Chapter 220

[English text for this chapter is available]

ānarta uvāca |
trayodaśyāṃ kṛte śrāddhe kasmādvaṃśakṣayo bhavet |
etanme sarvamācakṣva vistarāttvaṃ mahā mune |
bhartṛyajña uvāca |
eṣā medhyatamā rājanyugādiḥ kalisaṃbhavā |
snāne dāne jape home śrāddhe jñeyā tathā'kṣayā || 2 ||
[Analyze grammar]

asyāṃ cettu gajacchāyā tithau rājanprajāyate |
tadā'kṣayaṃ maghāyoge śrāddhaṃ saṃjāyate dhruvam || 3 ||
[Analyze grammar]

yaḥ kṣīraṃ madhunā yuktaṃ tasminnahani yacchati |
pitṝnuddiśya yo māṃsaṃ dadyādvādhrīṇasaṃ ca yaḥ || 4 ||
[Analyze grammar]

vādhrīṇasasya māṃsena tṛptirdvādaśavārṣikī |
triḥpibaṃtviṃdriyakṣīṇaṃ śvetaṃ vṛddhamajāpatim || 5 ||
[Analyze grammar]

taṃ tu vādhrīṇasaṃ vidyātsarvayūthādhipaṃ tathā |
khaḍgamāṃsaṃ ca vā dadyāttṛptirdvādaśavārṣikī |
saṃjāyate na saṃdehasteṣāṃ vākyaṃ na me mṛṣā || 6 ||
[Analyze grammar]

āsīdrathaṃtare kalpe pūrvaṃ pārthivasattamaḥ |
sitāśvo nāma pāṃcāladeśīyaḥpitṛbhaktimān || 7 ||
[Analyze grammar]

madhunā kālaśākena khaḍgamāṃsena kevalam |
sa hi śrāddhaṃ trayodaśyāṃ kuru te pāyasena ca || 8 ||
[Analyze grammar]

somavaṃśaṃ samuddiśya śrāddhaṃ yacchati bhaktitaḥ || 9 ||
[Analyze grammar]

atha tairbāhmaṇaiḥ sarvaiḥ sa bhūyaḥ kautukānvitaiḥ |
kasyacittvatha kālasya pṛṣṭo bhuktvā yathecchayā || 10 ||
[Analyze grammar]

śrāddhādanaṃtaraṃ rājandṛṣṭvā taṃ śraddhayā'nvitam |
pādāvamarddanaparaṃ praṇipātapuraḥ saram || 11 ||
[Analyze grammar]

brāhmaṇā ūcuḥ |
kṛtvā śrāddhaṃ mahārāja pradātavyā'tha dakṣiṇā |
brāhmaṇebhyastataḥ śrāddhaṃ pitṝṇāṃ copatiṣṭhati || 12 ||
[Analyze grammar]

sā tvayā kalpitā'smākaṃ vitīrṇādyāpi no nṛpa |
kupyākupyaṃ parityajya tāṃ dehi nṛpa mā ciram || 13 ||
[Analyze grammar]

bhartṛyajña uvāca |
tacchrutvā ca nṛpaḥ prāha saṃprahṛṣṭena cetasā |
dhanyo'smyanugṛhīto'smi viprairadya na saṃśayaḥ || 14 ||
[Analyze grammar]

ye vāṃchaṃti mamābhīṣṭaṃ śrāddhe bhuktvā'tha paitṛke || 1 ||
[Analyze grammar]

tasmādbrūta mahābhāgā yuṣmabhyaṃ kiṃ dadāmyaham || 15 ||
[Analyze grammar]

vara nnāgānmadonmattānbhadrajātisamudbhavān |
kiṃ vā saptipradhānāṃśca manomārutaraṃhasaḥ || 16 ||
[Analyze grammar]

kiṃ vā sthānāni citrāṇi grāmāṇi nagarāṇi ca |
pitṝnuddiśya yatkiṃcinnādeyaṃ vidyate yataḥ || 17 ||
[Analyze grammar]

brāhmaṇā ūcuḥ |
nāsmākaṃ vājibhiḥ kāryaṃ na ratnairna ca hastibhiḥ |
na deśairgrāmamukhyairvā nānyenāpi ca kenacit || 18 ||
[Analyze grammar]

yadarthena mahārāja pṛṣṭosmābhiryato bhavān |
tasmānno dakṣiṇāṃ dehi saṃdehaghnāṃ tapottama || 19 ||
[Analyze grammar]

yāṃ pṛcchāmo vayaṃ sarve kautūhalasamāhitāḥ || 20 ||
[Analyze grammar]

rājovāca |
upadeśādhikāro'sti brāhmaṇānāṃ mahātmanām |
dātuṃ naiva grahītuṃ ca nī cajātyasya vaidikāḥ || 21 ||
[Analyze grammar]

so'haṃ rājā na sarvajño yo yacchāmi dvijottamāḥ |
upadeśaṃ hi yuṣmabhyaṃ sarvajñebhyo vicakṣaṇāḥ || 22 ||
[Analyze grammar]

brāhmaṇā ūcuḥ |
guruśiṣyasamuttho'yamupadeśo mahīpate |
prārthayāmo vayaṃ kiṃcinmā bhayaṃ tvaṃ samāviśa || 23 ||
[Analyze grammar]

vayaṃ ca praśnamekaṃ hi pṛcchāmo yadi bhūpate |
brūṣe kautukayuktānāṃ sarveṣāṃ ca dvijanmanām || 24 ||
[Analyze grammar]

tasmādvada mahābhāga yadi jānāsi tattvataḥ |
na cedguhyatamaṃ kiṃcitpṛcchāmastvāṃ kutūhalāt || 25 ||
[Analyze grammar]

rājovāca |
yadi vaḥ saṃśayo viprā yuṣmatpraśnamasaṃśayam |
kathayiṣyābhi cedguhyaṃ tadvaddhvaṃ gapla jvarāḥ || 26 ||
[Analyze grammar]

brāhmaṇā ūcuḥ |
anneṣu ca vicitreṣu lehyeṣu vividheṣu ca |
amṛteṣveṣu sarveṣu tathā peyeṣu pārthiva || 27 ||
[Analyze grammar]

tasmādadya dine brūhi madhu yacchasi garhitam |
vartate ca yathā'bhakṣyaṃ brāhmaṇānāṃ viśeṣataḥ || 28 ||
[Analyze grammar]

tathā vicitra māseṣu saṃsthiteṣu narādhipa |
khaṅgamāṃsaṃ nirāsvādaṃ kasmādyacchasi kevalam || 29 ||
[Analyze grammar]

saṃti śākāni rājendra pāvanīyāni sarvaśaḥ |
suṣṭhu svādu karāṇyatra vyañjanārthaṃ mahīpate || 30 ||
[Analyze grammar]

kālaśākaṃ sakaṭukaṃ mukhā'dhijanakaṃ mahat |
kasmādyacchasi cāsmākaṃ bhaktyā paramayā yutaḥ |
na śrāddhe pratiṣedhaśca prakartavyaḥ kathaṃcana || 31 ||
[Analyze grammar]

na ca tyājyaṃ samucchiṣṭaṃ tena bhuṃjāmahe tataḥ |
tadatra kāraṇenaiva guruṇā bhāvyameva hi |
yena tvaṃ yacchasi prāya etatsiddhirbhavetsthitā || 32 ||
[Analyze grammar]

tasmātkathaya naḥ sarvaṃ paraṃ kautūhalaṃ hi naḥ |
niḥsvāditaṃ yathā dadyādīdṛkchrāddhe vigarhitam || 33 ||
[Analyze grammar]

yathā tvaṃ nṛpaśārdūla śraddhayā saṃprayacchasi || 34 ||
[Analyze grammar]

tacchrutvā vacanaṃ teṣāṃ brāhmaṇānāṃ mahātmanām |
sa vailakṣyasmitaṃ prāha salajjaṃ pṛthivīpatiḥ || 35 ||
[Analyze grammar]

guhyametanmahābhāgā asmākaṃ yadi saṃsthitam |
avācyamapi vakṣyāmi śṛṇudhvaṃ susamāhitāḥ || 36 ||
[Analyze grammar]

ahamāsaṃ purā pāpo lubdhakaścānya janmani |
nihaṃtā sarvajaṃtūnāṃ tathā bhakṣayitā punaḥ || 37 ||
[Analyze grammar]

paryaṭāmi tadāraṇye dhanuṣā mṛgayārataḥ |
siṃho vyāghro gajendro vā śarabho vā dvijo ttamāḥ || 38 ||
[Analyze grammar]

madbāṇagocaraṃ prāpto na jīvatyapi karhicit |
kasyacittvatha kālasya bhramamāṇo mahītale || 39 ||
[Analyze grammar]

saṃprāpto'haṃ mahābhāgā agni veśasya sanmuneḥ |
āśrame samanuprāpto niśīthe kṣutpipāsitaḥ || 40 ||
[Analyze grammar]

tāvattatra saśiṣyāṇāṃ śrāddhakarmavidhiṃ vadan |
saṃsthito veṣṭitaḥ śiṣyaiḥ samantāddvijasattamāḥ || 41 ||
[Analyze grammar]

agniveśa uvāca |
ṛkṣe pitrye yadā candro haṃsaścāpi kare vrajet |
trayodaśī tu sā cchāyā vijñeyā kuñjarodbhavā || 42 ||
[Analyze grammar]

pitrye yadāsthitaścendurhaṃsaścāpi kare sthitaḥ |
tithirvaiśravaṇī yā ca sā cchāyā kuñjarasya ca || 43 ||
[Analyze grammar]

saiṃhikeyo yadā caṃdraṃ grasate parvasaṃdhiṣu |
hasticchāyā tu sā jñeyā tasyāṃ śrāddhaṃ samācaret || 44 ||
[Analyze grammar]

tasyāṃ yaḥ kurute śrāddhaṃ jalairapi prabhaktitaḥ |
yāvaddvādaśa varṣāṇi pitarastasya tarpitāḥ || 45 ||
[Analyze grammar]

vanaspatigate some yā cchāyā pūrvatomukhī |
gajacchāyā tu sā jñeyā pitṝṇāṃ dattamakṣayam || 46 ||
[Analyze grammar]

sā bhavecca na sandehaḥ puṇyadā paitṛkī tithiḥ |
tasyāṃ śrāddhaṃ prakartavyaṃ saṃbhārāḥ saṃbhṛtāśca ye || 47 ||
[Analyze grammar]

prabhāte tu na sandehaḥ pitṝṇāṃ paritṛptaye |
śākaistathaiṃgudairbilvairbadaraiścirbhaṭairapi || 48 ||
[Analyze grammar]

yadannaṃ puruṣo'śnāti tadannāstasya devatāḥ |
bāḍhamityeva te procya gatāḥ svaṃsvaṃ niketanam || 49 ||
[Analyze grammar]

sarve śiṣyā mahābhāgāḥ nārāyaṇapurogamāḥ |
agniveśyo'pi suṣvāpa samāmantrya dvijottamān || 50 ||
[Analyze grammar]

tena saṃkathyamānaṃ ca rātrau tacca śrutaṃ mayā |
ahaṃ cāpi kariṣyāmi prātaḥ śrāddhamasaṃśayam || 51 ||
[Analyze grammar]

nihatya khaḍgamādāya tasya māṃsaṃ supuṣkalam |
tathā madhu samādāya kālaśākaṃ viśeṣataḥ || 52 ||
[Analyze grammar]

svajātīyebhya ādāya tarpayiṣyāmi tānpitṝn || 53 ||
[Analyze grammar]

evaṃ niścitya manasā prasupto'haṃ dvijottamāḥ |
tataḥ prabhāte vimale prodgate ravimaṇḍale || 54 ||
[Analyze grammar]

madhujālāni bhūrīṇi gṛhītāni mayā tataḥ |
kālaśākaṃ tathā labdhaṃ svecchayā dvijasattamāḥ || 55 ||
[Analyze grammar]

tataḥ sarvaṃ samādāya śrapitaṃ tatkṣaṇānmayā |
snātvā ca nijavargāṇāṃ pitṝnuddiśya cātmanaḥ |
pradattaṃ lubdhakānāṃ ca bhaktipūrvaṃ dvijottamāḥ || 56 ||
[Analyze grammar]

evaṃ mayā purā dattaṃ pitṝ nuddiśya tānnijān |
nānyatkiṃcinmayā dattaṃ kadācitkasyacidvijāḥ || 57 ||
[Analyze grammar]

tataḥ kālena mahatā mṛtyuṃ prāpto'smyahaṃ dvijāḥ |
taddānasya prabhāvena pārthivīṃ yonimāśritaḥ || 58 ||
[Analyze grammar]

evaṃ jātismaratvaṃ ca sañjātaṃ me dvijottamāḥ |
te ca me tarpitāstena khaḍgamāṃsena mākṣikaiḥ || 59 ||
[Analyze grammar]

saṃprāptāḥ paramāṃ prītiṃ tato dvāśavārṣikīm |
etasmātkāraṇācchrāddhaṃ prakaromi dvijottamāḥ || 60 ||
[Analyze grammar]

khaḍgamāṃsena madhunā kālaśākena bhūriśaḥ |
vidhihīnaṃ dvijairhīnaṃ tiladarbhairvivarjitam || 61 ||
[Analyze grammar]

mayā tadvihitaṃ śrāddhaṃ tasyaitatphalamāgatam |
sāṃprataṃ vidhinā samyagbrāhmaṇairvedapāragaiḥ || 62 ||
[Analyze grammar]

upaviṣṭaiḥ karomyeva yacchrāddhaṃ śraddhayānvitaḥ |
darbhaistilaiḥ samopetaṃ mantravacca dvijottamāḥ || 63 ||
[Analyze grammar]

no jānāmi phalaṃ kiṃ vā sāṃprataṃ ca bhaviṣyati |
tasmādevaṃ parijñāya yūyaṃ caiva dvijottamāḥ || 64 ||
[Analyze grammar]

saṃtarpayadhvaṃ ca pitṝnnijāngajadine sthite |
chāyāyāṃ caiva jātāyāṃ kuñjarasya dvijottamāḥ || 65 ||
[Analyze grammar]

yena saṃjāyate tṛptiḥ pitṝṇāṃ dvādaśābdikī |
yuṣmākaṃ ca gatiḥ śreṣṭhā yathā jātā mamādhunā || 66 ||
[Analyze grammar]

bhartṛyajña uvāca |
tasya tadvacanaṃ śrutvā sarve te brāhmaṇottamāḥ |
saṃtuṣṭāḥ sādhuvādāṃśca dadustasya mahīpateḥ || 67 ||
[Analyze grammar]

tataḥprabhṛti cakruste śrāddhāni dvijasattamāḥ |
trayodaśyāṃ nabhasyasya kṛṣṇāyāṃ bhaktitatparāḥ || 68 ||
[Analyze grammar]

madhunā kālaśākena khaḍgamāṃsena tarpitāḥ |
prāpnuvaṃti parāṃ siddhiṃ vimānavaramāsthitāḥ || 69 ||
[Analyze grammar]

spardhaṃte sahitā daivaiḥ pitaraśca viśeṣataḥ |
vaṃśajena pradattasya prabhāvātsurasattamāḥ || 70 ||
[Analyze grammar]

śrāddhārthaṃ saṃparijñāya mantraṃ cakruḥ parasparam |
ādityā vasavo rudrā nāsatyāvapi pārthiva || 71 ||
[Analyze grammar]

yathā na bhavati śrāddhaṃ tasminnahani bhūtale |
yatprabhāvādvayaṃ sarve mānuṣaiḥ śrāddhamāśritaiḥ |
na yāmo'bhibhavasthānaṃ tasmācchapsyāmahe ca tān || 72 || || 1 ||
[Analyze grammar]

adyaprabhṛti yaḥ śrāddhaṃ trayodaśyāṃ kariṣyati |
kanyāsaṃsthe sahasrāṃśau tasya syādvaṃśasaṃkṣayaḥ || 73 ||
[Analyze grammar]

iti śāpena devānāṃ nirdagdheyaṃ mahātithiḥ || 74 ||
[Analyze grammar]

tataḥprabhṛti naitasyā kriyate śrāddhamuttamam |
yaḥ pramādena kurute tasya syādvaṃśa saṃkṣayaḥ || 76 ||
[Analyze grammar]

yena bhītā na kurvaṃti cchāyāyāṃ kuñjarasya ca |
viśeṣeṇa gajacchāye tatra piṇḍo'yamāhṛtaḥ || 73 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye śrāddhakalpe gajacchāyāmāhātmyavarṇanaṃnāma viṃśatyuttaradviśata tamo'dhyāyaḥ || 220 ||
[Analyze grammar]