Chapter 60

[English text for this chapter is available]

| ṛṣaya ūcuḥ |
māhittheyaṃ tvayākhyātā yā purā sūtanandana |
kena saṃsthāpitā tatra vada sarvamaśeṣataḥ || 1 ||
[Analyze grammar]

sūta uvāca |
śoṣaṇīnāma yā vidyā purāgastyena sādhitā |
ātharvaṇena mantreṇa svayaṃ ca parameśvarī || 2 ||
[Analyze grammar]

tataḥ saṃśoṣitastena sa samudro mahātmanā |
mitrāvaruṇaputreṇa sā proktā purataḥ sthitā || 3 ||
[Analyze grammar]

māhitthaṃ sādhitaṃ yasmāttvayā me sakalaṃ śubham |
māhitthānāma tasmāttvaṃ devatā saṃbhaviṣyasi || 4 ||
[Analyze grammar]

camatkārapurakṣetre pūjāṃ prāpsyasyanuttamām |
yastvāmātharvaṇairmantraistatrasthāṃ bhaktisaṃyutaḥ || 5 ||
[Analyze grammar]

pūjayiṣyati vṛddhiṃ ca sarvakālamavāpsyati |
tasmāttatra drutaṃ gaccha mayā sārddhaṃ purottame || 6 ||
[Analyze grammar]

dvijānāṃ rakṣaṇārthāya nityaṃ saṃnihitā bhava |
evaṃ sā tatra saṃbhūtā māhitthā varadevatā || 7 ||
[Analyze grammar]

yayā'yaṃ calitaḥ śailaḥ svaśaktyā niścalīkṛtaḥ |
skandeneha dvijaśreṣṭhāḥ śaktyā viddhastadagrataḥ |
narādityastataścānyo yo nareṇa pratiṣṭhitaḥ |
ṣaṣṭhyāṃ taṃ sūryavāreṇa dṛṣṭvā pāpātpramucyate || 9 ||
[Analyze grammar]

na śatrūṇāṃ parābhūtiṃ prayāsyati yathārjunaḥ |
rogī vimucyate rogāddaridro dhanamāpnuyāt || 10 ||
[Analyze grammar]

tathā govardhanadharaṃ tatra devaṃ janārdanam |
yaḥ paśyetkārtike śukle saṃprāpte prathame dine |
tasya gāvaḥ prabhūtāḥ syurnīrogā dvisattamāḥ || 11 ||
[Analyze grammar]

narasiṃhavapuḥ sākṣāttathā devo hariḥ svayam |
tathā vināyakastatra sarvakāmapradāyakaḥ |
sarvavighnaharaścaiva sthāpitaścārjunena hi || 12 ||
[Analyze grammar]

yastaṃ pūjayate bhaktyā caturthyāṃ modakāśanaiḥ |
sa sarvavighnanirmukto labhate vāṃchitaṃ phalam |
tatra sthito dvijeṃdrāṇāṃ hitāya dvijasattamāḥ || 413 ||
[Analyze grammar]

yastamātharvaṇairmaṃtraiḥ pūjayeddvādaśīdine |
kārtikasya site pakṣe sa yāti paramāṃ gatim || 14 ||
[Analyze grammar]

tathā tatra dvijaśreṣṭhā naranārāyaṇāvubhau |
devau paramatejasvī yastau paśyati bhaktitaḥ || 15 ||
[Analyze grammar]

pūjayecca dvijaśreṣṭhā dvādaśyā divase svayam |
sa yāti paramaṃ sthānaṃ jarāmaraṇavarjitam || 16 ||
[Analyze grammar]

tīrthayātrākṛtāraṃbhaḥ kuntīputro dhanaṃjayaḥ |
hāṭakeśvaraje kṣetre samāyāto dvijottamāḥ || 17 ||
[Analyze grammar]

dṛṣṭvā tatpāvanaṃ kṣetraṃ tīrthapūgaprapūritam |
ādityaṃ sthāpayāmāsa prāsāde sumanohare || 18 ||
[Analyze grammar]

naranārāyaṇau devau tasyāgre sthāpitau tataḥ |
tathā govardhanadharastatra devaḥ pratiṣṭhitaḥ || 19 ||
[Analyze grammar]

narasiṃhaṃ tathaivānyaṃ śraddhayā parayā yutaḥ |
evaṃ saṃsthāpya kauṃteyo devagṛhasupaṃcakam || 20 ||
[Analyze grammar]

tato viprānsamāhūya sarvāṃstānpurasaṃbhavān |
provāca praṇato bhaktyā dhanaṃ dattvā supuṣkalam || 21 ||
[Analyze grammar]

mayā saṃsthāpitaḥ sūryaḥ sarvarogakṣayāvahaḥ |
tathārpitaśca yuṣmākaṃ ciṃtanīyaṃ sadaiva tu || 22 ||
[Analyze grammar]

viprā ūcuḥ |
gaccha tvaṃ pāṃḍavaśreṣṭha suviśrabdhaḥ svamālayam |
vayaṃ sarve kariṣyāmastavaśreyo'bhivardhanam || 23 ||
[Analyze grammar]

tato'rjunaḥ prahṛṣṭātmā tebhyo dattvā dhanaṃ bahu |
tānāmaṃtrya namaskṛtya jagāma svapuraṃ prati || 24 ||
[Analyze grammar]

sūta uvāca |
etadvaḥ sarvamākhyātaṃ narādityasya saṃbhavam |
māhātmyaṃ brāhmaṇaśreṣṭhāḥ śṛṇvatāṃ pāpanāśanam || 25 ||
[Analyze grammar]