225

[English text for this chapter is available]

ānarta uvāca |
ekoddiṣṭavidhiṃ brūhi mama tvaṃ vadatāṃ vara |
pārvaṇaṃ tu yathā proktaṃ vistareṇa mahāmate || 1 ||
[Analyze grammar]

bhartṛyajña uvāca |
trīṇi saṃcayanādarvāktāni tvaṃ śṛṇu sāṃpratam |
yasminsthāne bhavenmṛtyustatra śrāddhaṃ tu kārayet || 2 ||
[Analyze grammar]

ekoddiṣṭaṃ tato mārge viśrāmo yatra kāritaḥ |
tataḥ saṃcayanasthāne tṛtīyaṃ śrāddhamiṣyate || 3 ||
[Analyze grammar]

prathame'hni dvitīyehni pañcame saptame tathā |
navame daśame caiva nava śrāddhāni tāni ca || 4 ||
[Analyze grammar]

vaitariṇyāśca saṃprāptau pretastṛptimavāpnuyāt |
ekoddiṣṭaṃ daivahīnamekārghaikapavitrakam || 5 ||
[Analyze grammar]

āvāhanaparityaktaṃ kāryaṃ pārthivasattama |
tṛptipraśnastathā kāryaḥ svaditaṃ ca sakṛttataḥ || 6 ||
[Analyze grammar]

abhiramyatāmiti mantreṇa brāhmaṇasya visarjanam |
acchinnāgramabhinnāgraṃ kuryāddarbhatṛṇadvayam |
pavitraṃ tadvijānīyādekoddiṣṭe vidhīyate || 7 ||
[Analyze grammar]

sarvatraiva pitaḥ proktaṃ pitā tarpaṇakarmaṇi |
pitrye saṃkalpakāle ca piturakṣayyadāpane || 8 ||
[Analyze grammar]

gotraṃ svarāṃtaṃ sarvatra gotre tarpaṇakarmaṇi |
gotrāya kalpanavidhau gotrasyākṣayyadāpane || 9 ||
[Analyze grammar]

śarmannarghyādikartavye śarmā tarpaṇakarmaṇi |
śarmaṇe sasyadāne ca śarmaṇo'kṣayyake vidhau || 10 ||
[Analyze grammar]

mātarmātre tathā māturāsane kalpane'kṣaye |
gotre gotrāyai gotrāyāḥ prathamādyā vibhaktayaḥ || 11 ||
[Analyze grammar]

devi devyai tathā devyā evaṃ mātuśca kīrtayet |
prathamā ca caturthī ca ṣaṣṭhī syācchrāddhasiddhaye || 12 ||
[Analyze grammar]

vibhaktirahitaṃ śrāddhaṃ kriyate vā viparyayāt |
akṛtaṃ tadvijānīyātpitṛṇāṃ nopatiṣṭhati || 13 ||
[Analyze grammar]

tasmātsarvaprayatnena brāhmaṇena vijānatā |
vibhaktibhiryathoktābhiḥ śrāddhe kāryo vidhiḥ sadā || 14 ||
[Analyze grammar]

tataḥ sapiṃḍīkaraṇaṃ vatsarā dūrdhvataḥ sthitam |
vṛddhirvā'gāminī cetsyāttadārvāgapi kārayet || 15 ||
[Analyze grammar]

pārvaṇoktavidhānena tridaivatyamadaivikam |
pretamuddiśya kartavyameko ddiṣṭaṃ ca pārthiva || 16 ||
[Analyze grammar]

ekenaiva tu pākena mama caitanmataṃ smṛtam |
arghapātraṃ samādāya yatpretārthaṃ prakalpitam || 17 ||
[Analyze grammar]

pitṛpātreṣu triṣveva tridhā tacca parikṣipet |
evaṃ piṃḍaṃ tridhā kṛtvā pitṛpiṃḍeṣu ca triṣu || 18 ||
[Analyze grammar]

ye samāneti mantrābhyāṃ na syātpretastataḥ param |
avanejanaṃ tataḥ kṛtvā pitṛpūrvaṃ yathākramam || 19 ||
[Analyze grammar]

gandhadhūpādikaṃ sarvaṃ punareva pradāpayet |
pitṛpūrvaṃ samuccārya varjayecca caturthakam || 20 ||
[Analyze grammar]

keciccaturthaṃ kurvaṃti pretaṃ ca svapitustataḥ |
pituḥ pūrvaṃ bhavecchrāddhaṃ paraṃ naitanmataṃ mama || 21 ||
[Analyze grammar]

sapiṇḍīkaraṇādūrdhvamekoddiṣṭaṃ na kārayet |
kṣayāhaṃ ca parityajya śastrāhata caturdaśīm || 22 ||
[Analyze grammar]

yaḥ sapiṇḍīkṛtaṃ pretaṃ pṛthakpiṇḍe niyojayet |
akṛtaṃ tadvijānīyātpitṛhā copajāyate || 23 ||
[Analyze grammar]

pitā yasya tu nirvṛtto jīvate ca pitāmahaḥ |
pituḥ sa nāma saṃkīrtya kīrtayetprapitāmaham || 24 ||
[Analyze grammar]

pitāmahastu pratyakṣaṃ bhuktvā gṛhṇāti piṇḍakam |
pitāmahakṣayāhe ca pārvaṇaṃ śrāddhamiṣyate || 25 ||
[Analyze grammar]

janakaṃ svaṃ parityajya kathaṃcinnāsya dīyate |
tasyākṛtena śrāddhena na svalpaṃ pitṛto bhayam || 26 ||
[Analyze grammar]

amāvāsyāsu sarvāsu mṛte pitari pārvaṇam |
nabhasyāparapakṣasya madhye caitadudāhṛtam || 27 ||
[Analyze grammar]

yāvatsapiṃḍatā naiva na tāvacchrāddhamācaret || 28 ||
[Analyze grammar]

janake mṛtyumāpanne śrāddhapakṣe samāgate |
pitāmahādeḥ kartavyaṃ śrāddhaṃ yannaikapiṃḍatā || 29 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye sapiṃḍīkaraṇavidhivarṇanaṃnāma pañcaviṃśatyuttaradviśatatamo'dhyāyaḥ || 225 ||
[Analyze grammar]