Chapter 102

[English text for this chapter is available]

sūta uvāca |
saṃprasthitasya rāmasya svakīyaṃ sadanaṃ prati |
yadāścaryamabhūnmārge śrūyatāṃ dvijasattamāḥ || 1 ||
[Analyze grammar]

nabhomārgeṇa gacchattadvimānaṃ puṣpakaṃ dvijāḥ |
akasmādeva sañjātaṃ niścalaṃ citrakṛnnṛṇām || 2 ||
[Analyze grammar]

atha tanniścalaṃ dṛṣṭvā puṣpakaṃ gaganāṃgaṇe |
rāmo vāyusutasyedaṃ vacanaṃ prāha vismayāt || 3 ||
[Analyze grammar]

tvaṃ gatvā mārute śīghraṃ bhūmiṃ jānīhi kāraṇam |
kimetatpuṣpakaṃ vyomni niścalatvamupāgatam || 4 ||
[Analyze grammar]

kadāciddhāryate nāsya gatiḥ kutrāpi kenacit |
brahmadṛṣṭiprasūtasya puṣpakasya mahātmanaḥ || 5 ||
[Analyze grammar]

bāḍhamityeva sa procya hanūmāndharaṇītalam |
gatvā śīghraṃ punaḥ prāha praṇipatya raghūttamam || 6 ||
[Analyze grammar]

atrāsyādhaḥ śubhaṃ kṣetraṃ hāṭakeśvara saṃjñitam |
yatra sākṣājjagatkartā svayaṃ brahmā vyavasthitaḥ || 7 ||
[Analyze grammar]

ādityā vasavo rudrā devavaidyau tathāśvinau |
tatra tiṣṭhanti te sarve tathānye siddhakinnarāḥ || 8 ||
[Analyze grammar]

etasmātkāraṇānnaitadatikrāmati puṣpakam |
tatkṣetraṃ niścalībhūtaṃ satyametanmayoditam || 9 ||
[Analyze grammar]

sūta uvāca |
tasya tadvacanaṃ śrutvā kautūhalasamavitaḥ |
puṣpakaṃ prerayāmāsa tatkṣetraṃ prati rāghavaḥ || 102 ||
[Analyze grammar]

sarvaistairvānaraiḥ sārdhaṃ rākṣasaiśca pṛthagvidhaiḥ |
avatīrya tato hṛṣṭastasminkṣetre samantataḥ || 11 ||
[Analyze grammar]

tīrthamālokayāmāsa puṇyānyāyatanāni ca |
tato vilokayāmāsa pitāmahavinirmitām |
cāmuṇḍāṃ tatra ca snātvā kuṇḍe kāmapradāyini || 12 ||
[Analyze grammar]

tato vilokayāmāsa pitrā tasya vinirmitam |
rāmaḥ svamiva deveśaṃ dṛṣṭvā devaṃ caturbhujam || 13 ||
[Analyze grammar]

rājavāpyāṃ śucirbhūtvā snātvā tarpya nijānpitṝn |
tataśca cintayāmāsa kṣetre tra bahupuṇyade || 14 ||
[Analyze grammar]

liṃgaṃ saṃsthāpayāmyeva yadvattātena keśavaḥ |
tathā me dayito bhrātā lakṣmaṇo divamāśritaḥ || 15 ||
[Analyze grammar]

yastasya nāmanirdiṣṭaṃ liṃgaṃ saṃsthāpayāmyaham |
taṃ cāpi mūrtimaṃtaṃ ca sītayā sahitaṃ śubham |
kṣetre medhyatame cātra tathātmānaṃ dṛṣanmayam || 16 ||
[Analyze grammar]

evaṃ sa niścayaṃ kṛtvā prāsādānāṃ ca paṃcakam |
sthāpayāmāsa sadbhaktyā rāmaḥ śastrabhṛtāṃ varaḥ || 17 ||
[Analyze grammar]

tataste vānarāḥ sarve rākṣasāśca viśeṣataḥ |
liṃgāni sthāpayāmāsuḥ svānisvāni pṛthakpṛthak || 18 ||
[Analyze grammar]

tatraiva suciraṃ kālaṃ sthitāste śraddhayā'nvitāḥ |
tato jagmurayodhyāyāṃ vimānavaramāśritāḥ || 19 ||
[Analyze grammar]

etadvaḥ sarvamākhyātaṃ yathā rāmeśvaro mahān |
lakṣmaṇeśvarasaṃyuktastasmiṃstīrthe suśobhane || 20 ||
[Analyze grammar]

yastau prātaḥ samutthāya sadā paśyati mānavaḥ |
sa kṛtsnaṃ phalamāpnoti śrute rāmāyaṇe'tra yat || 21 ||
[Analyze grammar]

athāṣṭamyāṃ caturdaśyāṃ yo rāmacaritaṃ paṭhet |
tadagre vājimedhasya sa kṛtsnaṃ labhate phalam || 22 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye śrīrāmacandreṇa hāṭakeśvarakṣetre lakṣmaṇādiprāsādapañcakanirmāṇapratiṣṭhāpanavarṇanaṃnāma dvyuttaraśatatamo'dhyāyaḥ || 102 ||
[Analyze grammar]