Chapter 106

[English text for this chapter is available]

ṛṣaya ūcuḥ |
bhūpṛṣṭhe pāṃsubhistasminpretaistaiḥ paripūrite |
yāni tīrthāni luptāni liṅgāni ca vadasva naḥ || 1 ||
[Analyze grammar]

sūta uvāca |
asaṃkhyātāni tīrthāni tathā liṃgāni ca dvijāḥ |
lopaṃ gatāni vakṣyāmi prādhānyena prabodhata || 2 ||
[Analyze grammar]

tatra lopaṃ gataṃ tīrthaṃ cakratīrthamiti smṛtam |
yatra cakraṃ purā nyastaṃ viṣṇunā prabhaviṣṇunā || 3 ||
[Analyze grammar]

mātṛtīrthaṃ tathaivānyatsarvakāmapradaṃ nṛṇām |
yatra tā mātaro divyāḥ kārtikeyapratiṣṭhitāḥ || 4 ||
[Analyze grammar]

mucukundasya rājarṣestathānyalliṃga muttamam |
tatra lopaṃ gataṃ viprāḥ sagarasya tu bhūpateḥ || 5 ||
[Analyze grammar]

ikṣvākorvasuṣeṇasya kakutsthasya mahātmanaḥ |
ailasya candradevasya kāśirājasya sanmateḥ || 6 ||
[Analyze grammar]

agniveśasya raibhyasya cyavanasya bhṛgostathā |
āśramo yājñavalkyasya tatra lopaṃ samāyayau || 7 ||
[Analyze grammar]

hārītasya maharṣeśca haryaśvasya mahātmanaḥ |
kutsasya ca vasiṣṭhasya nāradasya tritasya ca || 8 ||
[Analyze grammar]

tathaiva ṛṣipatnīnāṃ tatra liṃgāni bhūriśaḥ |
kātyāyanyāśca śāṃḍilyā maitreyyāśca tathā purā || 9 ||
[Analyze grammar]

anyāsāṃ munipatnīnāṃ yāsāṃ saṃkhyā na vidyate |
tatrāścaryamabhūdanyatpūryamāṇe mahītale || 10 ||
[Analyze grammar]

pāṃsubhī rākṣasairyaistaiḥ pretairbrāhmaṇasattamāḥ |
tadvo'haṃ saṃpravakṣyāmi śrotavyaṃ susamāhitaiḥ || 10 ||
[Analyze grammar]

dṛṣṭvā pāṃsumayīṃ vṛṣṭiṃ muktāṃ pretaiḥ samaṃtataḥ |
mātṛvargeṇa tenātha pramuktaḥ pracuro'nilaḥ || 11 ||
[Analyze grammar]

tena pāṃsukṛtā vṛṣṭiḥ samaṃtānmathitā bahiḥ |
tasyā bhūmeḥ patatyeva na kiṃcittatra pūryate || 13 ||
[Analyze grammar]

tataste vyaṃtarāḥ khinnā nirāśāstasya pūraṇe |
bhūtāstasya puro gatvā cukruśuḥ kuśabhūpateḥ || 14 ||
[Analyze grammar]

asmābhirvihitā tatra pāṃsuvṛṣṭirmahīpate |
nīyate śatadhā'nyatra mātṛmuktena vāyunā || 19 ||
[Analyze grammar]

sa tvaṃ tāsāṃ vighātārthamupāyaṃ bhūpa ciṃtaya |
yena tāṃ pāṃsubhirbhūmiṃ pūrayāmaḥ samaṃtataḥ || 16 ||
[Analyze grammar]

teṣāṃ tadvacanaṃ śrutvā tataḥ kuśamahīpatiḥ |
rudramārādhayāmāsa tatkṣetraṃ prāpya saddvijāḥ || 17 ||
[Analyze grammar]

tatastasya gatastuṣṭiṃ varṣāṃte bhagavānharaḥ |
provāca prārthayābhīṣṭaṃ yatte manasi vāṃchitam || 198 ||
[Analyze grammar]

kuśa uvāca |
yathā saṃpūryate cāśu pāṃsubhirbhūmimaṃḍalam |
etatpretapramuktaiśca prasādātte tathā kuru || 19 ||
[Analyze grammar]

mayā pretagaṇādeva nirdiṣṭāstasya pūraṇe |
mātṛsaṃrakṣyamāṇaṃ tacchakyaṃ caitanna pūritum || 20 ||
[Analyze grammar]

tatra rākṣasajairmaṃtraiḥ saṃti liṃgāni ca prabho |
pratiṣṭhitāni tatsparśāddarśanātsyājjanakṣayaḥ || 21 ||
[Analyze grammar]

acalatvāttathā deva liṃgānāṃ śāstrasadbhayāt |
anyadutpāṭanādyaṃ ca naiva kurmaḥ kathaṃcana || 22 ||
[Analyze grammar]

tasmālliṃgakṛto nāśo brāhmaṇānāṃ tapasvinām |
yathā na syātsuraśreṣṭha tathā nītirvidhīyatām || 23 ||
[Analyze grammar]

tataśca bhagavānrudrastāḥ samāhūya mātaraḥ |
provāca tyajyatāṃ sthānaṃ bhavatyo yatra saṃsthitāḥ || 24 ||
[Analyze grammar]

tatra pāṃsubhiravyagrāḥ kariṣyaṃti divāniśam |
pretāḥ kuśasamādeśādvṛṣṭiṃ lokahitāya ca || 25 ||
[Analyze grammar]

mātara ūcuḥ |
tyakṣyāmaśca tavādeśāttatsthānaṃ vṛṣabhadhvaja |
paraṃ darśaya cāsmākaṃ kiṃcidanyattathāvidham || 26 ||
[Analyze grammar]

kṣetre'traiva nivatsyāmo yena skandakṛte vayam |
tena saṃsthāpitāścātra proktāḥ stheyaṃ sadā tataḥ || 27 ||
[Analyze grammar]

tataḥ provāca bhagavāṃstasmātsthānānmahattaram |
sthānaṃ dāsyāmi sarvāsāṃ pṛthaktvena śubhāvaham || 28 ||
[Analyze grammar]

aṣṭaṣaṣṭistu kṣetrāṇāṃ madīyānāṃ samaṃtataḥ |
saṃsthitāsti mahābhāgā yeṣu matsaṃsthitiḥ sadā || 29 ||
[Analyze grammar]

aṣṭaṣaṣṭivibhāgena bhūtvā sarvāḥ pṛthakpṛthak |
teṣu tiṣṭhatha madvākyātpūjāmagryāmavāpsyatha || 30 ||
[Analyze grammar]

tasya devasya tacchrutvā vākyaṃ tā mātarastadā |
prahṛṣṭāstatparityajya sthānaṃ skandavinirmitam || 31 ||
[Analyze grammar]

aṣṭaṣaṣṭivibhāgena bhūtvā rūpaiḥ pṛthagvidhaiḥ |
aṣṭaṣaṣṭiṣu kṣetreṣu tasya tāḥ saṃsthitāḥ sadā || 32 ||
[Analyze grammar]

tatastābhirvinirmuktaṃ tatsarvaṃ bhūmimaṇḍalam |
pāṃsubhiḥ pūritaṃ pretairdivārātramataṃdritaiḥ || 33 ||
[Analyze grammar]

evaṃ tasya varaṃ dattvā bhagavānvṛṣavāhanaḥ |
jagāmādarśanaṃ paścātsārdhaṃ savargaiṇairdvijāḥ || 34 ||
[Analyze grammar]

kuto'pi brāhmaṇaiḥ sarvestāpasaiśca praśaṃsitaḥ |
labdhāśī prayayau tasmādayodhyānagarīṃ prati || 35 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye luptatīrthamāhātmyakathanaṃnāma ṣaḍuttaraśatatamo'dhyāyaḥ || 106 ||
[Analyze grammar]