Chapter 101

[English text for this chapter is available]

sūta uvāca |
evaṃ tāṃ rajanīṃ tatra sa uṣitvā raghūttamaḥ |
upāsyamānaḥ sarvaistaiḥ sadbhaktyā vānarottamaiḥ || 1 ||
[Analyze grammar]

tataḥ prabhāte vimale prodgate ravimaṇḍale |
kṛtvā prābhātikaṃ karma samāhūyātha puṣpakam || 2 ||
[Analyze grammar]

sugrīveṇa suṣeṇena tāreṇa kumudena ca |
aṃgadenātha kuṇḍena vāyuputreṇa dhīmatā || 3 ||
[Analyze grammar]

gavākṣeṇa naleneva tathā jāṃbavatāpi ca |
daśabhirvānaraiḥ sārdhaṃ samārūḍhaḥ sa puṣpake || 4 ||
[Analyze grammar]

tataḥ saṃprasthitaḥ kāle laṃkāmuddiśya rāghavaḥ |
manojavena tenaiva vimānena suvarcasā || 5 ||
[Analyze grammar]

saṃprāptastatkṣaṇādeva laṃkākhyāṃ ca mahāpurīm |
vīkṣayaṃstānpradeśāṃśca yatra yuddhaṃ purā'bhavat || 6 ||
[Analyze grammar]

tato vibhīṣaṇo dṛṣṭvā proddyotaṃ puṣpakodbhavam |
rāmaṃ vijñāya saṃprāptaṃ prahṛṣṭaḥ sammukho yayau |
maṃtribhiḥ sakalaiḥ sārdhaṃ tathā bhṛtyaiḥ sutairapi || 7 ||
[Analyze grammar]

atha dṛṣṭvā sudūrāttaṃ rāmadevaṃ vibhīṣaṇaḥ |
papāta daṇḍavadbhūmau jayaśabdamudīrayan || 8 ||
[Analyze grammar]

tathāgataṃ pariṣvajya sādaraṃ sa vibhīṣaṇam |
tenaiva sahitaḥ paścāllaṃkāṃ tāṃ praviveśa ha || 9 ||
[Analyze grammar]

vibhīṣaṇagṛhaṃ prāpya tatra siṃhāsane śubhe |
niviṣṭo vānaraistaiśca samantātparivāritaḥ || 10 ||
[Analyze grammar]

tato nivedayāmāsa tasmai sarvaṃ vibhīṣaṇaḥ |
rājyaṃ putrakalatrādi yaccānyadapi kiṃcana || 11 ||
[Analyze grammar]

tataḥ provāca vinayātkṛtāṃjalipuṭaḥ sthitaḥ |
ādeśo dīyatāṃ deva brūhi kṛtyaṃ karomi kim || 12 ||
[Analyze grammar]

akasmādeva saṃprāptaḥ kimarthaṃ vada me prabho |
kiṃ nāyātaḥ sa saumitristvayā sārdha ca jānakī || 3 ||
[Analyze grammar]

sūta uvāca |
nivedya rāghavastasmai sarvaṃ gadgadayā girā |
vāṣpapūrapraticchannavaktro bhūyo viniḥśvasan || 14 ||
[Analyze grammar]

tataḥ provāca satyārthaṃ vibhīṣaṇakṛte hitam |
taṃ cāpi śokasaṃtaptaṃ saṃbodhya raghunaṃdanaḥ || 15 ||
[Analyze grammar]

ahaṃ rājyaṃ parityajya sāṃprataṃ rākṣasottama |
yāsyāmi tridivaṃ tūrṇaṃ lakṣmaṇo yatra saṃsthitaḥ || 16 ||
[Analyze grammar]

na tena rahito martye muhūrtamapi cotsahe |
sthātuṃ rākṣasaśārdūla bāṃdhavena mahātmanā || 17 ||
[Analyze grammar]

ahaṃ śikṣāpaṇārthāya tava prāpto vibhīṣaṇa |
tasmādavyagracittena saṃśṛṇuṣva kuruṣva ca || 18 ||
[Analyze grammar]

eṣā rājyodbhavā lakṣmīrmadaṃ saṃjanayennṛṇām |
madyavatsvalpabuddhīnāṃ tasmātkāryo na sa tvayā || 19 ||
[Analyze grammar]

śakrādyā amarāḥ sarve tvayā pūjyāḥ sadaiva hi |
mānyāśca yena te rājyaṃ jāyate śāśvataṃ sadā || 20 ||
[Analyze grammar]

mama satyaṃ bhavedvākya metasmādahamāgataḥ |
prāptarājyapratiṣṭho'pi tava bhrātā mahābalaḥ || 21 ||
[Analyze grammar]

vināśaṃ sahasā prāptastasmānmānyāḥ surāḥ sadā |
yadi kaścitsamāyāti mānuṣo'tra kathaṃcana |
matkāya eva draṣṭavyaḥ sarvaireva niśācaraiḥ || 22 ||
[Analyze grammar]

tathā niśācarāḥ sarve tvayā vāryā vibhīṣaṇa |
mama setuṃ samullaṃghya na gaṃtavyaṃ dharātale || 23 ||
[Analyze grammar]

vibhīṣaṇa uvāca |
evaṃ vibho kariṣyāmi tavādeśamasaṃśayam |
paraṃ tvayā parityakte martye me jīvitaṃ vrajet || 24 ||
[Analyze grammar]

tasmānmāmapi tatraiva tvaṃ vibho netumarhasi |
ātmanā saha yatrāste prāggato lakṣmaṇastava || 25 ||
[Analyze grammar]

śrīrāma uvāca |
mayā te'kṣayamādiṣṭaṃ rājyaṃ rākṣasasattama |
tasmānnārhasi māṃ kartuṃ mithyācāraṃ kathaṃcana || 26 ||
[Analyze grammar]

ahamasminsvake setau śaṃkaratritayaṃ śubham |
sthāpayiṣyāmi kīrtyarthaṃ tatpūjyaṃ bhavatā sadā |
bhaktimānpratisaṃdhāya yāvaccaṃdrārkatārakam || 27 ||
[Analyze grammar]

evamuktvā raghuśreṣṭho rākṣasendraṃ vibhīṣaṇam |
daśarātraṃ tatra tasthau laṃkāyāṃ vānaraiḥ saha || 28 ||
[Analyze grammar]

kurvanyuddhakathāścitrā yāḥ kṛtāḥ pūrvameva hi |
paśyanyuddhasya sarvāṇi sthānāni vividhāni ca || 29 ||
[Analyze grammar]

śaṃsamānaḥ pravīrāṃstānrākṣasānbalavattarān |
kumbhakarṇendrajitpūrvānsaṃkhye cābhimukhāgatān || 30 ||
[Analyze grammar]

tataścaikādaśe prāpte divase raghunaṃdanaḥ |
puṣpakaṃ tatsamāruhya prasthitaḥ svapurīṃ prati || 31 ||
[Analyze grammar]

vānaraistaiḥ samopeto vibhīṣaṇapuraḥsaraḥ |
tataḥ saṃsthāpayāmāsa setuprāṃte maheśvaram || 32 ||
[Analyze grammar]

madhye caiva tathādau ca śraddhāpūtena cetasā |
rāmeśvaratrayaṃ rāma evaṃ tatra vidhāya saḥ || 33 ||
[Analyze grammar]

setubaṃdhaṃ tathāsādya prasthitaḥ svagṛhaṃ prati |
tāvadvibhīṣaṇenoktaḥ praṇipatya muhurmuhuḥ || 34 ||
[Analyze grammar]

vibhīṣaṇa uvāca |
anena setumārgeṇa rāmeśvaradidṛkṣayā |
mānavā āgamiṣyaṃti kautukācchraddhayāvitāḥ || 35 ||
[Analyze grammar]

rākṣasānāṃ mahārāja jātiḥ krūratamā matā |
dṛṣṭvā mānuṣamāyāṃtaṃ māṃsasyecchā prajāyate || 36 ||
[Analyze grammar]

yadā kaścijjanaṃ kaścidrākṣaso bhakṣayiṣyati |
ājñābhaṃgo dhruvaṃ bhāvī mama bhaktiratasya ca || 37 ||
[Analyze grammar]

bhaviṣyaṃti kalau kāle daridrā nṛpamānavāḥ |
te'tra svarṇasya lobhena devatādarśanāya ca || 38 ||
[Analyze grammar]

nityaṃ caivāgamiṣyanti tyaktvā rakṣaḥkṛtaṃ bhayam |
teṣāṃ yadi vadhaṃ kaścidrākṣasātprāpayiṣyati || 39 ||
[Analyze grammar]

bhaviṣyati ca me doṣaḥ prabhudrohodbhavaḥ prabho |
tasmātkaṃcidupāyaṃ tvaṃ cintayasva yathā mama |
ājñābhaṃgakṛtaṃ pāpaṃ jāyate na guro kvacit || 40 ||
[Analyze grammar]

tasya tadvacanaṃ śrutvā tataḥ sa raghusattamaḥ |
bāḍhamityeva coktvātha cāpaṃ sajjīcakāra saḥ || 41 ||
[Analyze grammar]

tatastaṃ kīrtirūpaṃ ca madhyadeśe raghūttamaḥ |
acchinanniśitairbāṇairdaśayojanavistṛtam || 42 ||
[Analyze grammar]

tena saṃsthāpito yatra śikhare śaṃkaraḥ svayam || |
śikharaṃ tatsaliṃgaṃ ca patitaṃ vāridherjale || 43 ||
[Analyze grammar]

evaṃ mārgamagamyaṃ taṃ kṛtvā setusamudbhavam |
vānarai rākṣasaiḥ sārdhaṃ tataḥ saṃprasthito gṛham || 44 ||
[Analyze grammar]

iti śrīskāṃde mahāpurāṇaekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye setumadhye śrīrāmakṛtarāmeśvarapratiṣṭhāvarṇanaṃnāmaiko ttaraśatatamo'dhyāyaḥ || 101 ||
[Analyze grammar]