Chapter 171

[English text for this chapter is available]

adhyāya || 171 ||
[Analyze grammar]

śrīmārkaṇḍeya uvāca |
kathitaṃ brāhmaṇaṃ draṣṭuṃ śūle kṣiptaṃ tapodhanaiḥ |
nārāyaṇasamīpe tu gatāḥ sarve maharṣayaḥ || 1 ||
[Analyze grammar]

nārado devalo raibhyo yamaḥ śātātapo'ṅgirāḥ |
vasiṣṭho jamadagniśca yājñavalkyo bṛhaspatiḥ || 2 ||
[Analyze grammar]

kaśyapo'trirbharadvājo viśvāmitro'ruṇirmuniḥ |
vālakhilyādayo'nye ca sarve'pyṛṣigaṇānvayāḥ || 3 ||
[Analyze grammar]

dadṛśuḥ śūlamārūḍhaṃ māṇḍavyamṛṣipuṃgavāḥ |
procurnārāyaṇaṃ vipraṃ kiṃ kurmastava cepsitam || 4 ||
[Analyze grammar]

sarve te tatra sāṃnidhyānmāṇḍavyasya mahātmanaḥ |
saṃbhrāntā āgatā ūcuḥ kiṃ mṛtaḥ kiṃ nu jīvati || 5 ||
[Analyze grammar]

avasthāṃ tasya te dṛṣṭvā viṣādamagamanparam |
asahitvā tu tadduḥkhaṃ sarve te manasā dvijāḥ || 6 ||
[Analyze grammar]

pṛcchayatāṃ yadi manyeta rājānaṃ bhasmasātkuru |
teṣāṃ tadvacanaṃ śrutvā vākyaṃ nārāyaṇo'bravīt || 7 ||
[Analyze grammar]

mayi jīvati madbhrātā hyavasthāmīdṛśīṃ gataḥ |
dhigjīvitaṃ ca me kiṃtu tapaso vidyate phalam || 8 ||
[Analyze grammar]

dṛṣṭvā śūlasthitaṃ jyeṣṭhaṃ manmano nu vidīryate |
paraṃ kiṃ tu kariṣyāmi yena rāṣṭraṃ sarājakam || 9 ||
[Analyze grammar]

bhasmasācca karomyadya bhavadbhiḥ kṣamyatāmiha |
evamuktvā gṛhītvāsau karasthamabhimantrayet || 10 ||
[Analyze grammar]

krodhena paśyate yāvattāvaddhuṃkārako'bhavat |
tena huṅkāraśabdena ṛṣayo vismitāstadā || 11 ||
[Analyze grammar]

māṇḍavyasya samīpe tu hyapṛcchaṃste dvijottamāḥ |
nivārayasi kiṃ vipra śāpaṃ nṛpajighāṃsanam || 12 ||
[Analyze grammar]

apāpasya tu yeneha kṛtamasya jighāṃsanam |
ṛṣīṇāṃ vacanaṃ śrutvā kṛcchrānmāṇḍavyako'bravīt || 13 ||
[Analyze grammar]

abhivandāmi vo mūrdhnā svāgataṃ ṛṣayaḥ sadā |
arghyasanmānapūjārhāḥ sarve'tropaviśantu te || 14 ||
[Analyze grammar]

niviṣṭaikāgramanasā sarvānmāṇḍavyako'bravīt || 15 ||
[Analyze grammar]

prāptaṃ duḥkhaṃ mayā ghoraṃ pūrvajanmārjitaṃ phalam |
mā viṣādaṃ kurudhvaṃ bhoḥ kṛtaṃ pāpaṃ tu bhujyate || 16 ||
[Analyze grammar]

ṛṣaya ūcuḥ |
kena karmavipākena iha jātyantaraṃ vrajet |
dānadharmaphalenaiva kena svargaṃ ca gacchati || 17 ||
[Analyze grammar]

māṇḍavya uvāca |
adattadānā jāyante parabhāgyopajīvinaḥ |
na snānaṃ na japo homo nātithyaṃ na surārcanam || 18 ||
[Analyze grammar]

na parvaṇi pitṛśrāddhaṃ na dānaṃ dvijasattamāḥ |
vrajanti narake ghore yānti te tvantyajāṃ gatim || 19 ||
[Analyze grammar]

punardaridrāḥ punareva pāpāḥ pāpaprabhāvānnarake vasanti |
tenaiva saṃsariṇi martyaloke jīvādibhūte kṛmayaḥ pataṅgāḥ || 20 ||
[Analyze grammar]

ye snānaśīlā dvijadevabhaktā jitendriyā jīvadayānuśīlāḥ |
te devalokeṣu vasanti hṛṣṭā ye dharmaśīlā jitamānaroṣāḥ || 21 ||
[Analyze grammar]

vidyāvinītā na paropatāpinaḥ svadāratuṣṭāḥ paradāravarjitāḥ |
teṣāṃ na loke bhayamasti kiṃcitsvabhāvaśuddhā gatakalmaṣā hi te || 22 ||
[Analyze grammar]

ṛṣaya ūcuḥ |
pūrvajanmani viprendra kiṃ tvayā duṣkṛtaṃ kṛtam |
yena kaṣṭamidaṃ prāptaṃ sandhānaṃ śūlagarhitam || 23 ||
[Analyze grammar]

śūlasthaṃ tvāṃ samālakṣya hyāgatāḥ sarva eva hi |
jīvantaṃ tvāṃ prapaśyāma tvantarannavatārayan |
rujāsaṃtāpajaṃ duḥkhaṃ soḍhvāpi tvamavedanaḥ || 24 ||
[Analyze grammar]

māṇḍavya uvāca |
svayameva kṛtaṃ karma svayamevopabhujyate |
sukṛtaṃ duṣkṛtaṃ pūrve nānye bhuñjanti karhicit || 25 ||
[Analyze grammar]

yathā dhenusahasreṣu vatso vindati mātaram |
tathā pūrvakṛtaṃ karma kartāramupagacchati || 26 ||
[Analyze grammar]

na mātā na pitā bhrātā na bhāryā na sutāḥ suhṛt |
na kasya karmaṇāṃ lepaḥ svayamevopabhujyate || 27 ||
[Analyze grammar]

śrūyatāṃ mama vākyaṃ ca bhavadbhiḥ pṛcchito hyaham |
pūrve vayasi bho viprā malasnānakṛtakṣaṇaḥ || 28 ||
[Analyze grammar]

ajñānādbālabhāvena yūkā kaṇṭe'dhiropitā |
tailābhyaktaśirogātre mayā yūkā ghṛtā na hi || 29 ||
[Analyze grammar]

kaṅkatīṃ ropya keśeṣu sāsā kaṇṭe'dhiropitā |
teṣu pāpaṃ kṛtaṃ sadyaḥ phalametanmamābhavat || 30 ||
[Analyze grammar]

kiṃcitkālaṃ kṣapitvāhaṃ prāpsye mokṣaṃ nirāmayam |
bhavantastviha santāpaṃ māṃ kurudhvaṃ maharṣayaḥ || 31 ||
[Analyze grammar]

imāmavasthāṃ bhuktvāhaṃ kaṃcicchape na coccare |
ahani katicicchūle kṣapayiṣyāmi kilbiṣam || 32 ||
[Analyze grammar]

prāktanaṃ karma bhuñjāmi yanmayā saṃcitaṃ dvijāḥ |
kṣantavyamasya rājño'tha kopaścaiva visarjyatām || 33 ||
[Analyze grammar]

śrutvā tu tasya tadvākyaṃ māṇḍavyasya maharṣayaḥ |
praharṣamatulaṃ labdhvā sādhu sādhvityapūjayan || 34 ||
[Analyze grammar]

nārāyaṇa uvāca |
idaṃ jalaṃ mantrapūtaṃ kasminsthāne kṣipāmyaham |
yena rājā bhavedbhasma sarāṣṭraḥ sapurohitaḥ || 35 ||
[Analyze grammar]

māṇḍavya uvāca |
idaṃ jalaṃ ca rakṣasva kālakūṭaviṣopamam |
samudre kṣipayiṣyāmi devakāryaṃ samutthitam || 36 ||
[Analyze grammar]

atha te munayaḥ sarve māṇḍavyaṃ praṇipatya ca |
āmantrayitvā harṣācca kaśyapādyā gṛhānyayuḥ || 37 ||
[Analyze grammar]

gacchamānāstu te coktāḥ pañcame'hani tāpasāḥ |
āgantavyaṃ bhavadbhiśca matsakāśaṃ pratijñayā || 38 ||
[Analyze grammar]

tatheti te pratijñāya nāradādyā adarśanam |
gateṣu vipramukhyeṣu śāṇḍilī ca tapodhanā || 39 ||
[Analyze grammar]

dvitīye'hni samāyātā na tu buddhvātha taṃ ṛṣim |
bhartāraṃ śirasā dhārya rātrau paryaṭate sma sā || 40 ||
[Analyze grammar]

na dṛṣṭaḥ śūlake vipro bharākrāntyā yudhiṣṭhira |
skhalitā tasya jānubhyāṃ śūlasthasya pativratā || 41 ||
[Analyze grammar]

sarvāṅgeṣu vyathā jātā tasyāḥ praskhalanānmuneḥ |
īdṛśīṃ vartamānāṃ ca hyavasthāṃ pūrvadaivikīm || 42 ||
[Analyze grammar]

punaḥ pāpaphalaṃ kiṃciddhā kaṣṭaṃ mama vartate |
vyathito'haṃ tvayā pāpe kimarthaṃ sūnakarmaṇi || 43 ||
[Analyze grammar]

svairiṇīṃ tvāṃ prapaśyāmi rākṣasī taskarī nu kim |
evamuktvā kṣaṇaṃ mohātkrandamāno muhurmuhuḥ || 44 ||
[Analyze grammar]

tapasvino'tha ṛṣayaḥ sarve saṃtrastamānasāḥ |
paśyamānā muneḥ kaṣṭaṃ pṛcchante te yudhiṣṭhira || 45 ||
[Analyze grammar]

paryaṭase kimarthaṃ tvaṃ niśīye vahanaṃ nu kim |
kṣiptaṃ tu jholikābhāraṃ kiṃvāgamanakāraṇam |
vyathāmutpādya ṛṣaye duḥkhādduḥkhavilāsini || 46 ||
[Analyze grammar]

śāṇḍilyuvāca |
nāsurīṃ na ca gandharvīṃ na piśācīṃ na rākṣasīm |
pativratāṃ tu māṃ sarve jānantu tapasi sthitām || 47 ||
[Analyze grammar]

na me kāmo na me krodho na vairaṃ na ca matsaraḥ |
ajñānāddṛṣṭimāndyācca skhalanaṃ kṣantumarhatha || 48 ||
[Analyze grammar]

vahanaṃ bhartṛsaukhyāya divā sampīḍyate rujā |
ayaṃ bhartā vijānītha jholikāsaṃsthitaḥ sadā || 49 ||
[Analyze grammar]

bharaṇaṃ pānaṃ vastraṃ ca dadāmyetasya rogiṇaḥ |
ṛṣiḥ śaunakamukhyo'sau śāṇḍilīṃ māṃ vijānata || 50 ||
[Analyze grammar]

svabhartṛdharmiṇīṃ kopaṃ mā kuruṣvātithiṃ kuru |
satāṃ samīpaṃ samprāptāṃ sarvaṃ me kṣantumarhatha || 51 ||
[Analyze grammar]

ṛṣaya ūcuḥ |
paravyathāṃ na jānīṣe vyacarantī yadṛcchayā |
prabhāte'bhyudite sūrye tava bhartā mariṣyati || 52 ||
[Analyze grammar]

ātmaduḥkhātparaṃ duḥkhaṃ na jānāsi kulādhame |
tena vākyena ghoreṇa śāṇḍilī vimanābhavat || 53 ||
[Analyze grammar]

paraṃ viṣādamāpannā kṣaṇaṃ dhyātvābravīdvacaḥ |
kopātsaṃraktanayanā nirīkṣantī munīṃstadā || 54 ||
[Analyze grammar]

satāṃ gehe kila prāptā bhavatāṃ cāpakāriṇī |
sāmenātithipūjāyāṃ śiṣṭe ca gṛhamāgate || 55 ||
[Analyze grammar]

bhavadbhirīdṛgātithyaṃ kṛtaṃ caiva mamaiva tu |
svargāpavargadharmaśca bhavadbhirna nirīkṣitam || 56 ||
[Analyze grammar]

prājāpatyāmimāṃ dṛṣṭvā māṃ yathā prākṛtāḥ striyaḥ |
bhavantaḥ strībalaṃ me'dya paśyantu divi devatāḥ || 57 ||
[Analyze grammar]

mariṣyati na me bhartā hyādityo nodayiṣyati |
andhakāraṃ jagatsarvaṃ kṣīyate nādya śarvarī || 58 ||
[Analyze grammar]

evamukte tayā vākye stambhite'rke tamomayam |
na ca prajāyate sarvaṃ nirvaṣaṭkārasatkriyam || 59 ||
[Analyze grammar]

svāhākāraḥ svadhākāraḥ pañcayajñavidhirnahi |
snānaṃ dānaṃ japo nāsti sandhyālopavyatikramaḥ |
ṣaṇmāsaṃ ca tadā pārtha luptapiṇḍodakakriyam || 60 ||
[Analyze grammar]