Chapter 180

[English text for this chapter is available]

adhyāya || 180 ||
[Analyze grammar]

śrīmārkaṇḍeya uvāca |
tato gacchenmahīpāla daśāśvamedhikaṃ param |
tīrthaṃ sarvaguṇopetaṃ mahāpātakanāśanam || 1 ||
[Analyze grammar]

yatra gatvā mahārāja snātvā sampūjya ceśvaram |
daśānāmaśvamedhānāṃ phalaṃ prāpnoti mānavaḥ || 2 ||
[Analyze grammar]

yudhiṣṭhira uvāca |
aśvamedho mahāyajño bahusambhāradakṣiṇaḥ |
aśakyaḥ prākṛtaiḥ kartuṃ kathaṃ teṣāṃ phalaṃ labhet || 3 ||
[Analyze grammar]

atyāścaryamidaṃ tattvaṃ tvayoktaṃ vadatā satā |
yathā me jāyate śraddhā dīrghāyustvaṃ tathā vada || 4 ||
[Analyze grammar]

mārkaṇḍeya uvāca |
idamāścaryabhūtaṃ hi gauryā pṛṣṭastriyambakaḥ |
tatte'haṃ sampravakṣyāmi pṛcchate nipuṇāya vai || 5 ||
[Analyze grammar]

purā vṛṣastho deveśa hyumayā saha śaṅkaraḥ |
kadācitparyaṭanpṛthivīṃ narmadātaṭamāśritaḥ || 6 ||
[Analyze grammar]

daśāśvamedhikaṃ tīrthaṃ dṛṣṭvā devo maheśvaraḥ |
tīrthaṃ pratyañjaliṃ baddhvā namaścakre trilocanaḥ || 7 ||
[Analyze grammar]

kṛtāñjalipuṭaṃ devaṃ dṛṣṭvā devīdamabravīt || 8 ||
[Analyze grammar]

devyuvāca |
kimetaddevadeveśa carācaranamaskṛta |
prahvanamrāñjaliṃ baddhvā bhaktyā paramayā yutaḥ || 9 ||
[Analyze grammar]

etadāścaryamatulaṃ sarvaṃ kathaya me prabho || 10 ||
[Analyze grammar]

īśvara uvāca |
pratyakṣaṃ paśya tīrthasya phalaṃ mā vismitā bhava |
viyatsthā me bhuvisthasya kṣaṇaṃ devi sthirā bhava || 11 ||
[Analyze grammar]

evamuktvā tu deveśo gauravarṇo dvijo'bhavat |
kṣutkṣāmakaṇṭho jaṭilaḥ śuṣko dhamanisaṃtataḥ || 12 ||
[Analyze grammar]

upaviśya bhuvaḥ pṛṣṭhe susvaraṃ mantramuccaran |
kramapriyo mahādevo mādhuryeṇa pramodayan || 13 ||
[Analyze grammar]

śrutvā tāṃ madhurāṃ vāṇīṃ svayaṃ devena nirmitām |
saṃbhrāntā brāhmaṇāḥ sarve snātuṃ ye tatra cāgatāḥ || 14 ||
[Analyze grammar]

nityakriyā ca sarveṣāṃ vismṛtā śrutivibhramāt |
taṃ dṛṣṭvā paṭhamānaṃ tu kṣutpipāsābhipīḍitam || 15 ||
[Analyze grammar]

dvijo'nyamantrayatkaścidbhaktyā taṃ bhojanāya vai |
prasādaḥ kriyatāṃ brahmanbhojanāya gṛhe mama || 16 ||
[Analyze grammar]

adya me saphalaṃ janma hyadya me saphalāḥ kriyāḥ |
sarvānkāmānpradāsyanti prītā me'dya pitāmahāḥ || 17 ||
[Analyze grammar]

tvayi bhukte dvijaśreṣṭha prasīda tvaṃ dhruvaṃ mama |
evamukto mahādevo dvijarūpadharastadā || 18 ||
[Analyze grammar]

prahasya pratyuvācedaṃ brāhmaṇaṃ ślakṣṇayā girā |
mayā varṣasahasraṃ tu nirāhāraṃ tapaḥ kṛtam || 19 ||
[Analyze grammar]

idānīṃ tu gṛhe tasya kariṣye dvijasattama |
daśabhirvājimedhaiśca yeneṣṭaṃ pāraṇaṃ tathā || 20 ||
[Analyze grammar]

ityukto devadevena brāhmaṇo vismayānvitaḥ |
uttamāṅgaṃ vidhunvanvai jagāma svagṛhaṃ prati || 21 ||
[Analyze grammar]

evaṃ te bahavo viprāḥ pratyākhyāte nimantraṇe |
purāṇārthamajānanto nāstikā bahavo gatāḥ || 22 ||
[Analyze grammar]

atha kaściddvijo vidvānpurāṇārthasya tattvavit |
devaṃ nimantrayāmāsa dvijarūpadharaṃ śivam || 23 ||
[Analyze grammar]

tathaiva so'pi devena proktaḥ sa prāha taṃ punaḥ |
manasā cintayitvā tu purāṇoktaṃ dvijottamaḥ || 24 ||
[Analyze grammar]

smṛtivedapurāṇeṣu yaduktaṃ tattathā bhavet |
iti niścitya taṃ vipramuvāca prahasanniva || 25 ||
[Analyze grammar]

bhobho vipra pratīkṣasva yāvadāgamanaṃ punaḥ |
ityuktvā tu dvijo gatvā daśāśvamedhikaṃ param || 26 ||
[Analyze grammar]

snānaṃ mahālambhanādi kṛtaṃ tena dvijanmanā |
japaṃ śrāddhaṃ tathā dānaṃ kṛtvā dharmānusārataḥ || 27 ||
[Analyze grammar]

saṃkalpya kapilāṃ tatra purāṇoktavidhānataḥ |
samāyāttvaritaṃ tatra yatrāsau tiṣṭhate dvijaḥ || 28 ||
[Analyze grammar]

athāgatya dvijaṃ prāha vājimedhaḥ kṛto mayā |
uttiṣṭha me gṛhaṃ ramyaṃ bhojanārthaṃ hi gamyatām || 29 ||
[Analyze grammar]

ityuktaḥ śaṅkarastena brāhmaṇenātivismitaḥ |
uvāca brāhmaṇaṃ deva idānīṃ tvamito gataḥ || 30 ||
[Analyze grammar]

dvijavarya kathaṃ ceṣṭā daśa yajñā mahādhanāḥ || 31 ||
[Analyze grammar]

dvija uvāca |
na vicārastvayā kāryaḥ kṛtā yajñā na saṃśayaḥ |
yadi vedāḥ pramāṇaṃ taṃ bhuvi devā dvijāstathā || 32 ||
[Analyze grammar]

daśāśvamedhikaṃ tīrthaṃ tathā satyaṃ dvijottama |
yadi vedapurāṇoktaṃ vākyaṃ niḥsaṃśayaṃ bhavet || 33 ||
[Analyze grammar]

tadā prāptaṃ mayā sarvaṃ nātra kāryā vicāraṇā |
evamuktastu deveśa āstikyaṃ tasya cetasaḥ || 34 ||
[Analyze grammar]

vimṛśya bahubhiḥ kiṃciduttaraṃ na prapadyata |
jagāma tadgṛhaṃ ramyaṃ paṭhanbrahma sanātanam || 35 ||
[Analyze grammar]

samprāptaṃ taṃ dvijaṃ bhaktyā pādyārghyeṇa tamarcayat |
ṣaḍrasaṃ bhojanaṃ tena dattaṃ paścādyathāvidhi || 36 ||
[Analyze grammar]

tato bhukte mahādeve sarvadevamaye śive |
puṣpavṛṣṭiḥ papātāśu gaganāttasya mūrdhani |
tasyāstikyaṃ tu saṃlakṣya tuṣṭaḥ provāca śaṅkaraḥ || 37 ||
[Analyze grammar]

īśvara uvāca |
kiṃ te'dya kriyatāṃ brūhi varado'haṃ dvijottama |
adeyamapi dāsyāmi ekacittasya te dhruvam || 38 ||
[Analyze grammar]

brāhmaṇa uvāca |
yadi prīto'si me deva yadi deyo varo mama |
asmiṃstīrthe mahādeva sthātavyaṃ sarvadaiva hi || 39 ||
[Analyze grammar]

upakārāya deveśa eṣa me vara uttamaḥ |
evamuktastu devena āruroha dvijottamaḥ || 40 ||
[Analyze grammar]

gandharvāpsaraḥsambādhaṃ vimānaṃ sārvakāmikam |
pūjyamāno gatastatra yatra lokā nirāmayāḥ || 41 ||
[Analyze grammar]

mārkaṇḍeya uvāca |
etadāścaryamatulaṃ dṛṣṭvā devī suvismitā |
vismayotphullanayanā punaḥ papraccha śaṅkaram || 42 ||
[Analyze grammar]

pārvatyuvāca |
kathametadbhavetsatyaṃ yatredamasamañjasam |
snānaṃ kurvanti bahavo lokā hyatra maheśvara || 43 ||
[Analyze grammar]

teṣāṃ tu svargagamanaṃ yathaiṣa svargatiṃ gataḥ |
kathametatsamācakṣva vismayaḥ paramo mama || 44 ||
[Analyze grammar]

etacchrutvā tu deveśaḥ prahasanpratyuvāca tām |
vedavākye purāṇārthe smṛtyarthe dvijabhāṣite || 45 ||
[Analyze grammar]

vismayo hi na kartavyo hyanumānaṃ hi tattathā |
asaṃbhāvyaṃ hi lokānāṃ purāṇe yatpragīyate || 46 ||
[Analyze grammar]

yadi pakṣaṃ puraskṛtya lokāḥ kurvanti pārvati |
tasmānna siddhireteṣāṃ bhavatyeko na vismayaḥ || 47 ||
[Analyze grammar]

nāstikā bhinnamaryādā ye niścayabahiṣkṛtāḥ |
teṣāṃ siddhirna vidyeta āstikyādbhavate dhruvam || 48 ||
[Analyze grammar]

śrutvākhyānamidaṃ devī vavande tīrthamuttamam |
sarvapāpaharaṃ puṇyaṃ narmadāyāṃ vyavasthitam || 49 ||
[Analyze grammar]

mārkaṇḍeya uvāca |
daśāśvamedhaṃ rājendra sarvatīrthottamottamam |
tīrthaṃ sarvaguṇopetaṃ mahāpātakanāśanam || 50 ||
[Analyze grammar]

tatrāgatā mahābhāgā snātukāmā sarasvatī |
puṇyānāṃ paramā puṇyā nadīnāmuttamā nadī || 51 ||
[Analyze grammar]

nāmamātreṇa yasyāstu sarvapāpaiḥ pramucyate |
snātāstatra divaṃ yānti ye mṛtāste'punarbhavāḥ || 52 ||
[Analyze grammar]

daśāśvamedhe sā rājanniyatā brahmacāriṇī |
ārādhayitvā deveśaṃ paraṃ nirvāṇamāgatīḥ || 53 ||
[Analyze grammar]

kāluṣyaṃ brahmasambhūtā saṃvatsarasamudbhavam |
prakṣālayitumāyāti daśamyāmāśvinasya ca || 54 ||
[Analyze grammar]

upoṣya rajanīṃ tāṃ tu sampūjya tripurāntakam |
rājanniṣkalmaṣā yānti śvobhūte śāśvataṃ padam || 55 ||
[Analyze grammar]

yudhiṣṭhira uvāca |
sarasvatī mahāpuṇyā nadīnāmuttamā nadī ||
śrīmārkaṇḍeya uvāca |
rājannāśvayuje māsi daśamyāṃ tadviśiṣyate |
pārthiveṣu ca tīrthe tu sarveṣveva na saṃśayaḥ || 56 ||
[Analyze grammar]

daśāśvamedhike rājannityaṃ hi daśamī śubhā |
viśeṣādāśvine śuklā mahāpātakanāśinī || 57 ||
[Analyze grammar]

tasyā snātvārcayeddevānupavāsaparāyaṇaḥ |
śrāddhaṃ kṛtvā vidhānena paścātsampūjayecchivam || 58 ||
[Analyze grammar]

tatrasthāṃ pūjayeddevīṃ snātukāmāṃ sarasvatīm |
namo namaste deveśi brahmadehasamudbhave || 59 ||
[Analyze grammar]

kuru pāpakṣayaṃ devi saṃsārānmāṃ samuddhara |
gandhadhūpaiśca sampūjya hyarcayitvā punaḥpunaḥ || 60 ||
[Analyze grammar]

daśa pradakṣiṇā dattvā sūtreṇa pariveṣṭayet |
kapilāṃ tu tato vipre dadyādvigatamatsaraḥ || 61 ||
[Analyze grammar]

sarvalakṣaṇasampannāṃ sarvopaskarasaṃyutām |
dattvā viprāya kapilāṃ na śocati kṛtākṛte || 62 ||
[Analyze grammar]

paścājjāgaraṇaṃ kuryādghṛtenājvālya dīpakam |
purāṇapaṭhanenaiva nṛtyagītavivādanaiḥ || 63 ||
[Analyze grammar]

vedoktaiścaiva pūjayecchaśiśekharam |
prabhāte vimale paścātsnātvā vai narmadājale || 64 ||
[Analyze grammar]

brāhmaṇān bhojayedbhaktyā śivabhaktāṃśca yoginaḥ |
evaṃ kṛte tato rājan samyaktīrthaphalaṃ labhet || 65 ||
[Analyze grammar]

tatra tīrthe tu yaḥ snātvā pūjayecchaṅkaraṃ naraḥ |
daśāśvamedhāvabhṛthaṃ labhate puṇyamuttamam || 66 ||
[Analyze grammar]

pūtātmā tena puṇyena rudralokaṃ sa gacchati |
ārūḍhaḥ paramaṃ yānaṃ kāmagaṃ ca suśobhanam || 67 ||
[Analyze grammar]

tatra divyāpsarobhistu vījyamāno'tha cāmaraiḥ |
krīḍate suciraṃ kālaṃ jayaśabdādimaṅgalaiḥ || 68 ||
[Analyze grammar]

tato'vatīrṇaḥ kālena iha rājā bhaveddhruvam |
hastyaśvarathasampanno mahābhogī paraṃtapaḥ || 69 ||
[Analyze grammar]

daśāśvamedhe yaddānaṃ dīyate śivayoginām |
daśāśvamedhasadṛśaṃ bhavettannātra saṃśayaḥ || 70 ||
[Analyze grammar]

sarveṣāmeva yajñānāmaśvamedho viśiṣyate |
durlabhaḥ svalpavittānāṃ bhūriśaḥ pāpakarmaṇām || 71 ||
[Analyze grammar]

tatra tīrthe tu rājendra durlabho'pi surāsuraiḥ |
prāpyate snānadānena ityevaṃ śaṅkaro'bravīt || 72 ||
[Analyze grammar]

akāmo vā sakāmo vā mṛtastatra nareśvara |
devatvaṃ prāpnuyātso'pi nātra kāryā vicāraṇā || 73 ||
[Analyze grammar]

agnipraveśaṃ yaḥ kuryāttatra tīrthe narottama |
agniloke vasettāvadyāvadābhūtasamplavam || 74 ||
[Analyze grammar]

jalapraveśaṃ yaḥ kuryāttatra tīrthe narādhipa |
dhyāyamāno mahādevaṃ vāruṇaṃ lokamāpnuyāt || 75 ||
[Analyze grammar]

daśāśvamedhe yaḥ kaścicchūravṛttyā tanuṃ tyajet |
akṣayā nu gatistasya ityevaṃ śrutinodanā || 76 ||
[Analyze grammar]

na tāṃ gatiṃ yānti bhṛguprapātino na daṇḍino naiva ca sāṃkhyayoginaḥ |
dhvajākule dundubhiśaṅkhanādite kṣaṇena yāṃ yānti mahāhave mṛtāḥ || 77 ||
[Analyze grammar]

yatra tatra hataḥ śūraḥ śatrubhiḥ pariveṣṭitaḥ |
akṣayāṃllabhate lokānyadi klībaṃ na bhāṣate || 78 ||
[Analyze grammar]

daśāśvamedhe saṃnyāsaṃ yaḥ karoti vidhānataḥ |
anivartikā gatistasya rudralokātkadācana || 79 ||
[Analyze grammar]

daśāśvamedhe yatpuṇyaṃ saṃkṣepeṇa yudhiṣṭhira |
kathitaṃ parayā bhaktyā sarvapāpapraṇāśanam || 80 ||
[Analyze grammar]