Chapter 188

[English text for this chapter is available]

sūta uvāca |
tatastu paṃcame cāhni saṃjāte te dvijottamāḥ |
śvetadhautāṃbarāḥ sarve susnātāḥ śucayaḥ sthitāḥ || 1 ||
[Analyze grammar]

cakruḥ sarvāṇi karmāṇi pulastyena prabodhitāḥ |
sadomadhye gatāścaiva ṛtvigvaraṇapūrvakāḥ || 2 ||
[Analyze grammar]

adhvaryuṇā samādiṣṭānpraiṣānprocuryathā kramam |
homārthaṃ dīptavahnau ca ṛtvigbhiḥ susamāhitaiḥ || 3 ||
[Analyze grammar]

etasminneva kāle tu hyudgātrā karma yojitam |
śaṃkubhiḥ kriyate yacca sāma gītiprasūcitam || 4 ||
[Analyze grammar]

saptāvartaṃ dvijaśreṣṭhāḥ sadomadhyagatena ca |
yatrā'gacchaṃti te sarve devā yajñāṃśalālasāḥ || 5 ||
[Analyze grammar]

somapānakṛte caiva viśeṣeṇa mudānvitāḥ |
prārabdhe somabhakṣye'tha gīte codgātṛnirmite || 6 ||
[Analyze grammar]

āgatā kanyakā caikā sāmagītisamutsukā |
śaṃkukarṇanajaṃ citraṃ vāṃchamānā vicakṣaṇā || 7 ||
[Analyze grammar]

chandogasya sutā śreṣṭhā devaśarmābhidhasya ca |
audumbarīti nāmnā sā sāmaśravaṇalālasā || 8 ||
[Analyze grammar]

udgātāraṃ ca sadasi vacanaṃ vyājahāra sā |
yathāyathā pravartaṃte śaṃkavaḥ sāmasūcitāḥ || 9 ||
[Analyze grammar]

dakṣiṇāgnau drutaṃ gatvā kuru homaṃ yathoditam |
yena tvaṃ mucyase pāpānna cedvyartho bhaviṣyati || 10 ||
[Analyze grammar]

tasyāstadvacanaṃ śrutvā sābhiprāyaṃ dvijottamāḥ |
tataḥ sa cintayāmāsa yāvattadvyāhṛtaṃ vacaḥ || 11 ||
[Analyze grammar]

tataḥ papraccha tāṃ kanyā mudgātā vismayānvitaḥ |
kutastvamasi cā'yātā sutā kasya vadasva me || 12 ||
[Analyze grammar]

audumbaryuvāca |
parvatasya sutā cāsmi vikhyātā devaśarmaṇaḥ |
jātismarā mahābhāga prāptā gandharvalokataḥ || 13 ||
[Analyze grammar]

udgātovāca |
gandharvasya sutā kasya kena śaptāsi putrike |
kadā te bhavitā mokṣo mānuṣatvasya kīrttaya || 14 ||
[Analyze grammar]

audumbaryuvāca |
nāradaḥ parvataścaiva gandharvau viditau janaiḥ |
parvatasya sutā cāsmi śaptāhaṃ nāradena hi || 15 ||
[Analyze grammar]

vipaṃcīṃ vādayansvairaṃ dṛṣṭaḥ sa munisattamaḥ |
ajānaṃtyā ca tānānāṃ viśeṣaṃ mūrcchanodbhavam |
mayā sa hasito'tīva tānabhaṃgatayā gataḥ || 16 ||
[Analyze grammar]

tataḥ sa kupito mahyaṃ dadau śāpaṃ dvijottamaḥ |
mithyāpahasito yasmādahaṃ śāpamato'rhasi || 17 ||
[Analyze grammar]

mānuṣāṇāmayaṃ dharmastasmāttvaṃ mānuṣī bhava |
mayā prasāditaḥ so'tha pitrā sārdhaṃ munīśvaraḥ || 18 ||
[Analyze grammar]

śāpāṃtaṃ kuru me nātha bāliśāyā viśeṣataḥ |
mānuṣatvaṃ ca me bhūyātsusthāne sukule vibho || 19 ||
[Analyze grammar]

susthāne cāṃtakālaśca brāhmaṇasya niveśane |
tato'haṃ tena saṃproktā camatkārapureṃ śubhe || 20 ||
[Analyze grammar]

devaśarmā tu vipreṃdraḥ kulīnaḥ sarvaśāstravit |
tasya tu brāhmaṇī nāmnā satyabhāmeti viśrutā || 21 ||
[Analyze grammar]

tasyā garbhaṃ samāsādya mānuṣatvaṃ samācara |
yadā paitāmaho yajñastasminkṣetre bhaviṣyati || 22 ||
[Analyze grammar]

udgātuḥ samaye tasya śaṃkoścaiva viparyaye |
tadā tu sa tvayā vācyo hyasthāne śaṃkurāhitaḥ |
sarvadevasabhā madhye tadā mokṣo bhaviṣyati || 23 ||
[Analyze grammar]

imāṃ me daivikīṃ kāṃtāṃ tanuṃ paśya dvijottama |
vimānaṃ paśya cāyātaṃ pitrā saṃpreṣitaṃ mama || 24 ||
[Analyze grammar]

udgātovāca |
tuṣṭo'haṃ te viśālākṣi yajñasyā'vighnakārake |
na vṛthā darśanaṃ me syādviśeṣāddevasaṃbhave |
varaṃ varaya mattastvaṃ tasmādaudumbarīpsitam || 25 ||
[Analyze grammar]

audumbaryuvāca |
yadi me yacchasi varaṃ santuṣṭo brāhmaṇottama |
sarveṣāmeva devānāṃ purataśca dadasva tam || 26 ||
[Analyze grammar]

adyaprabhṛti yaḥ kaścidyajñaṃ bhūmau samācaret |
tasminsadasi madhyasthā mūrtiḥ kāryā yathā mama || 27 ||
[Analyze grammar]

tato matpurataścaiva kāryaṃ śakupracāraṇam |
svargasthāyā bhavettuṣṭirmama tena kṛtena ca || 28 ||
[Analyze grammar]

sūta uvāca |
tasyāstadvacanaṃ śrutvā udgātā tāmathābravīt |
adyaprabhṛti yaḥ kaścidyajñamatra kariṣyati || 29 ||
[Analyze grammar]

sadomadhye tu tāṃ sthāpya pūjayitvā vilepanaiḥ |
vastrairābharaṇaiścaiva gandhapuṣpānulepanaiḥ || 30 ||
[Analyze grammar]

tataḥ śaṃkupracāraṃ tu kariṣyati tadagrataḥ |
etadvākyaṃ mayā proktaṃ sarvadevasamā game || 31 ||
[Analyze grammar]

nānyathā bhāvi bhadraṃ te tvaṃ saṃtoṣaṃ paraṃ vraja |
tvayā virahitaṃ bhadre sadaḥkarma kariṣyati || 32 ||
[Analyze grammar]

vṛthā bhāvi ca tatsarvaṃ yathā bhasmahutaṃ tathā |
yā nārī sadaso madhye phalaistvāṃ pūjayiṣyati || 33 ||
[Analyze grammar]

phalephale koṭiguṇaṃ tasyāḥ śreyo bhaviṣyati |
saphalāśca diśaḥ sarvā bhaviṣyaṃti na saṃśayaḥ || 34 ||
[Analyze grammar]

vastramābharaṇaṃ yā ca puṣpadhūpādikaṃ tathā |
tubhyaṃ dāsyati tatsarvaṃ tasyāḥ koṭiguṇaṃ phalam || 35 ||
[Analyze grammar]

paraṃ tāvatpratīkṣasva mā vimānaṃ samāruha |
devi kenāpi kāryeṇa tava pūjāṃ samācare || 36 ||
[Analyze grammar]

devā ūcuḥ |
yuktaṃ tvayā dvijaśreṣṭha vacanaṃ samudāhṛtam |
asmākamapi vākyena satyametadbhaviṣyati || 37 ||
[Analyze grammar]

sūta uvāca |
udgātrā saitamuktā ca tiṣṭhatiṣṭhetyathoditā |
devī varavimānena gṛhītā sāṃ'bare sthitā || 38 ||
[Analyze grammar]

etasminneva kāle tu devaśarmasutā'bhavat |
devī nagaramadhyasthāṃ sarvā nāryo dvijottamāḥ || 39 ||
[Analyze grammar]

kutūhalātsamāyātāstasyā darśanalālasāḥ |
kācitphalāni cādāya kācidvastrāṇi bhaktitaḥ |
yathārhaṃ pūjitā tābhiḥ sarvābhiśca dvijottamāḥ || 40 ||
[Analyze grammar]

śrutvā svaduhituḥ so'pi devaśarmā samāyayau |
sapatnīkaḥ prahṛṣṭātmā vismayotphullalocanaḥ || 41 ||
[Analyze grammar]

so'pi yāvatpraṇāmaṃ ca tasyāścakre dvijo ttamāḥ |
sapatnīkastadā proktvā niṣiddhastu tathā tayā || 42 ||
[Analyze grammar]

tātatāta namaskāraṃ mā me kuru sahāṃbayā |
prāptā svargagatirnāma mama nāśaṃ prayā syati || 43 ||
[Analyze grammar]

tiṣṭhātraiva sapatnīko yāvadadya dinaṃ vibho |
tvāmādāya sapatnīkaṃ yāsyāmi tridivālayam |
anenaiva śarīreṇa yācayitvā suro ttamān || 44 ||
[Analyze grammar]

tatastau harṣitau tatra pitarau hi vyavasthitau |
prekṣamāṇau sutāyāstāṃ pūjāṃ janavinirmitām |
manyamānau tadātmānamadhikaṃ sarva dehinām || 45 ||
[Analyze grammar]

tasya ye svajanāḥ kecitsarve te'pi dvijottamāḥ |
śaṃsamānā sutāṃ tāṃ tu tatsamīpaṃ vyavasthitāḥ || 46 ||
[Analyze grammar]

etasminnaṃtare prāpto bhṛguryatra pitāmahaḥ |
niṣkramya sadasastasmātkṛtāñjaliruvāca tam || 47 ||
[Analyze grammar]

udgātrā deva cātmīyo mārgaḥ śrutivivarjitaḥ |
vihitaḥ kanyakāṃ dhṛtvā sadomadhye sureśvara || 48 ||
[Analyze grammar]

devatvaṃ jalpitaṃ tasyā nāgaryāḥ surasaṃnidhau |
somapānaṃ tathā kurmo vayaṃ tatra tayā saha || 49 ||
[Analyze grammar]

tato vidhistamānīya papraccha dvijasattamāḥ |
kā'sau kanyā kimarthaṃ ca sadomadhye dhṛtā tvayā || 5 ||
[Analyze grammar]

so'bravīcchāpabhraṣṭeyaṃ gandharvī brāhmaṇālaye |
avatīrṇā vidheryajñe mukti rasyāḥ prakīrtitā || 51 ||
[Analyze grammar]

nāradena purā deva kopena ca tathā mudā |
tasyā deva varo datto mayā tuṣṭena sāṃpratam || 52 ||
[Analyze grammar]

śaṃkupracāraṃ no bāhyaṃ tava saṃpatsyate kvacit |
devaiḥ sarvaiḥ samānītā pratiṣṭhāṃ prapitāmaha || 53 ||
[Analyze grammar]

etasminnaṃtare prāptāḥ kailāsācca dvijottamāḥ |
śrutvā cauduṃbarījātaṃ māhātmyaṃ dharaṇītale || 54 ||
[Analyze grammar]

yajñe paitāmahe caiva hāṭakeśvarasaṃbhave |
kṣetre puṇyatame tatra pūjārthaṃ dvijasattamāḥ || 55 ||
[Analyze grammar]

hṛṣṭā mātṛgaṇā ye ca aṣṭaṣaṣṭipramāṇataḥ |
pūjyaṃte ye ca gandharvaiḥ siddhaiḥ sādhyairmarudgaṇaiḥ || 56 ||
[Analyze grammar]

pṛthakpṛthagvidhai rūpairlokavismayakārakaiḥ |
nṛtyaṃtyaśca hasaṃtyaśca gāyaṃtyaśca tathāparāḥ || 57 ||
[Analyze grammar]

tāsāṃ kolāhalaṃ śrutvā brahmaviṣṇupuraḥsarāḥ |
vismayaṃ paramaṃ prāptāḥ sarve devāḥ savāsavāḥ || 58 ||
[Analyze grammar]

kimetaditi jalpaṃtaḥ protthitā yajñamaṃḍapāt |
etasminnaṃtare prāptāḥ sarvāstā yatra padmajaḥ || 59 ||
[Analyze grammar]

praṇamya śirasā hṛṣṭāstataḥ procustu sādaram |
vayamevaṃ samāyātāḥ śrutvā te yajñamuttamam || 60 ||
[Analyze grammar]

āmaṃtritāśca deveśa vāyunā jagadāyunā |
yajñabhāgā na cāsmākaṃ vidyaṃte yajñakarmaṇi || 61 ||
[Analyze grammar]

etānyeva dinānīha nāyātāstena padmaja |
auduṃbarīṃ vayaṃ śrutvā hyapūrvāṃ tena saṃgatāḥ || 62 ||
[Analyze grammar]

sā dṛṣṭvā pūjitā'smābhiḥ praṇipātapuraḥsaram || |
parvatasya sutā yasmādgandharvasya mahātmanaḥ || 63 ||
[Analyze grammar]

sarvakāmapradā strīṇāṃ sarvadevaiḥ pratiṣṭhitā |
sthānaṃ darśaya cāsmākaṃ tvaṃ deva prapitāmaha || 64 ||
[Analyze grammar]

aṣṭaṣaṣṭipramāṇaśca gaṇo'smākaṃ vyavasthitaḥ |
tacchrutvā padmajo jñātvā saṃkīrṇaṃ yatamaṃḍapam |
vyāptaṃ devagaṇaiḥ sarvaistrayastriṃśatpramāṇakaiḥ || 65 ||
[Analyze grammar]

tato madhyagamāhūya sa tadā nagarodbhavam |
śrutādhyayanasaṃpannaṃ vṛhaspatimivāparam |
abravīcchlakṣṇayā vācā tyaktā maunaṃ pitāmahaḥ || 66 ||
[Analyze grammar]

tvaṃ gatvā mama vākyena viprānnāgarasaṃbhavān |
prabrūhi gotramukhyāṃśca hyaṣṭaṣaṣṭipramāṇataḥ || 67 ||
[Analyze grammar]

ete mātṛgaṇāḥ prāptā aṣṭaṣaṣṭipramāṇakāḥ |
ekaika gotramukhyāśca ekaikasya pramāṇataḥ || 68 ||
[Analyze grammar]

svesve bhūmivibhāge ca sthānaṃ yacchatu sāṃpratam |
etatsāhāyyakaṃ kāryaṃ bhavadbhirmama nāgarāḥ |
prasādaṃ pracuraṃ kṛtvā yena tuṣṭiṃ prayāṃti ca || 69 ||
[Analyze grammar]

tataḥ sa satvaraṃ gatvā tānsamāhūya nāgarān |
provāca vinayopetaḥ praṇipatya tataḥ param || 70 ||
[Analyze grammar]

tacchrutvā nāgarāḥ sarve saṃtoṣaṃ paramaṃ gatāḥ |
ekaikasya gaṇasyaiva daduḥ sthānaṃ nijaṃ tadā || 71 ||
[Analyze grammar]

tatastāḥ mātaraḥ sarvāḥ praṇipatya pitāmaham |
tadanantaramevātha gāyatrīṃ bhaktipūrvakam || 72 ||
[Analyze grammar]

viprasaṃsūcite sthāne sarvāścaiva vyavasthitāḥ |
pūjitāstarpitāścaiva balibhirvividhairapi || 73 ||
[Analyze grammar]

tato gāyanti tā hṛṣṭā nṛtyaṃti ca hasaṃti ca |
tarpitā brāhmaṇendraiśca procuśca tadanantaram || 74 ||
[Analyze grammar]

na yāsyāmo paraṃ sthānaṃ sthāsyāmotraiva sarvadā |
īdṛśā yatra viprendrāḥ sarve bhaktisamanvitāḥ || 75 ||
[Analyze grammar]

īdṛśaṃ ca mahākṣetraṃ hāṭakeśvarasaṃbhavam |
etasminneva kāle tu sāvitrī tatra saṃsthitā || 76 ||
[Analyze grammar]

praṇipatya dvijaiḥ sarvairgacchamānā nivāritā |
mā devayajanaṃ gaccha sāvitri pativallabhe || 77 ||
[Analyze grammar]

brahmaṇā pariṇītāsti gāyatrīti varāṃganā || 78 ||
[Analyze grammar]

tacchrutvā vacanaṃ teṣāṃ sāvitrī bhrāṃtalocanā |
duḥkhaśokasamopetā bāṣpavyākulalocanā || 79 ||
[Analyze grammar]

dṛṣṭvā tā nṛtyamānāśca gāyamānāstathaiva ca |
utkūrdatīrdharāpṛṣṭhe saṃtoṣaṃ paramaṃ gatāḥ || 80 ||
[Analyze grammar]

śaśāpātha ca sāvitrī bāṣpagadgadayā girā |
sapatnyā mama yatpūjāṃ kṛtvā vai susamāgatāḥ || 81 ||
[Analyze grammar]

na praṇāmaḥ kṛto'smākaṃ mama duḥkhena duḥkhitāḥ |
tasmānnaivāparaṃ sthānaṃ gamiṣyatha kathaṃcana || 82 ||
[Analyze grammar]

nāgarāṇāṃ ca no pūjā kadācitprabhaviṣyati |
na prāsādo'tha yuṣmākaṃ kadācitsaṃbhaviṣyati || 83 ||
[Analyze grammar]

śītakāle tu śītena hyuṣṇakāle ca raśmibhiḥ |
varṣākāle tu toyena kleśaṃ yāsya tha bhūriśaḥ || 84 ||
[Analyze grammar]

evamuktvā tato devī sā tatraiva vyavasthitā |
nāgarāṇāṃ varastrībhiḥ sarvābhiḥ parivāritā || 85 ||
[Analyze grammar]

saṃbodhyamānā satataṃ sustrīṇāṃ ceṣṭitena ca |
etasminneva kāle tu bhagavāṃstīkṣṇadīdhitiḥ || 86 ||
[Analyze grammar]

astaṃ gato mahāñchabdaḥ prasthito yajñamaṃḍape |
yājñikānāṃ tu viprāṇāṃ sumahāñchāstrasaṃbhavaḥ || 87 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye mātṛgaṇagamanasāvitrīdatta mātṛgaṇaśāpavarṇanaṃnāmāṣṭāśītyuttaraśatatamo'dhyāyaḥ || 188 ||
[Analyze grammar]