Chapter 170

[English text for this chapter is available]

| adhyāya || 170 ||
[Analyze grammar]

śrīmārkaṇḍeya uvāca |
kāmapramodinīsakhyo nīyamānāṃ ca tena tu |
dṛṣṭvā tāścukruśuḥ sarvā niḥsṛtya jalamadhyataḥ || 1 ||
[Analyze grammar]

gatā rājagṛhe sarvāḥ kathayanti suduḥkhitāḥ |
kāmapramodinī rājanhṛtā śyenena pakṣiṇā || 2 ||
[Analyze grammar]

krīḍantī ca jalasthāne taḍāge devasannidhau |
anveṣyā ca tvayā rājaṃstasya mārgaṃ vijānatā || 3 ||
[Analyze grammar]

tāsāṃ tadvacanaṃ śrutvā devapannaḥ suduḥkhitaḥ |
hāhetyuktvā samutthāya rudamāno varāsanāt || 4 ||
[Analyze grammar]

mantribhiḥ sahitastasmiṃstaḍāge jalasannidhau |
na cihnaṃ na ca panthānaṃ dṛṣṭvā duḥkhānmumoha ca || 5 ||
[Analyze grammar]

tasya rājñastu duḥkhena duḥkhito nāgaro janaḥ |
kṣaṇenāśvāsito rājā mantribhiḥ sapurohitaiḥ || 6 ||
[Analyze grammar]

kiṃ kurma ityuvācedamasminkāle vidhīyatām |
sarvaistatsaṃvidaṃ kṛtvā vāhinīṃ caturaṅgiṇīm || 7 ||
[Analyze grammar]

preṣayāmi diśaḥ sarvā hastyaśvarathasaṃkulā |
vāditrāṇi ca vādyante vyākulībhūtasaṃkule || 8 ||
[Analyze grammar]

nārācaistomarairbhallaiḥ khaḍgaiḥ paraśvadhādibhiḥ |
rājā saṃnāhabaddho'bhūdganaṃ grasate kila || 9 ||
[Analyze grammar]

na devo na ca gandharvo na daityo na ca rākṣasaḥ |
kiṃ kariṣyati rājādya na jāne roṣaniṣkṛtim || 10 ||
[Analyze grammar]

nāgaro'pi janastatra dṛṣṭvā cakitamānasaḥ |
caturdaśasahasrāṇi dantināṃ sṛṇidhāriṇām || 11 ||
[Analyze grammar]

aśvārohasahasrāṇi hyaśītiḥ śastrapāṇinām |
rathānāṃ trisahasrāṇi viṃśatirbharatarṣabha || 12 ||
[Analyze grammar]

saṅgrāmabherīninadaiḥ khurareṇurnabhogatā |
etasminnantare tāta rakṣako nagarasya hi || 13 ||
[Analyze grammar]

gṛhītvābharaṇaṃ tasyāstvaṅgapratyaṅgikaṃ tathā |
kuṇḍalāṅgadakeyūrahāranūpurajhallarīḥ || 14 ||
[Analyze grammar]

nivedyākathayadrājñe mayā dṛṣṭaṃ tvavekṣaṇāt |
tāpasānāmāśrame tu māṇḍavyo yatra tiṣṭhati || 15 ||
[Analyze grammar]

tāpasairveṣṭito yatra dadṛśe tatra sannidhau |
daṇḍavāsivacaḥ śrutvā pratyakṣāṅgavibhūṣaṇam || 16 ||
[Analyze grammar]

sa krodharaktanayano mantriṇo vīkṣya naigamān |
īdṛgbhūtasamācāro brāhmaṇo nagare mama || 17 ||
[Analyze grammar]

cauracaryāṃ vratacchannaḥ paradravyāpaharakaḥ |
tena kanyā hṛtā me'dya tapasvipāpakarmiṇā || 18 ||
[Analyze grammar]

śākuntaṃ rūpamāsthāya jalastho gaganaṃ yayau |
pākhaṇḍino vikarmasthān biḍālavratikāñchaṭhān || 19 ||
[Analyze grammar]

cāṭutaskaradurvṛttān hanyānnastyasya pātakam |
na draṣṭavyo mayā pāpaḥ steyī kanyāpahārakaḥ || 20 ||
[Analyze grammar]

śūlamāropyatāṃ kṣipraṃ na vicārastu tasya vai |
sa ca vadhyo mayā duṣṭo rakṣorūpī tapodhanaḥ || 21 ||
[Analyze grammar]

evaṃ bruvaṃścalankrodhādādiśya daṇḍavāsinam |
kāryākāryaṃ na vijñāya śūlamāropayaddvijam || 22 ||
[Analyze grammar]

paurā jānapadāḥ sarve aśrupūrṇamukhāstadā |
hāhetyuktvā rudantyanye vadanti ca pṛthakpṛthak || 23 ||
[Analyze grammar]

kutsitaṃ ca kṛtaṃ karma rājñā caṇḍālacāriṇā |
brāhmaṇo naiva vadhyo hi viśeṣeṇa tapovṛtaḥ || 24 ||
[Analyze grammar]

yadi roṣasamācāro nirvāsyo nagarādbahiḥ |
na jātu brāhmaṇaṃ hanyātsarvapāpe'pyavasthitam || 25 ||
[Analyze grammar]

rāṣṭrādenaṃ bahiṣkuryātsamagradhanamakṣatam |
nāśnāti ca gṛhe rājannāgnirnagaravāsinām |
sarve'pyudvignamanaso gṛhavyāptivivarjitāḥ || 26 ||
[Analyze grammar]