Chapter 182

[English text for this chapter is available]

adhyāya || 182 ||
[Analyze grammar]

śrīmārkaṇḍeya uvāca |
tato bhṛguḥ śriyā caiva sametaḥ kacchapaṃ gataḥ |
abhinandya yathānyāyamuvāca vacanaṃ śubham || 1 ||
[Analyze grammar]

tvayā dhṛtā dharā sarvā tathā lokāścarācarāḥ |
tathaiva puṇyabhāvatvātsthitastatra mahāmate || 2 ||
[Analyze grammar]

cāturvidyasya saṃsthānaṃ karomi ramayā saha |
yadi tvaṃ manyase deva tadādeśaya māṃ vibho || 3 ||
[Analyze grammar]

kūrma uvāca |
evameva dvijaśreṣṭha mama nāmāṅkitaṃ puram |
bhaviṣyati mahatkālaṃ mamopari susaṃsthitam || 4 ||
[Analyze grammar]

acalaṃ susthiraṃ tāta na bhīḥ kāryā sulocane |
etacchrutvā śubhaṃ vākyaṃ kacchapasya mukhāccyutam || 5 ||
[Analyze grammar]

hṛṣṭastuṣṭaḥ śriyā sārddhaṃ padmayonisuto bhṛguḥ |
abhīci udaye prāpte kṛtakautukamaṅgalaḥ || 6 ||
[Analyze grammar]

nandane vatsare māghe pañcamyāṃ bharatarṣabha |
śaste tu hyuttarāyoge kumbhasthe śaśimaṇḍale || 7 ||
[Analyze grammar]

revāyā uttare tīre gambhīre cābhivāruṇi |
prāgudakpravaṇe deśe koṭitīrthasamanvitam || 8 ||
[Analyze grammar]

krośapramāṇaṃ tatkṣetraṃ prāsādaśatasaṃkulam |
acireṇaiva kālena tapobalasamanvitaḥ |
vicintya viśvakarmāṇaṃ cakāra bhṛgusattamaḥ || 9 ||
[Analyze grammar]

brāhmaṇā vedavidvāṃsaḥ kṣatriyā rājyapālakāḥ |
vaiśyā vṛttiratāstatra śūdrāḥ śuśrūṣakāstriṣu || 10 ||
[Analyze grammar]

evaṃ śriyā vṛtaṃ kṣetraṃ paramānandananditam |
nirmitaṃ bhṛguṇā tāta sarvapātakanāśanam |
iti bhṛgukacchotpattiḥ || 11 ||
[Analyze grammar]

mārkaṇḍeya uvāca |
tataḥ kālena mahatā kasmiṃścitkāraṇāntare |
devalokaṃ jagāmāśu lakṣmīrṛṣisamāgame || 12 ||
[Analyze grammar]

samarpya kuñcikāṭṭālaṃ bhṛgave brahmavādine |
pālayasva yathārthaṃ vai sthānakaṃ mama suvrata || 13 ||
[Analyze grammar]

devakāryāṇyaśeṣāṇi kṛtvā śrīḥ punarāgatā |
ājagāma ramā devī bhṛgukacchaṃ tvarānvitā || 14 ||
[Analyze grammar]

prārthitaṃ kuñcikāṭṭālaṃ svagṛhaṃ saparigraham |
bhṛguryadā tadā pārtha mithyā nāsti tadā vadata || 15 ||
[Analyze grammar]

eva vivādaḥ sumahānsaṃjātaśca nareśvara |
mameti mama caiveti parasparasamāgame || 16 ||
[Analyze grammar]

tataḥ kālena mahatā bhṛguṇā paramarṣiṇā |
cāturvidyapramāṇārthaṃ cakāra mahatīṃ sthitim || 17 ||
[Analyze grammar]

asmadīyaṃ yathā sarvaṃ nagaraṃ mṛgalocane |
cāturvidyā dvijāḥ sarve tathā jānanti sundari || 18 ||
[Analyze grammar]

śrīruvāca |
pramāṇaṃ mama viprendra cāturvaṇyā na saṃśayaḥ |
madīyaṃ vā tvadīyaṃ vā kathayantu dvijottamāḥ || 19 ||
[Analyze grammar]

tataḥ samastairvibudhaiḥ sampradhārya parasparam |
dvidhā tairvāksthalaṃ dṛṣṭvā brāhmaṇā nṛpasaṃhitam || 20 ||
[Analyze grammar]

aṣṭādaśasahasrāṇi nocurvai kiṃciduttaram |
aṣṭādaśasahasreṣu bhṛgukopabhayānnṛpa |
uktaṃ ca tālakaṃ haste yasya tasyedamuttaram || 21 ||
[Analyze grammar]

etacchrutvā tu sā devī nigamaṃ naigamaiḥ kṛtam |
krodhena mahatāviṣṭā śaśāpa dvijapuṃgavān || 22 ||
[Analyze grammar]

śrīdevyuvāca |
yasmātsatyaṃ samutsṛjya lobhopahatamānasaiḥ |
madīyaṃ lopitaṃ sthānaṃ tasmācchṛṇvantu me giram || 23 ||
[Analyze grammar]

tripauruṣā bhavedvidyā tripuruṣaṃ na bhaveddhanam |
na dvitīyastu vo vedaḥ paṭhito bhavati dvijāḥ || 24 ||
[Analyze grammar]

gṛhāṇi na dvibhaumāni na ca bhūtiḥ sthirā dvijāḥ |
pakṣapātena vo dharmo na ca niḥśreyabhāvataḥ || 25 ||
[Analyze grammar]

iṣṭo gotrajanaḥ kaścillobhenāvṛtamānasaḥ |
na ca dvaidhaṃ parityajya hyekaṃ satyaṃ bhaviṣyati || 26 ||
[Analyze grammar]

adyaprabhṛti sarveṣāmahaṅkāro dvijanmanām |
na pitā putravākyena na putraḥ pitṛkarmaṇi || 27 ||
[Analyze grammar]

ahaṅkārakṛtāḥ sarve bhaviṣyanti na saṃśayaḥ |
iti śaptvā ramādevī tadaiva ca divaṃ yayau || 28 ||
[Analyze grammar]

tato gatāyāṃ vai lakṣmyāṃ devā brahmarṣayo'malāḥ |
krodhalobhamidaṃ sthānaṃ te'pi coktvā divaṃ yayuḥ || 29 ||
[Analyze grammar]

gatāṃ dṛṣṭvā tato devīmṛṣīṃścaiva tapodhanān |
bhṛguśca parameṣṭhī sa viṣādamagamatparam |
prasādayāmāsa punaḥ śaṅkaraṃ tripurāntakam || 30 ||
[Analyze grammar]

tapasā mahatā pārtha tatastuṣṭo maheśvaraḥ |
uvāca vacanaṃ kāle harṣayan bhṛgusattamam || 31 ||
[Analyze grammar]

kiṃ viṣaṇṇo'si viprendra kiṃ vā santāpakāraṇam |
mayi prasanne'pi tava hyetatkathaya me'nagha || 32 ||
[Analyze grammar]

bhṛguruvāca |
śāpayitvā dvijānsarvānpurā lakṣmīrvinirgatā |
apavitramidaṃ coktvā tato devā vinirgatāḥ || 33 ||
[Analyze grammar]

īśvara uvāca |
purā mayā yathā proktaṃ tattathā na tadanyathā |
krodhasthānamasaṃdehaṃ tathānyadapi tacchṛṇu || 34 ||
[Analyze grammar]

tatra sthānasamudbhūtā mahadbhayavivarjitāḥ |
brāhmaṇā matprasādena bhaviṣyanti na saṃśayaḥ || 35 ||
[Analyze grammar]

vedavidyāvratasnātāḥ sarvaśāstraviśāradāḥ |
ye'pi te śatasāhasrāstvaritā hyāgatāstviha || 36 ||
[Analyze grammar]

apaṭhasyāpi mūrkhasya sarvāvasthāṃ gatasya ca |
uttarāduttaraṃ śakro dātuṃ na tu bhṛgūttama || 37 ||
[Analyze grammar]

koṭitīrthamidaṃ sthānaṃ sarvapāpapraṇāśanam |
adyaprabhṛti viprendra bhaviṣyati na saṃśayaḥ || 38 ||
[Analyze grammar]

matprasādāddevagaṇaiḥ sevitaṃ ca bhaviṣyati |
bhṛgukṣetre mṛtā ye tu kṛmikīṭapataṃgakāḥ || 39 ||
[Analyze grammar]

vāsasteṣāṃ śive loke matprasādādbhaviṣyati |
vṛṣakhāte naraḥ snātvā pūjayitvā maheśvaram || 40 ||
[Analyze grammar]

sarvamedhasya yajñasya phalaṃ prāpnotyasaṃśayam |
bhṛgutīrthe naraḥ snātvā tarpayetpitṛdevatāḥ || 41 ||
[Analyze grammar]

tasya te dvādaśābdāni śāntiṃ gacchanti tarpitāḥ |
dadhikṣīreṇa toyena ghṛtena madhunā saha || 42 ||
[Analyze grammar]

ye snapanti virūpākṣaṃ teṣāṃ vāsastriviṣṭape |
matprasādāddvijaśreṣṭha sarvadevānusevitam || 43 ||
[Analyze grammar]

bhaviṣyati bhṛgukṣetraṃ kurukṣetrādibhiḥ samam |
mārtaṇḍagrahaṇe prāpte yavaṃ kṛtvā hiraṇmayam || 44 ||
[Analyze grammar]

dattvā śirasi yaḥ snāti bhṛgukṣetre dvijottama |
avicāreṇa taṃ viddhi saṃsnātaṃ kurujāṅgale || 45 ||
[Analyze grammar]

ahaṃ caiva vasiṣyāmi ambikā ca mama priyā |
sarvaduḥkhāpahā devī nāmnā saubhāgyasundarī || 46 ||
[Analyze grammar]

vasiṣyāmi tayā devyā sahito bhṛgukacchake |
evamuktvā sthito devo bhṛgukacche'mbikā tathā || 47 ||
[Analyze grammar]

bhṛgustu svapuraṃ prāyādbrahmaghoṣanināditam |
ṛgyajuḥsāmaghoṣeṇa hyatharvaṇanināditam || 48 ||
[Analyze grammar]

tatra tīrthe tu yaḥ snātvā vṛṣamutsṛjate naraḥ |
sa yāti śivasāyujyamityevaṃ śaṅkaro'bravīt || 49 ||
[Analyze grammar]

tatra tīrthe tu yaḥ snātvā caitre māsi samācaret |
dadyācca lavaṇaṃ vipre pūjya saubhāgyasundarīm || 50 ||
[Analyze grammar]

gobhūhiraṇyaṃ viprebhyaḥ prīyetāṃ lalitāśivau |
na duḥkhaṃ durbhagatvaṃ ca viyogaṃ patinā saha || 51 ||
[Analyze grammar]

prāpnoti nārī rājendra bhṛgutīrthāplavena ca |
yastu nityaṃ bhṛguṃ devaṃ paśyedvai pāṇḍunandana || 52 ||
[Analyze grammar]

ā brahmasadanaṃ yāvattatrasthairdaivataiḥ saha |
yatphalaṃ samavāpnoti tacchṛṇuṣva nṛpottama || 53 ||
[Analyze grammar]

suvarṇaśṛṅgīṃ kapilāṃ payasvinīṃ sādhvīṃ suśīlāṃ taruṇīṃ savatsām |
dattvā dvije sarvavratopapanne phalaṃ ca yatsyāttadihaiva nūnam || 54 ||
[Analyze grammar]

samāḥ sahasrāṇi tu sapta vai jale mriyellabheddvādaśavahnimadhye |
tyajaṃstanuṃ śūravṛttyā narendra śakrātithyaṃ yāti vai martyadharmā || 55 ||
[Analyze grammar]

ākhyānametacca sadā yaśasyaṃ svargyaṃ dhanyaṃ putryamāyuṣyakāri |
śṛṇvaṃllabhetsarvametaddhi bhaktyā parvaṇi parvaṇyājamīḍhassadaiva || 56 ||
[Analyze grammar]

saṃnyāsaṃ kurute yastu bhṛgutīrthe vidhānataḥ |
sa mṛtaḥ paramaṃ sthānaṃ gacchedvai yacca durlabham || 57 ||
[Analyze grammar]

etacchrutvā bhṛguśreṣṭho devadevena bhāṣitam |
prahṛṣṭavadano bhūtvā tatraiva saṃsthito dvijaḥ || 58 ||
[Analyze grammar]

tirobhāvaṃ gate deve bhṛguḥ śreṣṭho dvijottamaḥ |
svamūrti tatra muktvā tu brahmalokaṃ jagāma ha || 59 ||
[Analyze grammar]

bhṛgukacchasya cotpattiḥ kathitā tava pāṇḍava |
saṃkṣepeṇa mahārāja sarvapāmapraṇāśanī || 60 ||
[Analyze grammar]

etatpuṇyaṃ pāpaharaṃ kṣetraṃ devena kīrtitam |
caturyugasahasreṇa pitāmahadinaṃ smṛtam || 61 ||
[Analyze grammar]

prāpte brahmadine viprā jāyate yugasambhavaḥ |
na paśyāmi tvidaṃ kṣetramiti rudraḥ svayaṃ jagau || 62 ||
[Analyze grammar]

yaḥ śṛṇoti tvidaṃ bhaktyā nārī vā puruṣo'pi vā |
sa yāti paramaṃ lokamiti rudraḥ svayaṃ jagau || 63 ||
[Analyze grammar]

devakhāte naraḥ snātvā piṇḍadānādisatkriyām |
yāṃ karoti nṛpaśreṣṭha tāmakṣayaphalāṃ viduḥ || 64 ||
[Analyze grammar]

ya imaṃ śṛṇuyādbhaktyā bhṛgukacchasya vistaram |
koṭitīrthaphalaṃ tasya bhavedvai nātra saṃśayaḥ || 65 ||
[Analyze grammar]