Chapter 103

[English text for this chapter is available]

| ṛṣaya ūcuḥ |
āścaryaṃ sūtaputraitadyattvayā parikīrtitam |
yatsthāpitāni liṃgāni rākṣasairapi vānaraiḥ || 1 ||
[Analyze grammar]

tasmādvistarato brūhi yatrayatra yathāyathā |
taiḥ sthāpitāni liṃgāni yeṣu sthāneṣu sūtaja || 2 ||
[Analyze grammar]

sūta uvāca || |
sugrīvaḥ saṃbhramitvātha kṣetraṃ sarvamaśeṣataḥ |
bālamaṃḍanakaṃ prāpya tatra snātvā samāhitaḥ || 3 ||
[Analyze grammar]

mukhaliṃgaṃ tatastatra sthāpayāmāsa śūlinaḥ || |
tathānyairvānaraiḥ sarvaimukhaliṃgāni śūlinaḥ |
svasaṃjñārthaṃ dvijaśreṣṭhāḥ sthāpitāni yathecchayā || 4 ||
[Analyze grammar]

yasteṣāṃ mukhaliṃgānāṃ karoti ghṛtakaṃbalam || |
makarasthena sūryeṇa śivalokaṃ sa gacchati || 5 ||
[Analyze grammar]

tataḥ paścimadigbhāge tasya kṣetrasya rākṣasaiḥ |
saṃsthāpitāni liṅgāni caturvaktrāṇi ca dvijāḥ || 6 ||
[Analyze grammar]

rāmeṇa pūrvadigbhāge prāsādānāṃ ca paṃcakam |
sthāpitaṃ bhaktiyuktena sarvapātakanāśanam || 7 ||
[Analyze grammar]

tathādakṣiṇadigbhāge kūpikā tena nirmitā || |
ānarttīyataḍāgasya samīpe pāpanāśanī || 8 ||
[Analyze grammar]

yastasyāṃ kurute śrāddhaṃ saṃprāpte dakṣiṇāyane |
so'śvamedhaphalaṃ prāpya pitṛloke mahīyate || 9 ||
[Analyze grammar]

yastatra dīpakaṃ dadyātkārtike māsi ca dvijāḥ |
na sa paśyati raudrāṃstānnarakānekaviṃśatim |
na cāṃdho jāyate kvāpi yatrayatra prajāyate || 10 ||
[Analyze grammar]

ṛṣaya ūcuḥ |
ānarttīyataḍāgaṃ tatkena tatra vinirmitam |
kiṃprabhāvaṃ ca kārtsnyena sūtaputra prakīrtaya || 11 ||
[Analyze grammar]

sūta uvāca || |
ānarttīyataḍāgasya mahimā dvijasattamāḥ |
ekavaktreṇa no śakyo vaktuṃ varṣaśatairapi || 12 ||
[Analyze grammar]

āśvinasya site pakṣe caturdaśyāṃ samāhitaḥ |
snātvā devānpitṝṃścaiva tarpayedvidhipūrvakam || 13 ||
[Analyze grammar]

tato dīpotsavadine śrāddhaṃ kṛtvā samāhitaḥ |
dāmodaraṃ yamaṃ pūjya dīpaṃ dadyātsvabhaktitaḥ || 14 ||
[Analyze grammar]

saṃpūjyo dharmarājastu gandhapuṣpānulepanaiḥ |
māṣāstilāśca dātavyā goviṃdaḥ prīyatāmiti || 15 ||
[Analyze grammar]

tilamāṣapradānena dvijānāṃ tarpaṇena ca |
yamena sahito devaḥ prīyate puruṣottamaḥ || 16 ||
[Analyze grammar]

ya evaṃ kurute viprāstīrtha ānarta saṃjñite |
so'śvamedhaphalaṃ prāpyabrahmaloke mahīyate || 17 ||
[Analyze grammar]

yasmindine samāyāto rāmastatra praharṣitaḥ |
tasmindvijottamaiḥ sarvaiḥ proktaḥ so'bhyetya sādaram || 18 ||
[Analyze grammar]

atrāgastyo muniśreṣṭhastiṣṭhate raghunaṃdana |
taṃ gatvā paśya viprendra mitrāvaruṇasaṃbhavam || 19 ||
[Analyze grammar]

atha teṣāṃ vacaḥ śrutvā rāmo rājīvalocanaḥ |
vānarai rākṣasaiḥ sārdhaṃ prahṛṣṭaḥ satvaraṃ yayau || 20 ||
[Analyze grammar]

aṣṭāṃgapraṇipātena taṃ praṇamya raghūttamaḥ |
pariṣyakto dṛḍhaṃ tena sānandena mahātmanā || 21 ||
[Analyze grammar]

nātidūre tatastasya vinayena samanvitaḥ |
upaviṣṭo dharāpṛṣṭhe kṛtāṃjalipuṭaḥ sthitaḥ || 22 ||
[Analyze grammar]

tataḥ pṛṣṭastu muninā kathayāmāsa vistarāt |
vṛttāṃtaṃ sarvamātmīyaṃ svargasya gamanaṃ prati || 23 ||
[Analyze grammar]

yathā sītā parityaktā yathā saumitriṇā kṛtaḥ |
parityāgaḥ svakīyasya saṃtyaktena mahātmanā || 24 ||
[Analyze grammar]

tathā sugrīvamāsādya tathaiva ca vibhīṣaṇam |
saṃbhāṣya cāgamastvatra tataḥ puṣpakasaṃsthitiḥ || 25 ||
[Analyze grammar]

tato'gastyaḥ kathāścitrāścakre tasya purastadā |
rājarṣīṇāṃ purāṇānāṃ dṛṣṭāṃtairbahubhirmuniḥ || 26 ||
[Analyze grammar]

tataḥ kathāvasāne ca calacittaṃ raghūttamam |
vilokya pradadau tasmai ratnābharaṇamuttamam || 27 ||
[Analyze grammar]

yanna deveṣu yakṣeṣu siddhavidyādhareṣu ca |
nāgeṣu rākṣasendreṣu mānuṣeṣu ca kā kathā || 28 ||
[Analyze grammar]

yasyendrāyudhasaṃghāśca niṣkrāmaṃti sahasraśaḥ |
rātrau tamisrapakṣe'pi lakṣyate'rkopamatviṣaḥ || 29 ||
[Analyze grammar]

tadrāmastu gṛhītvā'tha vismayotphullalocanaḥ |
papraccha kautukāviṣṭaḥ kutastvetanmune tava || 30 ||
[Analyze grammar]

atyadbhutakaraṃ ratnairnirmitaṃ timirāpaham |
kaṇṭhābharaṇamākhyāhi nedamasti jagattraye || 31 ||
[Analyze grammar]

agastiruvāca |
yatpaśyasi raghuśreṣṭha taḍāgamidamuttamam |
mamāśramasamīpasthaṃ taddevadevanirmitam || 32 ||
[Analyze grammar]

tasya tīre mayā dṛṣṭaṃ yadāścaryamanuttamam |
tatte'haṃ saṃpravakṣyāmi śṛṇuṣva raghu nandana || 33 ||
[Analyze grammar]

kadācidrāghavaśreṣṭha niśīthe'haṃ samutthitaḥ |
paśyāmi vyomamārgeṇa pradyotaṃ bhāskaropamam || 34 ||
[Analyze grammar]

yāvattāvadvimānaṃ tadapsarogaṇarājitam |
tasya madhyagataścaikaḥ puruṣastaruṇastathā |
andhastatra samārūḍhaḥ stūyate kinnarairnṛpaḥ || 35 ||
[Analyze grammar]

ratnābharaṇametacca bibhratkaṇṭhe sunirmalam |
dvādaśārkapratīkāśaṃ kāmadeva ivāparaḥ || 36 ||
[Analyze grammar]

athottīrya vimānāgryātskaṃdhalagno raghūdvaha |
ekasya devadūtasya salilāṃtamupāgataḥ || 37 ||
[Analyze grammar]

tataśca salilāttasmādākṛṣya ca kalevaram |
mṛtakasya tato daṃtairbhakṣayāmāsa satvaram || 38 ||
[Analyze grammar]

yathāyathā mahāmāṃsaṃ sa bhakṣayati rāghava |
tathātathā punaḥ kāyaṃ tadrūpaṃ tatprajāyate || 39 ||
[Analyze grammar]

tatastṛptiṃ cirātprāpya śucirbhūtvā praharṣitaḥ |
niṣkamya salilādyāvadvimānamadhirohati || 40 ||
[Analyze grammar]

tāvanmayā drutaṃ gatvā sa pṛṣṭaḥ kautukānnṛpaḥ |
sevyamāno'pi gandharvaiḥ samaṃtādbuddhitatparaiḥ || 41 ||
[Analyze grammar]

bhobho vaimānikaśreṣṭha muhūrtaṃ pratipālaya |
agastirnāma vipro'haṃ mitrāvaruṇasaṃbhavaḥ || 42 ||
[Analyze grammar]

tacchrutvā sammukho bhūtvā praṇāmamakarottataḥ |
taiśca vaimānikaiḥ sārdhaṃ sarvaistaiḥ kinnarādibhiḥ || 43 ||
[Analyze grammar]

so'yaṃ rājā mayā pṛṣṭaḥ kṛtānatiḥ puraḥ sthitaḥ |
kastvamīdṛgvapuḥ śrīmānvimānavaramāśritaḥ |
sevyamāno'psarobhiśca gandharvaiḥ kinnaraistathā || 44 ||
[Analyze grammar]

atrā'gatya taḍāgāṃte mahāmāṃsaprabhakṣaṇam |
kṛtavānasi vaikalyaṃ kasmātte dṛṣṭisaṃbhavam || 45 ||
[Analyze grammar]

vaimānika uvāca |
sādhu sādhu muniśreṣṭha yattvaṃ prāpto mamāntikam |
avaśyaṃ sānukūlo me vidhiryattvaṃ samāgataḥ || 46 ||
[Analyze grammar]

sādhūnāṃ darśanaṃ puṇyaṃ tīrthabhūtā hi sādhavaḥ |
kālena phalate tīrthaṃ sadyaḥ sādhusamāgamaḥ || 47 ||
[Analyze grammar]

tasmātsarvaṃ tavākhyānaṃ kathayāmi mahāmune |
yena me garhitaṃ bhojyaṃ vibhavaśca tathedṛśaḥ || 48 ||
[Analyze grammar]

ahamāsaṃ purā rājā śvetonāma mahāmune |
ānartādhipatiḥ pāpaḥ sarvalokanipīḍakaḥ || 49 ||
[Analyze grammar]

na kiṃcitprāṅmayā dattaṃ na hutaṃ jātavedasi |
na ca rakṣā kṛtā loke na trātāḥ śaraṇāgatāḥ || 50 ||
[Analyze grammar]

dṛṣṭvādṛṣṭvā mayā ratnaṃ yatkiṃciddharaṇītale || |
tadvai balāddhṛtaṃ sarvaṃ sarveṣāmiha dehinām || 51 ||
[Analyze grammar]

tataḥ kālena dīrgheṇa jarāgrastasya me balāt |
hṛtaṃ rājyaṃ svaputreṇa māṃ nirvāsya vigarhitam || 52 ||
[Analyze grammar]

tato'haṃ jarayā grasto vairāgyaṃ paramaṃ gataḥ |
samāyāto'tra vipreṃdra bhramamāṇa itastataḥ || 53 ||
[Analyze grammar]

tataḥ kṣutkṣāmakaṇṭho'haṃ snātvā'tra salile śubhe |
mṛtaśca saṃniviṣṭohaṃ kṣudhayā paripīḍitaḥ || 54 ||
[Analyze grammar]

prāviśyā'tra jale puṇye paṃcatvaṃ samupāgataḥ |
tataśca tatkṣaṇādeva vimānaṃ samupasthitam || 55 ||
[Analyze grammar]

māmanyena śarīreṇa samādāya ca kiṃkarāḥ |
tatrāropya tataḥ prāptā brahmaṇaḥ sadanaṃ prati || 56 ||
[Analyze grammar]

divyamālyāvaradharaṃdivyagandhānulepanam |
divyābharaṇasaṃjuṣṭaṃ stūyamānaṃ ca kinnaraiḥ || 57 ||
[Analyze grammar]

tato brahmasabhāmadhye hyahaṃ tairdevakiṃkaraiḥ |
tādṛgrūpo vicakṣuśca dhārito brahmaṇaḥ puraḥ || 58 ||
[Analyze grammar]

sarvaiḥ sabhāgatairdṛṣṭā vismitāsyaiḥ parasparam |
anyaiśca nindamānaiśca dhikchabdasya prajalpakaiḥ || 59 ||
[Analyze grammar]

kiṃkarā ūcuḥ |
eṣa devaścaturvaktraḥ sabheyaṃ tasya sambhavā |
sarvairdevagaṇairjuṣṭā praṇāmaḥ kriyatāmiti || 60 ||
[Analyze grammar]

tato'haṃ praṇipatyoccaistaṃ devaṃ devasaṃyutam |
upaviṣṭaḥ sabhāmadhye vrīḍayā'vanataḥ sthitaḥ || 61 ||
[Analyze grammar]

yathāyathā kathāstatra prajāyante sabhātale |
devadvijanarendrāṇāṃ dharmākhyānāni kuṃbhaja || 62 ||
[Analyze grammar]

tathātathā mamātīva kṣudvṛddhiṃ saṃpragacchati |
jāne kiṃ bhakṣayāmyāśu dṛṣadaḥ kāṣṭhameva vā || 63 ||
[Analyze grammar]

tato mayā praṇamyoccairvijñaptaḥ prapitāmahaḥ |
prāṇipatya muniśreṣṭha lajjāṃ tyaktvā sudūrataḥ || 64 ||
[Analyze grammar]

kṣudhā māṃ bādhate atīva sāṃprataṃ prapitāmaha |
tathā paśyāmi no kiṃcittādṛgbhojyaṃ prayaccha me || 65 ||
[Analyze grammar]

kṣutpipāsādayo doṣā na vidyaṃte'tra te kila |
svarge sthitasya yaccaitattatkimevaṃvidhaṃ mama || 66 ||
[Analyze grammar]

pitāmaha uvāca |
tvayā nānnaṃ kvaciddattaṃ kasyacitpṛthivītale |
tenātrāpi bubhukṣā te vṛddhiṃ gacchati durmate || 67 ||
[Analyze grammar]

tathā hṛtāni ratnāni yāni dṛṣṭigatāni te |
cakṣurhīnastato jāto mama loke gato'pi ca || 68 ||
[Analyze grammar]

yastvaṃ pātakayukto'pi saṃprāpto mama maṃdiram |
tadvakṣyāmyakhilaṃ te'haṃ śṛṇuṣvaikamanāḥ sthitaḥ || 69 ||
[Analyze grammar]

yasmiñjale tvayā muktāḥ prāṇāḥ pāpā tmanāpica |
śvetadvīpapatistatra kalikālabhayāturaḥ || 70 ||
[Analyze grammar]

tato'sya sparśanātsadyo vimuktaḥ sarvapātakaiḥ |
annādānātparā pīḍā jāyate kṣutsamu dbhavā || 71 ||
[Analyze grammar]

tathā ratnāpahāreṇa sañjātā cāṃdhatā tava |
naivānyatkāraṇaṃ kiṃcitsatyametanmayoditam || 72 ||
[Analyze grammar]

tato mayā vidhiḥ proktaḥ punareva dvijottama |
eṣo'pi brahmalokaste narakādatiricyate |
tasmāttatraiva māṃ deva preṣayasva kimatra vai || 73 ||
[Analyze grammar]

brahmovāca |
tasmāttatraiva gaccha tvaṃ preṣi to'si kimatra vai |
narake tava vāso na śvetadvīpasamudbhavam || 74 ||
[Analyze grammar]

māhātmyaṃ nāśamāyāti śāstraṃ syātsatyavarjitam |
tasmāttvaṃ nityamārūḍho vimā ne traivasundare || 75 ||
[Analyze grammar]

gatvā jalāśaye tasminyatra prāṇāḥ samujjhitāḥ |
tameva nijadehaṃ ca bhakṣayasva yathecchayā || 76 ||
[Analyze grammar]

tadbhaviṣyati madvākyā dakṣayaṃ jalamadhyagam |
tāvatkālaṃ ca dṛṣṭiste bhojyakāle bhaviṣyati || 77 ||
[Analyze grammar]

tato'haṃ tasya vākyena dīpotsavadine sadā |
niśīthe'tra samā gatya bhakṣayāmi nijāṃ tanum || 78 ||
[Analyze grammar]

tatastṛptiṃ pragacchāmi yāvaddaivaṃ dinaṃ sthitam |
mānuṣaṃ ca tathā varṣamīdṛgrūpo vyavasthitaḥ || 79 ||
[Analyze grammar]

nāstyasādhyaṃ muniśreṣṭha tava kiṃcijjagattraye |
yenaikaṃ culukaṃ kṛtvā nipītaḥ payasāṃnidhiḥ || 80 ||
[Analyze grammar]

tasmānmune dayāṃ kṛtvā mamopari mahattarām |
akṛtyā drakṣa māmasmātsarvalokavigarhitāt || 81 ||
[Analyze grammar]

tathā dṛṣṭipradānaṃ me kuruṣva munisattama |
nirviṇṇo'smyaṃdhabhāvena nānyā tvatto'sti me gatiḥ || 82 ||
[Analyze grammar]

tasya tadvacanaṃ śrutvā kṛpayā mama mānasam |
dravībhūtaṃ tadā vākyamavocaṃ taṃ raghūttama || 83 ||
[Analyze grammar]

tvamannaniṣkrayaṃ dehi kaṇṭhasthamiha bhūṣaṇam |
yena nāśaṃ prayātyeṣā bubhukṣā jaṭharodbhavā || 84 ||
[Analyze grammar]

tathā'dyaprabhṛti prājña ratnadīpānsunirmalān |
atraiva sarasastīre dehi dāmodarāya ca || 85 ||
[Analyze grammar]

ddhasa yena saṃjāyate dṛṣṭiḥ śāśvatī tava nirmalā |
mama vākyādasaṃdigdhaṃ satyenātmānamālabhe || 86 ||
[Analyze grammar]

rājovāca |
mamopari dayāṃ kṛtvā tvameva munisattama |
gṛhāṇa ratnasaṃbhūtaṃ kaṇṭhābharaṇamuttamam || 87 ||
[Analyze grammar]

tato dayābhibhūtena mayā tasya pratigrahaḥ |
niḥspṛheṇāpi saṃcīrṇo muninā raṇyavāsinā |
tataḥ prakṣālya me pādau yāvattenānnaniṣkraye |
vibhūṣaṇamidaṃ dattaṃ sadbhaktyā bhāvitātmane |
tatastasya praṇaṣṭā sā bubhukṣā tatkṣaṇānnṛpa |
saṃjātā paramā tṛptirdevapīyūṣasaṃbhavā || 90 ||
[Analyze grammar]

tasya naṣṭaṃ mṛtaṃ kāyaṃ tacca jīrṇaṃ purodbhavam |
yadāsīdakṣayaṃ nityaṃ tasmiṃstoye vyavasthitam || 91 ||
[Analyze grammar]

tataḥ saṃsthāpitastena tasminsthāne subhaktitaḥ |
dāmodaro raghuśreṣṭha kṛtvā prāsādamuttamam || 92 ||
[Analyze grammar]

tasyāgre śraddhayā yukto dīpaṃ dayādyathāyathā |
tathātathā bhaveddṛṣṭistasya nityaṃ sunirmalām || 93 ||
[Analyze grammar]

tato māsātsamāsādya divyacakṣurmahīpatiḥ |
sa babhūva nṛpaśreṣṭhaḥ spṛhaṇīyatamaḥ satām || 94 ||
[Analyze grammar]

tataḥ provāca māṃ hṛṣṭaḥ praṇipatya kṛtāṃjaliḥ |
harṣagadgadayā vācā prasthitastridivaṃ prati || 95 ||
[Analyze grammar]

tvatprasādātpraṇaṣṭā me bubhukṣā'tisudāruṇā |
tathā dṛṣṭiśca saṃjātā divyā brāhmaṇasattama || 96 ||
[Analyze grammar]

anujñāṃ dehi me tasmādyena gacchāmi sāṃpratam |
brahmalokaṃ muniśreṣṭha tīrthasyāsya prabhāvataḥ || 97 ||
[Analyze grammar]

tato mayā vinirmuktaḥ praṇipatya muhurmuhuḥ |
sa jagāma prahṛṣṭātmā brahmalokaṃ sanātanam || 98 ||
[Analyze grammar]

evaṃ me bhūṣaṇamidaṃ jātaṃ hastagataṃ purā |
tava yogyamidaṃ jñātvā tubhyaṃ tena niveditam || 99 ||
[Analyze grammar]

tataḥ prabhṛti rājeṃdra samāgatyātra mānavāḥ |
ratnadīpānpradāyoccaiḥ snātvā'tra salile śubhe |
kārtike māsi niryāṃti dehāṃte tridivālayam || 100 ||
[Analyze grammar]

ye punaḥ prāṇasaṃtyāgaṃ prakurvaṃti samāhitāḥ |
pāpātmāno'pi te yāṃti brahmalokaṃ raghūttama || 101 ||
[Analyze grammar]

tato dṛṣṭvā sahasrākṣaḥ prabhāvaṃ tajjalodbhavam |
pāṃsubhiḥ pūrayāmāsa samaṃtādbhayasaṃkulam || 102 ||
[Analyze grammar]

tadadya divasaḥ prāpto dīpotsavasamudbhavaḥ |
supuṇyo'tra mamādeśāttvaṃ kuruṣva sukūpikām || 103 ||
[Analyze grammar]

tasyāṃ snānaṃ vidhāyātha pitṝṃstarpaya rāghava |
devasyāsya puro dehi ratnadīpamanuttamam || 4 ||
[Analyze grammar]

yena saṃjāyate siddhirbrahmalokasamudbhavā |
anenaiva śarīreṇa satyametanmayoditam || 5 ||
[Analyze grammar]

tataste rāghavādeśā tsarve rākṣasavānarāḥ |
tasmindeśe vinidadhuḥ kūpikāṃ vimalodakām || 6 ||
[Analyze grammar]

tatra snātvā pitṝṃstarpya ratnadīpaṃ pradāya ca |
samastaṃ kārtikaṃ yāvadayodhyāṃ prasthitāstataḥ || 107 ||
[Analyze grammar]

tato vibhīṣaṇaṃ muktvā hanūmaṃtaṃ ca vānaram |
brahmalokaṃ gatāḥ sarve tattīrthasya prabhāvataḥ || 108 ||
[Analyze grammar]

sūta uvāca |
adyāpi dīpadānaṃ yaḥ kurute tatra sādaram |
saṃprāpte kārtike māsi snātvā tatra jale śubhe |
sa sarvapātakairmukto brahmaloke mahīyate || 109 ||
[Analyze grammar]

evaṃ tatra samutpannaṃ tattaḍāgaṃ śubhāvaham |
ānarttīyaṃ tathā viṣṇukūpikā sā ca śobhanā || 110 ||
[Analyze grammar]