Chapter 84

[English text for this chapter is available]

śrīmahādeva uvāca |
uttareśvaramāhātmyamaśeṣapāpanāśanam |
janmamṛtyujarāvyādhisphoṭanaṃ śṛṇu pārvati || 1 ||
[Analyze grammar]

ayodhyāyāmatikhyātakulotpannaśca pārthivaḥ |
sudhīḥ parīkṣinnāmā ca mṛgayāmagamatsa ca || 2 ||
[Analyze grammar]

mṛgamanusasārātha mṛgo dūramapāsarat || 3 ||
[Analyze grammar]

tadādhvani jātaśramaḥ kṣuttṛṣṇābhibhūtaḥ kasmiṃścidvanoddeśe nīlavanamapaśyaccāviveśa || 4 ||
[Analyze grammar]

tasya vanakhaṇḍasya dakṣiṇabhāge saro dṛṣṭvā sāśva eva vyagāhata || 5 ||
[Analyze grammar]

athāśvasthaḥ sanmṛṇālamaśvasyāgrato nikṣipya puṣkariṇīṃ samupāviśat || 6 ||
[Analyze grammar]

śayitastataḥ śayāno gītamaśṛṇot || 7 ||
[Analyze grammar]

sa śrutvāciṃtayanneha manuṣyagatiṃ prapaśyāmi || 8 ||
[Analyze grammar]

kasya khalvayaṃ gītaśabda ityavalokayāmāsa || 9 ||
[Analyze grammar]

athāpaśyatkanyāṃ paramarūpadarśanīyāṃ puṣpāṇi vicinvaṃtīṃ cātha rājā samīpe paryakrāmat || 10 ||
[Analyze grammar]

tāmabravīdrājā kasyāsi tvaṃ kanyā paramarūpadarśanīyā puṣpāṇi vicinvatī || 11 ||
[Analyze grammar]

sātha rājasamīpe gatveti provāca kanyāsmīti || 12 ||
[Analyze grammar]

rājovāca |
arthī tavāsmīti || 13 ||
[Analyze grammar]

athovāca kanyā |
samayenāhaṃ tvayā śakyopālabdhuṃ nānyatheti || 14 ||
[Analyze grammar]

tāṃ rājā samapṛcchatkaste samaya iti || 15 ||
[Analyze grammar]

tataḥ kanyā tamuvāca nodakaṃ darśayitavyamiti || 16 ||
[Analyze grammar]

rājā bāḍhamityuktā tāṃ samāgamya tayā sahāste || 17 ||
[Analyze grammar]

tatraivāsanne rājani senā tvāgacchat tayā sahopaviṣṭaṃ rājānaṃ parivārya cātiṣṭhat || 18 ||
[Analyze grammar]

sabhājitaśca rājā tathaiva śibi kayā prāyāt |
atha jhaṭiti tayā saha svaṃ nagaramanuprāpya rahasi tayā saha ramamāṇaḥ sannānyaṃ kiṃcidapaśyadatha pradhānomātyastasyābhyāśacarāstāḥ striyo'bhyapṛcchat || 19 ||
[Analyze grammar]

kimatra prayojanaṃ vidyate ityabruvaṃstāḥ striyo pūrvameva paśyāmastadudakaṃ nātrāśriyata iti || 20 ||
[Analyze grammar]

athāmā tyaśca nirudakaṃ kārayitvā dāruvṛkṣaṃ vṛddhapuṣpaphalaṃ śaradyupalabhya rājānāmabravīt |
vanamidamanudakaṃ sādhvatra ramyatāmiti || 21 ||
[Analyze grammar]

sa tasya vacanātta yaiva saha devyā vanaṃ prāviśat || 22 ||
[Analyze grammar]

sakalatrastasminvane ramye tayaiva saha reme || 23 ||
[Analyze grammar]

praviśya ca rājā saha priyayā sudhādhavalasalilapūrṇāṃ vāpīmapaśyat || 24 ||
[Analyze grammar]

vāpīṃ darduraiḥ pūrṇāṃ dṛṣṭvaiva ca tāṃ tasyā eva tīre tayā devyātiṣṭhat || 25 ||
[Analyze grammar]

atha tāṃ devīṃ rājābravīt |
śāṃtataraṃ vāpīsalilamiti || 26 ||
[Analyze grammar]

sā ca tadvacaḥ śrutvā tīrthavāpīṃ nyamajjanna punarudamajjat |
tāṃ mṛgayamāṇo rājā nāpaśyat || 27 ||
[Analyze grammar]

vāpīṃ dardurair pūrṇāṃ dṛṣṭvā ājñāpayāmāsa bhṛtyānsarvadarduravadhaḥ kriyatāmiti || 28 ||
[Analyze grammar]

yo mamārthī sa tairdadurairupāyanairmāmanutiṣṭhet || 29 ||
[Analyze grammar]

atha kaścinmahāndarduro darduravadhe kriyamāṇe sarvāsu dikṣvabhyagāt || 30 ||
[Analyze grammar]

upetya cainamuvācedaṃ jñātvā krodhavaśaṃgatam |
prasādaṃ kuru nārhasi dardurāṇāmanaparādhināṃ vadhaṃ kartumiti || 31 ||
[Analyze grammar]

ślokaścātra bhavati |
mā durdurānprabhiṃdyāstvaṃ kopaṃ saṃdhārayācyuta |
prakṣīyate mahādharmo janānāṃ parijānatām || 32 ||
[Analyze grammar]

tamevaṃ vādinamiṣṭajanaviyoge śākaparītātmānaṃ sa rājā provāca |
nahi kāmamapyetanniṣkāmena nibarhaṇīyā iti || 33 ||
[Analyze grammar]

etairdurātmabhirma strī bhakṣitā sarvathaiva tvima vadhyā dardurāḥ |
nārhasi vidvannuparoddhumiti || 34 ||
[Analyze grammar]

sa tadvākyamupaśrutya vyathiteṃdriyamanāḥ provāca prasīda rājannahamāyurnāmabhūpālaḥ || 35 ||
[Analyze grammar]

prāptā sā mama duhitā |
sā kanyā nāgalokaṃ gatā |
atrāste nāgacūḍo nāgarājaḥ |
smṛtā āgamiṣyati || 36 ||
[Analyze grammar]

tāmabravīdrājā tāṃ smṛtvānīya me dīyatāmiti || 37 ||
[Analyze grammar]

athaināṃ smṛtvā rājñe adāt |
abravīcca || 38 ||
[Analyze grammar]

mayāvahasito gālavo mahānmuniḥ tapasā karśitāṃgaḥ |
kṣameśvaro dardurabālyātprakopitaḥ tenāhaṃ śaptaḥ yanmāmanādṛtya dardurabālyādavahasitastasmāddarduro bhaviṣyasi || 39 ||
[Analyze grammar]

prasāditastu vipraḥ pratyuvāca || 40 ||
[Analyze grammar]

avitatho'yaṃ mama śāpastasmādanyajanmani dardurarājo bhūtvā tvaṃ hi duhitaramikṣvākukulotpannāya sarvaguṇānvitāya dattvā yadā yāsyasi mahākālavane tasyottaradigbhāge tadā liṃgasya darśanena muktimavāpsyasi || 41 ||
[Analyze grammar]

duhitā kiyatpātālaṃ yāsyati smṛtā cāgamiṣyati |
svasti te'stu sādhayiṣyāmi kāryāṇi ityuktvā darduro mahākālavanamagacchat || 42 ||
[Analyze grammar]

tasyottare liṃgaṃ dadarśa tasya darśanādanekamā ṇikyaracitaṃ siddhagandharvasevitaṃ vimānavaramāruhya śakralokaṃ gataḥ || 43 ||
[Analyze grammar]

tasya māhātmyamavalokya devācāryo bṛhaspatirvākyaṃ jagāda || 44 ||
[Analyze grammar]

aho liṃgasya māhātmyamaho liṃgasya vaibhavam |
saṃprāpto vāsavaṃ lokaṃ śāpabhraṣṭo hi darduraḥ || 45 ||
[Analyze grammar]

āyurākhyo hi bhūpālo mukto darduratāṃ gataḥ || 46 ||
[Analyze grammar]

iti tadvacanaṃ śrutvā devācāryasya pārvati |
devāste haṣṭamanaso nāma cakuḥ samāhitāḥ || 47 ||
[Analyze grammar]

yasmāddardurabhūpālo mukto dardurayonitaḥ |
darśanāttasya liṃgasya tasmātkhyāto bhaviṣyati || 48 ||
[Analyze grammar]

uttareśvaradevaśca śāpapāpapraṇodakaḥ |
ityuktvā tridaśaiḥ sarvaiḥ pūjito hyuttareśvaraḥ || 49 ||
[Analyze grammar]

bhuktimuktiprado devi mahāpātakanāśanaḥ |
kṣetrasya rakṣaṇārthāya niyukto yo mayā gaṇaḥ |
darduro hi durādharṣaḥ sa cāpīśvaratāṃ gataḥ || 50 ||
[Analyze grammar]

uttarāśāmatho gatvā yaḥ paśyeduttareśvaram |
sa sarvaiśvaryasaṃyukto yāti lokamathottaram || 51 ||
[Analyze grammar]

subhagaḥ sarvadā dāṃtaḥ surūpaḥ putravāniti |
nīrogaḥ puṇyaśīlaśca jāyate saptajanma ca || 52 ||
[Analyze grammar]

yā vṛddhistu kuberasya śakrasya ca yamasya ca |
varuṇasya ca yā vṛddhiḥ sā vṛddhiruttarottarā |
jāyate nātra sandeha uttareśvaradarśanāta || 53 ||
[Analyze grammar]

kṛṣṇapakṣe caturdaśyāṃ ye paśyaṃti yaśasvini |
uttareśvarasaṃjñaṃ tu te kṛtārthāḥ kalau yuge || 54 ||
[Analyze grammar]

kiṃ dānaiḥ kiṃ tapobhiśca kiṃ yajñairbahudakṣiṇaiḥ |
darśanāllabhate rājyaṃ svargaṃ mokṣaṃ krameṇa tu || 55 ||
[Analyze grammar]

ājanma ca kṛtaṃ pāpaṃ svalpaṃ vā yadi vā bahu |
tatsarvaṃ nāśamāyāti uttareśvaradarśanāt || 56 ||
[Analyze grammar]

ityevaṃ caturāśītiḥ saṃkhyātā īśvarāstava |
kathitā ye tvayā pṛṣṭā mahākālavane mayā || 57 ||
[Analyze grammar]

ya eteṣāṃ devi yātrāṃ pratilomānulomataḥ |
kariṣyaṃti narā bhaktyā te yāsyaṃti paraṃ padam || 58 ||
[Analyze grammar]

yaścāpi pūjayettatra liṃgaṃ bhaktyā tu mānavaḥ |
sa kulaṃ tārayatyeva paitṛkaṃ mātṛkaṃ śatam || 59 ||
[Analyze grammar]

eṣa te kathito devi prabhāvaḥ pāpa nāśanaḥ |
caturāśītiliṃgānāṃ kiṃ bhūyaḥ śrotumicchasi || 60 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṃḍe caturaśītiliṅgamāhātmya umāmaheśvarasaṃvāda uttareśvaraliṃgamāhātmyavarṇanapūrvaka caturaśītiliṃgamāhātmyavarṇanaṃnāma caturaśītitamo'dhyāyaḥ || 84 ||
[Analyze grammar]