Chapter 181

[English text for this chapter is available]

śrīmārkaṇḍeya uvāca |
ataḥ paraṃ pravakṣyāmi bhṛgutīrthasya vistaram |
yaṃ śrutvā brahmahā goghno mucyate sarvapātakaiḥ || 1 ||
[Analyze grammar]

tatra tīrthe tu vikhyātaṃ vṛṣakhātamiti śrutam |
bhṛguṇā tatra rājendra tapastaptaṃ purā kila || 2 ||
[Analyze grammar]

yudhiṣṭhira uvāca |
bhṛgukacche sa viprendro nivasan kena hetunā |
tapastaptvā suvipulaṃ parāṃ siddhimupāgataḥ || 3 ||
[Analyze grammar]

ko vā vṛṣa iti proktastatkhātaṃ yena khānitam |
etatsarvaṃ yathānyāyaṃ kathayasva mamānagha || 4 ||
[Analyze grammar]

śrīmārkaṇḍeya uvāca |
eṣa praśno mahārāja yastvayā paripṛcchitaḥ |
tatsarvaṃ kathayiṣyāmi śṛṇuṣvaikamanā nṛpa || 5 ||
[Analyze grammar]

ṣaṣṭhastu brahmaṇaḥ putro mānaso bhṛgusattamaḥ |
tapaścacāra vipulaṃ śrīvṛte kṣetra uttame || 6 ||
[Analyze grammar]

divyaṃ varṣasahasraṃ tu saṃśuṣko munisattamaḥ |
nirāhāro nirānandaḥ kāṣṭhapāṣāṇavatsthitaḥ || 7 ||
[Analyze grammar]

tataḥ kadāciddeveśo vimānavaramāsthitaḥ |
umayā sahitaḥ śrīmāṃstena mārgeṇa cāgataḥ || 8 ||
[Analyze grammar]

dṛṣṭvā tatra mahābhāgaṃ bhṛguṃ valmīkavatsthitam |
uvāca devī deveśaṃ kimidaṃ dṛśyate prabho || 9 ||
[Analyze grammar]

īśvara uvāca |
bhṛgurnāma mahādevi tapastaptvā sudāruṇam |
divyaṃ varṣasahasraṃ tu mama dhyānaparāyaṇaḥ || 10 ||
[Analyze grammar]

jalabindu kuśāgreṇa māse māse pibecca saḥ |
saṃvatsaraśataṃ sāgraṃ tiṣṭhate ca varānane || 11 ||
[Analyze grammar]

tacchrutvā vacanaṃ gaurī krodhasaṃvartitekṣaṇā |
uvāca devī deveśaṃ śūlapāṇiṃ maheśvaram || 12 ||
[Analyze grammar]

satyamugro'si loke tvaṃ khyāpito vṛṣabhadhvaja |
niṣkāruṇyo durārādhyaḥ sarvabhūtabhayaṃkaraḥ || 13 ||
[Analyze grammar]

divyaṃ varṣasahasraṃ tu dhyāyamānasya śaṅkaram |
brāhmaṇasya varaṃ kasmānna prayacchasi śaṃsa me || 14 ||
[Analyze grammar]

evamukto'tha deveśaḥ prahasya girinandinīm |
uvāca naraśārdūla meghagambhīrayā girā || 15 ||
[Analyze grammar]

strī vinaśyati garveṇa tapaḥ krodhena naśyati |
gāvo dūrapracāreṇa śūdrānnena dvijottamāḥ || 16 ||
[Analyze grammar]

krodhānvito dvijo gaurī tena siddhirna vidyate |
varṣāyutaistathā lakṣairna kiṃcitkāraṇaṃ priye || 17 ||
[Analyze grammar]

evambhūtasya tasyāpi krodhasya caritaṃ mahat |
evamuktvā tataḥ śambhurvṛṣaṃ dadhyau ca tatkṣaṇe || 18 ||
[Analyze grammar]

vṛṣo hi bhagavanbrahmā vṛṣarūpī maheśvaraḥ |
dhyānaprāptaḥ kṣaṇādeva garjayan vai muhurmuhuḥ || 19 ||
[Analyze grammar]

kiṃ karomi suraśreṣṭha dhyātaḥ kenaiva hetunā |
karomi kasya nidhanamakāle parameśvara || 20 ||
[Analyze grammar]

īśvara uvāca |
kopayasva dvijaśreṣṭhaṃ gatvā tvaṃ bhṛgusattamam |
yena me śraddadhatyeṣā gaurī lokaikasundarī || 21 ||
[Analyze grammar]

etacchrutvā vṛṣo gatvā dharṣaṇārthaṃ dvijottamam |
narmadāyāstaṭe ramye samīpe cāśrame bhṛguḥ || 22 ||
[Analyze grammar]

tataḥ śṛṅgairgṛhītvā tu prakṣipto narmadājale |
tataḥ kruddho bhṛgustatra daṇḍahasto mahāmuniḥ || 23 ||
[Analyze grammar]

paśuvatte vadhiṣyāmi daṇḍaghātena mastake |
śikhāyajñopavīte ca paridhānaṃ varāsane || 24 ||
[Analyze grammar]

susaṃvṛtaṃ kṛtaṃ tena dhāvanvai pṛṣṭhato bravīt || 25 ||
[Analyze grammar]

bhṛguruvāca |
pāpakarmandurācāra kathaṃ yāsyasi me vṛṣa |
avamānaṃ samutpādya kṛtvā gartaṃ khuraistathā || 26 ||
[Analyze grammar]

garjayitvā mahānādaṃ tato vipramapātayat |
ātmānaṃ pātitaṃ jñātvā vṛṣeṇa parameṣṭhinā || 27 ||
[Analyze grammar]

bhṛguḥ krodhena jajvāla hutāhutirivānalaḥ |
kare gṛhya mahādaṇḍaṃ brahmadaṇḍamivāparam || 28 ||
[Analyze grammar]

hantukāmo vṛṣaṃ vipro'bhyadhāvata yudhiṣṭhira |
dhāvamānaṃ tato dṛṣṭvā sa vṛṣaḥ pūrvasāgare || 29 ||
[Analyze grammar]

jambūdvīpaṃ kuśāṃ krauñcaṃ śālmaliṃ śākameva ca |
gomedaṃ puṣkaraṃ prāptaḥ pūrvato dakṣiṇāpatham || 30 ||
[Analyze grammar]

uttaraṃ paścimaṃ caiva dvīpāddvīpaṃ nareśvara |
pātālaṃ sutalaṃ paścādvitalaṃ ca talātalam || 31 ||
[Analyze grammar]

tāmisramandhatāmisraṃ pātālaṃ saptamaṃ yayau |
tato jagāma bhūrlokaṃ prāṇārthī sa vṛṣottamaḥ || 32 ||
[Analyze grammar]

bhuvaḥ svaścaiva ca mahastapaḥ satyaṃ janastathā |
anugamyamāno vipreṇa na śarma labhate kvacit || 33 ||
[Analyze grammar]

pāpaṃ kṛtvaiva puruṣaḥ kāmakrodhabalārditaḥ |
tato jagāma śaraṇaṃ brahmāṇaṃ viṣṇumeva ca || 34 ||
[Analyze grammar]

indraṃ candraṃ tathādityairyāmyavāruṇamārutaiḥ |
yadā sarvaiḥ parityakto lokālokaiḥ sureśvaraiḥ || 35 ||
[Analyze grammar]

tadā devaṃ namaskṛtvā rakṣa rakṣasva cābravīt |
vadhyamānaṃ mahādevo bhṛguṇā parameṣṭhinā || 36 ||
[Analyze grammar]

sarvalokaiḥ parityaktamanāthamiva taṃ prabho |
dṛṣṭvā śrāntaṃ vṛṣaṃ devaḥ patitaṃ caraṇāgrataḥ || 37 ||
[Analyze grammar]

tataḥ provāca bhagavān smitapūrvamidaṃ vacaḥ || 38 ||
[Analyze grammar]

īśvara uvāca |
paśya devi mahābhāge śamaṃ viprasya sundari || 39 ||
[Analyze grammar]

pārvatyuvāca |
yāvadvipro na cāsmākaṃ kupyate parameśvara |
tāvadvaraṃ prayacchāśu yadi cecchasi matpriyam || 40 ||
[Analyze grammar]

tato bhasmī jaṭī śūlī candrārdhakṛtaśekharaḥ |
umārddhadeho bhagavānbhūtvā vipramuvāca ha || 41 ||
[Analyze grammar]

bhobho dvijavaraśreṣṭha krodhaste na śamaṃ gataḥ |
yasmāttasmādidaṃ tāta krodhasthānaṃ bhaviṣyati || 42 ||
[Analyze grammar]

tato dṛṣṭvā ca taṃ śambhuṃ bhṛguḥ śreṣṭhaṃ trilocanam |
jānubhyāmavaniṃ gatvā idaṃ stotramudairayat || 43 ||
[Analyze grammar]

bhṛguruvāca |
praṇipatya bhūtanāthaṃ bhavodbhavaṃ bhūtidaṃ bhayātītam |
bhavabhīto bhuvanapate vijñaptuṃ kiṃcidicchāmi || 44 ||
[Analyze grammar]

tvadguṇanikarānvaktuṃ kā śaktirmānuṣasyāsya |
vāsukirapi na tāvadvaktuṃ vadanasahasraṃ bhavedyasya || 45 ||
[Analyze grammar]

bhaktyā tathāpi śaṅkara śaśidhara karajāladhavalitāśeṣa |
stutimukharasya maheśvara prasīda tava caraṇaniratasya || 46 ||
[Analyze grammar]

sattvaṃ rajastamastvaṃ sthityutpattivināśanaṃ deva |
bhavabhīto bhuvanapate bhuvaneśa śaraṇaniratasya || 47 ||
[Analyze grammar]

yamaniyamayajñadānaṃ vedābhyāsaśca dhāraṇāyogaḥ |
tvadbhakteḥ sarvamidaṃ nārhanti vai kalāsahasrāṃśam || 48 ||
[Analyze grammar]

utkṛṣṭarasarasāyanakhaḍgāṃ janavivarapādukāsiddhiḥ |
cihnaṃ hi tava natānāṃ dṛśyata iha janmani prakaṭam || 49 ||
[Analyze grammar]

śāṭhyena yadi praṇamati vitarasi tasyāpi bhūtimicchayā deva |
bhavati bhavacchedakarī bhaktirmokṣāya nirmitā nātha || 50 ||
[Analyze grammar]

paradāraparasvarataṃ paraparibhavaduḥkhaśokasaṃtaptam |
paravadanavīkṣaṇaparaṃ parameśvara māṃ paritrāhi || 51 ||
[Analyze grammar]

adhikābhimānamuditaṃ kṣaṇabhaṅguravibhavavilasantam |
krūraṃ kupathābhimukhaṃ śaṅkara śaraṇāgataṃ paritrāhi || 52 ||
[Analyze grammar]

dīnaṃ dvijaṃ varārthe bandhujane naiva pūritā hyāśā |
chinddhi maheśvara tṛṣṇāṃ kiṃ mūḍhaṃ māṃ viḍambayasi || 53 ||
[Analyze grammar]

tṛṣṇāṃ harasva śīghraṃ lakṣmīṃ dada hṛdayavāsinīṃ nityam |
chinddhi madamohapāśaṃ māmuttāraya bhavācca deveśa || 54 ||
[Analyze grammar]

karuṇābhyudayaṃ nāma stotramidaṃ sarvasiddhidaṃ divyam |
yaḥ paṭhati bhṛguṃ smarati ca śivalokamasau prayāti dehānte || 55 ||
[Analyze grammar]

etacchrutvā mahādevaḥ stotraṃ ca bhṛgubhāṣitam |
uvāca varado'smīti devyā saha varottamam || 56 ||
[Analyze grammar]

bhṛguruvāca |
prasanno devadeveśa yadi deyo varo mama |
siddhikṣetramidaṃ sarvaṃ bhavitā mama nāmataḥ || 57 ||
[Analyze grammar]

bhavadbhiḥ sannidhānena sthātavyaṃ hi sahomayā |
devakṣetramidaṃ puṇyaṃ yena sarvaṃ bhaviṣyati || 58 ||
[Analyze grammar]

atra sthāne mahāsthānaṃ karomi jagadīśvara |
tava prasādāddeveśa pūryantāṃ me manorathāḥ || 59 ||
[Analyze grammar]

īśvara uvāca |
śriyā kṛtamidaṃ pūrvaṃ kiṃ na jñātaṃ tvayā dvija |
anumānya śriyaṃ devīṃ yadīyaṃ manyate bhavān || 60 ||
[Analyze grammar]

kuruṣva yadabhipretaṃ tvatkṛtaṃ naḥ tadanyathā |
evamuktvā gate deve snātvā gatvā bhṛguḥ śriyam || 61 ||
[Analyze grammar]

kṛtvā ca pāraṇaṃ tatra vasanviprastayā saha |
śriyā ca sahitaḥ kāla idaṃ vacanamabravīt || 62 ||
[Analyze grammar]

bhṛguruvāca |
yadi te rocate bhadre duḥkhāsīnaṃ ca te yadi |
tvayā vṛte mahākṣetre svīyaṃ sthānaṃ karomyaham || 63 ||
[Analyze grammar]

śrīruvāca |
mama nāmnā tu viprarṣe tava nāmnā tu śobhanam |
sthānaṃ kuruṣvābhipretamavirodhena me matiḥ || 64 ||
[Analyze grammar]

bhṛguruvāca |
kacchapādhiṣṭhitaṃ hyetattasya pṛṣṭhigataṃ rame |
saṃmantrya sahitaṃ tena śobhanaṃ bhavatī kuru || 65 ||
[Analyze grammar]