Chapter 59

[English text for this chapter is available]

| sūta uvāca |
tasminkṣetre raviḥ pūrvaṃ vidureṇa pratiṣṭhitam |
śivaśca parayā bhaktyā tathā viṣṇurdvijottamāḥ || 1 ||
[Analyze grammar]

yastānpūjayate bhaktyā mānuṣo bhaktitastataḥ |
sa yāsyati paraṃ sthānaṃ yajñairapi sudurlabham || 2 ||
[Analyze grammar]

hastināpurasaṃsthena vidureṇa purā dvijāḥ |
gālavo muniśārdūlaḥ pṛṣṭaḥ svagṛhamāgataḥ || 3 ||
[Analyze grammar]

aputrasya gatirloke kīdṛksaṃjāyate pare |
etanme pṛcchato brūhi kṛtvā sadbhāvamuttamam || 4 ||
[Analyze grammar]

gālava uvāca |
aputrasya gatirnāsti mṛtaḥ svargaṃ na gacchati |
dvādaśānāmapi tathā yadyeko'pi na vidyate || 5 ||
[Analyze grammar]

aurasaḥ kṣetrajaścaiva krayakrītaśca pālitaḥ |
paunarbhavaḥ punardattaḥ kuṃḍo golastathā paraḥ |
kānīnaśca sahoḍhaśca aśvattho brahmavṛkṣakaḥ || 6 ||
[Analyze grammar]

eteṣāmapi yadyekaḥ puruṣāṇāṃ na jāyate |
tannūnaṃ narake vāsaḥ puṃsaṃjñe vai prajāyate || 7 ||
[Analyze grammar]

sūta uvāca |
tacchrutvā vacanaṃ tasya gālavasya mahātmanaḥ |
aputratvātparaṃ duḥkhaṃ jagāma vidurastadā || 8 ||
[Analyze grammar]

taptastaṃ gālavaḥ prāha mā tvaṃ duḥkhapadaṃ vraja |
madvākyātputrakaṃ vṛkṣaṃ viṣṇusaṃjñaṃ drutaṃ kuru || 9 ||
[Analyze grammar]

tasmātprāpsyasi niḥśeṣaṃ phalaṃ putrasamudbhavam |
gatvā puṇyatame deśe raktaśṛṃgasya mūrdhani || 10 ||
[Analyze grammar]

hāṭakeśvaraje kṣetre sarvavṛddhiśubhodaye |
tasya tadvacanaṃ śrutvā vidurastatkṣaṇādyayau || 11 ||
[Analyze grammar]

tatsthānaṃ gālavoddiṣṭaṃ harṣeṇa mahatānvitaḥ |
tatrāśvatthataruṃ sthāpya putratve cābhiṣecya ca || 12 ||
[Analyze grammar]

vaivāhikena vidhinā kṛtakṛtyo babhūva ha |
tato babhrāma tatkṣetraṃ tīrthayātrāparāyaṇaḥ || 13 ||
[Analyze grammar]

kīrtitāni vicitrāṇi rājarṣīṇāṃ mahātmanām |
śrutvā sthānāni gatvā ca dadarśa sthānadevatāḥ || 4 ||
[Analyze grammar]

sa dṛṣṭvā kuruvṛddhasya kīrtanāni mahātmanaḥ |
tataścakre matiṃ tatra divyaprāsādakarmaṇi || 15 ||
[Analyze grammar]

tato māheśvaraṃ liṃgaṃ vaṭādhastādvidhāya saḥ |
viṣṇuṃ ca sthāpayāmāsa aśvatthasya taroradhaḥ || 16 ||
[Analyze grammar]

niveśya ca tathā divyaṃ brāhmaṇebhyo nyavedayat |
etaddevatrayaṃ kṣetre yuṣmākaṃ hi mayā kṛtam |
bhavadbhiḥ sakalā cāsya cintākāryā sadaiva hi || 17 ||
[Analyze grammar]

brāhmaṇā ūcuḥ |
vayamasya kariṣyāmo yātrādyāḥ sakalāḥ kriyāḥ || 18 ||
[Analyze grammar]

tathā vaṃśodbhavā ye ca putrāḥ pautrāstathāpare |
kariṣyaṃti kriyāḥ sarvāstvaṃ gaccha svagṛhaṃ prati || 19 ||
[Analyze grammar]

tato jagāma viduraḥ svapuraṃ prati harṣitaḥ |
kṛtakṛtyo dvijāste ca cakrurvākyaṃ tadudbhavam || 20 ||
[Analyze grammar]

māghamāsasya saptamyāṃ sūryavāreṇa yo naraḥ |
pūjayedbhāskaraṃ tatra sa yāti paramāṃ gatim || 21 ||
[Analyze grammar]

śivaṃ vā somavāreṇa śuklāṣṭamyāṃ viśeṣataḥ |
śayane bodhane viṣṇuṃ samyakchraddhāsamanvitaḥ || 22 ||
[Analyze grammar]

tasmātsarvaprayatnena devānāṃ tattrayaṃ śubham |
pūjanīyaṃ viśeṣeṇa naraiḥ svargatimīpsubhiḥ || 23 ||
[Analyze grammar]

tatra siddhiṃ gatāḥ pūrvaṃ munayaḥ saṃśitavratāḥ |
vidureśvaramārādhya śataśo'tha sahasraśaḥ || 24 ||
[Analyze grammar]

tatastatsiddhidaṃ jñātvā liṃgaṃ vai pākaśāsanaḥ |
pāṃsubhiḥ pūrayāmāsa yathā kaścinna budhyate || 25 ||
[Analyze grammar]

kasyacittvatha kālasya vidurastatra cāgataḥ |
dṛṣṭvā lopagataṃ liṃgaṃ duḥkhena mahatānvitaḥ || 26 ||
[Analyze grammar]

etasminneva kāle tu vāguvācāśarīriṇī |
mā tvaṃ kuru viṣādaṃ hi liṃgārthe vidurādhunā || 27 ||
[Analyze grammar]

yo'yaṃ sa dṛśyate vālo vaṭastasya tale sthitā |
devadroṇiḥ sureśena pāṃsubhiḥ paripūritā || 28 ||
[Analyze grammar]

tato gajāhvayāttūrṇaṃ samānīya dhanaṃ bahu |
śodhayāmāsa tatsthānaṃ divārātramatandritaḥ || 29 ||
[Analyze grammar]

tato vilokya tāndevānharṣeṇa mahatānvitaḥ |
prāsādaṃ nirmame teṣāṃ yogyaṃ sādhvabhisaṃsthitam || 30 ||
[Analyze grammar]

kailāsaśikharākāraṃ bhāskarārthe mahāmuniḥ |
jaṭāmadhyagataṃ dṛṣṭvā vaṭasya ca maheśvaram || 31 ||
[Analyze grammar]

prāsādaṃ nākarottatra liṃgaṃ yāvanna cālayet |
vāsudevasya yogyāṃ ca kṛtvā śālāṃ bṛhattarām || 32 ||
[Analyze grammar]

dattvā vṛttiṃ ca saṃhṛṣṭo brāhmaṇebhyo nivedya ca |
jagāma svāśramaṃ bhūyo viprānāmaṃtrya tāṃstataḥ || 33 ||
[Analyze grammar]