Chapter 221

[English text for this chapter is available]

bhartṛyajña uvāca |
etasmātkāraṇātkaścittasminnahani pārthiva |
dadāti naiva ca śrāddhaṃ pitṝnuddiśya karhicit |
vaṃśacchedabhayādrājansatyametanmayoditam || 1 ||
[Analyze grammar]

śrāddhaṃ vināpi dātavyaṃ taddine madhunā saha |
pāyasaṃ brāhmaṇāgryebhyaḥ saghṛtaṃ tṛptikāraṇāt || 2 ||
[Analyze grammar]

khaḍgamāṃsaṃ kālaśākaṃ māṃsaṃ vādhrīṇasodbhavam |
pradeyaṃ brāhmaṇebhyaśca tatsamaṃtādudāhṛtam || 3 ||
[Analyze grammar]

triḥpibaśceṃdriyakṣīṇaḥ sarvayūthānugastathā |
eṣa vādhrīṇasaḥ proktaḥ pitṝṇāṃ tṛptidaḥ sadā || 4 ||
[Analyze grammar]

tasyābhāve'pi dātavyaṃ kṣīraudanamanuttamam |
tasminnahani viprebhyaḥ pitṝṇāṃ tuṣṭaye nṛpa || 5 ||
[Analyze grammar]

tasyābhāve'pi dātavyaṃ jalaṃ tilavimiśritam |
sadarbhaṃ sahiraṇyaṃ ca hiraṇyaśakalānvitam || 6 ||
[Analyze grammar]

yacchreyo jāyate puṃsaḥ pakṣaśrāddhena pārthiva |
kṛtena tatphalaṃ kṛtsnaṃ tasminnahani pārthiva || 7 ||
[Analyze grammar]

pitṝnuddiśya cā'jyena madhunā pāyasena ca |
kālaśākena madhunā khaḍgamāṃsena vā nṛpa || 8 ||
[Analyze grammar]

śrāddhaṃ vināpi dattena śrutireṣā purātanī |
tasmātsarvaprayatnena pitryarkṣye samupasthite |
trayodaśyāṃ nabhasyasya hastage dinanāyake || 9 ||
[Analyze grammar]

daridreṇāpi dātavyaṃ hiraṇyaśakalānvitam |
toyaṃ tilairyutaṃ rājanpitṝṇāṃ tuṣṭimicchatā || 10 ||
[Analyze grammar]

ānarta uvāca |
māṃsaṃ vigarhitaṃ vipra yataḥ śāstre nigadyate |
 tasmāttatkriyate kena śrāddhaṃ kīrtaya me'khilam || 11 ||
[Analyze grammar]

svamāṃsaṃ paramāṃsena yo vardhayati nirdayaḥ |
sa nūnaṃ narakaṃ yāti proktametanmaharṣibhiḥ || 12 ||
[Analyze grammar]

tvaṃ ca tasya prabhāvaṃ me prajalpasi dvijo ttama |
viśeṣācchrāddhakṛtye ca tadevaṃ mama saṃśayaḥ || 13 ||
[Analyze grammar]

bhartṛyajña uvāca |
satyametanmahābhāga māṃsaṃ sadbhirvigarhitam |
śrāddhe prayujyate yasmāttatte'haṃ vacmi kāraṇam || 14 ||
[Analyze grammar]

yadā cāraṃbhitā sṛṣṭirbrahmaṇā lokakāriṇā |
saṃpūjya ca pitṝndevānnāṃdīmukhapuraḥsarān |
tadā khaḍgaḥ samutpannaḥ pūrvaṃ vādhrīṇasaśca yaḥ || 15 ||
[Analyze grammar]

tato ye pitaro divyā ye ca mānuṣasambhavāḥ |
jagṛhuste tataḥ sarve balibhūtamivātmanaḥ || 16 ||
[Analyze grammar]

tānuvāca tato brahmā etau tu pitaro mayā |
yuṣmabhyaṃ kalpitau samyagbalibhūtau pragṛhyatām || 17 ||
[Analyze grammar]

etābhyāṃ paramā prītiryuṣmabhyaṃ saṃbhaviṣyati |
mama vākyādasaṃdigdhaṃ parametau naro bhuvi || 18 ||
[Analyze grammar]

naiva saṃprāpsyate pāpaṃ yuṣmadarthaṃhanannapi |
tasmātsarvaprayatnena dātavyaṃ bhūtimicchatā || 19 ||
[Analyze grammar]

khaḍgavādhrīṇasodbhūtaṃ māṃsaṃ śrāddhe sutṛptidam |
tau cāpi paramau divyau svargaṃ lokaṃ gamiṣyataḥ || 20 ||
[Analyze grammar]

śrāddhadasya paraṃ śreyo bhaviṣyati sudurlabham |
pitṝṇāṃ cākṣayā tṛptirbhaveddvādaśavārṣikī || 21 ||
[Analyze grammar]

etasmātkāraṇācchastaṃ māṃsamābhyāṃ narādhipa |
tasminnahani nānyatra viniyogo'sya kīrtitaḥ || 22 ||
[Analyze grammar]

rohitāśva uvāca |
aprāptakhaḍgamāṃsasya tathā vādhrīṇasasya ca |
kathaṃ śrāddhaṃ bhavedvipra pitṝṇāṃ tṛptikā rakam || 23 ||
[Analyze grammar]

mārkaṇḍeya uvāca |
madhunā saha dātavyaṃ pāyasaṃ pitṛtuṣṭaye |
tena vai vārṣikī tṛptiḥ pitṝṇāṃ copajāyate || 24 ||
[Analyze grammar]

ājaṃ ca piśitaṃ rājañchiśumārasamudbhavam |
māṃsaṃ pratuṣṭaye proktaṃ vatsaraṃ māsavarjitam || 25 ||
[Analyze grammar]

tadabhāve varāhasya daśamāsapratuṣṭidam |
 māṃsaṃ proktaṃ mahārāja pitṝṇāṃ nātra saṃśayaḥ || 26 ||
[Analyze grammar]

āraṇyamahiṣotthena tṛptiḥ syānnavamāsikī |
ruroścaivāṣṭamāsotthā eṇasya saptamāsikā || 27 ||
[Analyze grammar]

śambarormāsaṣaṭkaṃ ca śaśakasya tu pañcakam |
catvāraḥ śallakasyoktāstrayo vā taittirasya ca || 28 ||
[Analyze grammar]

māsadvayaṃ ca matsyasya māsamekaṃ kapiñjale |
nānyeṣāṃ yojayenmāṃsaṃ pitṛkārye kathaṃcana || 29 ||
[Analyze grammar]

eteṣāmeva māṃsāni pāvanāni nṛpottama || 30 ||
[Analyze grammar]

ānarta uvāca |
kasmādete pavitrāḥ syuryeṣāṃ māṃsaṃ pracoditam |
śrāddhe ca tanmamācakṣva yathāvaddvijasattama || 31 ||
[Analyze grammar]

bhartṛyajña uvāca |
sṛṣṭiṃ prakurvatā tena paśavo lokakāriṇā |
khaḍgavādhrīṇasādīnāṃ paścātsṛṣṭāḥ svayaṃbhuvā || 32 ||
[Analyze grammar]

ekādaśapramāṇena tataścānye nṛpottama |
ajaśca prathamaṃ sṛṣṭaḥ sa tathā medhyatāṃ gataḥ || 33 ||
[Analyze grammar]

tathaite prathamaṃ sṛṣṭāḥ paśavo'tra narādhipa |
sasyāni sṛjatā tena tilāḥ pūrvaṃ ca nirmitāḥ || 34 ||
[Analyze grammar]

śrāddhārthaṃ vrīhayaḥ sṛṣṭā vanyeṣu ca priyaṃgavaḥ |
godhūmāśca yavāścaiva māṣā mudrāśca vai nṛpa || 35 ||
[Analyze grammar]

nīvārāścāpi śyāmākāḥ pravakṣyāmi yathākramam |
tṛptiṃ māṃsena vāñchaṃti māṃsaṃ māṃsena varjitam || 36 ||
[Analyze grammar]

puṣpajātyo yadā sṛṣṭāstadā prākchatapatrikā |
sṛṣṭā tena ca mukhyā sā śrāddhakarmaṇi sarvadā || 37 ||
[Analyze grammar]

dhātūni sṛjatā tena rūpyaṃ sṛṣṭaṃ svayaṃbhuvā |
tena tadvihitaṃ śrāddhe dakṣiṇāyāṃ pratṛptaye || 38 ||
[Analyze grammar]

rājateṣu ca pātreṣu yaddvijebhyaḥ pradīyate |
pitṛbhyastasya naivā'nto yugānte'pi prajāyate || 39 ||
[Analyze grammar]

abhāve rūpyapātrāṇāṃ nāmāpi parikīrtayet |
tuṣyaṃti pitaro rājankīrtanādapi vai yataḥ || 40 ||
[Analyze grammar]

rasāṃśca sṛjatā tena madhu sṛṣṭaṃ svayaṃbhuvā |
tena tacchasyate śrāddhe pitṝṇāṃ tuṣṭidāyakam || 41 ||
[Analyze grammar]

yacchrāddhaṃ madhunā hīnaṃ tadrasaiḥ sakalairapi |
miṣṭānnairapi saṃyuktaṃ tatpitṝṇāṃ na tṛptaye || 42 ||
[Analyze grammar]

aṇumātramapi śrāddhe yadi na syāddhi mākṣikam |
nāmāpi kīrtayettasya pitṝṇāṃ tuṣṭaye yataḥ || 43 ||
[Analyze grammar]

śākāni sṛjatā tena brahmaṇā parameṣṭhinau |
kālaśākaṃ puraḥ sṛṣṭaṃ tena tattṛptidāyakam || 44 ||
[Analyze grammar]

kālaṃ hi sṛjatā tena kutapaḥ prāgvinirmitaḥ |
tasmātkutapa kāle ca śrāddhaṃ kāryaṃ vijānatā |
ya icchecchāśvatīṃ tṛptiṃ pitṝṇāmātmanaḥ sukham || 45 ||
[Analyze grammar]

vīrudhaḥ sṛjatā tena vidhinā nṛpasattama |
darbhāstu prathamaṃ sṛṣṭāḥ śrāddhārhāstena te smṛtāḥ || 46 ||
[Analyze grammar]

śrāddhārhānbrāhmaṇāṃstena sṛjatā padmayoninā |
dauhitrāḥ prathamaṃ sṛṣṭāḥ śrāddhārhāstena te smṛtāḥ || 47 ||
[Analyze grammar]

api śaucaparityaktaṃ hīnāṃgādhikameva vā |
dauhitraṃ yojayecchrāddhe pitṝṇāṃ parituṣṭaye || 48 ||
[Analyze grammar]

paśūnvisṛjatā tena pūrvaṃ gāvo vinirmitāḥ |
tena tāsāṃ payaḥ śastaṃ śrāddhe sarpirviśeṣataḥ || 49 ||
[Analyze grammar]

tasmācchrāddhe ghṛtaṃ śastaṃ pradattaṃ pitṛtuṣṭaye || 50 ||
[Analyze grammar]

prajāśca sṛjatā tena pūrvaṃ dṛṣṭā dvijottamāḥ |
tasmātpraśastāste śrāddhe pitṛtṛptikarāḥ sadā || 51 ||
[Analyze grammar]

devāṃśca sṛjatā tena viśvedevāḥ kṛtāḥ puraḥ |
tena te prathamaṃ pūjyāḥ pravṛtte śrāddhakarmaṇi || 52 ||
[Analyze grammar]

te rakṣaṃti tataḥ śrāddhaṃ yathāvatparitarpitāḥ |
chidrāṇi nāśayaṃti sma śrāddhe pūrvaṃ prapūjitāḥ || 53 ||
[Analyze grammar]

etairmukhyatamaiḥ sṛptaiḥ phūrā śrāddhaṃ vinirmitam |
svayaṃ pitāmahenaiva tato devā vinirmitāḥ || 54 ||
[Analyze grammar]

tena te sarvalokeṣu gatāḥ khyātiṃ purā nṛpa || 55 ||
[Analyze grammar]

etacchrādsya satratvaṃ mayā te parikīrtitam |
pitṝṇāṃ paramaṃ guhyaṃ dattasyākṣayakārakam || 56 ||
[Analyze grammar]

yaścaitatkīrtayecchrāddhe kriyamāṇe nṛpottama |
viprāṇāṃ bhokttukāmānāṃ tacchrāddhaṃ tvakṣayaṃ bhavet || 57 ||
[Analyze grammar]

yaścaitackṛṇuyādrājansamyakchraddhāsamanvitaḥ |
vihitasya bhavetpuṇyaṃ yacchrāddhasya tadāpnuyāt || 58 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakerakṣetramāhātmye śrāddhakalpe sṛṣṭyutpattikālikabrahmotsṛṣṭaśrāddhārhavastuparigaṇanavarṇanaṃ nāmaikaviṃśatyuttaradviśatatamo'dhyāyaḥ || 221 ||
[Analyze grammar]