Chapter 172

[English text for this chapter is available]

adhyāya || 172 ||
[Analyze grammar]

śrīmārkaṇḍeya uvāca |
atha te ṛṣayaḥ sarve devāścendrapurogamāḥ |
māṇḍavyasyāśrame puṇye samīyurnarmadātaṭe || 1 ||
[Analyze grammar]

śaṅkhadundubhinādena dīpikājvalanena ca |
apsarogītanādena nṛtyantyo vārayoṣitaḥ || 2 ||
[Analyze grammar]

kathānakaiḥ stuvatyanye tasya śūlāgradhāriṇaḥ |
aṣṭāśītisahasrāṇi snātakānāṃ tapasvinām || 3 ||
[Analyze grammar]

samāje tridaśaiḥ sārddhaṃ tatra te ca didṛkṣayā |
brahmaviṣṇumaheśānāstatra harṣātsamāgatāḥ || 4 ||
[Analyze grammar]

mātaro mallikādyāśca kṣetrapālā vināyakāḥ |
dikpālā lokapālāśca gaṅgādyāśca saridvarāḥ || 5 ||
[Analyze grammar]

ṛṣidevasamāje tu nityaṃ harṣapramodane |
tatra rājā samāyātaḥ paurajānapadaiḥ saha || 6 ||
[Analyze grammar]

dṛṣṭvā kautūhalaṃ tatra vyākulīkṛtamānasam |
vitrastamanaso bhūtvā bhayātsarve samāsthitāḥ || 7 ||
[Analyze grammar]

tasminsamāgame divye brahmaviṣṇvīśamabruvan |
bho māṇḍavya mahāsattva varadāste'maraiḥ saha || 8 ||
[Analyze grammar]

anekakaṣṭatapasā tava siddhirbhaviṣyati |
prārthayasva yathākāmaṃ yaste manasi rocate || 9 ||
[Analyze grammar]

anādityamayaṃ lokaṃ nirvaṣaṭkāramākulam |
naṣṭadharmaṃ vijānīhi prakṛtisthaṃ kuruṣva ca |
anugrahaṃ tu śāṇḍilyāḥ prārthayāma dvijottama || 10 ||
[Analyze grammar]

eṣa te kaṣṭado rājā samāyātastavāgrataḥ |
saṃbhūṣayasva viprarṣe janaṃ devāsuraṃ gaṇam || 11 ||
[Analyze grammar]

māṇḍavya uvāca |
yadi prasannā me devāḥ samāyātāḥ suraiḥ saha |
trikālamatra tīrthe ca sthātavyamṛṣibhiḥ saha || 12 ||
[Analyze grammar]

bhavatāṃ tu prasādena rujā me śāmyatāṃ sadā |
evamastviti deveśā yāvajjalpanti pāṇḍava || 13 ||
[Analyze grammar]

tāvadrakṣo gṛhītvā'gre kanyāṃ kāmapramodinīm |
uvāca bhagavañchāpaṃ purā dattvorvaśī mama || 14 ||
[Analyze grammar]

yadā kanyāṃ hare rakṣaḥśāpāntaste bhaviṣyati |
tena me garhitaṃ karma śāpenākṛtabuddhinā || 15 ||
[Analyze grammar]

kṣantavyamiti coktvā ca gataścādarśanaṃ punaḥ |
gate caiva tu sā kanyā dṛṣṭvā padmadalekṣaṇā || 16 ||
[Analyze grammar]

mantrayitvā suraiḥ sarvairdattā māṇḍavyadhīmate |
tāṃ vajraśūlikāṃ plāvya pavitrairnarmadodakaiḥ || 17 ||
[Analyze grammar]

māṇḍavyamṛṣimuttārya jayaśabdādimaṅgalaiḥ |
vivāhayitvā tāṃ kanyāṃ māṇḍavyarṣipuṃgavaḥ || 18 ||
[Analyze grammar]

abhivādya ca tān sarvān dānasanmānagauravaiḥ |
atha rājā samīpastho ratnaiśca vividhairapi || 19 ||
[Analyze grammar]

dhigvādairninditaḥ sarvaistairjanairbhūṣitaḥ punaḥ |
rājñā ca brāhmaṇāḥ sarve bhūṣaṇācchādanāśanaiḥ || 20 ||
[Analyze grammar]

suvarṇakoṭidānena tuṣṭānkṛtvā kṣamāpitāḥ |
vṛtte vivāha āhūya śāṇḍilīṃ tāmathābravīt || 21 ||
[Analyze grammar]

mānayasva imān viprānmocayasva divākaram |
apahṛtya tamo yena kṛpā sadyaḥ pravartate || 22 ||
[Analyze grammar]

ṛṣīṇāṃ vacanaṃ śrutvā śāṇḍilī duḥkhitābravīt |
udite'rke tu me bhartā mṛtyuṃ yāsyati bho dvijāḥ || 23 ||
[Analyze grammar]

taṃ kathaṃ mocayāmīha hyātmano'niṣṭasiddhaye |
kriyāpravartanāccādya kiṃ kāryaṃ me maharṣayaḥ || 24 ||
[Analyze grammar]

niḥpuṃsī strī hyanāthāhaṃ bhavāmi bhavato matam |
tiṣṭha tvamandhakāre tu necchāmi raviṇodayam || 25 ||
[Analyze grammar]

tena vākyena te sarve devāsuramaharṣayaḥ |
śiraḥsaṃcālanāḥ sarve sādhu sādhviti cābruvan || 26 ||
[Analyze grammar]

pativrate mahābhāge śṛṇu vākyaṃ tapodhane |
manyase yadi naḥ sarvānkuruṣva vacanaṃ ca yat || 27 ||
[Analyze grammar]

śāṇḍilyuvāca |
yena me na maredbhartā yena satyaṃ munervacaḥ |
tatkurudhvaṃ vicāryāśu yena saṃvardhate sukham || 28 ||
[Analyze grammar]

tasyāstadvacanaṃ śrutvā svapnāvasthākṛto hṛṣiḥ |
antarhito muhūrtaṃ ca śāṇḍilyāśca prapaśya tām || 29 ||
[Analyze grammar]

punarādāya te sarve kṛtvā nirvraṇasattanuṃ snāpito narmadātoye śāṇḍilyāyai samarpitaḥ || 30 ||
[Analyze grammar]

tataḥ sā hṛṣṭamanasā patiṃ dṛṣṭvā tu taijasam |
praṇamya tānṛṣīn devān vimalārkaṃ jagatkṛtam || 31 ||
[Analyze grammar]

kriyāpravartitāḥ sarve devagandharvamānuṣāḥ |
hṛṣṭatuṣṭā gatāḥ sarve svamāśramapadaṃ mahat || 32 ||
[Analyze grammar]

pativratā svabhartrā sā māsamevāśrame sthitā |
māṇḍavyenāpyanujñātā yayau natvā svamāśramam || 33 ||
[Analyze grammar]

gateṣu teṣu sarveṣu sthāpayāmāsa cācyutam |
māṇḍavyeśvaranāmānaṃ nārāyaṇa iti smṛtam || 34 ||
[Analyze grammar]

divyaṃ varṣasahasraṃ tu pūjayāmāsa bhārata |
gato'sāvṛṣisaṅghaiśca sahito'maraparvatam || 35 ||
[Analyze grammar]

tapastapantau tau tatra hyadyāpi kila bhārata |
bhrātarau saṃyatātmānau dhyāyataḥ paramaṃ padam || 36 ||
[Analyze grammar]

tatra tīrthe tu yaḥ snātvā tarpayetpitṛdevatāḥ |
pitarastasya tṛpyanti piṇḍadānāddaśābdikam || 37 ||
[Analyze grammar]

devagṛhe tu pakṣādau yaḥ karoti vilepanam |
godānaśatasāhasre datte bhavati yatphalam || 38 ||
[Analyze grammar]

upalepanena dviguṇamarcane tu caturguṇam |
dīpaprajvalane puṇyamaṣṭadhā parikīrtitam || 39 ||
[Analyze grammar]

divyanetradharo bhūtvā trailokye sacarācare |
dadhnā madhughṛtairdevaṃ payasā narmadodakaiḥ || 40 ||
[Analyze grammar]

snapanaṃ ye prakurvanti puṣpamālāvilepanaiḥ |
ye'rcayanti virūpākṣaṃ devaṃ nārāyaṇaṃ harim || 41 ||
[Analyze grammar]

te'pi divyavimānena krīḍante kalpasaṃkhyayā |
dīpāṣṭakaṃ tu yaḥ kuryādaṣṭamīṃ ca caturdaśīm || 42 ||
[Analyze grammar]

ekādaśyāṃ tu kṛṣṇasya na paśyanti yamaṃ tu te |
phalairnānāvidhaiḥ śubhrairyaḥ kuryālliṅgapūraṇam || 43 ||
[Analyze grammar]

te'pi yānti vimānena siddhacāraṇasevitāḥ |
ghaṇṭā caiva patākā ca vimāne puṣpamālikā || 44 ||
[Analyze grammar]

vāditrāṇi yathārhāṇi prānte ca gacchate śivam |
devālayaṃ tu yaḥ kuryādvaiṣṇavaṃ māṇḍaveśvaram || 45 ||
[Analyze grammar]

svarge vasati dharmātmā yāvadābhūtasamplavam |
māṇḍavyanārāyaṇākhye viprān bhojayate'grataḥ || 46 ||
[Analyze grammar]

ekasmin bhojite vipre koṭirbhavati bhojitā |
āśvine māsi samprāpte śuklapakṣe caturdaśīm || 47 ||
[Analyze grammar]

kṛtopavāsaniyamo rātrau jāgaraṇena ca |
dīpamālāṃ caturdikṣu pūjāṃ kṛtvā tu śaktitaḥ || 48 ||
[Analyze grammar]

nārī vā puruṣo vāpi nṛtyagītapravādanaiḥ |
prabhāte vimale sūrye snānādikavidhiṃ nṛpa || 49 ||
[Analyze grammar]

abhinirvartya maunena paśyate devamīdṛśam |
sarvapāpavinirmukto rudraloke mahīyate || 50 ||
[Analyze grammar]

athavā mārgaśīrṣe ca caitravaiśākhayorapi |
śrāvaṇe vā mahārāja sarvakāle'thavāpi ca || 51 ||
[Analyze grammar]

śivarātrisamaṃ puṇyamityevaṃ śivabhāṣitam |
vājapeyāśvamedhābhyāṃ phalaṃ bhavati nānyathā || 52 ||
[Analyze grammar]

durbhagā duḥkhitā vandhyā daridrā ca mṛtaprajā |
snāti rudraghaṭairyā strī sarvānkāmānavāpnuyāt || 53 ||
[Analyze grammar]

kṛmikīṭapataṅgāśca tasmiṃstīrthe tu ye mṛtāḥ |
svargaṃ prayānti te sarve divyarūpadharā nṛpa || 54 ||
[Analyze grammar]

anāśake jale'gnau tu ye mṛtā vyādhipīḍitāḥ |
anivartikā gatisteṣāṃ rudraloke hyasaṃśayam || 55 ||
[Analyze grammar]

nityaṃ namati yo rāja śivanārāyaṇāvubhau |
godānaphalamāpnoti tasya tīrthaprabhāvataḥ || 56 ||
[Analyze grammar]

devālaye tu rājendra yaśca kuryātpradakṣiṇām |
pradakṣiṇīkṛtā tena sasāgaradharā dharā || 57 ||
[Analyze grammar]

sārddhaṃ śataṃ ca tīrthāni mallikābhavanādbahiḥ |
tasya tīrthapramāṇaṃ tu vistaraṃ rājasattama || 58 ||
[Analyze grammar]

sūtreṇa veṣṭayetkṣetramathavā śivamandiram |
athavā śivaliṅgaṃ ca tasya puṇyaphalaṃ śṛṇu || 59 ||
[Analyze grammar]

jambūdvīpaśca kṛtasnaśca śālmalī kuśakrauñcakau |
śākapuṣkaragomedaiḥ saptadvīpā vasuṃdharā || 60 ||
[Analyze grammar]

bhūṣitā tena rājendra saśailavanakānanā |
revāyāṃ dakṣiṇe bhāge śivakṣetrātsamīpataḥ || 61 ||
[Analyze grammar]

devakhātaṃ mahāpuṇyaṃ nirmitaṃ tridaśairapi |
tasmin yaḥ kurute snānaṃ mucyate sarvapātakaiḥ || 62 ||
[Analyze grammar]

pūrṇimāyāmamāvasyāṃ vyatīpāte'rkasaṃkrame |
śrāddhaṃ ca saṃgrahe kuryātsa gacchetparamāṃ gatim || 63 ||
[Analyze grammar]

devakhāte trayo devā brahmaviṣṇumaheśvarāḥ |
tiṣṭhanti ṛṣibhiḥ sārddhaṃ pitṛdevagaṇaiḥ saha || 64 ||
[Analyze grammar]

tatra tīrthe'śvine māsi caturdaśyāṃ viśeṣataḥ |
vāyumārge sthitaḥ śakrastiṣṭhate daivataiḥ saha || 65 ||
[Analyze grammar]

pṛthivyāṃ yāni tīrthāni saritaḥ sāgarāstathā |
viṃśati tāni sarvāṇi devakhāte dinadvayam || 66 ||
[Analyze grammar]

gayāśire ca yatpuṇyaṃ prayāge makarakaṇṭake |
prayāge somatīrthe ca tatpuṇyaṃ māṇḍaveśvare || 67 ||
[Analyze grammar]

paṭṭabandhena yatpuṇyaṃ mātrāyāṃ lakuleśvare |
āśvinyāmaśvinīyoge tatpuṇyaṃ māṇḍaveśvare || 68 ||
[Analyze grammar]

ujjayinyāṃ mahākāle vārāṇasyāṃ tripuṣkare |
saṃnihatyāṃ ravigraste māṇḍavyākhye sanātanam || 69 ||
[Analyze grammar]

iti jñātvā mahārāja sarvatīrtheṣu cottamam |
pitḥndevān samabhyarcya snānadānādipūjanaiḥ || 70 ||
[Analyze grammar]

caturdaśyāṃ nirāhāraḥ sthito bhūtvā śucivrataḥ |
pūjayetparayā bhaktyā rātrau jāgaraṇe śivam || 71 ||
[Analyze grammar]

snānaiśca vividhairdevaṃ puṣpāgaruvilepanaiḥ |
prabhāte paurṇamāsyāṃ tu snānādividhitarpaṇaiḥ || 72 ||
[Analyze grammar]

śrāddhena havyakavyena śivapūjārcanena ca |
agniṣṭomādiyajñaiśca vidhivaccāptadakṣiṇaiḥ || 73 ||
[Analyze grammar]

dhautapāpo viśuddhātmā phalate phalamuttamam |
gosahasrapradānena dattaṃ bhavati bhārata || 74 ||
[Analyze grammar]

snānādyairvidhivattatra taddine śivasannidhau |
hiraṇyaṃ vṛṣabhaṃ dhenuṃ bhūmiṃ gomithunaṃ hayam || 75 ||
[Analyze grammar]

śivamuddiśya vai vastrayugme dadyātsurūpiṇe |
pādukopānahau chatraṃ bhājanaṃ raktavāsasī || 76 ||
[Analyze grammar]

homaṃ jāpyaṃ tathā dānamakṣayaṃ sarvameva tat |
ṛcamekāṃ tu ṛgvede yajurvede yajustathā || 77 ||
[Analyze grammar]

sāmaikaṃ sāmavede tu japeddevāgrasaṃsthitaḥ |
samyagvedaphalaṃ tasya bhavedvai nātra saṃśayaḥ || 78 ||
[Analyze grammar]

gāyatrījāpyamātrastu vedatrayaphalaṃ labhet |
kulakoṭiśataṃ sāgraṃ labhate tu śivārcanāt || 79 ||
[Analyze grammar]

snāne dāne tathā śrāddhe jāgare gītavādite |
anivartikā gatistasya śivalokātkadācana || 80 ||
[Analyze grammar]

kālena mahatāviṣṭo martyaloke samāviśet |
rājā bhavati medhāvī sarvavyādhivivarjitaḥ || 81 ||
[Analyze grammar]

jīvedvarṣaśataṃ sāgraṃ putrapautradhanānvitaḥ |
tacca tīrthaṃ punaḥ smṛtvā līyamāno maheśvare || 82 ||
[Analyze grammar]

upāste yastu vai sandhyāṃ tasmiṃstīrthe ca parvaṇi |
sāṅgopāṅgaiścaturvedairlabhate phalamuttamam || 83 ||
[Analyze grammar]

tatra sarvaṃ śivakṣetrāccharapātaṃ samantataḥ |
na saṃcaredbhayodvignā brahmahatyā narādhipa || 84 ||
[Analyze grammar]

yatra tatra sthito vṛkṣān paśyate tīrthatatparaḥ |
vividhaiḥ pātakairmukto mucyate nātra saṃśayaḥ || 85 ||
[Analyze grammar]

śvabhrī tatra mahārāja jalamadhye pradṛśyate |
kathānikā purāṇoktā vānarī tīrthasevanāt || 86 ||
[Analyze grammar]

tatra kūpo mahārāja tiṣṭhate devanirmitaḥ |
śivasya paścime bhāge śivakṣetramanuttamam || 87 ||
[Analyze grammar]

vṛṣotsargaṃ tu yaḥ kuryāttasmiṃstīrthe narādhipa |
krīḍanti pitarastasya svargaloke yadṛcchayā || 88 ||
[Analyze grammar]

agamyāgamane pāpamayājyayājane kṛte |
steyācca brahmagohatyāgurughātācca pātakam |
tatsarvaṃ naśyate pāpaṃ vṛṣotsarge kṛte tu vai || 89 ||
[Analyze grammar]

māṇḍavyatīrthamāhātmyaṃ yaḥ śṛṇoti samādhinā |
mucyate sarvapāpebhyo nātra kāryā vicāraṇā || 90 ||
[Analyze grammar]