Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 105

< Previous

Next >

[English text for this chapter is available]

sūta uvāca |
atha prāpte dinādhīśe tulāyāṃ dvijasattamāḥ |
pretā liṃgodbhavāṃ bhūmiṃ pūrayāmāsureva hi || 1 ||
[Analyze grammar]

yatkiṃcittatra saṃsthaṃ tu ādyatīrthaṃ surālayam |
tatsarvaṃ vyantaraistaiśca pāṃsubhiḥ paripūritam || 2 ||
[Analyze grammar]

tataḥ kṣemaṃ samutpannaṃ kṣetre tatra dvijottamāḥ |
anyeṣāmapi lokānāṃ liṃgaistairluptimāgataiḥ || 3 ||
[Analyze grammar]

kasyacittvatha kālasya bṛhadaśvo mahīpatiḥ |
śālvadeśātsamāyātaḥ kasmiścidyugaparyaye || 4 ||
[Analyze grammar]

sa dṛṣṭvā vipulāṃ bhūmiṃ prāsādaiḥ parivarjitām |
prāsādārthaṃ matiṃ cakre tatra kṣetre dvijottamāḥ || 5 ||
[Analyze grammar]

śilpinaśca samāhūyānekāṃstatra sahasraśaḥ |
śodhayāmāsa tāṃ bhūmimadhastādbahuvistṛtām || 6 ||
[Analyze grammar]

bhūmau nikhanyamānāyāṃ tato liṃgāni bhūriśaḥ |
caturvaktrāṇi tānyeva yāṃti dṛṣṭeśca gocaram || 7 ||
[Analyze grammar]

tataḥ sa pārthivastaiśca liṃgairdṛṣṭvā vṛtāṃ bhuvam |
tatkṣaṇānmṛtyumāpannaḥ śilpibhiśca samanvitaḥ || 8 ||
[Analyze grammar]

tataḥprabhṛti no tatra kaścinmartyo mahītale |
prāsādaṃ kurute bhītyā taḍāgaṃ kūpameva ca || 9 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetra māhātmye rākṣasaliṃgacchedanaṃnāma pañcottaraśatatamo'dhyāyaḥ || 105 ||
[Analyze grammar]