Chapter 61

[English text for this chapter is available]

| ṛṣaya ūcuḥ |
śarmiṣṭhātīrthamityuktaṃ tvayā yacca mahāmate |
kathaṃ jātaṃ mahābhāga kiṃprabhāvaṃ tu tadvada || 1 ||
[Analyze grammar]

sūta uvāca |
āsīdrājā vṛkonāma somavaṃśa samudbhavaḥ |
brahmaṇyaśca śaraṇyaśca sarvalokahite rataḥ || 2 ||
[Analyze grammar]

tasya bhāryā'bhavatsādhvī prāṇebhyo'pi garīyasī |
sarvalakṣaṇasaṃpannā pativrataparāyaṇā || 3 ||
[Analyze grammar]

atha tasyāṃ samutpannā prāpte vayasi paścime |
kanyakā divase prāpte sarvaśāstravigarhite || 4 ||
[Analyze grammar]

tata ānīya viprānsa jyotirjñānavicakṣaṇān |
papraccha kīdṛśī kanyā mameyaṃ saṃbhaviṣyati || 5 ||
[Analyze grammar]

brāhmaṇā ūcuḥ |
yā kanyā prāpnuyājjanma citrāsaṃsthe divākare |
caṃdre vāpi caturdaśyāṃ sā bhavedviṣakanyakā || 6 ||
[Analyze grammar]

yastasyāḥ pratigṛhṇāti pāṇiṃ pārthivasattama |
ṣaṇmāsābhyaṃtare mṛtyuṃ sa prāpnoti naro dhruvam || 7 ||
[Analyze grammar]

yasminsā jāyate harmye ṣaṇmāsābhyaṃtare ca tat |
karoti vibhavairhīnaṃ dhanadasyāpyasaṃśayam || 8 ||
[Analyze grammar]

seyaṃ tava sutā rājanyathoktā viṣa kanyakā |
paitṛkaṃ śvāśurīyaṃ ca haniṣyati gṛhadvayam || 9 ||
[Analyze grammar]

tasmādimāṃ parityajya sukhī bhava narādhipa |
śraddadhāsi vaco'smākaṃ hita muktaṃ yadi prabho || 10 ||
[Analyze grammar]

rājovāca |
tyakṣyāmi yadi nāmaitāṃ dhārayiṣyāmi vā gṛhe |
anyadehodbhavaṃ karma phaliṣyati tathāpi me || 11 ||
[Analyze grammar]

śubhaṃ vā yadi vā pāpaṃ na tu śakyaṃ prarakṣitum |
tasmātkarma puraskṛtya naiva tyakṣyāmi kanyakām || 12 ||
[Analyze grammar]

yenayena śarīreṇa yadyatkarma karoti yaḥ |
tenatenaiva bhūyaḥ sa prāpnoti sakalaṃ phalam || 13 ||
[Analyze grammar]

yasyāṃ yasyāmavasthāyāṃ kriyate'tra śubhāśubham |
tasyāṃ tasyāṃ dhruvaṃ tasya phalaṃ tadbhujyate naraiḥ || 14 ||
[Analyze grammar]

na naśyati purākarma kṛtaṃ sarveṃdriyairiha |
akṛtaṃ jāyate naiva tasmānnāsti bhayaṃ mama || 15 ||
[Analyze grammar]

āyuḥ karma ca vittaṃ ca vidyā nidhanameva ca |
pañcaitāni hi sṛjyante garbhasthasyaiva dehinaḥ || 16 ||
[Analyze grammar]

yathā vṛkṣeṣu vallīṣu kusumāni phalāni ca |
svakālaṃ nātivartaṃte tadvatkarma purākṛtam || 17 ||
[Analyze grammar]

yenaiva yadyathā pūrvaṃ kṛtaṃ karma śubhāśubham |
sa eva tattathā bhuṃkte nityaṃ vihitamātmanaḥ || 18 ||
[Analyze grammar]

yathā dhenusahasreṣu vatso vindati mātaram |
tathaivaṃ koṭimadhyasthaṃ kartāraṃ karma vindati || 19 ||
[Analyze grammar]

anyadehakṛtaṃ karma na kaścitpuruṣo bhuvi |
balena prajñayā vāpi samarthaḥ kartumanyathā || 20 ||
[Analyze grammar]

anyathā śāstragarbhiṇyā dhiyā dhīro mahīyate |
svāmivatprākkṛtaṃ karma vidadhāti tadanyathā || 21 ||
[Analyze grammar]

svakṛtānyupatiṣṭhaṃti sukhaduḥkhāni dehinām |
hetubhūto hi yasteṣāṃ so'haṃkāreṇa badhyate || 22 ||
[Analyze grammar]

suśīghramabhidhāvantaṃ nijaṃ karmānudhāvati |
śete saha śayānena tiṣṭhantamanutiṣṭhati || 23 ||
[Analyze grammar]

yathā chāyātapau nityaṃ susaṃbaddhau parasparam |
tathā karma ca kartā ca nātra kāryā vicāraṇā || 29 ||
[Analyze grammar]

yena yatropabhoktavyaṃ sukhaṃ vā duḥkhameva vā |
naraḥ sa baddho rajjveva balāttatraiva nīyate || 25 ||
[Analyze grammar]

pramāṇaṃ karmabhūtānāṃ sukhaduḥkhopapādane |
sāvadhānatayā yacca jāgratāṃ svapatāmapi || 26 ||
[Analyze grammar]

tailakṣaye yathā dīpo nirvāṇamadhigacchati |
karmakṣaye tathā jaṃturnirvāṇamadhigacchati || 27 ||
[Analyze grammar]

na mantrā na tapo dānaṃ na tīrthaṃ na ca saṃyamaḥ |
samarthā rakṣituṃ jaṃtuṃ pīḍitaṃ pūrvakarmabhiḥ || 28 ||
[Analyze grammar]

saṃgatyā jaṭhare nyasto retobinduracetanaḥ |
ṛtukāle manuṣyeṇa vṛddhiṃ gacchati karmataḥ || 29 ||
[Analyze grammar]

annapānāni jīryaṃti yatra bhakṣyaṃ ca bhakṣitam |
tasminnevodare garbhaḥ kathaṃ nāma na jīryati || 30 ||
[Analyze grammar]

tasmātkarmakṛtaṃ sarvaṃ dehināmatra jāyate |
śubhaṃ vā yadi vā pāpamiti me niścayaḥ sadā || 31 ||
[Analyze grammar]

arakṣitaṃ tiṣṭhati daivarakṣitaṃ surakṣitaṃ daivahataṃ vinaśyati |
jīvatyanātho'pi vane visarjitaḥ kṛtaprayatno'pi gṛhe na jīvati || 32 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe śrīhāṭakeśvarakṣetramāhātmye viṣakanyakotpattivarṇanaṃnāmaikaṣaṣṭitamo'dhyāyaḥ || 61 ||
[Analyze grammar]